ജില്ലയിലെ വിവിധ കോടതികളിലായി സ്ഥാപിച്ചിട്ടുള്ള 83 ലേസർ പ്രിന്ററുകളിലെ ഒരു വർഷത്തേക്കുള്ള അറ്റകുറ്റപ്പണികൾക്ക് ജില്ലയിലെ അംഗീകൃത വിതരണക്കാരിൽ നിന്നും ക്വട്ടേഷനുകൾ ക്ഷണിച്ചു. ക്വട്ടേഷനുകൾ ആഗസ്റ്റ് നാലിന് ഉച്ചക്ക്  ശേഷം മൂന്ന് വരെ സ്വീകരിക്കും. വിവരങ്ങൾ ജില്ലാ കോടതി ഓഫീസിൽ നിന്നും ലഭിക്കും.  ഫോൺ- 04936 202277

വെള്ളമുണ്ട ഇലക്ട്രിക്കൽ സെക്ഷനു കീഴിൽ പീച്ചങ്കോട് മില്ല്, കുണ്ടോണിക്കുന്ന് ട്രാൻസ്ഫോർമർ പരിധിയിലും വെള്ളമുണ്ട പടാരി റോഡ്, മടത്തുംകുനി, പീച്ചങ്കോട് - അകമനച്ചാൽ ഭാഗങ്ങളിലും ഇന്ന് (ജൂലൈ 24) രാവിലെ 8.30 മുതൽ 5.30വരെ വൈദ്യുതി വിതരണം ഭാഗികമായി തടസ്സപ്പെടും.

കാട്ടിച്ചിറക്കൽ ലിങ്ക് റോഡിൽ കലുങ്ക് പണി നടക്കുന്നതിനാൽ ഇത് വഴിയുള്ള ഗതാഗതത്തിന് നിയന്ത്രണമുണ്ടായിരിക്കുമെന്ന് എക്സിക്യൂട്ടീവ് എഞ്ചിനീയര്‍ അറിയിച്ചു. കലുങ്ക് നിർമ്മാണം പൂർത്തിയാകുന്നതുവരെ കാട്ടിച്ചിറക്കലിൽ നിന്ന് പിച്ചാംകോട് ഹെൽത്ത് സെന്റർ ജംഗ്ഷനിലേക്കുള്ള വാഹനങ്ങൾ നാലാം മൈൽ വഴി തരുവണ റോഡിലൂടെ പിച്ചാംകോട് ഹെൽത്ത് സെന്റർ ജംഗ്ഷനിലെത്തുന്ന രീതിയിലും തിരിച്ചും സഞ്ചരിക്കണം.  

ജില്ലാ അത്ലറ്റിക്‌സ് അസോസിയേഷന്‍റെ ആഭിമുഖ്യത്തിൽ ഒന്നാമത് ലൂയിസ് ഫിലിപ്പ് മെമ്മോറിയൽ ജില്ലാതല ജാവലിംങ്ങ് ത്രോ ചാമ്പ്യൻഷിപ്പ് ആഗസ്റ്റ് ഒന്നിന് മാനന്തവാടി ഗവ: ഹൈസ്‌കൂൾ ഗ്രൗണ്ടിൽ നടക്കും. 14, 16, 18, 20 വയസ്സുള്ള ആൺകുട്ടികൾക്കും പെൺകുട്ടികൾക്കും പുരുഷ-വനിതാ വിഭാഗങ്ങൾക്കുമാണ് മത്സരങ്ങൾ നടക്കുക. താൽപ്പര്യമുള്ള കായിക താരങ്ങൾ ലൂക്കാ ഫ്രാൻസിസ്, സെക്രട്ടറി അത്ലറ്റിക്‌സ് അസോസിയേഷൻ, ജില്ലാ സ്പോർട്‌സ് കൗൺസിൽ, കൽപ്പറ്റ നോർത്ത് എന്ന വിലാസത്തിൽ ജൂലൈ 29നകം എൻട്രികൾ സമർപ്പിക്കണം. ഫോൺ: 9847884242

കൽപ്പറ്റ കെ.എം.എം ഗവ. ഐ.ടി.ഐയിലെ വിവിധ ട്രേഡുകളിൽ ഒഴിവുള്ള വനിതാ സംവരണ സീറ്റുകളിലേക്ക് ജൂലൈ 25ന് സ്‍പോട്ട് അഡ്മിഷൻ നടത്തുന്നു. ഓൺലൈനായി അപേക്ഷിച്ചവർക്കും അപേക്ഷിക്കാത്തവർക്കും പങ്കെടുക്കാം. താത്പര്യമുള്ളവർ അസൽ രേഖകളുമായി ജൂലൈ 27 രാവിലെ 10ന് ഐ.ടി.ഐയിൽ നേരിട്ടെത്തി സ്പോട്ട് അഡ്മിഷനിൽ പങ്കെടുക്കണം. ഫോൺ: 04936 9961702406, 9995914652.

