----
വെച്ചൂര്‍ ഗ്രാമപഞ്ചായത്തിലെ മൂന്നാം വാര്‍ഡും മറവന്തുരുത്ത് ഗ്രാമപഞ്ചായത്തിലെ 11,12 വാര്‍ഡുകളും കണ്ടെയ്ന്‍മെന്റ് സോണുകളായി പ്രഖ്യാപിച്ച് ജില്ലാ കളക്ടര്‍ ഉത്തരവായി. ഇതോടെ ജില്ലയിലെ കണ്ടെയ്ന്‍മെന്‍റ് സോണുകളുടെ എണ്ണം 16 ആയി. പട്ടിക ചുവടെ(തദ്ദേശ സ്ഥാപനം,    വാര്‍ഡ് എന്ന ക്രമത്തില്‍).

-----
കോട്ടയം ജില്ലയില്‍ സമ്പര്‍ക്കം മുഖേന കോവിഡ് പകരുന്ന സാഹചര്യം പൂര്‍ണമായും ഒഴിവാക്കുന്നതിന് ജാഗ്രതാ നടപടികള്‍ കര്‍ശനമാക്കാന്‍ ജില്ലയുടെ ചുമതലയുള്ള മന്ത്രി പി. തിലോത്തമന്റെ അധ്യക്ഷതയില്‍ ചേര്‍ന്ന യോഗം തീരുമാനിച്ചു.

ജില്ലയിലെ എല്ലാ മാര്‍ക്കറ്റുകളിലും മുന്‍കരുതല്‍ സംവിധാനങ്ങള്‍ ശക്തിപ്പെടുത്തും. വ്യാപാര സ്ഥാപനങ്ങള്‍  സുരക്ഷാ മാര്‍ഗനിര്‍ദേശങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിന് പ്രത്യേക നിരീക്ഷണം ഏര്‍പ്പെടുത്തും. സമ്പര്‍ക്കത്തിലൂടെ രോഗം പകരാതിരിക്കാന്‍ പൊതുജനങ്ങള്‍ അതീവ ജാഗ്രത പുലര്‍ത്തേണ്ടതുണ്ട്.

കോവിഡ് ബാധിച്ച് ഗുരുതര നിലയിലാകുന്നവരുടെ വിദഗ്ധ ചികിത്സയ്ക്കായി പ്രധാനമന്ത്രിയുടെ സിറ്റിസണ്‍ അസിസ്റ്റന്‍സ് ആന്റ് റിലീഫ് ഇന്‍ എമര്‍ജന്‍സി സിറ്റുവേഷന്‍ ഫണ്ടില്‍നിന്ന് ലഭ്യമാക്കിയ വെന്റിലേറ്ററുകള്‍ സജ്ജീകരിക്കുന്നതിന് നടപടികള്‍ പുരോഗമിക്കുകയാണെന്ന് മെഡിക്കല്‍ കോളേജ് ആശുപത്രി സൂപ്രണ്ട് ഡോ. ടി.കെ. ജയകുമാര്‍ അറിയിച്ചു.

കോട്ടയം മെഡിക്കല്‍ കോളേജില്‍ കോവിഡ് സാമ്പിള്‍ പരിശോധനാ ലാബ് ഇനി 24 മണിക്കൂറും പ്രവര്‍ത്തിക്കും.  പ്രതിദിനം അഞ്ഞൂറോളം സാമ്പിളുകളാണ് നിലവില്‍ പരിശോധിക്കുന്നത്. അടുത്ത ആഴ്ച്ച ആര്‍.എന്‍.എ എക്‌സ്ട്രാക്ടര്‍ മെഷീന്‍ സജ്ജമാകുന്നതോടെ പ്രതിദിന പരിശോധന ആയിരം സാമ്പിളുകളായി ഉയരും.

