ഈ മാസം 4ന് നടത്താനിരുന്ന ത്രിവത്സര എൻജിനിയറിങ് ഡിപ്ലോമ പരീക്ഷ ഒൻപതിലേക്ക് മാറ്റി. പരീക്ഷാ സമയത്തിനു മാറ്റമില്ല.
പി.എൻ.എക്സ്. 2367/2020

ന്യൂനപക്ഷക്ഷേമ വകുപ്പിന് കീഴിലെ പയ്യന്നൂർ പരിശീലന കേന്ദ്രത്തിൽ നിലവിൽ ഒഴിവുള്ള പ്രിൻസിപ്പൽ തസ്തികയിൽ വാക്ക് ഇൻ ഇന്റർവ്യൂ നടത്തും.  യൂണിവേഴ്‌സിറ്റികൾ, ഗവൺമെന്റ്/ എയ്ഡഡ് കോളേജുകൾ എന്നിവിടങ്ങളിൽ നിന്ന് റിട്ടയർ ചെയ്ത അധ്യാപകർ അല്ലെങ്കിൽ കാലാകാലങ്ങളിൽ യു.ജി.സി/ എ.ഐ.സി.ടി.ഇ സംസ്ഥാന സർക്കാരുകൾ കോളേജ്/ യൂണിവേഴ്‌സിറ്റി അധ്യാപക നിയമനത്തിന് നിശ്ചയിച്ചിട്ടുള്ള യോഗ്യതയുള്ളവർ, പ്രായപരിധി 25 വയസ്സ് പൂർത്തിയായവരും 67 പൂർത്തിയാകാത്തവരും ആയിരിക്കണം.  ഒരുവർഷത്തെ കരാർ നിയമനമാണ്.

ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് ഇൻ ഗവൺമെന്റ് (ഐ.എം.ജി) നടപ്പാക്കുന്ന വിവരാവകാശ നിയമം 2005 സംബന്ധിച്ച സൗജന്യ ഓൺലൈൻ കോഴ്‌സിലേക്ക് 10 മുതൽ 17 വരെ രജിസ്റ്റർ ചെയ്യാം.  തിരഞ്ഞെടുക്കുന്നവരെ ഇ-മെയിലിൽ വിവരം അറിയിക്കും.  കൂടുതൽ വിവരങ്ങൾക്ക്:  http://rti.img.kerala.gov.in,  ഫോൺ: 8281064199.
പി.എൻ.എക്സ്. 2365/2020

 
കോവിഡ് പ്രതിരോധ പ്രവര്‍ത്തനങ്ങളുടെ  ഭാഗമായി മലമ്പുഴ വനിതാ ഹോസ്റ്റല്‍,  നവോദയ വിദ്യാലയം എന്നിവിടങ്ങളില്‍ ഫസ്റ്റ് ലൈന്‍ ട്രീറ്റ്മെന്റ് സെന്ററുകള്‍ സജ്ജമാക്കി. മലമ്പുഴ വനിതാ ഹോസ്റ്റലില്‍  50 ആളുകള്‍ക്കും നവോദയ വിദ്യാലയത്തില്‍ 340 പേര്‍ക്കും താമസിക്കുന്നതിനുള്ള സൗകര്യങ്ങളും ഒരുക്കിയിട്ടുണ്ട്. മലമ്പുഴ പഞ്ചായത്തില്‍ രോഗികളുടെ എണ്ണം താരതമ്യേന കുറവാണെങ്കിലും ജില്ലയിലെ നിലവിലെ സാഹചര്യം കണക്കിലെടുത്താണ് ഫസ്റ്റ്ലൈന്‍  ട്രീറ്റ്മെന്റ് സെന്ററുകള്‍  ക്രമീകരിച്ചത്.

