കാര്‍ഷിക മേഖലയെ ശക്തിപ്പെടുത്തുന്നതിനും അടിസ്ഥാന സൗകര്യ മേഖലയില്‍ കൂടുതല്‍ നിക്ഷേപങ്ങള്‍ ആകര്‍ഷിക്കുന്നതിനുമായി കേന്ദ്ര സര്‍ക്കാര്‍ ആവിഷ്‌കരിച്ച അഗ്രികള്‍ച്ചര്‍ ഇന്‍ഫ്രാസ്ട്രക്ചര്‍ ഫണ്ട് അഥവാ കാര്‍ഷിക അടിസ്ഥാന സൗകര്യ വികസന നിധി പദ്ധതിയിലേക്ക് അപേക്ഷ ക്ഷണിച്ചു.  ഏഴു വര്‍ഷം വരെ ആറു ശതമാനം പലിശ നിരക്കില്‍ വായ്പ ലഭ്യമാകുന്ന പദ്ധതി വഴി രണ്ടു കോടി രൂപ വരെയുള്ള വായ്പകള്‍ക്ക് ഏഴു വര്‍ഷം വരെ മൂന്നു ശതമാനം പലിശയിളവ് ലഭിക്കും. ഒരാള്‍ക്ക് വ്യത്യസ്ത സ്ഥലങ്ങളിലായി പരമാവധി 25 സംരംഭങ്ങള്‍ക്ക് വരെ ഈ പദ്ധതി പ്രയോജനപ്പെടുത്താവുന്നതാണ്.

സംസ്ഥാന ഭവന നിര്‍മ്മാണ ബോര്‍ഡ്  മലപ്പുറം ഡിവിഷന്‍ ഓഫീസില്‍ ഒഴിവുള്ള പാര്‍ട്ട് ടൈം സ്വീപ്പര്‍ തസ്തികയിലേക്ക് താത്ക്കാലികാടിസ്ഥാനത്തില്‍ മലപ്പുറം മുനിസിപ്പാലിറ്റി പരിധിയില്‍ താമസിക്കുന്ന വനിത ഉദ്യോഗാര്‍ഥികളില്‍ നിന്ന് അപേക്ഷ ക്ഷണിച്ചു. 45 വയസ്സില്‍ താഴെയുള്ള വനിതകള്‍ ജൂണിന് 22ന്  വൈകുന്നേരം അഞ്ചിനകം അപേക്ഷിക്കണം. അപേക്ഷാ ഫോം മലപ്പുറം കോട്ടപ്പടിയിലുള്ള ഡിവിഷന്‍ ഓഫീസില്‍ നിന്ന് 118/രൂപ അടച്ച് നേരിട്ട് വാങ്ങണം. കൂടുതല്‍ വിവരങ്ങള്‍ മലപ്പുറം കേരള സ്റ്റേറ്റ് ഹൗസിംഗ് ബോര്‍ഡ് എക്‌സിക്യൂട്ടീവ് എന്‍ജിനീയര്‍ ഡിവിഷനില്‍ ലഭ്യമാണ്. ഫോണ്‍: 0483-2735003.

മലപ്പുറം ഗവ.കോളെജില്‍ ഫിസിക്‌സ് വിഭാഗത്തില്‍ ഒഴിവുള്ള അതിഥി അധ്യാപക തസ്തികയില്‍ ജൂണ്‍ 17 ന് രാവിലെ 9.30 ന് കോളെജില്‍ അഭിമുഖം നടക്കും. കോഴിക്കോട് മേഖല കോളേജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറേറ്റില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ത്ഥികള്‍ക്ക്  അഭിമുഖത്തില്‍ പങ്കെടുക്കാം. യോഗ്യരായ ഉദ്യോഗാര്‍ഥികള്‍  മതിയായ രേഖകള്‍ സഹിതം അഭിമുഖത്തിനെത്തണം. ഫോണ്‍- 9061734918, 0483-2734918.

മലപ്പുറം ഗവ. ഗേള്‍സ് ഹയര്‍ സെക്കന്‍ഡറി സ്‌കൂളില്‍ ഒഴിവുള്ള എച്ച്.എസ്.ടി സോഷ്യല്‍ സയന്‍സ്, അറബിക് തസ്തികകളിലേക്ക് ദിവസവേതനാടിസ്ഥാനത്തില്‍ നിയമിക്കുന്നതിനുള്ളള അഭിമുഖം ജൂണ്‍ 15 ന് രാവിലെ 11 ന് നടക്കും. താത്പര്യമുള്ള ഉദ്യോഗാര്‍ത്ഥികള്‍ അസല്‍ രേഖകളുമായി അഭിമുഖത്തിനെത്തണം.

വണ്ടൂര്‍ താലൂക്ക് ആശുപത്രിയില്‍ ദിവസവേതനാടിസ്ഥാനത്തില്‍ ഇ.സി.ജി.ടെക്‌നീഷ്യന്‍ നിയമനത്തിനുള്ള അഭിമുഖം ജൂണ്‍ 20 ന് രാവിലെ 10 ന് ആശുപത്രി മെഡിക്കല്‍ ഓഫീസില്‍ നടക്കും. യോഗ്യത- വി.എച്ച്.സി ഇ.സി.ജി, ഓഡിയോമെട്രി/ഡി.സി.വി.ടി/ ബി.സി.വി.ടി. പ്രവൃത്തി പരിചയമുള്ളവര്‍ക്ക് മുന്‍ഗണനയുണ്ട്. യോഗ്യരായവര്‍ നിശ്ചിത സമയത്ത് അഭിമുഖത്തിന് ഹാജരാകണം.

