പോപ്പുലര്‍ ഫിനാന്‍സ് തട്ടിപ്പു കേസിലെ അഞ്ചാം പ്രതിയും സ്ഥാപന ഉടമയുടെ മകളുമായ റിയാ തോമസിനെ പോലീസ് അറസ്റ്റ് ചെയ്തു. വ്യാഴാഴ്ച രാത്രി നിലമ്പൂരിലെ ഭര്‍തൃഗൃഹത്തില്‍ നിന്നാണ് ഇവരെ പിടികൂടിയത്. കോന്നി പോലീസ് ഇന്‍സ്‌പെക്ടര്‍ പി. എസ്. രാജേഷിന്റെ നേതൃത്വത്തില്‍ വനിതാ പോലീസ് ഉള്‍പ്പെടെയുള്ള അന്വേഷണ സംഘമാണ് റിയയെ പിടികൂടി പത്തനംതിട്ടയില്‍ എത്തിച്ചത്. 

കേരള കര്‍ഷകതൊഴിലാളി ക്ഷേമനിധി ബോര്‍ഡിന്റെ പത്തനംതിട്ട ഓഫീസില്‍ അംഗങ്ങളായ തൊഴിലാളികളുടെ മക്കള്‍ക്ക് 2019-20 അധ്യയനവര്‍ഷത്തെ വിദ്യാഭ്യാസ/ഉന്നതവിദ്യാഭ്യാസ ധനസഹായത്തിനുളള അപേക്ഷ ക്ഷണിച്ചു.

കോഴഞ്ചേരി ഗ്രാമപഞ്ചായത്തില്‍ ഹരിതകേരളം മിഷന്റെ നേതൃത്വത്തില്‍ തരിശുഭൂമിയില്‍ പച്ചപ്പൊരുക്കുന്ന പച്ചത്തുരുത്ത് പദ്ധതിക്ക് തുടക്കമായി. ഗ്രാമപഞ്ചായത്ത പ്രസിഡന്റ് മിനി ശ്യാം മോഹന്‍ തൈ നട്ട് പദ്ധതി ഉദ്ഘാടനം ചെയ്തു. ഹരിതകേരളം മിഷന്‍ ജില്ലാ കോര്‍ഡിനേറ്റര്‍ ആര്‍.രാജേഷ് പദ്ധതി വിശദീകരണ നടത്തി. 

കോഴഞ്ചേരി ഗ്രാമപഞ്ചായത്ത് ഏഴാം വാര്‍ഡില്‍ കെ.എസ്.എച്ച്.ബി. രാജീവ് ഗാന്ധി കോളനിയോട് ചേര്‍ന്ന് ഒഴുകുന്ന വലിയതോടിന്റെ പുനരുദ്ധാരണവുമായി ബന്ധപ്പെട്ട വിലയിരുത്തലിനായി ഇലന്തൂര്‍ ബ്ലോക്ക് പഞ്ചായത്തിന്റെയും ഹരിതകേരളം മിഷന്റേയും നേതൃത്വത്തില്‍ അവസ്ഥാപഠന യാത്ര നടത്തി. 

അവസ്ഥാ പഠനയാത്ര ഇലന്തൂര്‍ ബ്ലോക്ക് പഞ്ചായത്ത് പ്രസിഡന്റ് ജെറി മാത്യു സാം ഉദ്ഘാടനം ചെയ്തു. കോഴഞ്ചേരി ഗ്രാമപഞ്ചായത്ത് പ്രസിഡന്റ് മിനി ശ്യാം മോഹന്‍ അധ്യക്ഷത വഹിച്ചു. ഹരിതകേരളം മിഷന്‍ ജില്ലാ കോര്‍ഡിനേറ്റര്‍ ആര്‍.രാജേഷ് പദ്ധതി വിശദീകരണം നടത്തി. 

