കേരള മീഡിയ അക്കാദമി-ഇൻസ്റ്റിറ്റ്യൂട്ട് ഓഫ് കമ്യൂണിക്കേഷന്റെ  2020-2021 ബാച്ച് പി.ജി.ഡിപ്ലോമ കോഴ്സുകളിലേക്കുളള പൊതുപ്രവേശന പരീക്ഷ 19 ന് ഓൺലൈനായി നടത്തും.  ഉച്ചയ്ക്ക് ശേഷം രണ്ടര മുതൽ നാല് വരെയാണ് പരീക്ഷ.  ആദ്യമായാണ് മീഡിയ അക്കാദമി  പ്രവേശന പരീക്ഷ ഓൺലൈനായി നടത്തുന്നത്.   പരീക്ഷാർത്ഥികൾക്ക് വീട്ടിലിരുന്നോ അല്ലെങ്കിൽ മറ്റു സ്ഥലം തിരഞ്ഞെടുത്തോ പരീക്ഷയിൽ പങ്കെടുക്കാം.
കറന്റ് അഫയേഴ്സ്, പൊതു വിജ്ഞാനം, മാധ്യമങ്ങളുമായി ബന്ധപ്പെട്ട വിഷയങ്ങൾക്കൊപ്പം  ഇംഗ്ലീഷ്, മലയാളം ഭാഷാപരിജ്ഞാനവും പരിശോധിക്കുന്ന ഒബ്ജക്ടീവ് ടൈപ്പ്/ മൾട്ടിപ്പിൾ ചോയ്സ് ചോദ്യങ്ങളാകും പരീക്ഷയിൽ ഉണ്ടാകുക.

കേരള നിയമസഭാ സെക്രട്ടേറിയറ്റിന്റെ സെന്റർ ഫോർ പാർലമെന്ററി സ്റ്റഡീസ് ആൻഡ് ട്രെയിനിംഗ് (സി.പി.എസ്.ടി) വിദൂര വിദ്യാഭ്യാസ സമ്പ്രദായത്തിൽ നടത്തുന്ന സർട്ടിഫിക്കറ്റ് കോഴ്‌സ് ഇൻ പാർലമെന്ററി പ്രാക്ടീസ് ആൻഡ് പ്രൊസീജ്യറിന്റെ 2020 ബാച്ചിലേക്കുള്ള അപേക്ഷാതിയതി ഒക്‌ടോബർ 15 വരെ നീട്ടി. കൂടുതൽ വിവരങ്ങൾ www.niyamasabha.org  യിൽ ലഭിക്കും. ഫോൺ: 9496551719, 9446602424, 0471-2512662/2453.
പി.എൻ.എക്‌സ്. 3143/2020

എറണാകുളം : എറണാകുളം ജനറൽ ആശുപത്രിയിലെ വിവിധ വാർഡുകൾ ഡിപ്പാർട്ട്മെന്റ് എന്നിവിടങ്ങളിലേക്ക് 20 ലിറ്റർ കുടിവെള്ളം ബോട്ടിലുകൾ ഒക്ടോബർ ഒന്നുമുതൽ ആറുമാസത്തേക്ക് ആവശ്യപ്പെടുന്നതിനനുസരിച്ച് വിതരണം ചെയ്യുന്നതിന് പ്രവർത്തി പരിചയമുള്ള വ്യക്തികളിൽനിന്നും അംഗീകൃത സ്ഥാപനങ്ങളിൽ നിന്നും മത്സരാടിസ്ഥാനത്തിൽ ക്വട്ടേഷനുകൾ ക്ഷണിച്ചു. ബോട്ടിലുകൾക്ക് ആവശ്യമായ സ്റ്റാൻഡുകൾ ഉൾപ്പെടെയാണ് വിതരണം ചെയ്യേണ്ടത് . മുദ്രവെച്ച കവറുകളിൽ Quotaion for packaged drinking water with stand എന്ന്   രേഖപ്പെടുത്തണം. സെപ്റ്റംബർ 23ന് രാവിലെ 11 മണി വരെ ക്വട്ടേഷനുകൾ സ്വീകരിക്കും.

എറണാകുളം :  ജില്ലാ ഹോമിയോ മെഡിക്കൽ ഓഫീസിൽ വച്ച് സെപ്റ്റംബർ 24, 25 തീയതികളിൽ നടത്താൻ നിശ്ചയിച്ചിരുന്ന നഴ്സിംഗ് അസിസ്റ്റന്റ്,  അറ്റൻഡർ മൾട്ടിപർപ്പസ് വർക്കർ എന്നീ തസ്തികകളിലേക്കുള്ള വാക്ക് ഇൻ ഇന്റർവ്യൂ മാറ്റിവെച്ചതായി ജില്ലാ ഹോമിയോ മെഡിക്കൽ ഓഫീസർ അറിയിച്ചു

