സിവില്‍ സ്റ്റേഷനിലെ വിവിധ ഓഫീസുകളില്‍ അലക്ഷ്യമായി കിടക്കുന്ന പേപ്പറുകള്‍, കത്താന്‍ സാധ്യതയുള്ള വസ്തുക്കള്‍ എന്നിവ അടിയന്തരമായി സുരക്ഷിത സ്ഥാനത്തേക്ക് മാറ്റാന്‍ ജില്ലാ കലക്ടര്‍ നിര്‍ദ്ദേശം നല്‍കി. പ്ലഗ് പോയിന്റുകളും വയറിങും പരിശോധിച്ച് സുരക്ഷ ഉറപ്പാക്കണം. കംപ്യൂട്ടറും മറ്റ് വൈദ്യുതോപകരണങ്ങളും ഉപയോഗ ശേഷം പ്ലഗില്‍ നിന്ന് ഊരിയിടാനും ശ്രദ്ധിക്കണം.

സാമൂഹിക നീതി ഓഫീസില്‍ കഴിഞ്ഞ മാസം അഗ്നിബാധയുണ്ടായ പശ്ചാത്തലത്തില്‍ എല്ലാ ജില്ലാതല ഓഫീസുകളിലും ഫയര്‍ ഓഡിറ്റ് നടത്തുന്നതിന് അഗ്നി- രക്ഷാ വിഭാഗത്തിന് നിര്‍ദ്ദേശം നല്‍കിയതായി ജില്ലാ കലക്ടര്‍ അറിയിച്ചു.

കോവിഡ് പ്രതിരോധത്തില്‍ പോഷകാഹാരത്തിന്റെ പങ്ക് എന്ന വിഷയത്തില്‍  ജില്ലാ സാമൂഹിക നീതി വകുപ്പുമായി സഹകരിച്ച് കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിന് കീഴിലെ വയനാട് ഫീല്‍ഡ് ഔട്ട്‌റീച്ച് ബ്യൂറോ വെബിനാര്‍ സംഘടിപ്പിച്ചു. പോഷക മാസാചരണത്തിന്റെ ഭാഗമായി മാനന്തവാടി അഡീഷണല്‍ ഐ.സി.ഡി.എസ് പ്രോജക്ടിന്റെ ആഭിമുഖ്യത്തിലാണ് വെബിനാര്‍ നടത്തിയത്. മഞ്ചേരി യൂണിറ്റി വനിതാ കോളേജ് ഹോം സയന്‍സ്  അസോ. പ്രൊഫസര്‍ ഡോ. ആനി നൈനാന്‍ ക്ലാസെടുത്തു.

വെങ്ങപ്പള്ളി ഗ്രാമ പഞ്ചായത്തില്‍ സപ്ലൈകോ സൂപ്പര്‍ മാര്‍ക്കറ്റ് തുടങ്ങുന്നതിന് 1500 സ്‌ക്വയര്‍ ഫീറ്റില്‍ കുറയാത്ത കെട്ടിട സൗകര്യം ലഭ്യമാക്കുന്നതിന് അപേക്ഷ ക്ഷണിച്ചു. കെട്ടിടങ്ങള്‍ നിര്‍മ്മിച്ച് നല്‍കാന്‍ താല്‍പ്പര്യമുള്ളവര്‍ക്കും അപേക്ഷിക്കാം. ഫോണ്‍- സപ്ലൈകോ അസിസ്റ്റന്റ് റീജിണല്‍ മാനേജര്‍: 9447990102, കല്‍പ്പറ്റ ഡിപ്പോ മാനേജര്‍: 9447975273.

