ഭിന്നശേഷി മേഖലയിലെ ശാക്തീകരണത്തിനുളള ദേശീയ അവാർഡിന് 22 വരെ അപേക്ഷിക്കാം. വിവിധ മേഖലകളിൽ വ്യക്തിപ്രഭാവം തെളിയിച്ചിട്ടുളള ഭിന്നശേഷിക്കാർ, ഭിന്നശേഷി മേഖലയിൽ മികവുറ്റ പ്രവർത്തനം നടത്തുന്ന വ്യക്തികൾ, സംഘടനകൾ, ജില്ലാ ഭരണകൂടം തുടങ്ങിയവർക്ക് അപേക്ഷ നൽകാം. അപേക്ഷകൾ അതാതു ജില്ലാ സാമൂഹ്യനീതി ഓഫീസുകളിൽ നൽകണം. അപേക്ഷാഫോമും വിശദ വിവരങ്ങളും www.disabilityaffairs.gov.in, sjd.kerala.gov.in  എന്നിവയിൽ ലഭിക്കും.
പി.എൻ.എക്‌സ്. 3088/2020

തിരുവനന്തപുരം ബാർട്ടൺ ഹില്ലിലെ സർക്കാർ എൻജിനിയറിങ് കോളേജിൽ മെക്കാനിക്കൽ എൻജിനിയറിങ്, സിവിൽ എൻജിനിയറിങ്, ഇലക്ട്രിക്കൽ ആന്റ് ഇലക്‌ട്രോണിക്‌സ് എൻജിനിയറിങ്, ഇല്ക്‌ട്രോണിക്‌സ് ആന്റ് കമ്മ്യൂണിക്കേഷൻസ് എൻജിനിയറിങ്, ഇൻഫർമേഷൻ ടെക്‌നോളജി വിഭാഗങ്ങളിൽ ദിവസവേതനാടിസ്ഥാനത്തിൽ ഗസ്റ്റ് അദ്ധ്യാപകരുടെ (അസിസ്റ്റന്റ് പ്രൊഫസറുടെ) ഒഴിവുകളുണ്ട്. അതാതു വിഭാഗങ്ങളിൽ ബി.ഇ/ബി.ടെക്ക് ബിരുദവും എം.ഇ/എം.ടെക്ക് ബിരുദവും ഇവയിലേതെങ്കിലും ഒന്നിൽ ഒന്നാം ക്ലാസ്സ് യോഗ്യതയുളളവർ 19നകം  http://www.gecbh.ac.in  ൽ രജിസ്റ്റർ ചെയ്യണം. ഫോൺ:0471-2300484.
പി.എൻ.എക്‌സ്. 3087/2020

കേന്ദ്ര നൈപുണ്യ വികസന സംരംഭകത്വ മന്ത്രാലയത്തിന്റെ പദ്ധതിയായ സങ്കല്പിന്റെ (സ്‌കിൽസ് അക്വിസിഷൻ ആന്റ് ക്‌നോളഡ്ജ് അവയർനസ് ഫോർ ലൈവ്‌ലി ഹുഡ് പ്രൊമോഷൻ) ഭാഗമായി ജില്ലാ നൈപുണ്യ വികസന ആസൂത്രണത്തിലെ മികവിനുളള അവാർഡ് 2020-21ന് പരിഗണിക്കുന്നതിലുളള പ്രോജക്ട് ക്ഷണിച്ചു. അപേക്ഷ സമർപ്പിക്കാൻ ആഗ്രഹിക്കുന്നവർ ചാക്ക ഐ.ടി.ഐ പ്രൻസിപ്പലുമായി ബന്ധപ്പെടുക.
പി.എൻ.എക്‌സ്. 3086/2020

തിരുവനന്തപുരം റീജിയണൽ കാൻസർ സെന്ററിൽ സീനിയർ റെസിഡന്റിന്റെ താത്ക്കാലിക ഒഴിവുകളിലേക്ക് കരാർ അടിസ്ഥാനത്തിൽ അപേക്ഷകൾ ക്ഷണിച്ചു. അനസ്‌തേഷ്യോളജി 2, റേഡിയോ ഡയഗ്നോസിസ് 2, ന്യൂക്ലിയർ മെഡിസിൻ 1, സർജിക്കൽ ഓങ്കോളജി (ഇ.എൻ.ടി) 1, മൈക്രോബയോളജി 1, മെഡിക്കൽ ഓങ്കോളജി 1, റേഡിയേഷൻ ഓങ്കോളജി 3, പാലിയേറ്റീവ് മെഡിസിൻ 1 എന്നീ വിഭാഗത്തിലാണ് ഒഴിവുകൾ. 30 വരെ അപേക്ഷകൾ സ്വീകരിക്കും. കൂടുതൽ വിവരങ്ങൾക്ക്: www.rcctvm.gov.in 
പി.എൻ.എക്‌സ്. 3085/2020

എസ്.എസ്.എൽ.സി, പ്ലസ് ടു (കേരള, സി.ബി.എസ്.സി, ഐ.സി.എസ്.സി) പരീക്ഷകളിൽ എല്ലാ വിഷയങ്ങൾക്കും ബി ഗ്രേഡോ അതിനു മുകളിലോ ഗ്രേഡ് വാങ്ങിയ കേരളത്തിലെ ഭിന്നശേഷിക്കാരായ വിദ്യാർത്ഥി/വിദ്യാർത്ഥിനികളിൽ നിന്ന് തിരഞ്ഞെടുക്കുന്നവർക്ക് സംസ്ഥാന വികലാംഗക്ഷേമ കോർപറേഷൻ 5000 രൂപ വീതം ക്യാഷ് അവാർഡ് നൽകും. മാനസിക വെല്ലുവിളി നേരിടുന്നവർക്ക് ഗ്രേഡ് നിബന്ധനയില്ല, വിജയിച്ചാൽ മതി. 40 ശതമാനമോ കൂടുതലോ ഭിന്നശേഷിത്വം ഉളളതും, 2020 ൽ നടന്ന പരീക്ഷ എഴുതി പാസ്സായവരുമായിരിക്കണം. അപേക്ഷ നിർദ്ദിഷ്ട രേഖകൾ സഹിതം മാനേജിംഗ് ഡയറക്ടർ, കേരള സംസ്ഥാന വികലാംഗക്ഷേമ കോർപ്പറേഷൻ, പൂജപ്പുര, തിരുവനന്തപുരം എന്ന വിലാസത്തിൽ അയയ്ക്കണം.

