നാട്ടികയില്‍ പ്രവര്‍ത്തിക്കുന്ന കോവിഡ് ഫസ്റ്റ്‌ലൈന്‍ സെന്ററില്‍ കൗതുകമായി ആറ് റോബോട്ടിക് നഴ്‌സും ഒരു ഇ- ബൈക്കും. 1400 ബെഡുകളും മറ്റ് സൗകര്യങ്ങളുമുള്ള സംസ്ഥാനത്തെ തന്നെ ഏറ്റവും വലിയ സിഎഫ്എല്‍ടിസിയായ ലുലുവിലാണ് രോഗികളുടെ ശരീരോഷ്മാവ്, പ്രഷര്‍, ഓക്‌സിജന്‍ ലെവല്‍ തുടങ്ങിയവ അളക്കാന്‍ റോബോട്ട് നഴ്‌സുമാരെയും സെന്ററിനകത്ത് രോഗികള്‍ക്ക് ഭക്ഷണവും മറ്റും എത്തിക്കാന്‍ ഇ- ബൈക്കും സജ്ജമാക്കിയിരിക്കുന്നത്. സംസ്ഥാനത്ത് ആദ്യമായാണ് ഒരു സിഎഫ്എല്‍ടിസിയില്‍ സഹായിയായി റോബോട്ടുകളുടെ സേവനം ഉപയോഗപ്പെടുത്തുന്നത്. ആരോഗ്യ പ്രവര്‍ത്തകരുടെ ജോലിഭാരം കുറയ്ക്കാന്‍ ഇവ സഹായിക്കുന്നു.

കാർഷിക വികസന കർഷക ക്ഷേമ വകുപ്പിൽ കേന്ദ്രാവിഷ്കൃത പദ്ധതിയായ സബ്മിഷൻ ഓൺ അഗ്രികൾച്ചർ മെക്കനൈസേഷൻ സ്കീം (എസ്.എം.എ.എം) നടപ്പിലാക്കുന്നതിൻ്റെ ഭാഗമായി കോട്ടയം ജില്ലയിൽ കരാര്‍ അടിസ്ഥാനത്തിൽ ടെക്നിക്കൽ അസിസ്റ്റൻ്റിനെ നിയമിക്കുന്നു.  

==============

കോട്ടയം മുനിസിപ്പാലിറ്റിയിലെ 39-ാം വാര്‍ഡും അതിരമ്പുഴ ഗ്രാമപഞ്ചായത്തിലെ നാലാം വാര്‍ഡും കണ്ടെയ്ന്‍മെന്റ്
സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

കുറിച്ചി പഞ്ചായത്തിലെ ഒന്നാം വാർഡ് കണ്ടെയ്ൻമെൻ്റ് സോൺ പട്ടികയില്‍നിന്ന് ഒഴിവാക്കി.

നിലവില്‍ 21 തദ്ദേശഭരണ സ്ഥാപന മേഖലകളില്‍ 32 കണ്ടെയ്ന്‍മെന്റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍
=========

1.കോട്ടയം  -20, 32, 42, 47, 48,39

ഗ്രാമപഞ്ചായത്തുകള്‍
=======

2. മീനടം-11

മണ്ണുത്തി ബയോകണ്‍ട്രോള്‍ ലാബിലേയ്ക്കാവശ്യമായ പ്ലാസ്റ്റിക് ബോട്ടില്‍ വിതരണം ചെയ്യുന്നതിന് സീല്‍ ചെയ്ത ക്വട്ടേഷന്‍ ക്ഷണിച്ചു. ലാബ് നിഷ്‌കര്‍ഷിക്കുന്ന രീതിയിലുള്ള ബോട്ടിലുകളുടെ സാമ്പിള്‍ ക്വട്ടേഷനൊപ്പം ലഭ്യമാക്കണം. എസ്റ്റിമേറ്റ് തുക 99000. ക്വട്ടേഷനുകള്‍ മുദ്രവെച്ച കവറിനുള്ളില്‍ സ്വന്തം ലെറ്റര്‍ പാഡില്‍ എഴുതി സമര്‍പ്പിക്കണം. കവറിന് പുറത്ത് ഇനം, നമ്പര്‍, പേരും വിലാസവും രേഖപ്പെടുത്തി കൃഷി ഡെപ്യൂട്ടി ഡയറക്ടര്‍, സംസ്ഥാന ബയോകണ്‍ട്രോള്‍ ലാബ്, മണ്ണൂത്തി എന്ന വിലാസത്തില്‍ സെപ്റ്റംബര്‍ 28ന് 11 മണിക്ക് മുന്‍പായി ലഭിക്കണം.

ഐഎച്ച്ആർഡിയുടെ കീഴിൽ കൊടുങ്ങല്ലൂർ എറിയാട് കോളേജ് ഓഫ് അപ്ലൈഡ് സയൻസിൽ ഇംഗ്ലീഷ്, മലയാളം, ഹിന്ദി വിഷയങ്ങളിൽ ഗസ്റ്റ് അധ്യാപക ഒഴിവ്. ഇംഗ്ലീഷ് വിഭാഗത്തിലേക്ക് 24 ന് രാവിലെ 10 നും മലയാളം, ഹിന്ദി വിഭാഗങ്ങളിലേക്ക് 25 ന് രാവിലെ 10 നുമാണ് അഭിമുഖം. 50 ശതമാനത്തിൽ കുറയാതെ മാർക്കുള്ള പിജി, നെറ്റ് യോഗ്യതയുള്ള ഉദ്യോഗാർത്ഥികൾ അസ്സൽ രേഖകൾ സഹിതം കോളേജിൽ റിപ്പോർട്ട് ചെയ്യുക. കൂടുതൽ വിവരങ്ങൾക്ക് 0480 2816270
 

