ഓള്‍ ഇന്ത്യ അപ്രന്റീസ്ഷിപ്പ് പരീക്ഷ സെപ്തംബര്‍ 18 മുതല്‍ 22 വരെ നടക്കും. ട്രെയിനികള്‍  www.apprenticeship.gov.in     പോര്‍ട്ടല്‍ വഴിയോ അതത് അപ്രന്റീസ് പ്രൊഫൈല്‍ വഴിയോ എസ്റ്റാബ്ലിഷ്‌മെന്റ് മുഖേനയോ ഹാള്‍ടിക്കറ്റ് ഡൗണ്‍ലോഡ് ചെയ്യാം. സംശയ നിവാരണങ്ങള്‍ക്ക്  ആര്‍ ഐ സെന്ററുമായോ 0474-2713332 നമ്പരിലോ ബന്ധപ്പെടാം.
(പി.ആര്‍.കെ നമ്പര്‍ 2449/2020)

കൃഷി, ആരോഗ്യം, വിദ്യാഭ്യാസം, ഗതാഗതം, സാമൂഹ്യനീതി,  മൃഗസംരക്ഷണം, ഖനനം, ഫിഷറീസ്, ടൂറിസം,  ഊര്‍ജ്ജം മേഖലകളിലെ നൂതന ആശയങ്ങള്‍ കണ്ടെത്തി ആവശ്യമായ സാമ്പത്തിക-സങ്കേതിക-നിര്‍വ്വഹണ സഹായങ്ങളും പരിശീലനങ്ങളും നല്‍കുന്നതിന് ജില്ലാ ഇന്നൊവേഷന്‍ കൗണ്‍സില്‍ തയ്യാറെടുക്കുന്നു.

ജലനിരപ്പ് 2662.75 മീറ്ററായതിനെ തുടർന്ന് കേരള ഷോളയാർ ഡാം തുറക്കുന്നു. ഡാമിന്റെ ഒന്നാം നമ്പർ റേഡിയൽ ഗേറ്റ് ബുധനാഴ്ച വൈകീട്ട് അഞ്ച് മണിക്ക് ഒരടി തുറക്കുമെന്ന് ജില്ലാ കളക്ടർ അറിയിച്ചു. ഇതോടെ 25 ക്യുമെക്‌സ് ജലം പെരിങ്ങൽക്കുത്ത് ഡാമിലേക്ക് ഒഴുകും. ജലനിരപ്പ് ഉയർന്നുകൊണ്ടിരിക്കുന്ന ഡാമിന്റെ ഫുൾ റിസർവോയർ ലെവൽ 2663 അടിയാണ്. ബുധനാഴ്ച ഉച്ച മൂന്ന് മണിക്ക് ഡാമിൽ സംഭരണ ശേഷിയുടെ 99.50 ശതമാനം വെള്ളമുണ്ട്. ഡാമിന്റെ വൃഷ്ടി പ്രദേശത്ത് നേരിയ മഴയാണ് പെയ്യുന്നത്.

യന്ത്രവൽകൃത കാർഷിക തൊഴിൽ സേനയിലേക്ക് കുടുംബശ്രീ അംഗങ്ങളായ വനിതകളിൽ നിന്നും അപേക്ഷ ക്ഷണിക്കുന്നു. ഇരിങ്ങാലക്കുട ബ്ലോക്ക് പഞ്ചായത്ത് അതിർത്തിയിലെ കാറളം, കാട്ടൂർ, മുരിയാട്, പറപ്പൂക്കര ഗ്രാമപഞ്ചായത്തുകളിൽ സ്ഥിരതാമസക്കാരായ വനിതകൾക്കാണ് അവസരം.
അപേക്ഷകർ 18നും 45നും ഇടയിൽ പ്രായമുള്ളവരും കഴിഞ്ഞ രണ്ട് വർഷങ്ങളിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയിൽ 40 ദിവസമെങ്കിലും പണിയെടുത്തവരുമായിരിക്കണം.

എരുമപ്പെട്ടി പോലീസ് സ്റ്റേഷൻ കെട്ടിടം പൊളിച്ചു നീക്കുന്നതിനുളള ലേലം സെപ്റ്റംബർ 22 രാവിലെ 11ന് എരുമപ്പെട്ടി പോലീസ് സ്റ്റേഷനിൽ നടക്കും. ഫോൺ: 04885 273002
 

മാള കുറുവിലശ്ശേരി കെ കരുണാകരൻ സ്മാരക ഗവ ഐടിഐയിൽ 2020- 21 അധ്യയന വർഷത്തേക്കുള്ള പ്രവേശ നടപടികൾ ആരംഭിച്ചു. ഫിറ്റർ, ഡ്രാഫ്റ്റ്മാൻ, സിവിൽ, ഇലക്ട്രോണിക്സ്, മെക്കാനിക് എന്നിങ്ങനെയുള്ള 14 മെട്രിക് ട്രേഡുകളിലും കാർപെന്റർ, വെൽഡർ, പ്ലംബർ എന്നിങ്ങനെ മൂന്ന് നോൺ മെട്രിക് ട്രേഡുകളിലുമായാണ് പ്രവേശനം. www.itiadmissions.kerala.gov.in എന്ന വെബ്സൈറ്റ് മുഖേന ഓൺലൈനായി സെപ്റ്റംബർ 24 വൈകീട്ട് 5 വരെ അപേക്ഷ സമർപ്പിക്കാം. കൂടുതൽ വിവരങ്ങൾക്ക് 0480 2893127 എന്ന നമ്പറിൽ ബന്ധപ്പെടണമെന്ന് പ്രിൻസിപ്പൽ അറിയിച്ചു.

