ശ്രീകണ്ഠാപുരം നഗരസഭ സിഎച്ച്‌സിക്കായി കൂട്ടുമുഖത്ത് നിര്‍മ്മിച്ച പുതിയ കെട്ടിട ബ്ലോക്കിന്റെ ഉദ്ഘാടനം കെ സി ജോസഫ് എം എല്‍ എ നിര്‍വഹിച്ചു. എം എല്‍ എ യുടെ ആസ്തി വികസന ഫണ്ടില്‍ നിന്ന് 50 ലക്ഷം രൂപ വിനിയോഗിച്ചാണ് സി എച്ച് സിക്ക്  പുതിയ കെട്ടിടം ഒരുക്കിയത്. ഒപി, ലബോറട്ടറി സൗകര്യങ്ങളോടു കൂടിയതാണ്  കെട്ടിടം.

പ്രജ്ഞ 2020; സംസ്ഥുനതല ക്വിസ് മത്സരം ഓണ്‍ലൈന്‍

ജില്ലയില്‍ 232 പേര്‍ക്ക് ഇന്നലെ (സപ്തംബര്‍ 14) കൊവിഡ് ബാധ സ്ഥിരീകരിച്ചു. 185 പേര്‍ക്ക് സമ്പര്‍ക്കം മൂലമാണ് രോഗബാധ. മൂന്നു പേര്‍ വിദേശത്തു നിന്നും 14 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 30 പേര്‍ ആരോഗ്യ പ്രവര്‍ത്തകരുമാണ്.
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 6294 ആയി. ഇവരില്‍ ഇന്നലെ രോഗമുക്തി നേടിയ 135 പേരടക്കം 3981 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 35 പേര്‍ ഉള്‍പ്പെടെ 50 പേര്‍ മരണപ്പെട്ടു. ബാക്കി 2263 പേര്‍ ആശുപത്രികളില്‍ ചികില്‍സയിലാണ്.

നെന്മാറ ഗവ. ഐ.ടി.ഐ.യില്‍ ഒരു വര്‍ഷത്തെ കമ്പ്യൂട്ടര്‍ ആപ്ലിക്കേഷന്‍ ആന്‍ഡ് പ്രോഗ്രാമിങ് അസിസ്റ്റന്റ്, വെല്‍ഡര്‍, ദ്വിവര്‍ഷത്തെ ഡ്രാഫ്റ്റ്‌സ്മാന്‍ സിവില്‍ എന്നീ എന്‍.സി.വി.ടി കോഴ്‌സുകള്‍ക്ക് അപേക്ഷിക്കാം. www.itiadmissions.kerala.gov.in മുഖേന 100 രൂപ ഫീസടിച്ച് സെപ്തംബര്‍ 24 വരെ അപേക്ഷിക്കാമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04923-241010.

കുഴല്‍മന്ദം ഗവ. ഐ.ടി. ഐയില്‍ 2020 വര്‍ഷത്തെ ഏകവത്സര, ദ്വിവത്സര കോഴ്‌സുകള്‍ക്ക് അപേക്ഷിക്കാം. www.itiadmissions.kerala.gov.in ലൂടെ സെപ്തംബര്‍ 24 നകം അപേക്ഷ നല്‍കണം. 100 രൂപയാണ് ഫീസ്. ഫോണ്‍ -9633151211, 9497285676.

ജില്ലയിലെ അട്ടപ്പാടി ബ്ലോക്ക് ഒഴികെയുള്ള ബ്ലോക്കുകളിലെ പഞ്ചായത്തുകളില്‍ വിവിധ പട്ടികവര്‍ഗ കോളനികളിലായി താമസിക്കുന്ന ഭൂരഹിത/ ഭവനരഹിത പട്ടികവര്‍ഗക്കാരില്‍ നിന്നും ഭൂമി പതിച്ചു നല്‍കുന്നതിന് അപേക്ഷ ക്ഷണിച്ചു. അപേക്ഷാ ഫോം ട്രൈബല്‍ എക്സ്റ്റന്‍ഷന്‍ ഓഫീസുകളില്‍ ലഭിക്കും. അപേക്ഷ സെപ്തംബര്‍ 30 വരെ നല്‍കാം. കൂടുതല്‍ വിവരങ്ങള്‍ക്ക് ട്രൈബല്‍ എക്‌സ്റ്റെന്‍ഷന്‍ ഓഫീസര്‍മാരില്‍ നിന്നും ലഭിക്കും. ഫോണ്‍ - പാലക്കാട് 9496070366, ചിറ്റൂര്‍ -9496070367 , കൊല്ലങ്കോട് - 9494070399