ചേർപ്പ് ഐ ടി ഐയിൽ സർവേയർ, ഇലക്ട്രീഷ്യൻ എന്നീ ദ്വിവത്സര എൻ സി വി ടി മെട്രിക് ട്രേഡുകളിലേക്ക് 2020 - 21 അധ്യയന വർഷത്തെ പ്രവേശനത്തിനുള്ള അപേക്ഷ ക്ഷണിച്ചു. www. itiadmissions. kerala.gov. in എന്ന വെബ്‌സൈറ്റ് മുഖേന ഓൺലൈനായി സെപ്റ്റംബർ 24 വൈകീട്ട് 5 മണിവരെ അപേക്ഷ സമർപ്പിക്കാം. ഇന്റർനെറ്റ് സൗകര്യമുള്ള മൊബൈൽ ഫോൺ ഉപയോഗിച്ചും അപേക്ഷിക്കാം. അപേക്ഷാ ഫീസ് 100 രൂപ ഓൺലൈനായി അടക്കേണ്ടതാണ്. വിശദവിവരങ്ങൾ വെബ്‌സൈറ്റിലും ഐ ടി ഐയിൽ പ്രവർത്തിക്കുന്ന ഹെൽപ് ഡസ്‌ക് വഴിയും ലഭ്യമാണ്. ഫോൺ: 0487 2966601

പൊതുജനങ്ങളുടെ പരാതികൾ തീർപ്പാക്കുന്നതിന്റെ ഭാഗമായി കൊടുങ്ങല്ലൂർ താലൂക്കിലെ ഇ-പരാതി പരിഹാര അദാലത്ത് ഒക്ടോബർ 5 ന് ഉച്ച രണ്ടുമണിക്ക് നടത്തും. സെപ്റ്റംബർ 21 മുതൽ 28 വരെ അപേക്ഷകൾ പൊതുജനങ്ങൾക്ക് നേരിട്ട് അക്ഷയകേന്ദ്രം വഴി സമർപ്പിക്കാം.കോവിഡ് 19 പശ്ചാത്തലത്തിൽ വീഡിയോ കോൺഫറൻസിങ് മുഖേനയാണ് അദാലത്ത് നടത്തുക. പരാതിക്കാർക്ക് അക്ഷയകേന്ദ്രം വഴിയും അദാലത്തിൽ പങ്കെടുക്കാം. സി എം ഡി ആർ എഫ്, എൽ ആർ എം കേസ്, റേഷൻ കാർഡ് സംബന്ധിച്ച പരാതികൾ, നിയമപരമായി ലഭിക്കേണ്ട പരിഹാരം, 2018 -19 പ്രളയവുമായി ബന്ധപ്പെട്ട പരാതികൾ, കോടതിയുടെ പരിഗണനയിലിരിക്കുന്ന വിഷയങ്ങൾ എന്നിവ സ്വീകരിക്കില്ല. ഫോൺ: 0480 2802336.

ദേശീയ ഭിന്നശേഷി അവാർഡ് 2020ന് അപേക്ഷ ക്ഷണിച്ചു. വിവിധ മേഖലകളിൽ വ്യക്തിപ്രഭാവം തെളിയിച്ച ഭിന്നശേഷിക്കാർ, ഭിന്നശേഷി മേഖലയിൽ മികവുറ്റ പ്രവർത്തനം നടത്തുന്ന വ്യക്തികൾ, സംഘടനകൾ, ജില്ലാ ഭരണകൂടങ്ങൾ തുടങ്ങിയവർക്ക് പങ്കെടുക്കാം. അപേക്ഷ സെപ്റ്റംബർ 22ന് മുൻപ് ചെമ്പൂക്കാവ് മിനി സിവിൽ സ്റ്റേഷനിലുള്ള ജില്ലാ സാമൂഹിക നീതി ഓഫീസിൽ സമർപ്പിക്കണം. അപേക്ഷ ഫോമും വിശദവിവരങ്ങളും സാമൂഹ്യ നീതി വകുപ്പിന്റെ ഔദ്യോഗിക വെബ്‌സൈറ്റിൽ sjd.kerala.gov.in ലഭ്യമാണ്.

