കിഫ്ബി പദ്ധതിയില്‍ ഉള്‍പ്പെടുത്തി ആധുനിക രീതിയില്‍ നവീകരിച്ച മണ്ണാറകുളഞ്ഞി-കോഴഞ്ചേരി പ്രധാന ജില്ലാപാതയുടെ ഉദ്ഘാടനം ഇന്ന് (17) രാവിലെ 11.45ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. കോഴഞ്ചേരി ഗ്രാമപഞ്ചായത്ത് ഹാളില്‍ നടക്കുന്ന ചടങ്ങില്‍ ഓണ്‍ലൈനിലൂടെ പൊതുമരാമത്ത് വകുപ്പ് മന്ത്രി ജി.സുധാകരന്‍ അധ്യക്ഷനാകും.  

രൂപമാറ്റം വരുത്താതെ സംരക്ഷിക്കുകയും കൃഷിക്കായി വിനിയോഗിക്കുകയും ചെയ്യുന്ന നിലങ്ങളുടെ ഉടമകള്‍ക്കു മാത്രമാണ് റോയല്‍റ്റി.

ജില്ലയിലെ നെല്‍ കൃഷിക്ക് അനുയോജ്യമായ വയലുകളുടെ ഉടമകള്‍ക്കു സര്‍ക്കാര്‍ നല്‍കുന്ന റോയല്‍റ്റിക്കായി ഓണ്‍ലൈനായി അപേക്ഷിക്കാം.  ഹെക്ടറിന് 2000 രൂപ നിരക്കില്‍ ഗുണഭോക്താക്കളുടെ ബാങ്ക് അക്കൗണ്ടിലേക്കു തുക നേരിട്ട് ലഭിക്കും. ഭൂവിസ്തൃതി, കൃഷി സ്ഥലം എന്നിവ അടിസ്ഥാനമാക്കിയാണ് ഗുണഭോക്താക്കളെ തിരഞ്ഞെടുക്കുക.  www.aims.kerala.gov.in ലൂടെയാണ് അപേക്ഷിക്കേണ്ടത്.  

റവന്യുവകുപ്പ് മന്ത്രി ഇ ചന്ദ്രശേഖരന്റെ നിയോജക മണ്ഡലം ആസ്തി വികസന പദ്ധതിയില്‍ ഉള്‍പ്പെടുത്തി കാഞ്ഞങ്ങാട് ജില്ലാ ഹോമിയോ ആശുപത്രിയിലെ ചേതന പെയിന്‍ ഏന്റ് പാലിയേറ്റീവ് വിഭാഗത്തിന് അനുവദിച്ച വാഹനത്തിന്റെ ഫ്‌ലാഗ് ഓഫ് സെപ്റ്റംബര്‍ 18 ന് രാവിലെ 11.30 ന് റവന്യുവകുപ്പ് മന്ത്രി ഇ ചന്ദ്രശേഖരന്‍ നിര്‍വ്വഹിക്കും. രാജ് മോഹന്‍ ഉണ്ണിത്താന്‍ എം പി മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് എ ജി സി ബഷീര്‍, ജില്ലാ കളക്ടര്‍ ഡോ ഡി സജിത് ബാബു കാഞ്ഞങ്ങാട് നഗരസഭാ ചെയര്‍മാന്‍ വി വി രമേഷന്‍ എന്നിവര്‍ സംബന്ധിക്കും.

പ്രൊഫഷണല്‍  കോഴ്‌സുകള്‍ക്ക്  പഠിക്കുന്ന വിമുക്ത ഭടന്മാരുടെ   കുട്ടികള്‍ക്ക്  പ്രധാനമന്ത്രിയുടെ സ്‌കോളര്‍ഷിപ്പിനുള്ള  അപേക്ഷ ക്ഷണിച്ചു. ഓണ്‍ലൈനായാണ് അപേക്ഷിക്കേണ്ടത്. അപേക്ഷയോടൊപ്പം സമര്‍പ്പിക്കേണ്ട രേഖകള്‍  ജില്ലാ സൈനിക ക്ഷേമ ഓഫീസില്‍ നിന്നും ഡിസംബര്‍ 15 നകം കൈപ്പറ്റണം. അവസാന തീയതി  ഡിസംബര്‍ 20 . കൂടുതല്‍ വിവരങ്ങള്‍ക്ക് ജില്ലാ സൈനിക ക്ഷേമ ആഫീസുമായി ബന്ധപ്പെടണം. ഫോണ്‍ 04994 256860

കാസര്‍കോട് ഗവ: സ്‌പെഷ്യല്‍ ടീച്ചേര്‍സ് ട്രെയിനിങ് സെന്ററില്‍ 2020-21 വര്‍ഷത്തെ ഡിപ്ലോമ ഇന്‍ സ്‌പെഷ്യല്‍ എജുക്കേഷന്‍ (ഐ.ഡി) കോഴ്‌സിലേക്ക്  അപേക്ഷ ക്ഷണിച്ചു. പ്ലസ്ടുവില്‍ കുറയാത്ത യോഗ്യതയുള്ളവര്‍ക്ക്  അപേക്ഷിക്കാം. കൂടുതല്‍ വിവരങ്ങള്‍ www.rci.nic.in ല്‍ ലഭ്യമാണ്. അവസാന തീയതി സെപ്റ്റംബര്‍ 30. ഫോണ്‍: 9645619918, 8086474212.

ക്ഷീരവികസന വകുപ്പിന്റെ 2020-21 വാര്‍ഷിക പദ്ധതിയുടെ ഭാഗമായി  അജാനൂര്‍ ഗ്രാമ പഞ്ചായത്തില്‍ നടപ്പിലാക്കുന്ന ക്ഷീരഗ്രാമം പദ്ധതിയിലേക്ക്  അപേക്ഷിക്കാം. രണ്ട് പശു യൂണിറ്റ്, അഞ്ച് പശു യൂണിറ്റ്,  സമ്മിശ്ര ഡയറി യൂണിറ്റ് (ഒരു പശു, ഒരു കിടാരി), സമ്മിശ്ര ഡയറി യൂണിറ്റ് (മൂന്ന് പശു , രണ്ട് കിടാരി), കാലിത്തൊഴുത്ത് നിര്‍മ്മാണം, നവീകരണം, കറവയന്ത്രം വാങ്ങല്‍, ആവശ്യാധിഷ്ഠിത ധനസഹായം പദ്ധതികളിലേക്കാണ് അപേക്ഷ സ്വീകരിക്കേണ്ടത്. അവസാന തീയ്യതി ഒക്ടോബര്‍ ഒന്ന്. കൂടുതല്‍ വിവരങ്ങള്‍ക്ക് കാഞ്ഞങ്ങാട് ക്ഷീരവികസന യൂണിറ്റ് ഓഫീസുമായോ, അജാനൂര്‍ പഞ്ചായത്തിലെ ക്ഷീരസംഘങ്ങളുമായോ ബന്ധപ്പെടണം.

ഉപാധികളോടെ കാസര്‍കോട്  മാര്‍ക്കറ്റിന് പ്രവര്‍ത്തനാനുമതി നല്‍കുമെന്ന് ജില്ലാകളക്ടര്‍ ഡോ ഡി സജിത് ബാബു പറഞ്ഞു.വിഡീയോ കോണ്‍ഫറന്‍സിങ് വഴി നടത്തിയ ജില്ലാതല കോറോണ കോര്‍ കമ്മിറ്റി യോഗത്തില്‍ സംസാരിക്കുകയായിരുന്നു അദ്ദേഹം. ഒന്നിടവിട്ട ദിവസങ്ങളില്‍ പകുതി പേര്‍ വീതം എന്ന ക്രമത്തില്‍, മാര്‍ക്കറ്റിനകത്ത് ആകെയുള്ള കച്ചവടക്കാരില്‍ 50 ശതമാനം പേരെ മാത്രമേ ഒരു ദിവസം കച്ചവടം നടത്താന്‍ അനുവദിക്കൂ. മാര്‍ക്കറ്റിലേക്ക് പ്രവേശിക്കുന്നതിനും പുറത്തിറങ്ങുന്നതിനും പ്രത്യേകം വഴികള്‍ ക്രമീകരിക്കും.

സി.കെ.ശശീന്ദ്രന്‍ എം.എല്‍.എയുടെ ആസ്തി വികസന നിധിയില്‍ നിന്ന് വെങ്ങപ്പള്ളി ഗ്രാമ പഞ്ചായത്തിലെ കല്ലട-പനങ്കറ-നൊട്ടംവീട് പടി റോഡ് കള്‍വര്‍ട്ട് നിര്‍മ്മാണം, സൈഡ് സംരക്ഷണം, ടാറിംഗ് പ്രവൃത്തിയ്ക്ക് നാല്‍പ്പത് ലക്ഷം രൂപയും, ഐ.സി.ബാലകൃഷ്ണന്‍ എം.എല്‍.എയുടെ ആസ്തി വികസന നിധിയില്‍ നിന്ന് അമ്പലവയല്‍ ഗ്രാമ പഞ്ചായത്തിലെ ചക്രൂട്ടിവയല്‍ റേഷന്‍കട റോഡ് ടാറിംഗ്, കോണ്‍ക്രീറ്റ് സൈഡ് കെട്ട് പ്രവൃത്തിയ്ക്ക് പത്ത് ലക്ഷം രൂപയും, നൂല്‍പ്പുഴ ഗ്രാമ പഞ്ചായത്തിലെ കല്ലുമുക്ക് ഗ്രാമസേവാകേന്ദ്രം കെട്ടിട നിര്‍മ്മാണത്തിന് പത്ത് ലക്ഷം രൂപയും അനുവദിച്ച് ജില്ലാ കലക്ടര്‍ ഭരണാനുമതി നല്‍കി.

*12 പേര്‍ക്ക് രോഗമുക്തി*

വയനാട് ജില്ലയില്‍ ഇന്ന് (16.09.20) 99 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 12 പേര്‍ രോഗമുക്തി  നേടി.  ഒരു ആരോഗ്യ പ്രവര്‍ത്തക ഉള്‍പ്പെടെ  93 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 6 പേര്‍ ഇതര സംസ്ഥാനങ്ങളില്‍ നിന്ന് വന്നവരാണ്. 

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 2249 ആയി. 1711 പേര്‍ രോഗമുക്തരായി. നിലവില്‍ 527 പേരാണ് ചികിത്സയിലുള്ളത്.

സമ്പര്‍ക്കത്തിലൂടെ രോഗം സ്ഥിരീകരിച്ചവര്‍: