ജില്ലയിലെ കോവിഡ് 19 രോഗപ്രതിരോധ, നിയന്ത്രണ പ്രവര്‍ത്തനങ്ങള്‍ കൂടുതല്‍ ശക്തിപ്പെടുത്തുന്നതിന്റെ ഭാഗമായി ആരോഗ്യവകുപ്പ് ഡെപ്യൂട്ടി ഡയറക്ടര്‍ ഡോ.ജഗദീശൻ്റെ അധ്യക്ഷതയിൽ വിവിധ വകുപ്പുകളുടെ സംയോജിത യോഗം ചേര്‍ന്നു. തമിഴ്നാടുമായും മലപ്പുറം ജില്ലയുമായി അതിര്‍ത്തി പങ്കിടുന്ന മേഖലകളില്‍ പ്രതിരോധ പ്രവര്‍ത്തനങ്ങള്‍  ഊര്‍ജ്ജിതമാക്കാന്‍ യോഗത്തില്‍ തീരുമാനമായി. ജില്ലയിലെ എല്ലാ ഓഫീസുകളിലും ശാരീരിക അകലം ഉറപ്പുവരുത്തുന്നതിന് സോഷ്യല്‍ ഡിസ്റ്റന്‍സിംഗ് മാനേജരെ ചുമതലപ്പെടുത്തി.

പാലക്കാട് ജില്ലയിൽ ഇന്ന്(ജൂൺ 30) ഏഴ് വയസ്സുകാരന് ഉൾപ്പെടെ 17 പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  ഇതിൽ ഒരാൾ കളമശ്ശേരി മെഡിക്കൽ കോളേജിൽ ചികിത്സയിലാണ്. ജില്ലയിൽ ഇന്ന് ആറുപേർ രോഗ രോഗമുക്തി നേടിയതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കുവൈത്ത്-6
തച്ചമ്പാറ സ്വദേശി (35 പുരുഷൻ)

കുമരംപുത്തൂർ അരിയൂർ സ്വദേശി (45 പുരുഷൻ)

കുത്തനൂർ സ്വദേശി (27 പുരുഷൻ)

ലക്കിടി-പേരൂർ മുളഞ്ഞൂർ സ്വദേശി (29 പുരുഷൻ)

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 29) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 30 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 84 പ്രതികളിൽ 63 പേരെ അറസ്റ്റ് ചെയ്തു. 6 വാഹനങ്ങൾ പിടിച്ചെടുത്തു. സാമൂഹിക അകലം പാലിക്കാത്തതി നും പച്ചക്കറി ചന്തകളിൽ സർക്കാർ നിർദേശങ്ങൾ പാലിക്കാതെ കച്ചവടം നടത്തിയതിനും കേസ് രജിസ്റ്റർ ചെയ്തിട്ടുണ്ട്.

മാസ്ക് ധരിക്കാത്ത 426 പേർക്കെതിരെ കേസ്

ഷാര്‍ജ, ദുബായ്, കുവൈറ്റ്, ബോറോസ്പില്‍, റാസല്‍ഖൈമ, പാരീസ്, ദോഹ, ബഹറിന്‍, അബുദാബി, ഖത്തര്‍, മസ്‌കറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍, കണ്ണൂര്‍, അന്താരാഷ്ട്ര വിമാനത്താവളങ്ങളിലായി ഇന്നലെ (ജൂണ്‍ 28) ജില്ലയിലെത്തിയത് 163 പാലക്കാട് സ്വദേശികള്‍. ഇവരില്‍ 14 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍ പ്രവേശിച്ചു.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 268 പേരാണ് ചികിത്സയിലുള്ളത്. ഇന്ന് (ജൂണ്‍ 29) ജില്ലയില്‍ 12 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 14 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 18610 സാമ്പിളുകള്‍ പരിശോധനയ്ക്കായി അയച്ചതില്‍ 17477 പരിശോധനാ ഫലങ്ങളാണ് ലഭ്യമായത്. 496 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 720 പരിശോധനാ ഫലങ്ങളാണ് ലഭിച്ചത്. ഇതുവരെ 226 പേർ രോഗമുക്തി നേടി. പുതുതായി 179 സാമ്പിളുകളും അയച്ചു. ഇനി 1133 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

പാലക്കാട് ജില്ലയിൽ ഇന്ന്(ജൂൺ 29) നാല് വയസ്സുകാരിക്ക് ഉൾപ്പെടെ 12 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ രണ്ടുപേർ മഞ്ചേരി മെഡിക്കൽ കോളേജിൽ ചികിത്സയിലാണ്. ജില്ലയിൽ ഇന്ന് മൂന്നുപേർ രോഗ രോഗമുക്തി നേടിയതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും വന്നവരുടെ കണക്ക് താഴെ കൊടുക്കും പ്രകാരമാണ്.