കേര സമൃദ്ധി പദ്ധതിയുടെ ഭാഗമായി ചാവക്കാട്, അയ്യന്തോൾ, നാട്ടിക വിത്ത് വികസന യൂണിറ്റുകളിലേക്ക്  2020- 21 സീസണിൽ പരാഗണ ജോലികൾ ചെയ്യുന്നതിനും വിത്ത് തേങ്ങകൾ വിളവെടുപ്പ് നടത്തുന്നതിനും പരിചയസമ്പന്നരായ തെങ്ങുകയറ്റ തൊഴിലാളികളെ ദിവസവേതനാടിസ്ഥാനത്തിൽ നിയമിക്കുന്നു. അപേക്ഷ സമർപ്പിക്കേണ്ട അവസാന തീയതി സെപ്റ്റംബർ 25 വൈകീട്ട് 5 മണി. സെപ്റ്റംബർ 30ന് നാട്ടിക കൃഷി ഭവനിലും ഒക്ടോബർ ഒന്നിന് ചാവക്കാട് വിത്ത് വികസന യൂണിറ്റിലും ഒക്ടോബർ 5 ന് അയ്യന്തോൾ കൃഷി ഭവനിലും രാവിലെ 10.30 മുതൽ 2 വരെ ഇന്റർവ്യൂ നടക്കും.

കുട്ടനാട് പാക്കേജിന്റെ രണ്ടാം ഘട്ടത്തിൽ വിവിധ പദ്ധതികൾക്കായി 2447 കോടി രൂപ നീക്കി വച്ചതായി മുഖ്യമന്ത്രി പിണറായി വിജയൻ പറഞ്ഞു. ഈ സർക്കാർ അധികാരത്തിൽ വന്ന ശേഷം കുട്ടനാടിനായി കാര്യക്ഷമമായ ഇടപെടലാണ് നടത്തിയത്. ആദ്യ ഘട്ടത്തിൽ 2019 മാർച്ച് വരെ 1013.35 കോടി രൂപ കുട്ടനാട്ടിലെ വിവിധ പദ്ധതികൾക്കായി വിനിയോഗിച്ചതായും മുഖ്യമന്ത്രി പറഞ്ഞു. കുട്ടനാട് പാക്കേജ് രണ്ടാം ഘട്ടത്തിന്റെ പ്രഖ്യാപനം വീഡിയോ കോൺഫറൻസിലൂടെ നിർവഹിച്ച് സംസാരിക്കുകയായിരുന്നു അദ്ദേഹം. സംസ്ഥാന ആസൂത്രണ ബോർഡും കിഫ്ബിയും  ബന്ധപ്പെട്ട വകുപ്പുകളും റീബിൽഡ് കേരള ഇൻഷ്യേറ്റീവും ഏകോപിച്ചാണ് രണ്ടാം കുട്ടനാട് പാക്കേജ് നടപ്പാക്കുന്നത്.

ജില്ലയിലെ വിവിധ സർക്കാർ വകുപ്പുകളിൽ കോവിഡ് പ്രതിരോധ പ്രവർത്തനങ്ങളിലും പൊതു ജനസമ്പർക്കമുള്ള ഓഫീസുകളിലും സേവനമനുഷ്ഠിക്കുന്ന ജീവനക്കാരുടെ ചികിത്സയ്ക്കായി രണ്ട് കോവിഡ് ഫസ്റ്റ്ലൈൻ ട്രീറ്റ്മെന്റ് സെന്ററുകൾ സജ്ജമാക്കിയതായി ജില്ലാ കളക്ടറും ദുരന്തനിവാരണ അതോറിറ്റി ചെയർപേഴ്സനുമായ എസ് ഷാനവാസ് അറിയിച്ചു. മുളംങ്കുന്നത്തുകാവ് കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്ട്രേഷനും(കില) മാടക്കത്തറ ഗ്രാമപഞ്ചായത്തിലെ വെള്ളാനിക്കര കേരള അഗ്രികൾച്ചർ യൂണിവേഴ്സിറ്റിയിലെ അച്യുതമേനോൻ ബ്ലോക്ക് സെന്ററുമാണ് ഇതിനായി സജ്ജമാക്കുക.

നെയ്യാറ്റിൻകര സർക്കാർ പോളിടെക്‌നിക് കോളേജിൽ ലാറ്ററൽ എൻട്രി വഴി ഡിപ്ലോമ പ്രവേശനത്തിന് അപേക്ഷ സമർപ്പിച്ച വിദ്യാർഥികൾ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ, ഫീസ് എന്നിവ സഹിതം 19ന് കൗൺസലിംഗിന് ഹാജരാകണം.
+2/ വി.എച്ച്.എസ്.ഇ റാങ്ക് ലിസ്റ്റിലെ ഒന്നു മുതൽ 500 വരെയുള്ള റാങ്കുകാരും റാങ്ക് ലിസ്റ്റിൽ ഉൾപ്പെട്ട എല്ലാ എസ്.സി/എസ്.ടി വിഭാഗം അപേക്ഷകരും രാവിലെ ഒൻപതിനും 501 മുതൽ 750 വരെയുള്ള റാങ്കുകാർ ഉച്ചയ്ക്ക് ഒന്നിനും റിപ്പോർട്ട് ചെയ്യണം.