ഐ.എച്ച്.ആര്‍.ഡി നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍, ഡിപ്ലോമ ഇന്‍ ഡാറ്റാ എന്‍ട്രി ടെക്നിക്സ് ആന്‍ഡ് ഓഫീസ് ഓട്ടോമേഷന്‍, ഡിപ്ലോമ ഇന്‍ കംപ്യൂട്ടര്‍ ആപ്ലിക്കേഷന്‍സ്, സര്‍ട്ടിഫിക്കറ്റ് കോഴ്സ് ഇന്‍ ലൈബ്രറി ആന്‍ഡ് ഇന്‍ഫര്‍മേഷന്‍ സയന്‍സ് എന്നീ കോഴ്സുകളുടെ സെമസ്റ്റര്‍ റഗുലര്‍, സപ്ലിമെന്ററി (2018 സ്‌കീം) പരീക്ഷകള്‍ക്ക് രജിസ്‌ട്രേഷന്‍ ആരംഭിച്ചു. വിദ്യാര്‍ത്ഥികള്‍ക്ക് ബന്ധപ്പെട്ട സെന്ററുകളില്‍ സെപ്റ്റംബര്‍ 30 വരെ രജിസ്റ്റര്‍ ചെയ്യാം. അപേക്ഷാഫോം സെന്ററുകളില്‍ ലഭ്യമാണ്. www.ihrd.ac.in .
 

കോഴിക്കോട്- വൈത്തിരി- ഗൂഡല്ലൂര്‍ പാതയില്‍ കല്‍പ്പറ്റ നിയോജക മണ്ഡലത്തില്‍ ഉള്‍പ്പെട്ട മേലേ റിപ്പണ്‍ മുതല്‍ ചോലാടി വരെയുള്ള റോഡിന്റെ നിര്‍മ്മാണോദ്ഘാടനം പൊതുമരാമത്ത്- രജിസ്‌ട്രേഷന്‍ വകുപ്പ് മന്ത്രി ജി സുധാകരന്‍ നിര്‍വഹിക്കും. ഇന്ന് (സെപ്റ്റംബര്‍ 18) രാവിലെ 11.30 ന്
വടുവന്‍ചാല്‍ ടൗണില്‍ വീഡിയോ കോണ്‍ഫറന്‍സിലൂടെയാണ് ഉദ്ഘാടന ചടങ്ങ്. സി.കെ ശശീന്ദ്രന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് കെ.ബി നസീമ തുടങ്ങിയവര്‍ പങ്കെടുക്കും.

=======
തലയോലപ്പറമ്പ് സാമൂഹികാരോഗ്യ കേന്ദ്രത്തിന്‍റെ പുതിയ മന്ദിരത്തിന്‍റെയും വൈക്കം താലൂക്ക് ഹെഡ് ക്വാര്‍ട്ടേഴ്സ് ആശുപത്രിയുടെ അഡ്മിനിസ്ട്രേറ്റീവ് ബ്ലോക്കിന്‍റെയും  ഉദ്ഘാടനം ഇന്ന് (സെപ്റ്റംബര്‍ 17) വീഡിയോ കോണ്‍ഫറന്‍സിലൂടെ ആരോഗ്യ  വകുപ്പ് മന്ത്രി കെ.കെ. ശൈലജ ടീച്ചര്‍ നിര്‍വഹിക്കും.

=========

കോട്ടയം ജില്ലയില്‍ രോഗലക്ഷണങ്ങള്‍ ഇല്ലാത്ത കോവിഡ് ബാധിതര്‍ക്ക് വീടുകളില്‍ ഐസൊലേഷനില്‍ കഴിയുന്നതിന് അനുമതി നല്‍കാന്‍ ജില്ലാ ദുരന്ത നിവാരണ അതോറിറ്റി തീരുമാനിച്ചു. ആരോഗ്യ വകുപ്പ് നിഷ്കര്‍ഷിക്കുന്ന സൗകര്യങ്ങള്‍ വീടുകളില്‍   ഉള്ളവര്‍ക്ക് താത്പര്യമുണ്ടെങ്കില്‍ ഈ സൗകര്യം പ്രയോജനപ്പെടുത്താമെന്ന് അതോറിറ്റി ചെയര്‍പേഴ്സണായ ജില്ലാ കളക്ടര്‍ എം. അഞ്ജന അറിയിച്ചു.

