മലപ്പുറം കെ.എസ്.ആര്‍.ടി.സിയുടെ ബസ് ഓണ്‍ ഡിമാന്‍ഡ് സര്‍വീസ് സെപ്തംബര്‍ 16ന് ആരംഭിക്കും. സര്‍ക്കാര്‍  ജീവനക്കാര്‍ക്കായി തുടങ്ങുന്ന പദ്ധതി വൈകീട്ട് അഞ്ചിന് ജില്ലാകലക്ടര്‍ കെ.ഗോപാലകൃഷ്ണന്‍ ഉദ്ഘാടനം ചെയ്യും. ആദ്യഘട്ടത്തില്‍ മലപ്പുറത്ത് നിന്ന് കാലിക്കറ്റ് യൂനിവേഴ്സിറ്റി  വരെയാണ് സര്‍വീസ്.

എടയൂര്‍ ഗ്രാമ പഞ്ചായത്തില്‍ കോണ്‍ക്രീറ്റ് ചെയ്ത് നവീകരിച്ച കരേക്കാട് നമ്പൂതിരിപ്പടി-ചേക്കുട്ടി ഹാജിപ്പടി റോഡ് പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. എം.എല്‍.എയുടെ ആസ്തി വികസന ഫണ്ടില്‍ നിന്ന് 11 ലക്ഷം രൂപ ചെലവഴിച്ചാണ് റോഡിന്റെ കോണ്‍ക്രീറ്റ് പണികള്‍ പൂര്‍ത്തീകരിച്ചത്. ബ്ലോക്ക് മെമ്പര്‍ പരീത് കരേക്കാട് അധ്യക്ഷനായിരുന്നു. ബ്ലോക്ക് പഞ്ചായത്ത് അംഗം  മൊയ്തു എടയൂര്‍, പഞ്ചായത്തംഗം  നസീറ ബാനു എന്നിവര്‍ പങ്കെടുത്തു.
 

ഭാരതപ്പുഴയും പൊന്നാനി പുഴയും സംഗമിക്കുന്ന പുറത്തൂര്‍ പള്ളിക്കടവിലെ കരയിടിച്ചില്‍ രൂക്ഷമായ സ്ഥലത്ത് പുഴയോര സംരക്ഷണ ഭിത്തി നിര്‍മിക്കുന്ന പ്രവൃത്തിയുടെ ഉദ്ഘാടനം ഉന്നത വിദ്യാഭ്യാസ വകുപ്പ് മന്ത്രി ഡോ. കെ.ടി ജലീല്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു. പള്ളിക്കടവ് മുതല്‍ പുറത്തൂര്‍ ബസ്റ്റാന്‍ഡ് വരെ രണ്ട് മീറ്റര്‍ ഉയരത്തില്‍ 950 മീറ്റര്‍ നീളത്തലുള്ള ഭിത്തിയാണ് നിര്‍മിക്കുന്നത്. നബാര്‍ഡ് ഫണ്ടില്‍ നിന്ന് ലഭിച്ച 7.15 കോടി ഉപയോഗിച്ച് ഹാര്‍ബര്‍ എഞ്ചിനീയറിംഗ് വിഭാഗമാണ് നിര്‍മാണം നടത്തുന്നത്.

ആന്‍റിജന്‍ പരിശോധനയില്‍ രണ്ടു പേര്‍ക്ക് കോവിഡ് സ്ഥിരീകരിച്ച സാഹചര്യത്തില്‍ ഏറ്റുമാനൂര്‍ മത്സ്യ മാര്‍ക്കറ്റില്‍ സമ്പര്‍ക്കം പൂര്‍ണമായി ഒഴിവാക്കുന്നതിന് പ്രത്യേക ക്രമീകരണങ്ങള്‍ ഏര്‍പ്പെടുത്താന്‍ ജില്ലാ കളക്ടര്‍ എം. അഞ്ജനയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചു. ഇന്നലെ(ജൂലൈ 17) പുലര്‍ച്ചെ മൂന്നു മുതല്‍ ആരോഗ്യ വകുപ്പിന്‍റെ നേതൃത്വത്തില്‍ നടത്തിയ ആന്‍റിജന്‍ പരിശോധനയിലാണ് മത്സ്യ വ്യാപാരശാലകളിലെ തൊഴിലാളികളായ ഏറ്റുമാനൂര്‍ സ്വദേശിക്കും(37)ഓണന്തുരുത്ത് സ്വദേശിക്കും(60) രോഗം സ്ഥിരീകരിച്ചത്.  

-----
കോവിഡ് സ്ഥീരികരിച്ച്  ചികിത്സയിലായിരുന്ന പത്തനംതിട്ട  റാന്നി താലൂക്ക് ആശുപത്രിയിലെ ഡോക്ടര്‍ രോഗമുക്തനായി ആശുപത്രി വിട്ടു. പത്തനംതിട്ടയില്‍ രോഗം സ്ഥിരീകരിച്ച ഇദ്ദേഹം കോട്ടയം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു.

♦️ഒന്‍പതു പേര്‍ക്ക് സമ്പര്‍ക്കത്തിലൂടെ

♦️വൈറസ് ബാധിതരില്‍ മൂന്ന് ആരോഗ്യ പ്രവര്‍ത്തകരും

-------

കോട്ടയം ജില്ലയില്‍ 39 പേര്‍ക്ക് പുതിയതായി കോവിഡ് സ്ഥിരീകരിച്ചു. ഏറ്റുമാനൂര്‍ മത്സ്യ മാര്‍ക്കറ്റിലെ രണ്ട് തൊഴിലാളികള്‍ ഉള്‍പ്പെടെ ഒന്‍പതു പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. മൂന്ന് ആരോഗ്യ പ്രവര്‍ത്തകരും വിദേശത്തുനിന്നു വന്ന 17 പേരും മറ്റു സംസ്ഥാനങ്ങളില്‍നിന്നു വന്ന 10 പേരും വൈറസ് ബാധിതരില്‍ ഉള്‍പ്പെടുന്നു.

ഏഴു പേര്‍ രോഗമുക്തരായി. കോട്ടയം ജില്ലക്കാരായ 218 പേരാണ് ചികിത്സയിലുള്ളത്.

----
ടിവിപുരം പഞ്ചായത്തിലെ പത്താം വാര്‍ഡ് കണ്ടെയന്‍മെന്‍റ് സോണായി പ്രഖ്യാപിച്ച് ജില്ലാ കളക്ടര്‍ ഉത്തരവായി. കോട്ടയം ജില്ലയില്‍ ഇപ്പോള്‍ ഒന്‍പതു പഞ്ചായത്തുകളിലായി 11 കണ്ടെയ്ന്‍മെന്‍റ് സോണുകളാണുള്ളത്. പട്ടിക ചുവടെ. ഗ്രാമപഞ്ചായത്ത്, വാര്‍ഡ് എന്ന ക്രമത്തില്‍

പാറത്തോട്    -7, 8, 9
മണര്‍കാട്    -8
അയ്മനം    -6
കടുത്തുരുത്തി    -16
ഉദയനാപുരം    -16
തലയോലപ്പറമ്പ്    -4
കുമരകം    -4
പള്ളിക്കത്തോട്    -7
ടിവിപുരം-10