നേരിട്ടുള്ള സമ്പര്‍ക്കത്തിലൂടെ രോഗം സ്ഥിരീകരിച്ചവര്‍

നേരിട്ടുള്ള സമ്പര്‍ക്കത്തിലൂടെ 258 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 23 പേര്‍
ഏഴ് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 3,104 പേര്‍
ആകെ നിരീക്ഷണത്തിലുള്ളത് 32,851 പേര്‍

രാമനാട്ടുകര മുതല്‍ നാട്ടുകല്‍ വരെയുള്ള ദേശീയപാതയുടെ ഇരുവശങ്ങളില്‍ ചിലയിടങ്ങളില്‍ അനധികൃതമായി കച്ചവടസ്ഥാപനങ്ങളും പരസ്യബോര്‍ഡുകളും സ്ഥാപിച്ചിട്ടുണ്ട്. അത്തരം കയ്യേറ്റങ്ങള്‍ സെപ്തംബര്‍ 22നകം ഒഴിവാക്കണമെന്നും അല്ലാത്ത പക്ഷം അവ എടുത്തു മാറ്റി നിയമനടപടിയെടുക്കുമെന്ന് ദേശീയപാത പി.ഡബ്‌ള്യൂ.ഡി എക്‌സിക്യൂട്ടീവ് എഞ്ചിനീയര്‍ അറിയിച്ചു.

ഓലപ്പീടിക- കുന്നുപുറം-താനൂര്‍ റോഡില്‍ നവീകരണ പ്രവൃത്തികള്‍ ഇന്ന് (സെപ്തംബര്‍ 17) മുതല്‍ നടക്കുന്നതിനാല്‍ റോഡിലൂടെയുള്ള വാഹനഗതാഗതം ഒക്ടോബര്‍ മൂന്ന് വരെ നിരോധിച്ചു. താനൂര്‍ തെയ്യാല ഭാഗത്തേക്ക് പോകേണ്ട വാഹനങ്ങള്‍ കുന്നുംപുറത്ത് നിന്ന് വെള്ളിയാമ്പുറം-പാണ്ടിമുറ്റം വഴി പോകണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.
 

തൃത്താല ഗവ.ആര്‍ട്‌സ് ആന്‍ഡ് സയന്‍സ് കോളജിലെ ഒന്നാംവര്‍ഷ ഡിഗ്രി കോഴ്‌സുകളിലേക്ക് സ്‌പോര്‍ട്‌സ് ക്വാട്ടയില്‍ അപേക്ഷ നല്‍കാന്‍ ആഗ്രഹിക്കുന്ന വിദ്യാര്‍ഥികള്‍ പൂരിപ്പിച്ച അപേക്ഷയും അനുബന്ധ സര്‍ട്ടിഫിക്കറ്റുകളും സഹിതം സെപ്തംബര്‍ 23ന് വൈകീട്ട് നാലിനകം കോളജ് ഓഫീസില്‍ സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു.
 

നിലമ്പൂര്‍ താലൂക്കിലെ ശ്രീ. വണ്ടൂര്‍ ശിവക്ഷേത്രത്തിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് ട്രസ്റ്റികളെ നിയമിക്കുന്നതിന് അര്‍ഹരായ തദ്ദേശവാസികളില്‍ നിന്നും അപേക്ഷ ക്ഷണിച്ചു. അപേക്ഷ സെപ്തംബര്‍ 24ന് വൈകീട്ട് അഞ്ചിനകം കോഴിക്കോട് സിവില്‍സ്റ്റേഷനിലുള്ള മലബാര്‍ ദേവസ്വം ബോര്‍ഡ് കോഴിക്കോട് അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. അപേക്ഷാ ഫോമിനും മറ്റ് വിവരങ്ങള്‍ക്കും മലബാര്‍ ദേവസ്വം ബോര്‍ഡ് കോഴിക്കോട് അസിസ്റ്റന്റ് കമ്മീഷണറുടെ ഓഫീസിലോ മഞ്ചേരി ഡിവിഷന്‍ ഇന്‍സ്‌പെക്ടറുടെ ഓഫീസിലോ ബന്ധപ്പെടണം

നിറമരുതൂര്‍ ഗ്രാമപഞ്ചായത്തിലെ കാളാട് ക്ഷീരോല്‍പ്പാദക സഹകരണ സംഘം പ്രവര്‍ത്തനം തുടങ്ങി. വി.അബ്ദുറഹ്മാന്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് വി.വി സുഹറ റസാഖ് അധ്യക്ഷയായി. താനൂര്‍ ബ്ലോക്ക് പഞ്ചായത്തംഗം എ അശോകന്‍ പദ്ധതിയെക്കുറിച്ച് വിശദീകരിച്ചു. 25 ക്ഷീര കര്‍ഷകരാണ് നിലവില്‍ സംഘത്തിലുള്ളത്. പഞ്ചായത്ത് വൈസ് പ്രസിഡന്റ് കെ.വി സിദ്ധീഖ്, പഞ്ചായത്തംഗങ്ങളായ മുനീറ മാടമ്പാട്ട്, പി.പ്രഭാകരന്‍, കെ.ടി ശശി, സി.വിശ്വനാഥന്‍, എ.പി മാധവന്‍, ഡയറി എക്സ്റ്റന്‍ഷന്‍ ഓഫീസര്‍ അബ്ദുള്‍ മഹ്‌റൂഫ്, സഹകരണ സംഘം പ്രസിഡന്റ് ജാബിര്‍ മാടമ്പാട്ട് എന്നിവര്‍ സംസാരിച്ചു.
 

ആതവനാട് മൃഗസംരക്ഷണ പരിശീലനകേന്ദ്രത്തില്‍ രജിസ്റ്റര്‍ ചെയ്തിട്ടുളള കര്‍ഷകര്‍ക്ക്  സെപ്തംബര്‍ 22ന് വൈകീട്ട് ഏഴ് മുതല്‍ 'ഇറച്ചിക്കോഴി വളര്‍ത്തല്‍' (ബ്രോയിലര്‍ ഫാമിങ്) സംബന്ധിച്ച് സൗജന്യ വെബിനാര്‍ സംഘടിപ്പിക്കുന്നു.  കൂടുതല്‍ വിവരങ്ങള്‍  8089293728 ല്‍ ലഭിക്കും.