കോവിഡ് 19 ബാധിച്ച് കരിമ്പ ഗ്രാമപഞ്ചായത്തില്‍ നിലവില്‍ 12 പേരാണ് ചികിത്സയില്‍ ഉള്ളത്. ഇതില്‍ പത്ത് പേര്‍ക്ക് സമ്പര്‍ക്കത്തിലൂടെയും അന്യസംസ്ഥാനങ്ങളില്‍ നിന്നെത്തിയ രണ്ടുപേര്‍ക്കുമാണ് രോഗം സ്ഥിരീകരിച്ചത്. നിലവില്‍ ചികിത്സയിലുള്ളവരുടെ ആരോഗ്യ നിലയില്‍ ആശങ്കപ്പെടാനില്ലെന്ന് അധികൃതര്‍ അറിയിച്ചു. പഞ്ചായത്തില്‍ ഇതുവരെ 1384  പേര്‍ക്ക് ആന്റിജന്‍ പരിശോധന നടത്തിയതല്‍ 57 പേര്‍ക്ക് രോഗം സ്ഥിരീകരിച്ചു. ഇതില്‍ 30 പേര്‍ക്കാണ് സമ്പര്‍ക്കത്തിലൂടെ രോഗബാധ ഉണ്ടായത്. ആകെ 45 പേര്‍ രോഗമുക്തരായി.

യുവസമൂഹത്തിന് ദിശാബോധം നൽകാനും അവരെ ഭാവി നേതാക്കൻമാരായി വളർത്തിയെടുക്കുന്നതിനും ലക്ഷ്യം വെച്ച് യൂത്ത് ലീഡർഷിപ്പ് അക്കാദമി സ്ഥാപിക്കാൻ മന്ത്രിസഭായോഗം തീരുമാനിച്ചതായി മുഖ്യമന്ത്രി പിണറായി വിജയൻ അറിയിച്ചു.

* ജോലിക്കുപോകാത്ത സർക്കാർ ജീവനക്കാരും അധ്യാപകരും കോവിഡ് പ്രതിരോധ ഭാഗമാകണം
രോഗികളുടെ എണ്ണം വർധിക്കുന്ന സാഹചര്യത്തിൽ സംസ്ഥാനത്ത് വാർഡുതല സമിതികളുടെ പ്രവർത്തനം കൂടുതൽ സജീവമാക്കുമെന്ന് മുഖ്യമന്ത്രി പിണറായി വിജയൻ അറിയിച്ചു. ആശുപത്രികളിൽനിന്ന് ഡിസ്ചാർജ് ചെയ്യുന്നവർ നാട്ടിലേക്ക് പോകുമ്പോൾ വാർഡ്തല സമിതികളെ അറിയിക്കണം. മാസ്‌ക് ധരിക്കാത്ത 5373 സംഭവങ്ങൾ സംസ്ഥാനത്ത് ബുധനാഴ്ച റിപ്പോർട്ട് ചെയ്തിട്ടുണ്ട്. ക്വാറൻറൈൻ ലംഘിച്ച 15 പേർക്കെതിരെ ബുധനാഴ്ച കേസ് രജിസ്റ്റർ ചെയ്തു.

മടങ്ങിവരുന്ന പ്രവാസികളുടെ പുനരധിവാസവും സംസ്ഥാനത്തിന്റെ സമഗ്രവികസനവും ലക്ഷ്യമിട്ട് 'ഡ്രീം കേരള' എന്ന പദ്ധതി നടപ്പാക്കാൻ മന്ത്രിസഭ തീരുമാനിച്ചതായി മുഖ്യമന്ത്രി പിണറായി വിജയൻ പറഞ്ഞു.
വിദേശങ്ങളിൽ നിന്നും രാജ്യത്തിന്റെ മറ്റു ഭാഗങ്ങളിൽ നിന്നും കേരളത്തിലേക്ക് തിരിച്ചുവരുന്ന വലിയ വിഭാഗം പ്രൊഫഷണലുകളുണ്ട്. വിവിധ തൊഴിലുകളിൽ അന്താരാഷ്ട്ര വൈദഗ്ധ്യം നേടിയവരും സംരംഭങ്ങൾ നടത്തി പരിചയമുള്ളവരുമാണ് ഇവരിൽ നല്ല പങ്ക്. ഇവരുടെ കഴിവിനെ സംസ്ഥാനത്തിന്റെ ഭാവിക്കു വേണ്ടി ഉപയോഗപ്പെടുത്തുക എന്ന ലക്ഷ്യം കൂടി ഈ പദ്ധതിക്കുണ്ട്.