കോവിഡ് 19ന്റെ  പശ്ചാത്തലത്തിൽ മാറ്റിവെക്കപ്പെട്ട ഡി.എഡ് / ഡി എൽഡ് പരീക്ഷകൾ 2020 സെപ്റ്റംബർ 22 മുതൽ 29 വരെ റ്റി ഡി എച്ച് എസ് മട്ടാഞ്ചേരി,  ബി വി എച്ച് എസ് നായരമ്പലം, സെന്റ്  ആൽബർട്സ് എച്ച്.എസ് എറണാകുളം, സെൻറ് മേരീസ് സി ജി എച്ച് എസ് എറണാകുളം, ഒ എൽ സി ജി എച്ച് എസ് പള്ളുരുത്തി,  ഗവ ടി.ടി. ഐ ഇടപ്പള്ളി എന്നീ കേന്ദ്രങ്ങളിൽ വച്ച് നടത്തപ്പെടുമെന്ന് ജില്ലാ വിദ്യാഭ്യാസ ഓഫീസർ അറിയിച്ചു

എറണാകുളം:  മൂന്നാര്‍, മറയൂര്‍, മാങ്കുളം, ചിന്നാര്‍, ഇരവികുളം ഉള്‍പ്പടെയുള്ള വനമേഖലകളില്‍ സേവനമനുഷ്ഠിക്കുന്ന വനം വകുപ്പ് ജീവനക്കാര്‍ക്ക് ആശ്രയമായി കോതമംഗലം ഫോറസ്റ്റ് ഡിവിഷന്‍ ഓഫീസ് കോമ്പൗണ്ടില്‍ നിര്‍മ്മിച്ച ഫോറസ്റ്റ് സ്റ്റേഷന്‍ കോംപ്ലക്‌സിന്റെ ഉദ്ഘാടനം വനം, വന്യ ജീവി വകുപ്പ് മന്ത്രി അഡ്വ. കെ. രാജു നിര്‍വഹിച്ചു. കോതമംഗലം മേഖലയിലുണ്ടാകുന്ന അഭൂത പൂര്‍വ്വമായ വികസനപ്രവര്‍ത്തനങ്ങളുടെ നേര്‍സാക്ഷ്യമാണ് അഞ്ച് കോടി രൂപ ചെലവില്‍ നിര്‍മ്മിച്ചിരിക്കുന്ന ഫോറസ്റ്റ് സ്‌റ്റേഷന്‍ കോംപ്ലക്‌സെന്ന് മന്ത്രി പറഞ്ഞു.

സപ്ലൈകോ  സെപ്റ്റംബര്‍  മുതല്‍  ഡിസംബര്‍ വരെ  നാലുമാസത്തേക്ക്  റേഷന്‍ കാര്‍ഡുടമകള്‍ക്കായി  നല്‍കുന്ന  കിറ്റിലെ  ഉല്പന്നങ്ങള്‍ക്ക്  ടെണ്ടര്‍   നല്‍കുന്നതില്‍ നിന്ന്  ചെറുകിടക്കാരെ  ഒഴിവാക്കിയെന്ന  വാര്‍ത്ത പ്രചരിപ്പിക്കുന്നത്  അടിസ്ഥാന രഹിതമാണെന്ന്  സി എം ഡി  അലി അസ്ഗര്‍ പാഷ  അറിയിച്ചു.

കേരള മീഡിയ അക്കാദമി-ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്റെ  2020-2021 ബാച്ച് പി.ജി.ഡിപ്ലോമ കോഴ്‌സുകളിലേയ്ക്കുളള പൊതുപ്രവേശന പരീക്ഷ സെപ്റ്റംബര്‍ 19 ന് ഓണ്‍ലൈനില്‍ നടക്കും.  ഉച്ചയ്ക്ക് ശേഷം 2.30 മുതല്‍ 4 മണിവരെയാണ് പരീക്ഷാസമയം.  ആദ്യമായാണ് മീഡിയ അക്കാദമി  പ്രവേശന പരീക്ഷ ഓണ്‍ലൈനായി നടത്തുന്നത്.  ഓരോ പരീക്ഷാര്‍ത്ഥികള്‍ക്കും വീട്ടിലിരുന്നും അല്ലെങ്കില്‍ മറ്റു സ്ഥലം തിരഞ്ഞെടുത്തും പരീക്ഷയില്‍ പങ്കെടുക്കാം.

മലയോര ഹൈവേയുടെ   പോത്ത്കല്ല് ഗ്രാമപഞ്ചായത്തിലെ   നിര്‍മാണോദ്ഘാടനം പി.വി അന്‍വര്‍ എം.എല്‍.എ നിര്‍വഹിച്ചു.  മലയോര ഹൈവേയുടെ ജില്ലയിലെ ആദ്യ റീച്ചായ മുണ്ടേരി വിത്തുകൃഷിത്തോട്ടം ഗേറ്റ് മുതല്‍ ചാത്തമുണ്ട വരെയാണ് പഞ്ചായത്തില്‍ പാതയുടെ നിര്‍മാണം. 12 മീറ്റര്‍ വീതിയില്‍ നിര്‍മിക്കുന്ന റോഡില്‍ 8.40 മീറ്റര്‍ ടാറിങ്ങും വശങ്ങളില്‍ നടപ്പാതയും ഒരുക്കിയിട്ടുണ്ട്.

എടപ്പാള്‍ മേല്‍പ്പാല നിര്‍മാണം പുരോഗമിക്കുന്നു. മേല്‍പ്പാലത്തിന്റെ ഉദ്ഘാടനം  ഡിസംബറില്‍ നടക്കും. ജില്ലയിലെ ടൗണിന് കുറുകെയും റോഡിന് സമാന്തരവുമായുള്ള ആദ്യ മേല്‍പ്പാലമാണ് എടപ്പാളില്‍ നിര്‍മിക്കുന്നത്.