സര്‍ക്കാര്‍ മാര്‍ഗനിര്‍ദേശപ്രകാരം പുതിയ സംവിധാനം ഏര്‍പ്പെടുത്തുന്നതിന് മുന്നോടിയായി ജില്ലയില്‍ നൂറോളം രോഗികള്‍ക്ക് വീടുകളില്‍ കഴിയുന്നതിന് അനുമതി നല്‍കിയിരുന്നു. ഇത് വിജയകരമായിരുന്നു.

================

കോട്ടയം ജില്ലയില്‍ 187  പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ 184 പേര്‍ക്കും സമ്പര്‍ത്തിലൂടെയാണ് രോഗം ബാധിച്ചത്. സംസ്ഥാനത്തിന് പുറത്തുനിന്നെത്തിയ മൂന്നു പേരും രോഗബാധിതരായി. ആകെ 2782 പരിശോധനാ ഫലങ്ങളാണ് പുതിയതായി ലഭിച്ചത്.

ഏറ്റുമാനൂര്‍-15, കോട്ടയം, വാകത്താനം-11 വീതം, ഈരാറ്റുപേട്ട-10, അയര്‍ക്കുന്നം-9, കല്ലറ, കിടങ്ങൂര്‍, മാഞ്ഞൂര്‍, പനച്ചിക്കാട്-8 വീതം, എരുമേലി-7, എലിക്കുളം, കറുകച്ചാല്‍-6 വീതം എന്നിവിടങ്ങളിലാണ് രോഗം കൂടുതലായി റിപ്പോര്‍ട്ട് ചെയ്യപ്പെട്ടത്.

==============

അയർക്കുന്നം -19, കൂരോപ്പട - 11, പാമ്പാടി - 8, 14, മീനടം - 6,9 എന്നീ തദേശ സ്വയംഭരണ സ്ഥാപന വാര്‍ഡുകളെ കണ്ടെയ്ൻമെൻ്റ് സോൺ പട്ടികയില്‍നിന്ന് ഒഴിവാക്കി.

നിലവില്‍ 22 തദ്ദേശഭരണ സ്ഥാപന മേഖലകളില്‍ 31 കണ്ടെയ്ന്‍മെന്റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  -20, 32, 42, 47, 48

ഗ്രാമപഞ്ചായത്തുകള്‍
=======

2. മീനടം-11

3. എരുമേലി-  7, 22

4. പാമ്പാടി -10

5.മാടപ്പള്ളി - 13
 
6. കുറിച്ചി -1

7. വെള്ളാവൂര്‍ - 10

കുന്നംകുളം നഗരസഭയിലെ ആര്‍ത്താറ്റ് കൃഷിഭവനില്‍ കര്‍ഷകര്‍ക്കായി സെപ്റ്റംബര്‍ 18ന് റോയല്‍റ്റി ക്യാമ്പ് സംഘടിപ്പിക്കും. തരിശ്ശിടാതെ നെല്‍കൃഷി ചെയ്തുകൊണ്ടിരിക്കുന്ന നെല്‍പ്പാടത്തിന്റെ ഉടമകള്‍ക്ക് സര്‍ക്കാര്‍ ഹെക്ടര്‍ റോയലിറ്റിയായി 2000 രൂപ നല്‍കുന്നതിന്റെ ഭാഗമായാണിത്. പദ്ധതിയുടെ പ്രചരണാര്‍ത്ഥമാണ് ആര്‍ത്താറ്റ് കൃഷിഭവനില്‍ രാവിലെ 11 മുതല്‍ വൈകീട്ട് 4 വരെ റോയലിറ്റി രജിസ്‌ട്രേഷന്‍ ക്യാമ്പ് സംഘടിപ്പിക്കുന്നത്.