മൂത്തേടം ഗ്രാമപഞ്ചായത്തിലെ  ബഡ്‌സ് റീഹാബിലിറ്റേഷന്‍ സെന്റര്‍ ഇനി  സ്വന്തം കെട്ടിടത്തില്‍ പ്രവര്‍ത്തിക്കും. പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി 42 ലക്ഷം രൂപ ചെലവിലാണ് പുതിയ കെട്ടിടം നിര്‍മിച്ചത്. പി.വി അന്‍വര്‍ എം.എല്‍.എ സെന്റര്‍  ഉദ്ഘാടനം ചെയ്തു. ചോളമുണ്ട വാര്‍ഡില്‍ കാരപ്പുറം - കുറ്റിക്കാട് റോഡില്‍ 14 സെന്റ് സ്ഥലം വിലയ്ക്കു വാങ്ങി  1200 ചതുരശ്ര അടി വിസ്തീര്‍ണ്ണത്തിലാണ് കെട്ടിടം ഒരുക്കിയത്. ഒരു വര്‍ഷം മുമ്പ് വാടക കെട്ടിടത്തിലാണ് സെന്റര്‍ പ്രവര്‍ത്തനമാരംഭിച്ചത്. നിലവില്‍ 18 കുട്ടികളാണ് ബഡ്‌സ് റീഹാബിലിറ്റേഷന്‍ സെന്ററിന്റെ സേവനങ്ങള്‍ ഉപയോഗപ്പെടുത്തുന്നത്.

പതിറ്റാണ്ടുകളായുള്ള താനൂരുകാരുടെ റെയില്‍വേ ഫൂട്ട്ഓവര്‍ ബ്രിഡ്ജ് ആവശ്യത്തിന് പരിഹാരമായി. താനൂര്‍ റെയില്‍വേ ഫൂട്ട്ഓവര്‍ ബ്രിഡ്ജ് ഇരുഭാഗവും നീട്ടി വി.അബ്ദുറഹ്മാന്‍ എം.എല്‍.എ ജനങ്ങള്‍ക്ക് തുറന്നു നല്‍കി. നഗരസഭാ ചെയര്‍പേഴ്‌സണ്‍ സി.കെ സുബൈദ അധ്യക്ഷയായി.    

കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന്‍ കൊവിഡ് ട്രീറ്റ്മെന്റ് സെന്ററുകളിലും വീടുകളിലും ചികിത്സയിലായിരുന്ന 173 പേര്‍ക്ക് കൂടി ഇന്നലെ (സപ്തംബര്‍ 16) രോഗം ഭേദമായി. ഇതോടെ ജില്ലയില്‍ രോഗമുക്തി നേടിയവരുടെ എണ്ണം 4384 ആയി.

ജില്ലയില്‍ 247 പേര്‍ക്ക് ഇന്നലെ (സപ്തംബര്‍ 16) കൊവിഡ് ബാധ സ്ഥിരീകരിച്ചു. 215 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാള്‍ വിദേശത്തു നിന്നും 20 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 11 പേര്‍ ആരോഗ്യ പ്രവര്‍ത്തകരുമാണ്.

തൊടുപുഴ താലൂക്കില്‍ ഇലപ്പള്ളി വില്ലേജില്‍ റീസര്‍വ്വെ ബ്ലോക്ക് 21 ല്‍ റീസര്‍വ്വെ നമ്പര്‍ 278/18 പുരയിടത്തില്‍ മുറിച്ചിട്ടിട്ടുള്ള രണ്ട് ഈട്ടിമരങ്ങള്‍ സെപ്തംബര്‍ 29 ഉച്ചക്ക് 12ന് ഇലപ്പള്ളി വില്ലേജാഫീസില്‍ ഡെപ്യൂട്ടികലക്ടര്‍ (എല്‍.ആര്‍) പരസ്യമായി പുനര്‍ലേലം ചെയ്യും. ഫോണ്‍ 04862 232242.

ഭിന്നശേഷിക്കാരുടെ ശാക്തീകരണവുമായി ബന്ധപ്പെട്ട് നല്‍കുന്ന ദേശീയ അവാര്‍ഡിന് അപേക്ഷ ക്ഷണിച്ചു.  വിവിധ മേഖലകളില്‍ വ്യക്തിപ്രഭാവം തെളിയിച്ചിട്ടുള്ള ഭിന്നശേഷിക്കാര്‍, ഭിന്നശേഷി മേഖലയില്‍ മികവുറ്റ പ്രവര്‍ത്തനം നടത്തുന്ന വ്യക്തികള്‍, സംഘടനകള്‍, ജില്ലാ ഭരണകൂടങ്ങള്‍ തുടങ്ങിയവര്‍ക്ക് അപേക്ഷിക്കാം. അപേക്ഷകള്‍ അതത് ജില്ലാ സാമൂഹ്യനീതി ഓഫീസുകളില്‍ സെപ്തംബര്‍ 22നകം സമര്‍പ്പിക്കണം. അപേക്ഷാഫോറവും വിശദവിവരങ്ങളും സാമൂഹ്യനീതി വകുപ്പിന്റെ swd.kerala.gov.in വെബ്‌സൈറ്റിലും  www.disabilityaffairs.gov.in എന്ന കേന്ദ്ര സര്‍ക്കാര്‍ വെബ്‌സൈറ്റിലും ലഭിക്കും.