തൃത്താല ഗവ. ആർട്ട്സ് ആന്റ് സയൻസ് കോളേജിലെ 2020-21 ഒന്നാം വർഷ ഡിഗ്രി കോഴ്സുകളിലേക്ക് സ്പോർട്സ് ക്വാട്ടയിൽ അപേക്ഷ ക്ഷണിച്ചു. സ്പോർട്സ് ക്വാട്ടയിൽ അപേക്ഷ നൽകാൻ താൽപ്പര്യമുള്ള വിദ്യാർത്ഥികൾ പൂരിപ്പിച്ച അപേക്ഷയും അനുബന്ധ സർട്ടിഫിക്കറ്റുകളും സഹിതം സെപ്റ്റംബർ 23-ന് വൈകീട്ട് നാല് മണിക്കുള്ളിൽ കോളേജ് ഓഫീസിൽ സമർപ്പിക്കേണ്ടതാണ്. കൂടുതൽ വിവരങ്ങൾക്ക് 0466-2270335, 0466-2270353 എന്നീ നമ്പറുകളിൽ ബന്ധപ്പെടാവുന്നതാണ്.

ഏറ്റുമാനൂര്‍ സര്‍ക്കാര്‍ ഐ.ടി.ഐ യില്‍ 7.62 കോടി രൂപയുടെ വികസന പദ്ധതിക്ക് തുടക്കം

ആഗോള തൊഴില്‍ മേഖലയിലെ മാറ്റങ്ങള്‍ക്കനുസരിച്ച് യുവതലമുറയുടെ നൈപുണ്യശേഷി വികസിപ്പിക്കുന്നതിനുള്ള നടപടികള്‍ക്ക് സര്‍ക്കാര്‍ മുന്‍ഗണന നല്‍കി വരികയാണെന്ന് തൊഴിലും നൈപുണ്യവും  വകുപ്പ് മന്ത്രി ടി.പി. രാമകൃഷ്ണന്‍ പറഞ്ഞു. ഏറ്റുമാനൂര്‍ ഗവണ്‍മെന്റ്  ഐ.ടി.ഐ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ ഭാഗമായുള്ള വികസന പ്രവൃത്തികളുടെ  ഉദ്ഘാടനം  വീഡിയോ കോണ്‍ഫന്‍സിലൂടെ  നിര്‍വ്വഹിക്കുകയായിരുന്നു അദ്ദേഹം.

കേരളത്തിലെ ഏറ്റവും വലിയ ഫസ്റ്റ് ലൈൻ ട്രീറ്റ്മെന്റ് സെന്ററായ നാട്ടിക ലുലു സി.എഫ്.എൽ.ടി.സിയിൽ കോവിഡ് രോഗികളെ പ്രവേശിപ്പിച്ച് തുടങ്ങി. 1400 ബെഡുകൾ ഒരുക്കിയിട്ടുള്ള സി എഫ് എൽ ടി സിയിൽ ജില്ലയുടെ വിവിധ ഭാഗങ്ങളിൽ നിന്നായി 45 രോഗികളെ പ്രവേശിപ്പിച്ചു. കോവിഡ് രോഗികളുടെ എണ്ണം കൂടുന്ന സാഹചര്യത്തിൽ കാറ്റഗറി ബി വിഭാഗത്തിൽപ്പെടുന്നവർക്ക് 400 ബെഡുകൾ സജ്ജമാക്കിയിട്ടുണ്ട്. കോവിഡ് രോഗികളായ പ്രായമായവർ, മറ്റ് രോഗങ്ങളുള്ളവർ എന്നിവരാണ് ബി കാറ്റഗറിയിൽ ഉൾപ്പെടുന്നത്.

സംസ്ഥാനത്താദ്യമായി എം എൽ എ ഫണ്ടിൽ നിർമ്മിക്കുന്ന കുന്നംകുളത്തെ ഹൈടെക് പോലീസ് സ്റ്റേഷൻ ഒരു വർഷത്തിനകം പൂർത്തിയാക്കുമെന്ന് തദ്ദേശ സ്വയം ഭരണ വകുപ്പ് മന്ത്രി എ സി മൊയ്തീൻ പറഞ്ഞു. മന്ത്രിയുടെ എം എൽ എ ആസ്തി വികസന ഫണ്ടിൽ നിന്ന് ഇതിനായി ഒന്നര കോടി രൂപ അനുവദിച്ചതായും മന്ത്രി വ്യക്തമാക്കി. കുന്നംകുളത്തെ തൃശൂർ റോഡിലുള്ള നിലവിലെ സ്റ്റേഷൻ ഉടൻ പൊളിക്കും. തുടർന്ന് ഈ മാസം (സെപ്തംബർ) തന്നെ പുതിയ ഹൈടെക് പോലീസ് സ്റ്റേഷന് തറക്കല്ലിടുമെന്നും ശിലാസ്ഥാപനം മുഖ്യമന്ത്രി പിണറായി വിജയൻ നിർവ്വഹിക്കുമെന്നും മന്ത്രി എ സി മൊയ്തീൻ പറഞ്ഞു.