പുതുതലമുറയെ പോഷക സമൃദ്ധമായി പരിപാലിച്ച് ആരോഗ്യമുള്ള തലമുറയെ വളര്‍ത്തുന്നതിന് അംഗന്‍വാടികളുടെ പങ്ക് വലുതാണെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണ്ണാ ദേവി പറഞ്ഞു. കേന്ദ്ര സര്‍ക്കാരിന്റെ പോഷണ്‍ അഭിയാന്‍ പദ്ധതിയുടെ ഭാഗമായിട്ടുള്ള പോഷക മാസാചരണം (പോഷണ്‍ മഹ്) പരിപാടി ജില്ലാ കൃഷി  വിജ്ഞാന കേന്ദ്രത്തില്‍ ഉദ്ഘാടനം ചെയ്ത് സംസാരിക്കുകയായരിന്നു അന്നപൂര്‍ണ്ണാ ദേവി.  എല്ലാ പഞ്ചായത്തിലും വാര്‍ഡ് തലത്തില്‍ പ്രവര്‍ത്തിക്കുന്ന അംഗന്‍വാടികള്‍ക്ക് പോഷക തോട്ട പദ്ധതിയും ഉദ്ദേശലക്ഷ്യങ്ങള്‍ നേടാന്‍ കഴിയട്ടെ എന്ന് ജില്ലാ പഞ്ചായത്ത് പ്രസിഡന്റ് പറഞ്ഞു. 

പത്തനംതിട്ട ജില്ലയില്‍ ഇന്ന്(18) 

101 പേര്‍ക്ക് കോവിഡ്-19 സ്ഥിരീകരിച്ചു

ജില്ലയില്‍ ഇന്ന് 149 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ 6 പേര്‍ വിദേശ രാജ്യങ്ങളില്‍ നിന്ന് വന്നവരും, 12 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 83 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

• വിദേശത്തുനിന്ന് വന്നവര്‍

1) യു.എസ്.എ.യില്‍ നിന്നും എത്തിയ പത്തനംതിട്ട സ്വദേശി (66).

2) കുവൈറ്റില്‍ നിന്നും എത്തിയ നിരണം സ്വദേശി (34). 

ആരോഗ്യവകുപ്പിന്റെ കോംപ്രഹെന്‍സീവ് മെന്റല്‍ ഹെല്‍ത്ത് പ്രോഗ്രാമിന്റെ ഭാഗമായി മുഖത്തലയിലെയും വള്ളിക്കാവ് പി എച്ച് സി, വെളിനല്ലൂര്‍ സി എച്ച് സി യിലെയും പകല്‍വീട് പദ്ധതികളിലേക്ക് വാഹനം ആവശ്യമുണ്ട്. വിശദ വിവരങ്ങള്‍ ഡി എം ഒ ഓഫീസ് നോട്ടീസ് ബോര്‍ഡിലും 0474-2740166 എന്ന നമ്പരിലും ലഭിക്കും.
(പി.ആര്‍.കെ നമ്പര്‍ 2483/2020)

ആരോഗ്യവകുപ്പിന്റെ കോംപ്രഹെന്‍സീവ് മെന്റല്‍ ഹെല്‍ത്ത് പ്രോഗ്രാമിന്റെ ഭാഗമായി മുഖത്തലയിലെയും വള്ളിക്കാവ് പി എച്ച് സി, വെളിനല്ലൂര്‍ സി എച്ച് സി യിലെയും പകല്‍വീട് പദ്ധതികളില്‍ മാനസിക രോഗികള്‍ക്ക് ഭക്ഷണം നല്‍കുന്നതിന് താത്പര്യമുള്ള വ്യക്തികള്‍, ഹോട്ടലുകള്‍, കുടുംബശ്രീ എന്നിവരില്‍ നിന്നും ടെണ്ടര്‍ ക്ഷണിച്ചു. വിശദ വിവരങ്ങള്‍ ഡി എം ഒ ഓഫീസ് നോട്ടീസ് ബോര്‍ഡിലും 0474-2740166 എന്ന നമ്പരിലും ലഭിക്കും.
(പി.ആര്‍.കെ നമ്പര്‍ 2482/2020)

കുളക്കട ഗ്രാമപഞ്ചായത്തിലെ  ഭൂരഹിത,  ഭവനരഹിതരായ കുടുംബങ്ങള്‍ക്ക്  ലൈഫ് മിഷന്‍ വഴി  നിര്‍മിച്ച് നല്‍കുന്ന  ഫ്‌ളാറ്റ് സമുച്ചയത്തിന്റെ  ശിലാസ്ഥാപനം
ഇന്ന്(സെപ്റ്റംബര്‍ 19) ഉച്ചക്ക് 12ന് ഫിഷറീസ് വകുപ്പ് മന്ത്രി ജെ മേഴ്‌സിക്കുട്ടിയമ്മ  നിര്‍വഹിക്കും.
കുളക്കട ഗ്രാമപഞ്ചായത്ത് സ്വകാര്യ വ്യക്തിയില്‍ നിന്ന്  49.72 ലക്ഷം രൂപയ്ക്ക് വാങ്ങിയ പൂവറ്റൂര്‍ ആലുംകുന്നില്‍ കാവിന് സമീപത്തെ 1.66 ഏക്കര്‍ ഭൂമിയിലാണ് ഫ്ളാറ്റ് നിര്‍മിക്കുന്നത്. 40 കുടുംബങ്ങള്‍ക്ക് താമസിക്കാന്‍ കഴിയുന്ന തരത്തില്‍  രണ്ട് നിലകളുള്ള നാല്  കെട്ടിടങ്ങള്‍ അടങ്ങുന്നതാണ് ഫ്‌ളാറ്റ് സമുച്ചയം.

