തുമ്പമണ്‍ സിഎച്ച്സിയെ ബ്ലോക്ക് തല കുടുംബാരോഗ്യ കേന്ദ്രമായി ഉയര്‍ത്തി സര്‍ക്കാര്‍ ഉത്തരവായതായി ചിറ്റയം ഗോപകുമാര്‍ എംഎല്‍എ അറിയിച്ചു. ഇതിനായി സര്‍ക്കാര്‍ 37 ലക്ഷം രൂപ അനുവദിച്ചു. ഇതോടെ തുമ്പമണ്‍ സിഎച്ച്സിയില്‍ വലിയ വികസനം സാധ്യമാകും.

  കടമ്പനാട് മാഞ്ഞാലിയില്‍ പ്രവര്‍ത്തിക്കുന്ന ആയുര്‍വേദ ആശുപത്രിയില്‍ എംഎല്‍എയുടെ ആസ്തി വികസന ഫണ്ടില്‍ നിന്നും 40 ലക്ഷം രൂപ വിനിയോഗിച്ച് പുതിയ പേ വാര്‍ഡ് നിര്‍മിക്കുന്നതിന് തുടക്കമായി. പുതിയ പേ വാര്‍ഡിന്റെ നിര്‍മാണ ഉദ്ഘാടനം ചിറ്റയം ഗോപകുമാര്‍ എംഎല്‍എ നിര്‍വഹിച്ചു. 

ആലപ്പുഴ, പത്തനംതിട്ട, കൊല്ലം ജില്ലകളില്‍ നിന്നു ധാരാളം ആളുകള്‍ ചികിത്സയ്ക്കെത്തുന്ന സ്ഥലമാണ് കടമ്പനാട് ഗ്രാമപഞ്ചായത്തിലെ മാഞ്ഞാലിയിലെ ആയുര്‍വേദ ആശുപത്രി. ഈ പശ്ചാത്തലത്തില്‍ കൂടുതല്‍ അടിസ്ഥാനസൗകര്യങ്ങള്‍ വേണം എന്നതു കണക്കിലെടുത്താണ് കെട്ടിടം നിര്‍മിക്കുന്നതിന് ആസ്തി വികസന ഫണ്ട് എംഎല്‍എ അനുവദിച്ചത്.  

സബ്‌സിഡി-രഹിത മണ്ണെണ്ണ (ലിറ്ററിന് 30/രൂപ), കാര്‍ഷിക മേഖലയില്‍ ജലസേചനത്തിനുള്ള വെള്ളം പമ്പ് ചെയ്യുന്നതിനല്ലാതെ മറ്റേതെങ്കിലും അനുബന്ധ കാര്യങ്ങള്‍ക്കായി (കാര്‍ഷിക ആവശ്യങ്ങള്‍ക്ക് ഉപയോഗിക്കുന്ന യന്ത്ര ഉപകരണങ്ങള്‍ സര്‍വിസ് ചെയ്യുന്നതിനും മറ്റും) ആവശ്യമുള്ള പക്ഷം പ്രതിമാസം പരമാവധി 10 ലിറ്റര്‍ വരെ അനുവദിക്കുമെന്ന്  ജില്ലാ സപ്ലൈ ഓഫീസര്‍ അറിയിച്ചു. 

പത്തനംതിട്ട ജില്ലാ പ്രൊബേഷന്‍ ഓഫീസിലേക്ക് പുതിയതായി ഗ്രേഡ്-2  പ്രൊബേഷന്‍ ഓഫീസര്‍ തസ്തിക അനുവദിച്ചു. പ്രൊബേഷന്‍ ഓഫ് ഒഫന്‍ഡേഴ്സ് ആക്ട്, പ്രിസണ്‍ റൂള്‍സ് എന്നിവ പ്രകാരമുള്ള ചുമതലകളും മുന്‍ തടവുകാര്‍, തടവുകാരുടെ ആശ്രിതര്‍, ക്ഷേമ സ്ഥാപനങ്ങളിലെ മുന്‍ താമസക്കാര്‍ എന്നിവരുടെ പുനരാധിവാസ പ്രവര്‍ത്തനങ്ങളും നടത്തുന്നതിന് ജില്ലയില്‍  ജില്ലാ പ്രൊബേഷന്‍ ഓഫീസര്‍ മാത്രമായിരുന്നു നിലവിലുണ്ടായിരുന്നത്. 

റോഡുകളുടെ ഗട്ടറുകള്‍ നികത്തണമെന്ന ജനങ്ങളുടെ ആവശ്യമാണ് അത്യാധുനിക രീതിയിലുള്ള പുതിയ റോഡായി മാറിയിരിക്കുന്നതെന്ന് അഡ്വ.കെ.യു ജനീഷ് കുമാര്‍ എംഎല്‍എ പറഞ്ഞു. മണ്ണാറക്കുളഞ്ഞി - കോഴഞ്ചേരി റോഡ് പദ്ധതി പ്രഖ്യാപിച്ചപ്പോള്‍ പോലും നടക്കുമോ എന്ന് കരുതിയ പലരും നമ്മുടെ നാട്ടില്‍ ഉണ്ടായിരുന്നു. റോഡ് പണി ആരംഭിച്ചപ്പോഴാണ് ഈ പദ്ധതി യാഥാര്‍ത്ഥ്യമാകുമെന്ന് ആളുകള്‍ മനസിലാക്കിയത്. വീണാ ജോര്‍ജ് എംഎല്‍എ കൂടെനിന്ന് പ്രവര്‍ത്തിച്ചതിനാലാണ് പണി പൂര്‍ത്തീകരിക്കാന്‍ സാധിച്ചത്. മണ്ണാറക്കുളഞ്ഞി കോഴഞ്ചേരി റോഡിന്റെ ഓരോ ഘട്ടത്തിലേയും എംഎല്‍എയുടെ ഇടപെടല്‍ പ്രശംസനീയമാണ്.

