ജില്ലയിൽ ഇന്ന് 4 പേർക്ക് രോഗം സ്ഥിരീകരിച്ചു. ഇതിൽ മൂന്നുപേർ  വിദേശത്തുനിന്നും ഒരാൾ മുംബൈയിൽനിന്നും  എത്തിയവരാണ് .28/5ന് താജിക്കിസ്ഥാനിൽ നിന്നും കണ്ണൂർ എത്തി തുടർന്ന് ആലപ്പുഴ കോവിഡ് കെയർ സെന്ററിൽ നിരീക്ഷണത്തിലായിരുന്ന വയലാർ സ്വദേശിയായ യുവാവിനും പുലിയൂർ  സ്വദേശിനിയായ യുവതിക്കും കോവിഡ് സ്ഥിരീകരിച്ചു.
 മുംബയിൽ നിന്നും 26/5ന് കൊച്ചിയിൽ എത്തി ആലപ്പുഴ കോവിഡ് കെയർ സെന്ററിൽ നിരീക്ഷണത്തിലായിരുന്ന ആലപ്പുഴ സ്വദേശിനിയായ  യുവതിക്കും കോവിഡ് സ്ഥിരീകരിച്ചു.

ആലപ്പുഴ ജില്ലയില്‍നിന്നും മടങ്ങിപ്പോകാന്‍ ആഗ്രഹിക്കുന്ന അതിഥി തൊഴിലാളികൾ , ഇതുവരെ വിവരം അറിയിക്കാത്തവർ, ഉടൻ വിവരം നല്‍കണമെന്ന് ജില്ലാ കളക്ടര്‍ അറിയിച്ചു. 

പേര്, സ്വദേശത്തെ പൂര്‍ണ മേല്‍വിലാസം, ജില്ല, സംസ്ഥാനം ഫോണ്‍ നമ്പര്‍, ആലപ്പുഴ ജില്ലയില്‍ എത്തിയത് എന്തിന്,  ഇവിടുത്തെ വിലാസം, എന്നിവ 0477 2239040
 എന്ന ഫോണ്‍ നമ്പരില്‍ നല്‍കണം. warroomalp@gmail.com എന്ന ഈ മെയില്‍ വിലാസത്തിലും വിവരങ്ങള്‍ അയയ്ക്കാം.

ആലപ്പുഴ: പൊതുമേഖലാ ടെക്സ്റ്റൈല്‍ മില്ലുുകളെ കാലോചിതമായ സംരഭങ്ങൾ ആരംഭിക്കുതിന് പ്രാപ്തമാക്കാനുള്ള നടപടികളുമായി വ്യവസായ വകുപ്പ് മുന്നോട്ട് പോകുകയാണെന്ന്  വ്യവസായ വകുപ്പ് മന്ത്രി ഇ.പി ജയരാജൻ. കോമളപുരത്ത് കേരള സ്പിന്നേഴ്സ് സന്ദർശനം നടത്തുകയായിരുന്നു അദ്ദേഹം. കോമളപുരത്തെ സ്പിന്നേഴ്സിന്‍റെ  പ്രവർത്തനം കൂടുതൽ മെച്ചപ്പെടുത്തുന്നതിനായി ധന വകുപ്പിന്റെ സഹായത്തോടെ പ്രശ്‌നങ്ങൾ പരിഹരിച്ച് വരികയാണ്. കേരള സ്റ്റേറ്റ് ടെക്‌സ്റ്റെയിൽ കോർപ്പറേഷന് സർക്കാർ നൽകിയിരിക്കുന്ന നിർദ്ദേശം നൂലുണ്ടാക്കുകയും അതിന്റെ മാർക്കറ്റിംഗ് കഴിഞ്ഞ് അവശേഷിക്കുതുകൊണ്ട് തുണിയുണ്ടാക്കുക എന്നതുമാണ്. 

ആലപ്പുഴ : മത്സ്യത്തൊഴിലാളികളുടെ കുട്ടികൾക്ക് വേണ്ടി മത്സ്യഫെഡ് ഒരുക്കുന്ന ഓൺലൈൻ പഠന കേന്ദ്രം ജില്ലയിൽ പ്രവർത്തനം ആരംഭിച്ചു. ജില്ലയിലെ ആദ്യ ഓൺലൈൻ പഠന കേന്ദ്രം വാടയ്ക്കൽ കാഞ്ഞിരംചിറ മത്സ്യത്തൊഴിലാളി വികസന ക്ഷേമ സഹകരണ സംഘം ഹാളിൽ പൊതുമരാമത്ത് രജിസ്‌ട്രേഷൻ വകുപ്പ് മന്ത്രി ജി സുധാകരൻ ഉദ്ഘാടനം ചെയ്തു.

ആലപ്പുഴ : ഓൺലൈൻ പഠനത്തിനു സൗകര്യമില്ലാത്ത കുട്ടികൾക്കായി വായന ശാല - ഗ്രന്ഥ ശാല പഠന കേന്ദ്രങ്ങൾ ഒരുക്കി ജില്ലാ പഞ്ചായത്ത്.  ജില്ലാ പഞ്ചായത്ത് ഡിവിഷനുകളായ  മാരാരിക്കുളം വടക്ക്, മാരാരിക്കുളം  തെക്ക്, ആര്യാട്‌ ഗ്രാമ പഞ്ചായത്തുകളിലെ തിരഞ്ഞെടുക്കപ്പെട്ട വായനശാലകളും ഗ്രന്ഥ ശാലകളുമാണ്  പ്രാദേശിക പഠനകേന്ദ്രങ്ങളായി മാറുന്നത്. പഠന കേന്ദ്രത്തിന്റെ ഉദ്ഘാടനം തുമ്പോളി കലാലയ വായനശാലയിൽ ധനകാര്യ -കയർ വകുപ്പ് മന്ത്രി ഡോ. ടി. എം തോമസ് ഐസക് നിർവഹിച്ചു. 

ജില്ലയിലെ ചെങ്ങന്നൂർ മുനിസിപ്പാലിറ്റി മൂന്നാം വാർഡും പാണ്ടനാട് ഗ്രാമപഞ്ചായത്തിലെ 1, 5 വാർഡുകളും കണ്ടൈൻമെൻറ് സോണിൽ നിന്ന് ഒഴിവാക്കി ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാ കലക്ടർ ഉത്തരവായി.

ഈ വാർഡുകളിൽ കണ്ടൈൻമെൻറ് സോണിലെ നിയന്ത്രണങ്ങളും ഇതോടെ  നീങ്ങി.