കേരള ലളിതകലാ അക്കാദമി കൊല്ലം ഡി ടി പി സി യുമായി സഹകരിച്ച് 'വാക്‌വേ' യുടെ ഭാഗമായി കൊല്ലം ആശ്രാമം മൈതാനത്ത് സംഘടിപ്പിക്കുന്ന 'അഷ്ടശില്പ' ദശദിന ശില്പകലാ ക്യാമ്പ് ആരംഭിച്ചു.  കോണ്‍ക്രീറ്റ് മാധ്യമത്തിലുള്ള ശില്പങ്ങളാണ് ക്യാമ്പില്‍ നിര്‍മ്മിക്കുന്നത്. എം മുകേഷ് എം എല്‍ എ ഉദ്ഘാടനം ചെയ്തു.  
ഓരോ ശില്പത്തിലൂടെയും ആ നാടിനെ അറിയും. ഒരു ശില്പം സ്ഥാപിച്ചു കഴിഞ്ഞാല്‍ മാത്രമെ അതിന്റെ മഹത്വം അറിയാന്‍ കഴിയൂ. നാളെ ഈ മൈതാനത്ത് അഷ്ടമുടിയുടെ നാട്ടില്‍ അഷ്ടശില്പം കാണുവാന്‍ ആളുകള്‍ വരുമെന്നുള്ളതിന് യാതൊരു സംശയവും വേണ്ട.'' എന്ന് അദ്ദേഹം പറഞ്ഞു.

ജില്ലയിലെ മത്സ്യമാര്‍ക്കറ്റുകള്‍ക്ക്  തുറന്ന് പ്രവര്‍ത്തിക്കാന്‍ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവിലൂടെ അനുമതി നല്‍കി. കോവിഡ് മാനദണ്ഡങ്ങള്‍ പാലിച്ച് തദ്ദേശ സ്വയംഭരണ സ്ഥാപനങ്ങളുടെയും പൊലീസിന്റെയും കര്‍ശന നിയന്ത്രണങ്ങള്‍ക്ക്  വിധേയമായി വേണം പ്രവര്‍ത്തനം.
രോഗവ്യാപനം ചെറുക്കാന്‍ രൂപീകരിച്ച സംരക്ഷിത കുടുംബ കൂട്ടായ്മ മാതൃകയില്‍ മത്സ്യമാര്‍ക്കറ്റുകളില്‍ മാര്‍ക്കറ്റ് മാനേജ്‌മെന്റ് സമിതികള്‍ രൂപീകരിക്കണം. മാര്‍ക്കറ്റുകള്‍ ലൈസന്‍സോടുകൂടിയാണ് പ്രവര്‍ത്തിക്കുന്നതെന്ന് ഉറപ്പ് വരുത്തേണ്ടത്  തദ്ദേശ സ്ഥാപന സെക്രട്ടറിമാരുടെ ചുമതലയാണ്.

കോവിഡ് വലയില്‍ പ്പെട്ട് മരണത്തെ മുഖാമുഖം കണ്ടെങ്കിലും മത്സ്യ വില്പന തൊഴിലാളിയായ ടൈറ്റസ് വഴുതി മാറി തിരികെ ജീവിതത്തിലേക്ക് എത്തി. കോവിഡ് രോഗി അത്ഭുതകരമായി ജീവിതത്തിലേക്ക് തിരിച്ചു വന്നത് സംസ്ഥാനത്തെ ആരോഗ്യ ചികിത്സാ രംഗത്തെ അത്യപൂര്‍വ്വമായ സംഭവമായി. കൊല്ലം ജില്ലയിലെ പാരിപ്പള്ളി സര്‍ക്കാര്‍ മെഡിക്കല്‍ കോളേജിലാണ് ഈ കോവിഡ്  അതിജീവനത്തിന്റെ  ഏറ്റവും മികച്ച അടയാളപ്പെടുത്തല്‍.

കൊല്ലം-തേനി ദേശീയപാതയിം ഭരണിക്കാവ് പാറയില്‍ ജംഗ്ഷനില്‍ കലുങ്ക് പുനര്‍ നിര്‍മാണം ആരംഭിക്കുന്നതിനാല്‍ ഇതുവഴിയുള്ള ഗതാഗതം സെപ്തംബര്‍ 22 മുതല്‍ നിയന്ത്രിക്കും. ഭരണിക്കാവില്‍ നിന്നും ചക്കുവള്ളിയിലേക്ക് വരുന്ന വാഹനങ്ങള്‍ സിനിമ പറമ്പില്‍ നിന്ന് ഇടത്തേക്ക് തിരിഞ്ഞ് പോരുവഴി ചിറയില്‍ പള്ളിമുക്കിലൂടെ മയ്യത്തും കരയിലെത്തി ചക്കുവള്ളിക്ക് പോകേണ്ടതാണ്.
ചക്കുവള്ളിയില്‍ നിന്നും ഭരണിക്കാവിലേക്ക് പോകേണ്ട വാഹനങ്ങളും ഇതേവഴി ഉപയോഗിക്കണം.
 (പി.ആര്‍.കെ നമ്പര്‍ 2477/2020)