മാലിന്യ നിർമ്മാർജനത്തിന് പുതുരീതികൾ തേടി വിജയം കണ്ടെത്തുന്ന കൊടുങ്ങല്ലൂർ നഗരസഭ അജൈവ മാലിന്യ ശേഖരണത്തിലും നേടിയത് അപൂർവ്വവ നേട്ടം. പത്തു മാസത്തിനകം 30 ടൺ പ്ലാസ്റ്റിക് മാലിന്യം ശേഖരിച്ചാണ് ഈ നേട്ടത്തിന് കൊടുങ്ങല്ലൂർ അർഹമായത്. നഗരസഭയിൽ അജൈവ മാലിന്യ ശേഖരണത്തിനായി രൂപീകരിച്ച ഹരിതകർമ്മസേന വീടുവീടാന്തരം നടത്തിയ പ്രവർത്തനത്തിന്റെ ഭാഗമായാണ് 30 ടൺ പ്ലാസ്റ്റിക് മാലിന്യം ശേഖരിക്കാൻ സാധിച്ചത്. ശുചീകരണത്തിനൊപ്പം ഹരിതകർമ്മസേനയിൽ അംഗങ്ങളായ വനിതകളുടെ വരുമാനവും ഇരട്ടിയായി വർദ്ധിപ്പിക്കാൻ കഴിഞ്ഞുവെന്നതാണ് മറ്റൊരു നേട്ടം.

അരണാട്ടുകര ജോണ്‍ മത്തായി ക്യാമ്പസിലെ അദ്ദേഹത്തിന്റെ ഭവനവും അനുബന്ധ കെട്ടിടങ്ങളും സംരക്ഷിക്കാന്‍ 10 കോടി രൂപ അനുവദിക്കുമെന്ന് കൃഷിവകുപ്പ് മന്ത്രി വി എസ് സുനില്‍കുമാര്‍ അറിയിച്ചു.

പ്രോജക്ട് അസിസ്റ്റന്റ് ഒഴിവ്

ജില്ലയിലെ 34 തദ്ദേശ സ്വയംഭരണ സ്ഥാപനങ്ങൾക്ക് ശുചിത്വ പദവി നൽകി. മൂന്ന് മുനിസിപ്പാലിറ്റികൾക്കും രണ്ട് ബ്ലോക്ക് പഞ്ചായത്തുകൾക്കും 29 ഗ്രാമപഞ്ചായത്തുകൾക്കുമാണ് ശുചിത്വ പദവി നൽകിയത്. മാലിന്യ സംസ്‌കരണ രംഗത്ത് മെച്ചപ്പെട്ട പ്രവർത്തനങ്ങൾ നടത്തി വരുന്ന തദ്ദേശ സ്വയംഭരണ സ്ഥാപനങ്ങളുടെ ശുചിത്വ പദവി പ്രഖ്യാപനത്തിന്റെ ആദ്യഘട്ടം ഈ മാസം പൂർത്തിയാകും.

കോങ്ങാട് സര്‍ക്കാര്‍ ഹോമിയോ ഡിസ്‌പെന്‍സറിയില്‍ ലാബ് ടെക്‌നീഷ്യന്‍ തസ്തികയിലേക്ക് ദിവസവേതനാടിസ്ഥാനത്തില്‍ നിയമനം നടത്തുന്നു. മെഡിക്കല്‍ വിദ്യാഭ്യാസ ഡയറക്ടര്‍ അംഗീകരിച്ച ഡി.എം.എല്‍.ടിയാണ് യോഗ്യത. താല്‍പര്യമുള്ളവര്‍ സെപ്തംബര്‍ 23 ന് രാവിലെ 11 ന് കോങ്ങാട് ഹോമിയോ ഡിസ്‌പെന്‍സറിയില്‍ നടക്കുന്ന കൂടിക്കാഴ്ചയില്‍ പങ്കെടുക്കണമെന്ന് മെഡിക്കല്‍ ഓഫീസര്‍ അറിയിച്ചു. ഫോണ്‍-9447803575.

