ജില്ലാ ഹോമിയോ മെഡിക്കല്‍ ഓഫീസില്‍ സ്വാസ്ഥ്യം പ്രൊജക്ടിന്റെ ഭാഗമായി ലാബ് റീ ഏജന്റുകളും അനുബന്ധ സാധനങ്ങളും വിതരണം ചെയ്യുന്നതിന് ഓപ്പണ്‍ ടെണ്ടര്‍ ക്ഷണിച്ചു. സെപ്തംബര്‍ 22 ന് ഉച്ചകഴിഞ്ഞ് 2.30 വരെ സമര്‍പ്പിക്കാം. വിശദ വിവരങ്ങള്‍ www.lsg.kerala.gov.in വെബ്‌സൈറ്റിലും 0474-2797220 നമ്പരിലും ലഭിക്കും.
(പി.ആര്‍.കെ നമ്പര്‍ 2427/2020)

സംസ്ഥാന ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡില്‍ നിന്നും ജില്ലയിലെ ക്ഷേമനിധി അംഗങ്ങള്‍ക്കുള്ള ബീച്ച് അംബ്രല്ലാ വിതരണ ഉദ്ഘാടനം ജില്ലാ ക്ഷേമനിധി ഓഫീസര്‍ പി കെ പ്രമീള നിര്‍വഹിച്ചു.
(പി.ആര്‍.കെ നമ്പര്‍ 2426/2020)

നെല്‍കൃഷി ചെയ്യാവുന്ന വയലുകള്‍ രൂപമാറ്റം വരുത്താതെ നിലനിര്‍ത്തി കൃഷി ചെയ്യുന്നവര്‍ക്ക് ഹെക്ടറിന് ഓരോ സാമ്പത്തിക വര്‍ഷവും 2000 രൂപ നിരക്കില്‍ റോയല്‍റ്റി നല്‍കും. അപേക്ഷ വ്യക്തിഗത ലോഗിന്‍ ഉപയോഗിച്ച് സ്വന്തമായോ അക്ഷയകേന്ദ്രം വഴിയോ www.aims.kerala.gov.in     പോര്‍ട്ടല്‍ വഴി നല്‍കാം. അപേക്ഷയോടൊപ്പം നടപ്പു സാമ്പത്തിക വര്‍ഷത്തെ കരമടച്ച രസീത്, ആധാര്‍ കാര്‍ഡ്, ബാങ്ക് പാസ് ബുക്ക് എന്നിവ അപ്‌ലോഡ് ചെയ്യണം.

ജില്ലാ കലക്ടറുടെ കുന്നത്തൂര്‍ താലൂക്കിലെ ഓണ്‍ലൈന്‍ പരാതി പരിഹാര അദാലത്ത് ഒക്‌ടോബര്‍ 22 ന് രാവിലെ 11 ന് നടക്കും. കുന്നത്തൂര്‍ താലൂക്ക് പരിധിയിലുള്ളവര്‍ നെടിയവിള, ഐ സി എസ് വേങ്ങ, ചക്കുവള്ളി, ശാസ്താംകോട്ട എന്നിവിടങ്ങളിലെ അക്ഷയകേന്ദ്രങ്ങളില്‍ പരാതികള്‍ രജിസ്റ്റര്‍ ചെയ്യാം. ജില്ലാ കലക്ടര്‍ പരാതികക്ഷികളെ ഓണ്‍ലൈനായി കേട്ട് തീര്‍പ്പാക്കാന്‍ കഴിയുന്നവ അദാലത്തില്‍ തീര്‍പ്പാക്കും.
(പി.ആര്‍.കെ നമ്പര്‍ 2424/2020)

പുതുതായി ആരംഭിച്ച കോന്നി മെഡിക്കല്‍ കോളേജിലേക്ക് പുനലൂര്‍ ഡിപ്പോയില്‍ നിന്നും കെ എസ് ആര്‍ ടി സി ബസ് ഇന്ന് മുതല്‍ സര്‍വീസ് നടത്തും. വനം-വന്യജീവി വകുപ്പ് മന്ത്രി അഡ്വ കെ രാജു അവര്‍കളുടെ നിര്‍ദ്ദേശാനുസരണമാണ് പുനലൂര്‍ ഡിപ്പോയില്‍ നിന്നും ബസുകള്‍ സര്‍വീസ് ആരംഭിക്കുന്നത്. പുനലൂര്‍ പ്രദേശവാസികള്‍ക്ക് കോന്നി മെഡിക്കല്‍ കോളേജിലേക്കുള്ള യാത്ര സുഗമമാക്കുന്നതിന്റെ ഭാഗമായാണ് രണ്ട് സര്‍വീസുകള്‍ ആരംഭിക്കുന്നത്.

സംസ്ഥാനത്തെ സര്‍ക്കാര്‍ ഐ ടി ഐ കളില്‍ പ്രവേശനത്തിന് ഓണ്‍ലൈനായും ഐ ടി ഐ കളില്‍ സജ്ജീകരിച്ചിരിക്കുന്ന ഹെല്‍പ്പ് ഡെസ്‌ക് വഴി നേരിട്ടും അപേക്ഷിക്കാം. അവസാന തീയതി സെപ്തംബര്‍ 24. വിശദ വിവരങ്ങള്‍  https://itiadmissions.kerala.gov.in  വെബ്‌സൈറ്റില്‍ ലഭിക്കും.
(പി.ആര്‍.കെ നമ്പര്‍ 2434/2020)

ജില്ലയില്‍ കോവിഡ് രോഗബാധിതരായ 221 പേര്‍ ഗൃഹചികിത്സയിലുള്ളതായി ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു. ഇതുവരെ 263 പേരാണ് ഗൃഹചികിത്സയില്‍ പ്രവേശിച്ചത്. 42 പേര്‍ രോഗം ഭേദമായി ഗൃഹനിരീക്ഷണത്തില്‍ നിന്നും പുറത്തുവന്നു. കോവിഡ് രോഗ സ്ഥിരീകരണം നടത്തുകയും എന്നാല്‍ രോഗലക്ഷണങ്ങള്‍ പ്രകടമാക്കാതെയിരിക്കുകയും ചെയ്യുന്ന ആളുകള്‍ക്കാണ് ലോകാരോഗ്യ സംഘടന നിര്‍ദേശിക്കുന്ന മാനദണ്ഡപ്രകാരം സ്വന്തം വീടുകളില്‍  സുരക്ഷിത ചികിത്സ നടത്തുക.  

ആറ് ആരോഗ്യപ്രവര്‍ത്തകര്‍ ഉള്‍പ്പടെ ജില്ലയില്‍ ഇന്നലെ(സെപ്തംബര്‍ 14) 142 പേര്‍ക്ക് കോവിഡ് സ്ഥിരീകരിച്ചു. വിദേശത്ത് നിന്നുമെത്തിയ ഒരാള്‍ക്കും, ഇതരസംസ്ഥാനങ്ങളില്‍ നിന്നും എത്തിയ അഞ്ചു പേര്‍ക്കും, സമ്പര്‍ക്കം വഴി 130 പേര്‍ക്കും രോഗം സ്ഥിരീകരിച്ചു. 165 പേര്‍  രോഗമുക്തി നേടി.