ഇതിന് അധികമായി വേണ്ട ജീവനക്കാരെ നിയമിച്ചിട്ടുണ്ട്. മെഡിക്കല്‍ കോളേജിലെ മൈക്രോ ബയോളജി വകുപ്പിന്റെ കീഴിലാണ് ഏപ്രില്‍ 24 മുതല്‍ പരിശോധനാ സംവിധാനം പ്രവര്‍ത്തിക്കുന്നത്.

ജില്ലാ കളക്ടര്‍ എം. അഞ്ജന നടത്തിയ ചങ്ങനാശേരി താലൂക്ക് തല പരാതി പരിഹാര അദാലത്തില്‍ 24 പരാതികള്‍ പരിഗണിച്ചു. 10 എണ്ണത്തില്‍ തീര്‍പ്പു കല്‍പ്പിച്ചു. താലൂക്കിലെ 15 അക്ഷയ കേന്ദ്രങ്ങളില്‍ മുന്‍കൂട്ടി അനുവദിച്ച സമയങ്ങളിലെത്തിയ പരാതിക്കാരുമായി കളക്ടര്‍ വീഡിയോ കോണ്‍ഫറന്‍സിലാണ് സംസാരിച്ചത്.  

വാട്ടര്‍ അതോറിറ്റിയുടെ കുടിവെള്ള വിതരണം സുഗമമാക്കുക, അപകടകരമായി നില്ക്കുന്ന മരങ്ങള്‍ മുറിച്ചു മാറ്റുക, വെള്ളക്കെട്ട് ഒഴിവാക്കുക  തുടങ്ങിയ വിഷയങ്ങളുമായി ബന്ധപ്പെട്ടവയായിരുന്നു പരാതികള്‍.

കോട്ടയം ജില്ലയില്‍ 16 പേര്‍കൂടി കൊറോണ വൈറസ് ബാധിതരായി. ഇതില്‍ രണ്ട് ആരോഗ്യ പ്രവര്‍ത്തകരും സമ്പര്‍ക്കം മുഖേന രോഗം ബാധിച്ച ഒരാളും ഉള്‍പ്പെടുന്നു. വിദേശത്തുനിന്ന് എത്തിയ ആറു പേരും മറ്റു സംസ്ഥാനങ്ങളില്‍നിന്നുള്ള ഏഴു പേരും കോവിഡ് ബാധിതരായി.

ആറു പേര്‍ രോഗമുക്തരായി. കോട്ടയം ജില്ലയില്‍നിന്നുള്ള 228 പേരാണ് നിലവില്‍ ചികിത്സയിലുള്ളത്. ഇതുവരെ  455 പേര്‍ക്ക് രോഗം ബാധിച്ചു. 227 പേര്‍ രോഗമുക്തരായി.

കേരള മദ്രസ അധ്യാപക ക്ഷേമനിധി അംഗത്വമുള്ളവരുടെ മക്കൾക്കുള്ള വിദ്യാഭ്യാസ മെറിറ്റ് അവാർഡിന് അപേക്ഷ ക്ഷണിച്ചു. എസ് എസ് എൽ സി, പ്ലസ്‌ടു പരീക്ഷകളിൽ എല്ലാ വിഷയത്തിനും  എ പ്ലസ് നേടിയവരെയാണ് പരിഗണിക്കുന്നത്.www.kmtboard.in എന്ന വെബ് സൈറ്റ് മുഖേന ഓഗസ്റ്റ് 18 നകം അപേക്ഷ നൽകണം

പത്തനംതിട്ട കോന്നിയിലെ    കോളേജ് ഓഫ് ഇന്‍ഡിജിനസ് ഫുഡ് ടെക്‌നോളജിയിലെ  ഇഗ്‌നോ സ്റ്റഡി സെന്ററില്‍   വിവിധ കോഴ്‌സുകളില്‍ പ്രവേശനത്തിന്  അപേക്ഷ ക്ഷണിച്ചു.