തിരൂര്‍ ഗവ.കോളെജില്‍ മൂന്നാം സെമസ്റ്റര്‍ എം.എ അറബിക് (2 സീറ്റ്), എം.എ. മലയാളം (4 സീറ്റ്), എം.എസ്.സി.മാത്സ് (3 സീറ്റ്) എന്നിങ്ങനെ ഒഴിവുകളുണ്ട്. യോഗ്യരായ ഉദ്യോഗാര്‍ഥികള്‍ കോളെജ് ട്രാന്‍സ്ഫറിനുള്ള അപേക്ഷ യോഗ്യത സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം ജൂണ്‍ 16നകം കോളെജ് ഓഫീസില്‍ ലഭ്യമാക്കണം. ഫോണ്‍- 0494 2630027.

കേരള തൊഴിലാളി ക്ഷേമനിധി ബോര്‍ഡിലെ തൊഴിലാളികളുടെ മക്കളില്‍ നിന്നും 2026 അധ്യയന വര്‍ഷം ഐ.ടി.ഐ പ്രവേശനത്തിന് അപേക്ഷ ക്ഷണിച്ചു.

ജൂണ്‍ മാസത്തെ സ്യൂട്ട് കോണ്‍ഫ്രന്‍സ് ജൂണ്‍ 27 ന് ഉച്ചയ്ക്ക് ശേഷം മൂന്നിന് കളക്ടറേറ്റ് കോണ്‍ഫ്രന്‍സ് ഹാളില്‍ നടക്കും. ജില്ലാ കളക്ടര്‍ എതിര്‍ കക്ഷിയായുള്ള കേസുകളുടെ വിവരങ്ങള്‍ നിശ്ചിത പ്രൊഫോമയില്‍ ഉള്‍പ്പെടുത്തി ജൂണ്‍ 24 നകം suitcellmalappuram@gmail.com എന്ന വിലാസത്തില്‍ ലഭ്യമാക്കണം. ഫോണ്‍- 0483-2739585.

മഞ്ചേരി സര്‍ക്കാര്‍ പോളിടെക്‌നിക് കോളെജില്‍ ഒഴിവുള്ള മെക്കാനിക്കല്‍ എന്‍ജിനീയറിങ് വിഭാഗം ഡെമോണ്‍സ്‌ട്രേറ്റര്‍ (യോഗ്യത- ബന്ധപ്പെട്ട വിഷയത്തില്‍ ഡിപ്ലോമ), മെക്കാനിക്കല്‍ എന്‍ജിനീയറിങ് വിഭാഗം ട്രേഡ്‌സ്മാന്‍ (ഷീറ്റ് മെറ്റല്‍, ടേണര്‍, റെഫ്രിജറേഷന്‍ ആന്‍ഡ് എയര്‍കണ്ടീഷനിങ്), സിവില്‍ എന്‍ജിനീയറിങ് വിഭാഗം ട്രേഡ്‌സ്മാന്‍, ട്രേഡ്‌സ് ഇന്‍സ്ട്രക്ടര്‍, സര്‍വേയര്‍ (യോഗ്യത-ബന്ധപ്പെട്ട വിഷയത്തില്‍ ഐ.ടി.ഐ വി.എച്ച്.എസ്.ഇ/ടി.എച്ച്.എസ്.എല്‍.സി) എന്നീ തസ്തികളിലേക്കുള്ള അഭിമുഖവും എഴുത്തു പരീക്ഷയും  ജൂണ്‍ 15 ന് രാവിലെ 9.30 ന് മഞ്ചേരി ഗവ.പോളിടെക്‌നിക് കോളെജില്‍ നടക്കും.

കാലാവസ്ഥാ വ്യതിയാനവും പ്രകൃതിക്ഷോഭങ്ങളും മൂലം ബുദ്ധിമുട്ടുന്ന കര്‍ഷകര്‍ക്ക് അടിയന്തിര സഹായവും മാര്‍ഗനിര്‍ദേശവും ഉറപ്പാക്കാന്‍ കൃഷി വകുപ്പ് പുതിയ സംവിധാനം ഏര്‍പ്പെടുത്തി. കൃഷി വകുപ്പ് ഡയറക്ടറേറ്റിലും എല്ലാ ജില്ലാ ആസ്ഥാനങ്ങളിലും പ്രത്യേക ഹെല്‍പ് ലൈന്‍ സംവിധാനവും സംസ്ഥാനതല നിരീക്ഷണ കേന്ദ്രവും പ്രവര്‍ത്തനം ആരംഭിച്ചു. എയിംസ് പോര്‍ട്ടല്‍ വഴി കര്‍ഷകര്‍ സമര്‍പ്പിക്കുന്ന അപേക്ഷകളുടെയും നഷ്ടപരിഹാര നടപടികളുടെയും പുരോഗതി തത്സമയം നിരീക്ഷിക്കാന്‍ കഴിയുന്ന ഡാറ്റാബേസും ഇതിനോടനുബന്ധിച്ച് സജ്ജമാക്കിയിട്ടുണ്ട്. പ്രകൃതിക്ഷോഭ ആനുകൂല്യങ്ങളും വിള ഇന്‍ഷുറന്‍സ് വിതരണവും വൈകുന്നത് പരിഹരിക്കാനാണ് പുതിയ സംവിധാനം.