ഹജ്ജ്-2027 മായി ബന്ധപ്പെട്ട് സംസ്ഥാന ഹജ്ജ് കമ്മിറ്റിയുടെ ഹജ്ജ് ട്രെയിനർമാരായി പ്രവർത്തിക്കാൻ താല്പര്യമുള്ളവരിൽ നിന്ന് അപേക്ഷ ക്ഷണിച്ചു. ചുമതലകൾ പ്രതിഫലം കൂടാതെ നിർവ്വഹിക്കാൻ താല്പര്യമുള്ളവർ 2026 ജൂൺ 15-നകം ഓൺലൈൻ മുഖേന അപേക്ഷ സമർപ്പിക്കണം. ഓൺലൈൻ അപേക്ഷയുടെ ലിങ്ക് സംസ്ഥാന ഹജ്ജ് കമ്മിറ്റിയുടെ keralahajcommittee.org എന്ന വെബ്സൈറ്റിൽ ലഭ്യമാണ്. 

എൻ.എം.എം.എസ് പരീക്ഷയിൽഓരോ ജില്ലയ്ക്കും പ്രത്യേക കട്ട്-ഓഫ് മാർക്ക് നിശ്ചയിച്ച് കുട്ടികളെ തെരഞ്ഞെടുക്കുന്ന രീതി ഒഴിവാക്കുമെന്ന് മന്ത്രി പി.കെ കുഞ്ഞാലിക്കുട്ടി. മലപ്പുറം ബ്ലോക്ക് പഞ്ചായത്ത് നടപ്പിലാക്കിയ നൂതന പരിശീലന പദ്ധതിയായ 'ഇംബൈബ് 4' വഴി സ്കോളർഷിപ്പ് നേടിയ വിദ്യാർത്ഥികളെ അനുമോദിക്കുന്ന ചടങ്ങ് ഉദ്ഘാനം ചെയ്യുകയായിരുന്നു അദ്ദേഹം. അർഹരായവർക്ക് തുല്യമായ പരിഗണന ഉറപ്പാക്കണം. സ്കോളർഷിപ്പ് പരീക്ഷയിലെ അസമത്വം തിരുത്താൻ ആവശ്യമായ നടപടികൾ സ്വീകരിക്കുമെന്നും അദ്ദേഹം പറഞ്ഞു.

സെന്‍സസ് 2027 മായി ബന്ധപ്പെട്ട് എന്യൂമറേറ്റര്‍മാര്‍ക്കും, സുപ്പര്‍വൈസര്‍മാര്‍ക്കും ജൂണ്‍ എട്ടു മുതല്‍ 10 വരെ അരീക്കോട് ഗവണ്‍മെന്റ് ഹയര്‍സെക്കന്‍ഡറി സ്‌കൂളില്‍ നടത്താനിരുന്ന ത്രിദിന പരിശീലന പരിപാടി ജൂണ്‍ ഒന്‍പത്, 10, 22 എന്നീ തീയതികളിലേക്ക് മാറ്റി.

മലപ്പുറം ബ്ലോക്ക് പഞ്ചായത്ത് പരിധിയിലെ സാമ്പത്തികമായി പിന്നാക്കം നില്‍ക്കുന്ന മിടുക്കരായ വിദ്യാര്‍ഥികളെ പ്രോത്സാഹിപ്പിക്കുന്നതിന്റെ ഭാഗമായി ബ്ലോക്ക് പഞ്ചായത്ത് നടപ്പിലാക്കിയ നൂതന പദ്ധതിയായ ഇംബൈബ് 4 വഴി എന്‍.എം.എം.എസ്. പരീക്ഷ വിജയിച്ച 82 വിദ്യാര്‍ഥികളെ അനുമോദിക്കുന്ന ചടങ്ങ് മലപ്പുറം ബ്ലോക്ക് പഞ്ചായത്ത് ഹാളില്‍ നാളെ (ഞായര്‍) രാവിലെ 10 ന് വ്യവസായ-ഐ.ടി. വകുപ്പ് മന്ത്രി പി.കെ.കുഞ്ഞാലിക്കുട്ടി ഉദ്ഘാടനം ചെയ്യും. മലപ്പുറം ജില്ലാ പഞ്ചായത്ത് പ്രസിഡന്റ് പി.എ. ജബ്ബാര്‍ ഹാജി അധ്യക്ഷത വഹിക്കും. വിവിധ ജനപ്രതിനിധികള്‍, ഉദ്യോഗസ്ഥര്‍ എന്നിവര്‍ സംബന്ധിക്കും.

മലപ്പുറം ജില്ലയില്‍ ജില്ലാ മാനസികാരോഗ്യപദ്ധതിക്ക് കീഴില്‍  സൈക്യാട്രിസ്റ്റ്/മെഡിക്കല്‍ ഓഫിസര്‍ തസ്തികയില്‍ ജീവനക്കാരെ കരാര്‍ അടിസ്ഥാനത്തില്‍ നിയമിക്കുന്നതിനുള്ള അഭിമുഖം ജൂണ്‍ 10 ന് രാവിലെ 11ന് ജില്ലാ മെഡിക്കല്‍ ഓഫീസില്‍ നടക്കും. എം.ബി.ബി.എസ്., സൈക്യാട്രിയില്‍ എം.ഡി., ഡി.പി.എം./ ഡി.എന്‍.ബി., സൈക്യാട്രിയില്‍ ഒരു വര്‍ഷത്തെ പരിചയം എന്നിവയുള്ള ഉദ്യോഗാഥികള്‍ വയസ്സ്, യോഗ്യത, പ്രവൃത്തി പരിചയം എന്നിവ തെളിയിക്കുന്നതിനുള്ള അസല്‍ സര്‍ട്ടിഫിക്കറ്റകളും സര്‍ക്കാര്‍ അംഗീകരിച്ച തിരിച്ചറിയന്‍ രേഖയുടെ അസലും സഹിതം കൂടിക്കാഴ്ചയ്ക്ക് ഹാജരാകണം. ഫോണ്‍- 0483- 2736241.

കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി.യുടെ കീഴില്‍ കാലിക്കറ്റ് സര്‍വകലാശാലയുമായി അഫിലിയേറ്റ് ചെയ്തിട്ടുള്ള കോഴിക്കോട് (04952765154, 2768320, 8547005044), താമരശ്ശേരി (049522234243, 8547005025), വട്ടംകുളം (0494 2689655, 8547005054), മുതുവല്ലൂര്‍ (04832963218, 8547005070), വടക്കഞ്ചേരി (0491 2985061, 8547005042), അഗളി (അട്ടപ്പാടി) (04924254699, 9447159505), ചേലക്കര (04884227181, 8547005064), കൊടുങ്ങല്ലൂര്‍ (04802816270, 8547005078) വാഴക്കാട് (04832727070, 8547005055), അയലൂര്‍ (04923241766, 8547005029), എന്നിവിടങ്ങളില്‍ പ്രവര്‍ത്തിക്കുന്ന അപ്ലൈഡ് സയന്‍സ് കോളേജുകളിലേക്ക്, 2026-27 അധ്യയന വര്‍

പെരിന്തല്‍മണ്ണ ഗവണ്മെന്റ് പോളിടെക്‌നിക് കോളേജില്‍ വിവിധ എഞ്ചിനീയറിങ് ബ്രാഞ്ചുകളില്‍ ഒഴിവുള്ള സിവില്‍- ലക്ചറര്‍, മെക്കാനിക്കല്‍ വര്‍ക് ഷോപ് സൂപ്രണ്ട്, ഇലക്ട്രോണിക് ലക്ചറര്‍ എന്നീ തസ്തികകളിലേക്ക് താത്ക്കാലികമായി ദിവസ വേതനാടിസ്ഥാനത്തില്‍ നിയമനം നടത്തുന്നതിനുള്ള അഭിമുഖം ജൂണ്‍ 10 ന് രാവിലെ 10ന് നടക്കും. ഫസ്റ്റ് ക്ലാസോടു കൂടിയ ബി.ടെക് ആണ് യോഗ്യത. താത്പര്യമുള്ള ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും സാക്ഷ്യപ്പെടുത്തിയ പകര്‍പ്പുകളും സഹിതം ഹാജരാകണം. ഫോണ്‍- 04933 227253.

പശ്ചിമഘട്ട മലയോര മേഖലകളിലെ കുത്തനെയുള്ള ചരിവുകളില്‍ സുരക്ഷിതമായ കെട്ടിട നിര്‍മ്മാണം ഉറപ്പാക്കുന്നതിനായി മൈനിങ് ആന്‍ഡ് ജിയോളജി വകുപ്പ് താത്പര്യപത്രം ക്ഷണിച്ചു. അശാസ്ത്രീയമായ മണ്ണ് ഖനനവും ഭൂപ്രകൃതിയിലെ മാറ്റങ്ങളും മണ്ണിടിച്ചില്‍ സാധ്യത വര്‍ധിപ്പിക്കുന്ന സാഹചര്യത്തിലാണ് ഈ നടപടി. കെട്ടിട സമുച്ചയങ്ങളുടെ സ്ലോപ്പ് സ്റ്റെബിലിറ്റി പഠനങ്ങള്‍, പ്രതികൂല സാഹചര്യങ്ങളെ പ്രതിരോധിക്കാന്‍ ശേഷിയുള്ള കെട്ടിട രൂപകല്‍പ്പന, എഞ്ചിനീയറിങ് സേവനങ്ങള്‍ എന്നിവ നല്‍കാന്‍ യോഗ്യരായ വിദ്യാഭ്യാസ/ഗവേഷണ സ്ഥാപനങ്ങള്‍ക്ക് അപേക്ഷിക്കാം. എ.ഐ.സി.ടി.ഇ., യു.ജി.സി., സി.എസ്.ഐ.ആര്‍.

ബഡ്‌സ് സ്‌കൂള്‍ സംസ്ഥാനതല പ്രവേശനോത്സവം തദ്ദേശ സ്വയംഭരണ വകുപ്പ് മന്ത്രി കെ.എം.ഷാജി ഉദ്ഘാടനം ചെയ്തു

അസംഘടിത തൊഴിലാളി സാമൂഹ്യ സുരക്ഷാ പദ്ധതിയില്‍ അംഗങ്ങളായവരുടെ മക്കളില്‍ 2026-27 അധ്യയന വര്‍ഷം എല്‍.കെ.ജി, ഒന്നാം ക്ലാസ് എന്നിവയില്‍ പുതുതായി അഡ്മിഷന്‍ നേടിയ കുട്ടികള്‍ക്ക് പഠനോപകരണങ്ങള്‍ വാങ്ങുന്നതിന് ധനസഹായം അനുവദിക്കുന്നതിനുള്ള അപേക്ഷ തിയതി ജൂണ്‍ 20 വരെ ദീര്‍ഘിപ്പിച്ചു. അഡ്മിഷന്‍ നേടുന്ന സ്‌കൂളുകളില്‍ നിന്നും ലഭ്യമാക്കിയ സാക്ഷ്യപത്രവും അനുബന്ധ രേഖകള്‍ സഹിതം https://services.unorganisedwssb.org/index.php/home എന്ന ലിങ്ക് വഴി ഓണ്‍ലൈന്‍ മുഖേന ജൂണ്‍ 20 നകം  നല്‍കണം.