ജില്ലാ കലക്ടര്‍ നേതൃത്വം നല്‍കുന്ന തൊടുപുഴ ഉടുമ്പന്‍ചോല താലൂക്കുകളിലെ താലൂക്ക്തല ഓണ്‍ലൈന്‍ പരാതി പരിഹാര അദാലത്ത് ഇന്ന്(2.7.2020) രാവിലെ 10 മുതല്‍ വീഡിയോ കോണ്‍ഫറന്‍സ് വഴി നടക്കും

      മക്കരപ്പറമ്പ് ഇലക്ട്രിക്കല്‍ സെക്ഷന് കീഴിലെ മക്കരപ്പറമ്പ് ടൗണ്‍, മുപ്പത്തിയാറ്, കൈരളി, ഔട്ടുപാറ, അമ്പലപ്പടി ഭാഗങ്ങളില്‍ ഇന്ന് (ജൂലൈ ആറ്) രാവിലെ എട്ട് മുതല്‍ വൈകുന്നേരം അഞ്ച് മണി വരെ വൈദ്യുതി വിതരണം തടസപ്പെടുമെന്ന് ഇലക്ട്രിക്കല്‍ സെക്ഷന്‍ എഞ്ചിനീയര്‍ അറിയിച്ചു.
 

    കൃഷിയോട് ആഭിമുഖ്യം പുലര്‍ത്തുന്ന പുതു തലമുറയെ വാര്‍ത്തെടുക്കുന്നതിനും കൃഷി വകുപ്പ് നല്‍കുന്ന വിവിധ പദ്ധതികള്‍, വായ്പ ആനുകൂല്യങ്ങള്‍ തുടങ്ങിയവ കര്‍ഷകരിലേക്ക് നേരിട്ട് എത്തിക്കുന്നതിനുമായി യുവാക്കള്‍ക്ക് കൃഷിയില്‍ ഇന്റണ്‍ഷിപ്പിന് അവസരമൊരുക്കി വേങ്ങര ബ്ലോക്ക് പഞ്ചായത്ത്. കൃഷി വകുപ്പിന് കാഴില്‍ വേങ്ങര ബ്ലോക്കിലെ വിവിധ പഞ്ചായത്തുകളില്‍ കൃഷിയോട് അഭികാമ്യമുള്ള യുവാക്കള്‍ക്കാണ് ഇന്റണ്‍ഷിപ്പിന് അവസരം ഒരുക്കിയിരിക്കുന്നത്.

     മഞ്ചേരി മെഡിക്കല്‍ കോളേജില്‍ ചികില്‍സയിലിരിക്കെ ജൂലൈ നാലിന് മരിച്ച വണ്ടൂര്‍ കൂരാട് സ്വദേശിക്ക്  കോവിഡ് 19 സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.

  കോവിഡ് 19 സ്ഥിരീകരിച്ച് മലപ്പുറം ജില്ലയില്‍ ഐസൊലേഷന്‍ കേന്ദ്രങ്ങളില്‍ ചികിത്സയിലായിരുന്ന 28 പേര്‍ കൂടി ഇന്നലെ (ജൂലൈ അഞ്ച്) രോഗമുക്തരായി. രോഗബാധിതരായി 281 പേര്‍ ചികിത്സയില്‍ കഴിയുന്നു. ജില്ലയില്‍ ഇതുവരെ 667 പേര്‍ക്കാണ് വൈറസ് ബാധ സ്ഥിരീകരിച്ചത്. രോഗ വ്യാപനം തടയുന്നതിന്റെ ഭാഗമായി ഇന്നലെ (ജൂലൈ അഞ്ച്) 1,729 പേര്‍ക്ക് കൂടി പ്രത്യേക നിരീക്ഷണം ഏര്‍പ്പെടുത്തിയതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു.