സംസ്ഥാനത്തെ തദ്ദേശ സ്വയംഭരണ സ്ഥാപനങ്ങളിലേക്ക് നടക്കാനിരിക്കുന്ന പൊതുതിരഞ്ഞെടുപ്പിനു മുന്നോടിയായി നിയോജകമണ്ഡലങ്ങൾ/ വാർഡുകൾ സംവരണക്രമം അനുസരിച്ച് നറുക്കെടുപ്പിലൂടെ തീരുമാനിക്കുന്നതിന് ഉദ്യോഗസ്ഥരെ ചുമതലപ്പെടുത്തിയും തിയതിയും സമയവും സ്ഥലവും നിശ്ചയിച്ചും വിജ്ഞാപനം പുറപ്പെടുവിച്ചതായി സംസ്ഥാന തിരഞ്ഞെടുപ്പ് കമ്മീഷണർ വി. ഭാസ്‌കരൻ അറിയിച്ചു.

ഗാന്ധി ജയന്തി പ്രമാണിച്ച് ഒക്‌ടോബര്‍ ഒന്നു മുതല്‍ 12 വരെ ഖാദി തുണിത്തരങ്ങള്‍ക്ക് 20 മുതല്‍ 30 ശതമാനം വരെ പ്രത്യേക സര്‍ക്കാര്‍ റിബേറ്റ് അനുവദിച്ചു. കേരള ഖാദി ഗ്രാമ വ്യവസായ ബോര്‍ഡ് നിയന്ത്രണത്തില്‍ പ്രവര്‍ത്തിക്കുന്ന ഖാദി സൗഭാഗ്യ കര്‍ബല ജംഗ്ഷന്‍(0474-2742587), കൊട്ടാരക്കര(0474-2650631), കരുനാഗപ്പള്ളി(0474-2621587) എന്നീ വിപണന ശാലകളിലും സഞ്ചരിക്കുന്ന വില്‍പ്പനശാലയിലും ആനുകൂല്യം ലഭിക്കുമെന്ന് പ്രോജക്ട് ഓഫീസര്‍ അറിയിച്ചു.
 (പി.ആര്‍.കെ നമ്പര്‍ 2457/2020)

ഹൈസ്‌കൂള്‍, ഹയര്‍ സെക്കണ്ടറി സ്‌കൂള്‍ വിദ്യാര്‍ഥികള്‍ക്കായി കേരള ഖാദി ഗ്രാമവ്യവസായ ബോര്‍ഡ് സംസ്ഥാനതല ക്വിസ് മത്സരം - പ്രജ്ഞ 2020 ഓണ്‍ലൈനായി നടത്തും. ഡോ ജി എസ് പ്രദീപ് ക്വിസ് മാസ്റ്ററാകും. പൊതുവിജ്ഞാനം, ഗാന്ധിജിയും ഖാദിയും ഇന്ത്യന്‍ സ്വാതന്ത്ര്യ സമരം എന്നിവയാണ് വിഷയം. സര്‍ക്കാര്‍-എയിഡഡ്-അണ്‍ എയിഡഡ് സ്‌കൂളുകളിലെ എട്ടു മുതല്‍ 12 വരെ ക്ലാസുകളിലെ കുട്ടികള്‍ക്ക് പങ്കെടുക്കാം. secretarykkvib@gmail.com/iokkvib@gmail.com  ഇ-മെയില്‍ വിലാസത്തില്‍ പേര് രജിസ്റ്റര്‍ ചെയ്യണം.

പേടിയില്ലാതെ പാമ്പിനെ പിടിക്കാന്‍ പരിശീലനം നല്‍കുന്നു. ജനവാസ കേന്ദ്രങ്ങളില്‍ നിന്നും പാമ്പുകളെ പിടിക്കുന്നതിനും പാമ്പുകളെ സുരക്ഷിതമായി വിടുന്നതിനും വോളന്റിയര്‍മാരെ തിരഞ്ഞെടുക്കും. ജില്ലാ സോഷ്യല്‍ ഫോറസ്ട്രി വിഭാഗമാണ് പരിശീലനം നല്‍കുക. സെപ്തംബര്‍ 30 നകം കൊല്ലം സോഷ്യല്‍ ഫോറസ്ട്രി ഡിവിഷന്‍ ഓഫീസില്‍ ഇതിനായി അപേക്ഷ നല്‍കാം. മാതൃക www.forest.kerala.gov.in  വെബ്‌സൈറ്റിലും വിശദ വിവരങ്ങള്‍ 0474-2748976 നമ്പരിലും ലഭിക്കും.
(പി.ആര്‍.കെ നമ്പര്‍ 2455/2020)

ജില്ലാ പഞ്ചായത്ത് ദാരിദ്ര്യ ലഘൂകരണ യൂണിറ്റില്‍  ശ്യാമപ്രസാദ് മുഖര്‍ജി നാഷണല്‍ റര്‍ബന്‍ മിഷന്‍ സ്‌കീം പ്രോജക്ട് എഞ്ചിനീയറുടെ ഒഴിവിലേക്ക് നിയമനം നടത്തുന്നു. തിരഞ്ഞെടുപ്പ് അഭിമുഖം മുഖേന. പ്രായപരിധി 35 വയസ്. ബി ടെക്(സിവില്‍) യോഗ്യതയുള്ളവര്‍ സെപ്തംബര്‍ 21 ന് വൈകിട്ട് അഞ്ചിനകം pdpaukollam@gmail.com    എന്ന വിലാസത്തില്‍ ബയോഡേറ്റ, സര്‍ട്ടിഫിക്കറ്റുകള്‍, ഫോണ്‍ നമ്പര്‍, പ്രവൃത്തിപരിചയ സര്‍ട്ടിഫിക്കറ്റ്, വെളളപേപ്പറില്‍ തയ്യാറാക്കിയ  അപേക്ഷ എന്നിവ സമര്‍പ്പിക്കണം. ചുരുക്കപ്പട്ടികയില്‍ ഉള്‍പ്പെടുന്നവരെ     സെപ്തംബര്‍ 24 ന് കൂടിക്കാഴ്ച്ച നടത്തും.

ജില്ലാ ഹോമിയോ മെഡിക്കല്‍ ഓഫീസില്‍ സ്വാസ്ഥ്യം പ്രൊജക്ടിന്റെ ഭാഗമായി ലാബ് റീ ഏജന്റുകളും അനുബന്ധ സാധനങ്ങളും വിതരണം ആവശ്യമുണ്ട്. വിശദ വിവരങ്ങള്‍ www.lsg.kerala.gov.in  വെബ്‌സൈറ്റിലും 0474-2797220 നമ്പരിലും ലഭിക്കും.
(പി.ആര്‍.കെ നമ്പര്‍ 2453/2020)

സോഷ്യല്‍ ഫോറസ്ട്രി എക്സ്റ്റന്‍ഷന്‍ യൂണിറ്റ് ശാസ്താംകോട്ട കുമ്പളത്തു ശങ്കുപിള്ള മെമ്മോറിയല്‍ ദേവസ്വം ബോര്‍ഡ് കോളജ് എന്നിവ സംയുക്താമായി അന്താരാഷ്ട്ര ഓസോണ്‍ ദിനം വെബിനാര്‍ മുഖേന ആചരിച്ചു. സോഷ്യല്‍ ഫോറസ്ട്രി എക്സ്റ്റന്‍ഷന്‍ അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍ എസ് ദിനേശ് ഉദ്ഘാടനം ചെയ്തു. കോളജ് പ്രിന്‍സിപ്പല്‍ ഡോ കെ എസ് അനില്‍കുമാര്‍, അസോസിയേറ്റ് പ്രൊഫ. ഡോ മിനി ചന്ദ്രന്‍, തൃശ്ശൂര്‍ കേരള അഗ്രിക്കള്‍ച്ചറല്‍ യൂണിവേഴ്‌സിറ്റി എഡ്യൂക്കേഷന്‍ ഡയറക്ടര്‍ ഡോ എസ് ഗോപകുമാര്‍, കേരള യൂണിവേഴ്‌സിറ്റി സിന്‍ഡിക്കേറ്റ് മെമ്പര്‍ പ്രൊഫ.

കൊട്ടാരക്കര ഗവണ്‍മെന്റ് ഐ ടി ഐ(വെളിയം പടിഞ്ഞാറ്റിന്‍കര) യില്‍ ഇലക്ട്രീഷ്യന്‍, വെല്‍ഡര്‍ എന്നീ മെട്രിക് ട്രേഡുകളിലും
ചന്ദനത്തോപ്പ് ഐ ടി ഐ യിലെ ഗവണ്‍മെന്റ് ബേസിക് ട്രെയിനിംഗ് സെന്ററില്‍ ഹോട്ടല്‍ മാനേജ്‌മെന്റ്, കെമിക്കല്‍ പ്ലാന്റ് ട്രേഡുകളിലും പ്രവേശനത്തിനുള്ള അപേക്ഷ www.itiadmissions.kerala.gov.in/  സെറ്റില്‍ സെപ്തംബര്‍ 24 വരെ സമര്‍പ്പിക്കാം.
(പി.ആര്‍.കെ നമ്പര്‍ 2451/2020)

അടഞ്ഞു കിടക്കുന്ന അച്ചന്‍കോവില്‍ പ്രിയ എസ്റ്റേറ്റിലെ തോട്ടം തൊഴിലാളികളുടെ കുട്ടികള്‍ക്ക് വിദ്യാഭ്യാസ ആനുകൂല്യം നല്‍കും. പ്ലാന്റേഷന്‍ റിലീഫ് കമ്മിറ്റി വഴിയാണ് സഹായം. കുട്ടികളുടെ സ്‌കൂള്‍ സംബന്ധിച്ച പ്രഥമാധ്യാപകന്റെ സാക്ഷ്യപത്രവും പ്രിയ എസ്റ്റേറ്റില്‍ തൊഴിലാളിയായിരുന്നു എന്ന് തെളിയിക്കുന്ന രേഖകളും കുട്ടിയുടെ ബാങ്ക് അക്കൗണ്ട് വിവരങ്ങളും സഹിതം രക്ഷിതാക്കള്‍ കഴുതുരുട്ടിയിലെ ആര്യങ്കാവ് ഗ്രാമപഞ്ചായത്ത് ഓഫീസില്‍ സെപ്തംബര്‍ 29 ന് രാവിലെ 11 ന്  എത്തണം. വിശദ വിവരങ്ങള്‍ 0474-2792957, 7012973449 നമ്പരില്‍ ലഭിക്കും.
(പി.ആര്‍.കെ നമ്പര്‍ 2450/2020)