തൃത്താല ഗവ. ആര്‍ട്‌സ് ആന്‍ഡ് സയന്‍സ് കോളെജിലെ ഒന്നാം വര്‍ഷ ഡിഗ്രി കോഴ്‌സുകളിലേക്ക് സ്‌പോര്‍ട്‌സ് ക്വാട്ടയില്‍ പ്രവേശനം. താല്‍പര്യമുള്ളവര്‍ പൂരിപ്പിച്ച അപേക്ഷയും അനുബന്ധ സര്‍ട്ടിഫിക്കറ്റുകളുമായി സെപ്തംബര്‍ 23 ന് വൈകീട്ട് നാലിനകം കോളെജ് ഓഫീസില്‍ നല്‍കണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0466 2270335, 2270353.

ജില്ലാ പഞ്ചായത്ത്, സാമൂഹിക നീതി വകുപ്പ്, ജില്ലയിലെ വിവിധ ഗ്രാമ പഞ്ചായത്തുകളുടെ സംയുക്താഭിമുഖ്യത്തില്‍ ഭിന്നശേഷിക്കാരായ ഒമ്പത് പേര്‍ക്ക് മുച്ചക്രവാഹനങ്ങള്‍ വിതരണം ചെയ്തു. ജില്ലാ പഞ്ചായത്തില്‍ നടന്ന പരിപാടിയില്‍ ജില്ലാ പഞ്ചായത്ത് പ്രസിഡന്റ് അഡ്വ. കെ ശാന്തകുമാരി കാവശ്ശേരി സ്വദേശി പ്രസാദിന് വാഹനത്തിന്റെ താക്കോല്‍ നല്‍കി വിതരണോദ്ഘാടനം നിര്‍വഹിച്ചു.

മൂന്നു ആരോഗ്യപ്രവര്‍ത്തകര്‍ ഉള്‍പ്പടെ ജില്ലയില്‍ ഇന്നലെ(സെപ്തംബര്‍ 17) 218 പേര്‍ക്ക് കോവിഡ് സ്ഥിരീകരിച്ചു. 325 പേര്‍ രോഗമുക്തരായത് ആശ്വാസമായി.  വിദേശത്ത് നിന്നുമെത്തിയ രണ്ടു പേര്‍ക്കും, ഇതരസംസ്ഥാനങ്ങളില്‍ നിന്നുമെത്തിയ മൂന്നു പേര്‍ക്കും, സമ്പര്‍ക്കം വഴി 210 പേര്‍ക്കും രോഗം സ്ഥിരീകരിച്ചു.

മഴക്കെടുതിയില്‍ ജില്ലയില്‍ നാല് വീടുകള്‍ ഭാഗികമായി  തകര്‍ന്നതില്‍ ഒരു ലക്ഷം  രൂപയുടെ നഷ്ടം കണക്കാക്കി.
കൊല്ലം താലൂക്കില്‍ ഒരു വീടിന് ഭാഗികമായ നാശമുണ്ടായി. നഷ്ടം 50,000 രൂപ. കരുനാഗപ്പള്ളിയില്‍ ഒരു വീട്  ഭാഗികമായി തകര്‍ന്നതില്‍ 25,000 രൂപയുടെ നഷ്ടമുണ്ടായി. കൊട്ടാരക്കരയില്‍  ഭാഗികമായി തകര്‍ന്ന ഒരു വീടിന് 25,000 രൂപയുടെ നഷ്ടം കണക്കാക്കി.
(പി.ആര്‍.കെ നമ്പര്‍ 2466/2020)
 

നിയന്ത്രണരേഖയില്‍ പാക്ക് സേനയുടെ  ഷെല്ലാക്രമണത്തില്‍ വീരമൃത്യു വരിച്ച ജവാന്‍ ഇട്ടിവ സ്വദേശി അനീഷ് തോമസിന് ജ•നാടിന്റെ വിട. മുഖ്യമന്ത്രിക്കും ജില്ലാ കലക്ടര്‍ക്കും വേണ്ടി എ ഡി എം പി.ആര്‍.ഗോപാലകൃഷ്ണനും സംസ്ഥാന സര്‍ക്കാരിന് വേണ്ടി പുനലൂര്‍ ആര്‍ ഡി ഒ ബി ശശികുമാറും പുഷ്പചക്രം അര്‍പ്പിച്ചു.

