കോവിഡ് 19 ബാധിതരായി  ജില്ലയില്‍ നിലവില്‍ 1678 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 17) ജില്ലയില്‍ 241 പേര്‍ക്കാണ് രോഗം സ്ഥിരീകരിച്ചത്. ഇന്ന് 211 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 55744 സാമ്പിളുകള്‍ പരിശോധനയ്ക്കായി അയച്ചതില്‍ 53317 പരിശോധനാ ഫലങ്ങളാണ് ലഭ്യമായത്. ഇന്ന് 838 പരിശോധനാ ഫലങ്ങളാണ് ലഭിച്ചത്. പുതുതായി 586 സാമ്പിളുകൾ അയച്ചു. 7054 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 5300 പേർ രോഗമുക്തി നേടി. ഇനി 1419 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്തംബർ 17) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ രണ്ട് കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു.205 പ്രതികളാണുള്ളത്  ഇത്രയും കേസുകളിലായി  5 പേരെ അറസ്റ്റ് ചെയ്തു.   

 മാസ്ക് ധരിക്കാത്ത 164 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 164 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

പാലക്കാട് ജില്ലയിൽ ഇന്ന്(സെപ്റ്റംബർ 17) 241പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 156  പേർ, ഇതര സംസ്ഥാനങ്ങളിൽ നിന്ന് വന്ന 27 പേർ, ഉറവിടം അറിയാത്ത രോഗബാധ ഉണ്ടായ 58 പേർ എന്നിവർ ഉൾപ്പെടും.114 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

തമിഴ്നാട്-3
തത്തമംഗലം സ്വദേശി (60 പുരുഷൻ)

കടമ്പഴിപ്പുറം സ്വദേശികൾ (11 ആൺകുട്ടി 38 പുരുഷൻ)

ഒറീസ-13
 12 അതിഥി തൊഴിലാളികൾ

ജില്ലയിലെ വൃക്ക മാറ്റിവെച്ച രോഗികള്‍ക്കുള്ള  ജീവന്‍രക്ഷാ മരുന്ന് വിതരണം ഇന്ന് ( സെപ്തംബര്‍ 18) രാവിലെ 11  ജില്ലാ പഞ്ചായത്ത് പ്രസിഡന്റ് അഡ്വ. കെ. ശാന്തകുമാരി  ഉദ്ഘാടനം നിര്‍വഹിക്കും . ജില്ലാ പഞ്ചായത്ത് ഹാളില്‍ നടക്കുന്ന പരിപാടിയില്‍ ജില്ലാ പഞ്ചായത്ത് ആരോഗ്യ സ്റ്റാന്‍ഡിങ്ങ് കമ്മിറ്റി ചെയര്‍പേഴ്‌സണ്‍ ബിനുമോള്‍ അധ്യക്ഷയാവും . ജനപ്രതിനിധികള്‍ ഉദ്യോഗസ്ഥര്‍ എന്നിവര്‍ പരിപാടിയില്‍ പങ്കെടുക്കും.

ജില്ലയിലെ അസിസ്റ്റന്റ് പബ്ലിക് പ്രോസിക്യൂട്ടര്‍മാരുടേയും ജില്ലയിലെ പോലീസ് അധികാരികളുടെയും ഇ - പ്രോസിക്യൂഷന്‍ ട്രെയിനിങ്ങ് ഇന്ന്( സെപ്തംബര്‍ 18 ) ന് രാവിലെ 11 ന് പാലക്കാട് എന്‍.ഐ. സി. സെന്ററില്‍ നടക്കുമെന്ന് ഡെപ്യൂട്ടി ഡയറക്ടര്‍ ഓഫ്  പ്രോസിക്യൂഷന്‍ അറിയിച്ചു.

സംസ്ഥാന തൊഴിലാളി ക്ഷേമനിധി ബോര്‍ഡിലെ വരിക്കാരായ തൊഴിലാളികളുടെ മക്കള്‍ക്ക് ഐ.ടി.ഐ പ്രവേശനത്തിന് അപേക്ഷിക്കാം. സംസ്ഥാനത്തെ 12 ഐ.ടി.ഐ കളിലായി 13 ട്രേഡുകളിലാണ് അപേക്ഷിക്കാന്‍ അവസരം. 240 സീറ്റുകളുണ്ട്. താത്പര്യമുള്ളവര്‍ക്ക് സെപ്റ്റംബര്‍ 28 വരെ www.labourwelfarefund.in ല്‍ ഓണ്‍ലൈനായി അപേക്ഷ സമര്‍പ്പിക്കാം. പ്രവേശനം ലഭിക്കുന്ന ട്രെയിനിക്ക് പ്രതിമാസം 300 വീതം സ്റ്റൈപന്റ് ലഭിക്കും. ഫോണ്‍-0491 2505135.