സര്‍ക്കാര്‍ നടത്തിയ വികസനങ്ങള്‍ ജനങ്ങള്‍ക്ക് ഏറെ പ്രയോജനകരമാണെന്ന് വീണാ ജോര്‍ജ് എം.എല്‍.എ പറഞ്ഞു. കോഴഞ്ചേരി പഞ്ചായത്ത് ഹാളില്‍ നടന്ന മണ്ണാറക്കുളഞ്ഞി - കോഴഞ്ചേരി റോഡിന്റെ ഉദ്ഘാടന ചടങ്ങില്‍ സംസാരിക്കുകയായിരുന്നു വീണാ ജോര്‍ജ് എംഎല്‍എ.  ആറന്മുള മണ്ഡലത്തിലെ കിഫ്ബി പദ്ധതി പ്രകാരം പൂര്‍ത്തീകരിക്കുന്ന ആദ്യത്തെ റോഡാണ് മണ്ണാറക്കുളഞ്ഞി - കോഴഞ്ചേരി റോഡ്. റോഡിന്റെ പൂര്‍ത്തീകരണത്തിലൂടെ മണ്ഡലകാലത്തു ശബരിമല തീര്‍ത്ഥാടകര്‍ക്കും വാണിജ്യ ആവശ്യങ്ങള്‍ക്കായി മറ്റു ജില്ലകളെ ആശ്രയിക്കുന്ന യാത്രക്കാര്‍ക്കും ഗതാഗത തടസം ഉണ്ടാകാതെ സുഗമമായി യാത്ര ചെയ്യാന്‍ കഴിയും.

നിരവധി പ്രതിസന്ധികളിലൂടെ കടന്നുപോയ സാഹചര്യത്തിലും വികസനത്തിന് മുടക്കം വരുന്ന രീതിയില്‍ ഒരു പദ്ധതി പോലും ഈ സര്‍ക്കാര്‍ ഉപേക്ഷിച്ചില്ലെന്ന് മാത്യു.ടി തോമസ് എംഎല്‍എ പറഞ്ഞു. ഉപദേശിക്കടവ് പാലത്തിന്റെ നിര്‍മ്മാണോദ്ഘാടന ചടങ്ങില്‍ സംസാരിക്കുകയായിരുന്നു അദ്ദേഹം.

പരുമല പള്ളി, മാന്നാര്‍ തൃക്കുരട്ടി ക്ഷേത്രം, പനയന്നാര്‍ കാവ് ക്ഷേത്രം എന്നിവിടങ്ങളിലേക്ക് എത്തുന്ന തീര്‍ഥാടകര്‍ക്ക് ഉപദേശിക്കടവ് പാലം ഗുണകരമാകുമെന്ന് പൊതുമരാമത്തു വകുപ്പ് ജി സുധാകരന്‍ പറഞ്ഞു. പാലം ശിലാസ്ഥാപന ചടങ്ങളില്‍ അധ്യക്ഷ പ്രസംഗം നടത്തുകയായിരുന്നു അദ്ദേഹം. 

ജനങ്ങളുടെ സുഗമമായ സഞ്ചാരത്തിനും വികസനത്തിനും  പത്തനംതിട്ട, ആലപ്പുഴ ജില്ലകളിലെ അതിര്‍ത്തി പ്രദേശങ്ങളുടെ വികസനത്തിനും ഉപദേശിക്കടവ് പാലം കരുത്താകുമെന്ന് മുഖ്യമന്ത്രി പിണറായി വിജയന്‍ പറഞ്ഞു. തിരുവല്ല കടപ്ര പഞ്ചായത്തിലെ ഉപദേശികടവ് പാലത്തിന്റെ നിര്‍മ്മാണം ഓണ്‍ലൈനിലൂടെ ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി. 

 നാല് വര്‍ഷത്തിനിടയില്‍ ആറന്മുള മണ്ഡലത്തില്‍ വിവിധ വികസന പ്രവര്‍ത്തനങ്ങളാണ് നടന്നതെന്ന് പൊതുമരാമത്ത്, രജിസ്ട്രേഷന്‍ വകുപ്പ് മന്ത്രി ജി. സുധാകരന്‍ പറഞ്ഞു. നാലു വര്‍ഷങ്ങള്‍ക്ക് മുന്‍പ് ആറന്മുള മണ്ഡലം ഇന്നത്തേതു പോലെ വികസനമുള്ള പ്രദേശമായിരുന്നില്ല. ഉന്നതനിലവാരത്തിലാണ് കോഴഞ്ചേരി - മണ്ണാറക്കുളഞ്ഞി റോഡ് ടാറിംഗ് പൂര്‍ത്തീകരിച്ചത്. 15.4 കിലോമീറ്റര്‍ ദൂരം വരുന്ന റോഡ് ഏറെ പ്രയോജനകരമാകുമെന്നും യോഗത്തില്‍ അധ്യക്ഷത വഹിച്ച മന്ത്രി പറഞ്ഞു.