ലഫ്റ്റനന്റ് കേണല്‍ നിരഞ്ജന്‍ മെമ്മോറിയല്‍ ഗവ. ഐ.ടി.ഐ എളമ്പുലാശ്ശേരിയില്‍ 2020-21 വര്‍ഷത്തെ പ്രവേശനത്തിന് അപേക്ഷ ക്ഷണിച്ചു. എന്‍.സി.വി.റ്റി ട്രേഡുകളായ ഡ്രാഫ്റ്റ്‌സ്മാന്‍ (സിവില്‍),  പ്ലംബര്‍ ട്രേഡുകളിലേക്കാണ് പ്രവേശനം. ംംം.ശശേമറാശശൈീി.െസലൃമഹമ.ഴീ്.ശി ല്‍ 100 രൂപ അപേക്ഷാ ഫീസ് അടച്ച് സെപ്തംബര്‍ 24 വരെ അപേക്ഷിക്കാം. അപേക്ഷ സമര്‍പ്പിച്ച ശേഷം നിശ്ചിത തീയതികളില്‍ ഐ.ടി.ഐ.കള്‍ പ്രസിദ്ധീകരിക്കുന്ന റാങ്ക് പട്ടിക,  കൗണ്‍സിലിംഗ് തീയതി എന്നിവ പരിശോധിച്ച് പ്രവേശനത്തിന് എത്തണം. ഹെല്‍പ്പ് ഡെസ്‌ക് നമ്പര്‍ - 9447039401, 9447622946.

ജില്ലയിലെ അസിസ്റ്റന്റ് പബ്ലിക് പ്രോസിക്യൂട്ടര്‍മാര്‍ക്കും ഉന്നത പോലീസ് ഉദ്യോഗസ്ഥര്‍ക്കുമായി ഇ - പ്രോസിക്യൂഷന്‍ പരിശീലനം സംഘടിപ്പിച്ചു. പാലക്കാട് എന്‍.ഐ. സി. സെന്ററില്‍ നടന്ന പരിശീലന പരിപാടി ഡയറക്ടര്‍ ഓഫ് പ്രോസിക്യൂഷന്‍സ് (ഭരണം) പി.ബാബുരാജ് ഉദ്ഘാടനം ചെയ്തു. ജില്ലയില്‍ ഇ-പ്രോസിക്യൂഷന്‍ സംവിധാനം നടപ്പിലാക്കുമെന്നും അതിലൂടെ പോലീസിനും പ്രോസിക്യൂഷനും കേസുകളുടെ രേഖകള്‍ ഉടനടി കൈമാറാന്‍ സാധിക്കുമെന്നും പി. ബാബുരാജ് പറഞ്ഞു.

പൊതുവിതരണവുമായി ബന്ധപ്പെട്ട് ഭക്ഷ്യസുരക്ഷ ഉറപ്പുവരുത്തുന്നതിനായി റേഷന്‍ കടകള്‍, സിവില്‍ സപ്ലൈസ് ഗോഡൗണുകള്‍ എഫ്.സി.ഐ ഗോഡൗണുകള്‍ എന്നിവയില്‍ പരിശോധനകള്‍ ഊര്‍ജിതമാക്കാന്‍ ജില്ലാ കളക്ടര്‍ ഡി.ബാലമുരളി നിര്‍ദ്ദേശം നല്‍കി. ഭക്ഷ്യസുരക്ഷാ ജില്ലാതല ഉപദേശക സമിതി യോഗത്തിലാണ് കലക്ടര്‍ നിര്‍ദ്ദേശം നല്‍കിയത്.

കോഴിക്കോട്-പാലക്കാട് ദേശീയപാത 966 ല്‍ 87/000 മുതല്‍ 103/000 ന് ഇടയില്‍ വരുന്ന പലജാതി മരങ്ങളുടെ ലേലം സെപ്തംബര്‍ 24 ന് രാവിലെ 10.30 ന് വട്ടമ്പലം മദര്‍കെയര്‍ ആശുപത്രിക്ക് സമീപം നടക്കുമെന്ന് പൊതുമരാമത്ത് വകുപ്പ് പാലക്കാട് ദേശീയപാത വിഭാഗം അസി.എക്സി. എന്‍ജിനീയര്‍ അറിയിച്ചു.