നെന്മാറ ഗവ. ഐ.ടി.ഐ.യില്‍ ഒരു വര്‍ഷത്തെ കമ്പ്യൂട്ടര്‍ ആപ്ലിക്കേഷന്‍ ആന്‍ഡ് പ്രോഗ്രാമിങ് അസിസ്റ്റന്റ്, വെല്‍ഡര്‍, ദ്വിവര്‍ഷത്തെ ഡ്രാഫ്റ്റ്സ്മാന്‍ സിവില്‍ എന്നീ എന്‍.സി.വി.ടി കോഴ്സുകള്‍ക്ക് അപേക്ഷിക്കാം. www.itiadmissions.kerala.gov.in മുഖേന 100 രൂപ ഫീസടിച്ച് സെപ്തംബര്‍ 24 വരെ അപേക്ഷിക്കാമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 04923-241010.

റേഷന്‍കടകള്‍ വഴി വിതരണം നടത്തുന്ന എല്ലാ വിഭാഗം കാര്‍ഡുടമകള്‍ക്കുള്ള സൗജന്യ ഓണക്കിറ്റ് വിതരണം ഇന്നുകൂടി (സെപ്തംബര്‍ 19) മാത്രമായിരിക്കുമെന്ന് ജില്ലാ സപ്ലൈ ഓഫീസര്‍ അറിയിച്ചു.

വനിതകളുടെ ആരോഗ്യസംരക്ഷണം ലക്ഷ്യമിട്ട് പുതുശ്ശേരിയില്‍ ആരംഭിച്ച വനിതാ ജിംനേഷ്യം ഗ്രാമപഞ്ചായത്ത് പ്രസിഡണ്ട് പി ഉണ്ണികൃഷ്ണന്‍ ഉദ്ഘാടനം ചെയ്തു. വൈസ് പ്രസിഡന്റ് വി.ശിവകാമി അധ്യക്ഷയായി.

വനിതകള്‍ക്ക് വ്യായാമത്തിന് അവസരമൊരുക്കുന്നതിലൂടെ  ജീവിത ശൈലി രോഗം കുറയ്ക്കുന്നതിന് സഹായകരമാകുമെന്ന് പ്രസിഡന്റ് കെ.ഉണ്ണികൃഷ്ണന്‍ പറഞ്ഞു. പുരുഷന്മാര്‍ക്കായി ഓപ്പണ്‍ ജിംനേഷ്യം സ്ഥാപിക്കുമെന്നും കോവിഡ് മാനദണ്ഡങ്ങള്‍ പാലിച്ചായിരിക്കും വനിതാ ജിംനേഷ്യം പ്രവര്‍ത്തിക്കുകയെന്നും അദ്ദേഹം കൂട്ടിച്ചേര്‍ത്തു.

ജില്ലാ ഡോക്സി ദിനാചരണം 

എറണാകുളം :  എലിപ്പനി പ്രതിരോധ പ്രവർത്തനങ്ങളുടെ  ഭാഗമായി  കൊച്ചിൻ കോർപ്പറേഷൻ ശുചീകരണ ജീവനക്കാർക്ക് ഡോക്സിസൈക്ലിൻ വിതരണം ചെയ്ത് മേയർ സൗമിനി ജെയിൻ ജില്ലാ തല ഡോക്സി ഡേ

ഉദ്ഘാടനം ചെയ്തു. ഭീതിപ്പെടുത്തുന്ന കോവിഡിനൊടൊപ്പം ജില്ലയിൽ എലിപ്പനി ഡെങ്കിപ്പനി തുടങ്ങിയ ജലജന്യരോഗങ്ങളും വർധിക്കുകയാണ്.  പ്രതിരോധ ഗുളിക കഴിക്കുന്നതോടൊപ്പം സ്വയം പ്രതിരോധിക്കാൻ മറന്നു പോകരുതെന്നും മേയർ പറഞ്ഞു. 

കൊച്ചിൻ കോർപറേഷൻ ഓഫീസിന് സമീപമുള്ള യാത്ര ഓഫീസിൽ നടന്ന പരിപാടിയിൽ കൊച്ചിൻ കോർപ്പറേഷൻ ആരോഗ്യ സ്റ്റാൻഡിങ് കമ്മിറ്റി ചെയർമാൻ പ്രതിഭാ അൻസാരി അധ്യക്ഷത വഹിച്ചു. 

മുനമ്പം ഹാർബർ സെപ്റ്റംബർ 21 ന് തുറക്കും 

ലൈഫ് മിഷൻ: മൂന്ന് ഭവന സമുച്ചയങ്ങളുടെ നിർമാണ ഉത്‌ഘാടനം സെപ്റ്റംബർ 24 ന് 

എറണാകുളം : സമ്പൂർണ പാർപ്പിട സുരക്ഷാ പദ്ധതിയായ ലൈഫ് മിഷൻ്റെ മൂന്നാം ഘട്ടത്തിൽ ജില്ലയിൽ നിർമ്മിക്കുന്ന മൂന്ന് ഭവനസമുച്ചയങ്ങളുടെ നിർമ്മാണോദ്ഘാടനം മുഖ്യമന്ത്രി പിണറായി വിജയൻ സെപ്തം. 24 ന് നിർവഹിക്കും. കൂത്താട്ടുകുളം നഗരസഭയിലും, അയ്യമ്പുഴ, കരുമാലൂർ പഞ്ചായത്തുകളിലുമാണ് ഭവനസമുച്ചയങ്ങൾ ഉയരുക.  രാവിലെ 11.30 ന് ഓൺലൈൻ ആയാണ് ഉത്‌ഘാടനം. സംസ്ഥാനത്തൊട്ടാകെ 29 ഭവന സമുച്ചയങ്ങളുടെ നിർമ്മാണ ഉദ്ഘാടനം ഇതോടൊപ്പം നടക്കും.