ഫുഡ് ആന്റ് ന്യൂട്രീഷന്‍, ഡിസാസ്റ്റര്‍ മാനേജ്‌മെന്റ് സര്‍ട്ടിഫിക്കറ്റ് കോഴ്‌സുകള്‍, പി.ജി. ഡിപ്ലോമ ഇന്‍ ഫുഡ് സേഫ്റ്റി ആന്റ് ക്വാളിറ്റി മാനേജ്മെന്റ്, മാസ്റ്റര്‍ ഓഫ് സയന്‍സ് ഇന്‍ ഡയറ്റെറ്റിക്‌സ് ആന്റ് ഫുഡ് മാനേജ്‌മെന്റ്, ഡിപ്ലോമ ഇന്‍ ന്യൂട്രീഷന്‍ ആന്റ് ഹെല്‍ത്ത് എഡ്യുക്കേഷന്‍ എന്നീ കോഴ്‌സുകളിലാണ് പ്രവേശനം.

http:// ignouadmission.samarth.edu.in എന്ന ലിങ്ക് മുഖേന ജൂലൈ 31 നകം അപേക്ഷ നല്‍കണം.  ഫോണ്‍ :9744521556

------
1. അഹമ്മദാബാദില്‍നിന്നെത്തി ജൂലൈ മൂന്നിന് രോഗം സ്ഥിരീകരിച്ച ജാര്‍ഖണ്ഡ് സ്വദേശിനി(25)

2. ജൂലൈ എട്ടിന് രോഗം സ്ഥിരീകരിച്ച  കോട്ടയം ജില്ലാ ആശുപത്രിയിലെ ആരോഗ്യ പ്രവര്‍ത്തകയായ മാലം സ്വദേശിനി(44)

3. ഡല്‍ഹിയില്‍നിന്നെത്തി ജൂണ്‍ 23ന് രോഗം സ്ഥിരീകരിച്ച മൂലവട്ടം സ്വദേശിനി(35)

4. ഡല്‍ഹിയില്‍നിന്നെത്തി ജൂണ്‍ 24ന് രോഗം സ്ഥിരീകരിച്ച മറവന്തുരുത്ത് സ്വദേശിനി(65)

5. സമ്പര്‍ക്കം മുഖേനയുള്ള രോഗബാധ ജൂണ്‍ 15ന് സ്ഥിരീകരിച്ച കോരുത്തോട് സ്വദേശി(61)

6. രോഗമുക്തനായ കോരുത്തോട് സ്വദേശിയുടെ ഭാര്യ(55)

------------
കോട്ടയം ജില്ലയില്‍ സമ്പര്‍ക്കം മുഖേന 36 പേര്‍ക്കു കൂടി കോവിഡ് 19 ബാധിച്ചു. ഇവര്‍ ഉള്‍പ്പെടെ ആകെ 46 പേര്‍ പുതിയതായി രോഗബാധിതരായി. സമ്പര്‍ക്കം മൂലം രോഗം ബാധിച്ചവരില്‍ 20 പേര്‍ ചങ്ങനാശേരി മേഖലയിലാണ്. ചങ്ങനാശേരി മാര്‍ക്കറ്റില്‍ ആരോഗ്യ വകുപ്പ് നടത്തിയ ആന്‍റിജന്‍ പരിശോധനയിലാണ് ഇവര്‍ക്ക് രോഗം സ്ഥീരീകരിച്ചത്. ഇതോടെ ചങ്ങനാശേരി മാര്‍ക്കറ്റുമായി ബന്ധപ്പെട്ട് രോഗം സ്ഥിരീകരിച്ചവരുടെ എണ്ണം 24 ആയി.

ജില്ലയില്‍ ഇതുവരെ 521 പേര്‍ക്ക് കോവിഡ് ബാധിച്ചു. 253 പേര്‍ രോഗമുക്തരായി. 268 പേര്‍ ചികിത്സയിലുണ്ട്.