കോവിഡ് മഹാമാരിയെ തുടര്‍ന്നുണ്ടായ അനിശ്ചിതാവസ്ഥയില്‍ പ്രയാസത്തിലായ തൊഴിലാളികള്‍ക്ക് ആശ്വാസമായി തൊഴിലാളി ക്ഷേമനിധി ബോര്‍ഡിന്റെ സഹായധനം. ഏപ്രില്‍ മുതല്‍ ആഗസ്റ്റ് 15 വരെ ജില്ലയില്‍ തൊഴിലാളികള്‍ക്ക് കേരള ഷോപ്സ് ആന്റ് കൊമേഴ്സ്യല്‍ എസ്റ്റാബ്ലിഷ്മെന്റ് വര്‍ക്കേഴ്സ് വെല്‍ഫയര്‍ ഫണ്ട് ബോര്‍ഡ് 41.69 ലക്ഷം രൂപയാണ് നല്‍കിയത്. ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് കോവിഡ് സാഹചര്യം പരിഗണിച്ച് ആയിരം രൂപയും ക്വാറന്റൈനില്‍ പ്രവേശിച്ചവര്‍ക്ക് 5000 രൂപയും കോവിഡ് സ്ഥിരീകരിച്ചവര്‍ക്ക് പതിനായിരം രൂപയുമാണ് നല്‍കിയതെന്ന് ബോര്‍ഡ് ജില്ലാ എക്സിക്യുട്ടീവ് ഓഫീസര്‍ വി അബ്ദുല്‍സലാം പറഞ്ഞു.

17/09/2020 രാത്രി 11.30 വരെയുള്ള സമയത്ത് പൊഴിയൂർ മുതൽ കാസർഗോഡ് വരെയുള്ള കേരള  തീരത്ത് 2.2    മുതൽ 2.7 മീറ്റർ വരെ ഉയരത്തിൽ തിരമാലക്കു സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം (INCOIS) അറിയിച്ചു.ആയതിനാൽ മേല്പറഞ്ഞ ദിവസങ്ങളിൽ മേല്പറഞ്ഞ പ്രദേശങ്ങളിൽ മത്സ്യബന്ധനത്തിന് പോകാൻ പാടുള്ളതല്ല.
 

പ്രശസ്ത കവി അക്കിത്തം അച്യുതന്‍ നമ്പൂതിരിക്ക് ഭാരതീയ ജ്ഞാനപീഠ പുരസ്‌കാരം സെപ്തംബര്‍ 24 ന് ഉച്ചയ്ക്ക് 12 ന് കവിയുടെ കുമരനെല്ലൂരിലെ വസതിയില്‍ നടക്കുന്ന പരിപാടിയില്‍ സമര്‍പ്പിക്കും. കോവിഡ് മാനദണ്ഡങ്ങള്‍ക്ക് വിധേയമായി പരമാവധി ജനപങ്കാളിത്തം കുറച്ച് സംഘടിപ്പിക്കുന്ന പരിപാടിയില്‍ മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സ് വഴിയും സാംസ്‌ക്കാരിക വകുപ്പ് മന്ത്രി എ.കെ.ബാലന്‍ നേരിട്ടും പങ്കെടുക്കും.

കാസര്‍കോട്് ജില്ലാ പഞ്ചായത്തിന്റെ 2020-21  വാര്‍ഷിക പദ്ധതിയിലെ ' പട്ടികജാതി വിഭാഗത്തില്‍പ്പെട്ട വനിതാ ഗ്രൂപ്പുകള്‍ക്ക് ശിങ്കാരി മേളം പരിശീലനവും വാദ്യോപകരണങ്ങള്‍ നല്‍കലും' എന്നതിലേക്ക് ജില്ലയിലെ പട്ടികജാതി വിഭാഗത്തില്‍പ്പെട്ട വനിതാ ഗ്രൂപ്പുകളില്‍ നിന്നും അപേക്ഷ ക്ഷണിച്ചു.  പത്ത് അംഗങ്ങള്‍ ഉളള ഗ്രൂപ്പ് ആയിരിക്കണം. വെളളക്കടലാസില്‍ തയ്യാറാക്കിയ അപേക്ഷയോടൊപ്പം അംഗങ്ങളുടെ ജാതി, വയസ്സ് എന്നിവ തെളിയിക്കുന്ന സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം  സെപ്തംബര്‍ 30 നകം  കാസര്‍കോട് സിവില്‍സ്റ്റേഷനിലെ ജില്ലാ പട്ടികജാതി വികസന ഓഫീസില്‍ സമര്‍പ്പിക്കണം.കൂടുതല്‍ വിവരങ്ങള്‍ക്ക് 04994252561  

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന്  ജില്ലയിൽ ഇന്ന് (സെപ്തംബർ 16) വൈകിട്ട് 6.30 വരെ  പോലീസ് നടത്തിയ പരിശോധനയിൽ 18 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  44 പേരെ അറസ്റ്റ് ചെയ്തു.   

 മാസ്ക് ധരിക്കാത്ത 119 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 119 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.