കോട്ടയം ജില്ലയില്‍ 137 പേര്‍ കൂടി കോവിഡ് ബാധിതരായി. ഇതില്‍ 133 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്. ഒരു ആരോഗ്യ പ്രവര്‍ത്തകയും സംസ്ഥാനത്തിന് പുറത്തുനിന്ന് വന്ന മൂന്നു പേരും രോഗബാധിതരായി.
ആകെ 1866 പരിശോധനാ ഫലങ്ങളാണ് പുതിയതായി ലഭിച്ചത്.

ബാങ്ക് അക്കൗണ്ട് മുഖേന പെൻഷൻ വാങ്ങുന്ന കേരള സ്റ്റേറ്റ് പെൻഷൻകാരിൽ, 2020-2021 സാമ്പത്തിക വർഷത്തെ ആദായനികുതി ആന്റിസിപ്പേറ്ററി സ്റ്റേറ്റ്‌മെന്റ് സെപ്റ്റംബർ 30നു മുൻപ് സമർപ്പിക്കണം. ആന്റിസിപ്പേറ്ററി സ്റ്റേറ്റ്‌മെന്റ് അടുത്തുളള ട്രഷറികളിൽ നേരിട്ട് സമർപ്പിക്കുകയോ pensioncell@kerala.gov.in ൽ അയക്കുകയോ ചെയ്യാം. സ്റ്റേറ്റ്‌മെന്റ് സമർപ്പിക്കാത്ത നികുതിദായകരായ പെൻഷൻകാരിൽ നിന്ന് ഡിസംബറിലെ പെൻഷൻ മുതൽ നാല് തുല്യ ഗഡുക്കളായി 2020-21 സാമ്പത്തിക വർഷത്തെ ആദായനികുതി ഈടാക്കുമെന്ന് ട്രഷറി ഡയറക്ടർ അറിയിച്ചു.
പി.എൻ.എക്‌സ്. 3083/2020

അസിസ്റ്റന്റ് സർജൻമാരായി നിയമിക്കപ്പെട്ട പട്ടികവർഗ്ഗക്കാരായ ഡോക്ടർമാരോട് ആരോഗ്യ വകുപ്പ്  ഡയറക്ടറേറ്റ് വിവേചനം കാട്ടിയെന്ന പത്രവാർത്തയുടെ അടിസ്ഥാനത്തിൽ പട്ടികജാതി പട്ടികവർഗ്ഗ കമ്മീഷൻ ചെയർമാന്റെ ഉത്തരവ് പ്രകാരം സ്വമേധയാ കേസ്സെടുത്തു.
പത്രവാർത്തയുടെ അടിസ്ഥാനത്തിൽ  ഈ വിഷയം സംബന്ധിച്ച് വിശദമായ റിപ്പോർട്ട് അഞ്ചുദിവസത്തിനകം ലഭ്യമാക്കാൻ ആരോഗ്യവകുപ്പ് ഡയറക്ടർക്ക് പട്ടികജാതി പട്ടികവർഗ്ഗ കമ്മീഷൻ നിർദേശം നൽകി.
പി.എൻ.എക്‌സ്. 3082/2020

കോട്ടയം ഡ്രഗ് ഇൻസ്പെക്ടറുടെ കാര്യാലയത്തിലെ ഉപയോഗയോഗ്യമല്ലാത്ത വലിയ ഇരുമ്പ് അലമാരകൾ, റഫ്രിജറേറ്റർ ,മരക്കസേര, റിവോൾവിംഗ് ചെയർ എന്നിവ സെപ്റ്റംബർ 17ന്  ഉച്ചകഴിഞ്ഞ് മൂന്നിന് ലേലം ചെയ്യും. സെപ്റ്റംബർ 16ന് വൈകുന്നേരം അഞ്ചിനകം ക്വട്ടേഷൻ നൽകണം ഫോൺ: 0481-2303380

കോവിഡ് പ്രതിസന്ധിക്കു നടുവില്‍ നാട്ടിലെ ആഘോഷങ്ങള്‍ക്ക് തിളക്കം കുറയുമെങ്കിലും വാകത്താനം പതിയില്‍ വിനോജിനും കുടുംബത്തിനും ഒരിക്കലും മറക്കാനാകാത്ത ഓണമാകും ഇത്തവണത്തേത്; സ്വന്തമായൊരു വീട് എന്ന  വലിയ ആഗ്രഹം സാക്ഷാത്കരിച്ചതിനുശേഷമുള്ള ആദ്യ ഓണം.
 
കൂലിപ്പണിയില്‍നിന്നുള്ള വരുമാനത്തില്‍  മിച്ചം പിടിച്ച് വീടുണ്ടാക്കുക എന്നത് അസാധ്യമായി തുടരുന്നതിനിടെയാണ് സംസ്ഥാന സര്‍ക്കാരിന്റെ ലൈഫ് മിഷന്‍  ഇവര്‍ക്ക്   മുന്നില്‍  പ്രതീക്ഷയുടെ വാതില്‍ തുറന്നത്.