ഐ എച്ച് ആര്‍ ഡി നടത്തുന്ന പോസ്റ്റ് ഗ്രാജുവേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്, ഡിപ്ലോമ ഇന്‍ ഡാറ്റാ എന്‍ട്രി ടെക്‌നിക്‌സ് ആന്റ് ഓഫീസ് ഓട്ടോമേഷന്‍, ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ്, സര്‍ട്ടിഫിക്കറ്റ് കോഴ്‌സ് ഇന്‍ ലൈബ്രറി ആന്റ് ഇന്‍ഫര്‍മേഷന്‍ സയന്‍സ് എന്നീ കോഴ്‌സുകളുടെ സെമസ്റ്റര്‍ റഗുലര്‍/സപ്ലിമെന്ററി(2018 സ്‌കീം) പരീക്ഷകള്‍ക്കുള്ള രജിസ്‌ട്രേഷന്‍ ആരംഭിച്ചു. വിദ്യാര്‍ഥികള്‍ പഠിക്കുന്ന/പഠിച്ചിരുന്ന സെന്ററുകളില്‍ സെപ്തംബര്‍ 30 വരെ രജിസ്റ്റര്‍ ചെയ്യാം. വിശദ വിവരങ്ങള്‍ www.ihrd.ac.in വെബ്‌സൈറ്റില്‍ ലഭിക്കും.

കൊല്ലം ഗവണ്‍മെന്റ് വനിത ഐ ടി ഐ യില്‍ ഹോട്ടല്‍ മാനേജ്‌മെന്റ്, ഫാഷന്‍ ഡിസൈന്‍ ഉള്‍പ്പടെ 19 ട്രേഡുകളില്‍ പ്രവേശനത്തിന് https//itiadmission.kerala.gov.in, https//detkerala.gov.in  എന്നീ വെബ്‌സൈറ്റുകള്‍ വഴി സെപ്തംബര്‍ 24 വരെ  സമര്‍പ്പിക്കാം. ഫോണ്‍: 0474-2793714.
(പി.ആര്‍.കെ നമ്പര്‍ 2463/2020)

ഫിഷറീസ് വകുപ്പ് പേരയം ഗ്രാമപഞ്ചായത്തിലെ തൊടുകയില്‍ കടവില്‍ 2,00,000 കാര ചെമ്മീന്‍ നിക്ഷേപിച്ചു. ജില്ലാ പഞ്ചായത്ത് അംഗം അഡ്വ ജൂലിയറ്റ് നെല്‍സണ്‍ ഉദ്ഘാടനം ചെയ്തു. പേരയം ഗ്രാമപഞ്ചായത്ത് വൈസ് പ്രസിഡന്റ് അനീഷ് അധ്യക്ഷനായി. ഫിഷറീസ് ഡെപ്യൂട്ടി ഡയറക്ടര്‍ കെ സുഹൈര്‍, ഫിഷറീസ് എക്സ്റ്റന്‍ഷന്‍ ഓഫീസര്‍ തസ്‌നിമ ബീഗം, ജനപ്രതിനിധികള്‍, ഫിഷറീസ് മാനേജ്‌മെന്റ് കൗണ്‍സില്‍ അംഗങ്ങള്‍, പ്രദേശവാസികള്‍, ഫിഷറീസ് വകുപ്പ് ഉദേ്യാഗസ്ഥര്‍ തുടങ്ങിയര്‍ പങ്കെടുത്തു.
(പി.ആര്‍.കെ നമ്പര്‍ 2462/2020)

കേരള ലേബര്‍ വെല്‍ഫെയര്‍ ഫണ്ട് ബോര്‍ഡ് വരിക്കാരായ തൊഴിലാളികളുടെ മക്കള്‍ക്ക് ഐ ടി ഐ പ്രവേശനത്തിന് അപേക്ഷിക്കാം.