തീര്‍ഥാടകര്‍ക്കും നാട്ടുകാര്‍ക്കും ടൂറിസ്റ്റുകള്‍ക്കും ഒരുപോലെ ഉപകാരപ്പെടുന്ന ബഹുമുഖ പ്രയോജനമുള്ള റോഡാണ് അഞ്ഞിലികുന്ന് കിഴക്കുപുറം കോട്ടമുക്ക് റോഡ് എന്ന് പൊതുമരാമത്ത് വകുപ്പ് മന്ത്രി ജി.സുധാകരന്‍ പറഞ്ഞു. അത്യാധുനിക രീതിയില്‍ നവീകരിക്കുന്ന അഞ്ഞിലികുന്ന് കോട്ടമുക്ക് റോഡിന്റെ നിര്‍മാണ ഉദ്ഘാടനം നിര്‍വഹിച്ചു സംസാരിക്കുകയായിരുന്നു മന്ത്രി. 

കോന്നിയില്‍  പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്റ്  ഡെവലപ്മെന്റ് (സി.എഫ്.ആര്‍.ഡി) ന്റെ  കീഴില്‍ കോളജ് ഓഫ് ഇന്‍ഡിജന്‍സ് ഫുഡ് ടെക്നോളജി (സി.എഫ്.റ്റി.കെ ) നടത്തുന്ന  എം.എസ്.സി ഫുഡ് ടെക്നോളജി ആന്റ് ക്വാളിറ്റി അഷ്വറന്‍സ്  കോഴ്സിലേക്ക്  അപേക്ഷ ക്ഷണിച്ചു. അപേക്ഷാ ഫോമിനും  വിശദവിവരങ്ങള്‍ക്കും  സപ്ലൈകോ  വെബ്സൈറ്റായ www.supplycokerala.com സന്ദര്‍ശിക്കാം. .

.

വെച്ചൂച്ചിറ ഗവ: പോളിടെക്‌നിക് കോളജില്‍ 2020-21 അധ്യയന വര്‍ഷത്തെ ത്രിവത്സര  ഡിപ്ലോമ കോഴ്‌സുകളില്‍  മൂന്നാം സെമസ്റ്ററിലേക്ക്  ലാറ്റെറല്‍ എന്‍ട്രി സ്‌പോട്ട് അഡ്മിഷന്‍ സെപ്റ്റംബര്‍ 24 ന്   നടക്കും.  രജിസ്‌ട്രേഷന്‍ സമയം അന്നേ ദിവസം രാവിലെ ഒന്‍പത് മുതല്‍ 10.30 വരെ. പത്തനംതിട്ട ജില്ലയില്‍  ഓപ്ഷന്‍ നല്‍കി റാങ്ക് ലിസ്റ്റില്‍ ഉള്‍പ്പെട്ടിട്ടുളള എല്ലാവര്‍ക്കും  പ്രവേശനത്തില്‍ പങ്കെടുക്കാം. 

ഹൈസ്‌കൂള്‍  ഹയര്‍ സെക്കന്ററി വിദ്യാര്‍ഥികള്‍ക്കായി  കേരള ഖാദി  ഗ്രാമവ്യവസായ ബോര്‍ഡ്  നടത്തിവരുന്ന  സംസ്ഥാനതല ക്വിസ് മത്സരം  കോവിഡ് കാരണം  ഈ വര്‍ഷം ഓണ്‍ ലൈനായി  പ്രജ്ഞ 2020 എന്ന പേരില്‍   നടത്തും.   ഗ്രാന്റ് മാസ്റ്റര്‍  ഡോ.ജി.എസ് പ്രദീപ്  ക്വിസ് മത്സരം നയിക്കും. 

ക്വിസ് മത്സരത്തിന്റെ വിഷയം 70 ശതമാനം  പൊതു വിജ്ഞാനവും  30  ശതമാനം  ഗാന്ധിജിയും ഖാദിയും  ഇന്ത്യന്‍  സ്വാതന്ത്ര്യ സമരവും  എന്നതാണ്.   കേരളത്തിലെ        സര്‍ക്കാര്‍-എയിഡഡ്-അണ്‍ എയിഡഡ്  സ്‌കൂളുകളിലെ  8 മുതല്‍ 12 വരെ ക്ലാസിലെ കുട്ടികള്‍ക്ക് പങ്കെടുക്കാം.