ചേറൂർ പോസ്റ്റ് ഓഫീസിൽ അറ്റാച്ച് ചെയ്തിരിക്കുന്ന ഉഷാ രാമചന്ദ്രൻ, ചെന്ദ്രാ പ്പിന്നി പോസ്റ്റ് ഓഫീസിൽ അറ്റാച്ച് ചെയ്തിരിക്കുന്ന വിലാസിനി കെ, കൂർക്കഞ്ചേരി പോസ്റ്റ് ഓഫീസിൽ എം പി കെ ബി വൈ ഏജൻസിയും തൃശ്ശൂർ സിറ്റി പോസ്റ്റ് ഓഫീസിൽ എസ് എ എസ് ഏജൻസിയും ഉള്ള ഫിലോമിന പീറ്റർ എന്നിവർ ഏജൻസി ക്യാൻസൽ ചെയ്യുന്നതിനായി അപേക്ഷ സമർപ്പിച്ചിരിക്കുന്നു.ഈ ഏജന്റ് മാരുടെ നിക്ഷേപകർക്ക് എന്തെങ്കിലും ആക്ഷേപങ്ങൾ ഉണ്ടെങ്കിൽ ഈ ഏജന്റ് മാരുടെ ഏജൻസി അറ്റാച് ചെയ്തിരിക്കുന്ന പോസ്റ്റ് ഓഫീസിലോ, തൃശൂർ ജില്ലാ ദേശീയ സമ്പാദ്യ പദ്ധതി ഓഫീസിലോ അടിയന്തരമായി അറിയിക്കണം എന്ന്

പുഴയ്ക്കൽ ബ്ലോക്ക് പഞ്ചായത്തിലെ അടാട്ട്, അവണൂർ, തോളൂർ, മുളങ്കുന്നത്തുകാവ് ഗ്രാമ പഞ്ചായത്തുകളിൽ മഹാത്മാഗാന്ധി ദേശീയ തൊഴിലുറപ്പ് പദ്ധതി പ്രകാരം ജി ഐ എസ് അധിഷ്ഠിതമായി നെറ്റ് പ്ലാൻ തയ്യാറാക്കാൻ വിവരശേഖരണത്തിനായി എന്യൂമറേറ്റർമാരെ നിയമിക്കുന്നു.
ബിരുദം/ സാങ്കേതിക വിഷയങ്ങളിൽ ഡിപ്ലോമ, സ്വന്തമായി ആൻഡ്രോയ്ഡ് ഫോൺ എന്നിവയുള്ള യുവതീ യുവാക്കൾക്ക് അപേക്ഷിക്കാം. വീടൊന്നിന് 7.50 രൂപ പ്രതിഫലം ലഭിക്കും. സാങ്കേതിക പരിജ്ഞാനമുള്ള ബിരുദ വിദ്യാർത്ഥികളെയും പരിഗണിക്കും. താത്പര്യമുള്ളവർ ബയോഡാറ്റ സഹിതം  സെപ്തം.22 നകം അപേക്ഷിക്കണം.

നടത്തറ ഗ്രാമപഞ്ചായത്തിലെ ജീവനക്കാരന് കോവിഡ് സ്ഥിരീകരിച്ചതിനെ തുടർന്ന് അടച്ച ഓഫീസ് സെപ്റ്റംബർ 16 മുതൽ തുറന്നു പ്രവർത്തിക്കുമെന്ന് ഗ്രാമപഞ്ചായത്ത് പ്രസിഡന്റ് അഡ്വ പി ആർ രജിത് അറിയിച്ചു.

ജില്ലയിൽ പ്ലസ് വൺ ഏകജാലകം പ്രവേശന പ്രക്രിയ ആരംഭിച്ചു. തിങ്കളാഴ്ച ആരംഭിച്ച പ്രവേശന പ്രക്രിയ സെപ്റ്റംബർ 19 വരെ നീളും. ജില്ലയിൽ 23595 ഏകജാലക സീറ്റുകളാണുള്ളത്. ഇതിൽ 19353 എണ്ണം അലോട്ട്‌മെന്റ് നടത്തിയിട്ടുണ്ട്. 4242 ഒഴിവുകളും റിപ്പോർട്ട് ചെയ്തു. 41378 പേരാണ് പ്ലസ് വൺ പ്രവേശനത്തിന് അപേക്ഷിച്ചിട്ടുള്ളത്. കോവിഡ് മാനദണ്ഡങ്ങൾ പാലിച്ചാണ് അഡ്മിഷൻ നടന്നു കൊണ്ടിരിക്കുന്നത്. 15 മിനിട്ട് ഇടവേള അനുവദിച്ചാണ് അലോട്ട്‌മെന്റ് സ്ലിപ്പിൽ സമയം ക്രമീകരിച്ചിരിക്കുന്നത്. കണ്ടെയ്ൻമെന്റ് സോൺ, ക്വാറന്റൈൻ എന്നിവരിൽ പെട്ടവർക്ക് പ്രത്യേക സൗകര്യങ്ങൾ ഏർപ്പെടുത്തിയിട്ടുണ്ട്.