മീനങ്ങാടി സാമൂഹികാരോഗ്യ കേന്ദ്രത്തിലെ ആയുർആരോഗ്യ സൗഖ്യം പദ്ധതിയിലേക്ക് താത്കാലികാടിസ്ഥാനത്തിൽ ഡോക്ടറെ നിയമിക്കുന്നു. എം.ബി.ബി.എസും ടി.സി.എം.സി രജിസ്ട്രേഷനുമാണ് യോഗ്യത. താത്പര്യമുള്ളവർ യോഗ്യതാ സർട്ടിഫിക്കറ്റുകളുടെ അസലും ബയോഡേറ്റയും സഹിതം ജൂലൈ 29ന് രാവിലെ 11 മുതൽ നടക്കുന്ന അഭിമുഖത്തിൽ പങ്കെടുക്കണം. ഫോൺ: 04936 247290.

കണിയാമ്പറ്റ ഗവ. യുപി സ്കൂളിൽ നിലവിൽ ഒഴിവുള്ള യു.പി.എസ്.ടി (എച്ച്.ടി.വി) ഒഴിവിലേക്ക് താത്കാലിക നിയമനം നടത്തുന്നു. യോഗ്യതയുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകളുമായി ജൂലൈ 28ന് രാവിലെ 11ന് സ്കൂൾ ഓഫീസിൽ കൂടിക്കാഴ്ചയ്ക്ക് എത്തണം.

സംസ്ഥാന പട്ടികജാതി പട്ടികവർഗ വികസന കോർപ്പറേഷൻ കുടുംബശ്രീ സി.ഡി.എസുകൾ മുഖേന നടപ്പിലാക്കുന്ന വനിതാ ശാക്തീകരണ പദ്ധതി പ്രകാരം വായ്പ അനുവദിക്കുന്നതിന് അപേക്ഷ ക്ഷണിച്ചു. മാനന്തവാടി താലൂക്ക് പരിധിയിലെ പട്ടികജാതി-പട്ടികവർഗ വിഭാഗക്കാരായ അയൽക്കൂട്ട അംഗങ്ങൾ ഉൾപ്പെടുന്ന സി.ഡി.എസുകൾക്ക് അപേക്ഷിക്കാം. അംഗങ്ങളായ അപേക്ഷകർ 18നും 60നുമിടയിൽ പ്രായമുള്ളവരായിരിക്കണം. കുടുംബവാർഷിക വരുമാനം മൂന്ന് ലക്ഷം രൂപയിൽ കവിയാൻ പാടില്ല. ഒരംഗത്തിന് 50,000 രൂപ മുതൽ ഒരു ലക്ഷം രൂപ വരെയാണ് വായ്പ തുക. 6.5 ശതമാനമാണ് പലിശ നിരക്ക്. മൂന്ന് മുതൽ നാല് വർഷങ്ങൾ കൊണ്ട് വായ്പതുക പലിശ സഹിതം മാസഗഡുക്കളായി തിരിച്ചടക്കണം.

എംപ്ലോയീസ് പ്രോവിഡന്റ് ഫണ്ട് കുടിശികയും നടപടികളും കുറ‌ഞ്ഞ നിരക്കിൽ തീർപ്പാക്കാൻ സ്ഥാപനങ്ങൾക്ക് അവസരം. വിശ്വാസ് പദ്ധതി പ്രകാരം അർഹരായ സ്ഥാപനങ്ങൾക്ക് വിവിധ നിയമ വകുപ്പുകൾ പ്രകാരം ബാധകമായ കുടിശിക ഗണ്യമായി കുറ‌ഞ്ഞ നിരക്കിൽ തീർപ്പാക്കാനാവുമെന്ന് അധികൃതർ അറിയിച്ചു. നഷ്ടപരിഹാരത്തുക കുടിശ്ശികയുള്ളതോ അടച്ചിട്ടില്ലാത്തതോ ആയ സ്ഥാപനങ്ങൾ, നിയമനടപടികൾ നടന്നുകൊണ്ടിരിക്കുന്ന സ്ഥാപനങ്ങൾ, 14 ബി വകുപ്പ് പ്രകാരമുള്ള നടപടികൾ പുരോഗമിക്കുന്ന സ്ഥാപനങ്ങൾ, അല്ലെങ്കിൽ വീഴ്ചകൾ തിരിച്ചറിയപ്പെട്ടിട്ടും ഇതുവരെ നോട്ടീസ് പുറപ്പെടുവിച്ചിട്ടില്ലാത്ത സ്ഥാപനങ്ങൾ എന്നിവയ്ക്ക് ഈ പദ്ധതിയുടെ പ്രയോജനം ലഭിക്കും.

തിരുവനന്തപുരം വട്ടിയൂർക്കാവ് സെൻട്രൽ പോളിടെക്നിക് കോളേജിൽ ജനറൽ വിഭാഗത്തിൽ അസിസ്റ്റന്റ് പ്രൊഫസർ (മാത്തമാറ്റിക്സ്) നിയമനത്തിനുള്ള അഭിമുഖം ജൂലൈ 27 രാവിലെ 10 ന് കോളേജിൽ നടക്കും. ബന്ധപ്പെട്ട വിഷയത്തിൽ യുജിസി നിഷ്കർഷിക്കുന്ന യോഗ്യതയുള്ളവർ അസൽ സർട്ടിഫിക്കറ്റ് സഹിതം കോളേജിൽ നേരിട്ടെത്തണം.