കുവൈത്ത്-5
പട്ടിത്തറ സ്വദേശി (34 പുരുഷൻ)

ചാലിശ്ശേരി സ്വദേശി (46 പുരുഷൻ)

കപ്പൂർ സ്വദേശി(53 പുരുഷൻ)

കുമരനല്ലൂർ സ്വദേശി (34 പുരുഷൻ),

ദുരന്ത നിവാരണ വകുപ്പിന്റെ അതി വർഷ മുന്നറിയിപ്പിന്റെ അടിസ്ഥാനത്തിൽ പ്രളയം ഉണ്ടായാൽ നേരിടാനൊരുങ്ങി വടക്കഞ്ചേരി അഗ്നി ശമന രക്ഷാ സേനയ്ക്ക് കീഴിലെ ദുരന്ത പ്രതിരോധ സന്നദ്ധ സേന തയ്യാറാക്കിയതു 250 ബോട്ടിൽ ലൈഫ് ജാക്കറ്റുകൾ . അപ്രതീക്ഷിതമായി വെള്ളം കയറിയാൽ വീട്ടിൽ നിന്നും രക്ഷാ പ്രവർത്തനം നടത്തുമ്പോൾ ബോട്ടിൽലൈഫ് ജാക്കറ്റ് അണിയിച്ചു സുരക്ഷിതമായി വെള്ളം കയറിയ വീടുകളിൽ നിന്നും ആളുകളെ സുരക്ഷിത സ്ഥാനത്തേക്ക് മാറ്റാൻ ലക്ഷ്യമിട്ടാണ് പ്ലാസ്റ്റിക് കുടി വെള്ള കുപ്പികൾ ഉപയോഗിച്ച് ബോട്ടിൽ ലൈഫ് ജാക്കറ്റ് നിർമിച്ചിരിക്കുന്നത്.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 28) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 61 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 78 പ്രതികളിൽ 66 പേരെ അറസ്റ്റ് ചെയ്തു. 11 വാഹനങ്ങൾ പിടിച്ചെടുത്തു. സാമൂഹിക അകലം പാലിക്കാത്തതിന് 41 കേസുകൾ രജിസ്റ്റർ ചെയ്തിട്ടുണ്ട്.

മാസ്ക് ധരിക്കാത്ത 618 പേർക്കെതിരെ കേസ്

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 618 പേർക്കെതിരെ പോലീസ് കേസെടുത്തു. മാസ്ക് ധരിക്കേണ്ടതിന്റെ ആവശ്യകത പറഞ്ഞതിനു ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.
 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 261 പേരാണ് ചികിത്സയിലുള്ളത്. ഇന്ന് (ജൂണ്‍ 28) ജില്ലയില്‍ 4 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 45 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.

ഇതുവരെ 18431 സാമ്പിളുകള്‍ പരിശോധനയ്ക്കായി അയച്ചതില്‍ 16757 പരിശോധനാ ഫലങ്ങളാണ് ലഭ്യമായത്. 486 പേർക്കാണ് ഇതുവരെ പരിശോധനാഫലം പോസിറ്റീവായത്. ഇന്ന് 309 പരിശോധനാ ഫലങ്ങളാണ് ലഭിച്ചത്. ഇതുവരെ 223 പേർ രോഗമുക്തി നേടി. പുതുതായി 500 സാമ്പിളുകളും അയച്ചു. ഇനി 1674 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.

മസ്കറ്റ്, പാരീസ്, ദുബായ്, ഷാർജ, കുവൈറ്റ്, റാസൽഖൈമ, അബുദാബി, ഖത്തർ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ, കണ്ണൂർ, അന്താരാഷ്ട്ര വിമാനത്താവളങ്ങളിലായി ഇന്നലെ (ജൂണ്‍ 27) ജില്ലയിലെത്തിയത് 37 പാലക്കാട് സ്വദേശികള്‍. ഇവരിൽ 7 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.

മസ്കറ്റ്, പാരീസ്, ദുബായ്, ഷാർജ, കുവൈറ്റ്, റാസൽഖൈമ, അബുദാബി, ഖത്തർ എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 26 പേരിൽ 7 പേർ ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 19 പേർ വീടുകളിൽ നിരീക്ഷണത്തിലാണ്.