മണലൂർ ഗവ. ഐടിഐ നാഷണൽ കൗൺസിൽ ഓഫ് വൊക്കേഷ്ണൽ ട്രെയിനിങ് (എൻസിവിടി) 2020 അപേക്ഷ ക്ഷണിച്ചു. രണ്ട് വർഷത്തെ കോഴ്‌സുകളായ ഡ്രാഫ്റ്റ്‌സ്മാൻ സിവിൽ, മെക്കാനിക്ക് മോട്ടോർ വെഹിക്കിൾ എന്നീ കോഴ്‌സുകളിലേക്കാണ് അപേക്ഷിക്കാൻ അവസരം. അപേക്ഷകൾ പൂർണമായും ഓൺലൈൻ സംവിധാനത്തിലൂടെ  സെപ്റ്റംബർ 24ന് മുൻപ് സമർപ്പിക്കണം. റാങ്ക് പട്ടിക, കൗൺസിലിംഗ് തിയ്യതി എന്നിവ വെബ്സൈറ്റിൽ അറിയിക്കും.

സർക്കാർ എൻജിനിയറിംഗ് കോളേജിലെ ഫൈൻ ആർട്‌സ് എക്‌സ്‌പെർട് തസ്തികയിലെ ഒരു ഒഴിവ് തസ്തിക മാറ്റം വഴി നികത്തുന്നതിനായി എല്ലാ സർക്കാർ വകുപ്പുകളിലെയും ഉദ്യോഗസ്ഥരിൽ നിന്നും അപേക്ഷ ക്ഷണിച്ചു. താത്പര്യമുള്ളവർ 30 ന് മുൻപ് അപേക്ഷ ഉചിതമാർഗ്ഗേണ സമർപ്പിക്കണം.
അംഗീകൃത സർവകലാശാലയിൽ നിന്നോ സർക്കാർ ആർട്ട് ഇൻസ്റ്റിറ്റ്യൂട്ടിൽ നിന്നും ഫൈൻ ആർട്ട്‌സിലോ കൊമേഴ്‌സ്യൽ ആർട്ടിലോ ഉള്ള ബിരുദമാണ് യോഗ്യത. നിശ്ചിത യോഗ്യതയുള്ളവരുടെ അഭാവത്തിൽ അംഗീകൃത സർവകലാശാല ബിരുദവും ഫൈൻ ആർട്‌സ്/കൊമേഴ്‌സ്യൽ ആർട്ടിൽ അംഗീകൃത സ്ഥാപനത്തിൽ നിന്നും ഡിപ്ലോമ ഉള്ളവർക്കും അപേക്ഷിക്കാം.
പി.എൻ.എക്‌സ്. 3113/2020

തിരുവനന്തപുരം പാങ്ങപ്പാറ സി.എച്ച്.മുഹമ്മദ് കോയ മെമ്മോറിയൽ സ്റ്റേറ്റ് ഇൻസ്റ്റിറ്റ്യൂട്ട് ഫോർ ദി മെന്റലി ചലഞ്ച്ഡിൽ, റീഹാബിലിറ്റേഷൻ കൗൺസിൽ ഓഫ് ഇൻഡ്യയുടെ അംഗീകാരത്തോട് കൂടി നടത്തുന്ന ഡിഇഡി.എസ്ഇ(എഎസ്ഡി), ഡിഇഡി.എസ്.ഇ(ഐഡി), ഡിവിആർ കോഴ്‌സുകളിലേക്ക് 2020-21 അക്കാഡമിക് സെഷനിലേക്കുള്ള അഡ്മിഷൻ ആരംഭിച്ചു. 50 ശതമാനം മാർക്കോടെ പ്ലസ്ടു അല്ലെങ്കിൽ തത്തുല്യ യോഗ്യതയുള്ളവർക്ക് 30 വരെ അപേക്ഷിക്കാം. റീഹാബിലിറ്റേഷൻ കൗൺസിൽ ഓഫ് ഇൻഡ്യ (ആർസിഐ) ഓൺലൈൻ കേന്ദ്രീകൃത അഡ്മിഷൻ പ്രക്രിയയിലൂടെയാണ് പ്രവേശനം. വിശദാംശങ്ങൾ www.rehabcouncil.nic.in ൽ ലഭിക്കും. ഫോൺ: 9746039965.