കോട്ടയം: കേരള സർക്കാർ സ്ഥാപനമായ കോട്ടയത്തെ കാലാവസ്ഥാ വ്യതിയാന പഠനകേന്ദ്രത്തിൽ (ഐ.സി.സി.എസ്.) കരാർ അടിസ്ഥാനത്തിൽ വാഹനം(5 സീറ്റർ) വാടകയ്ക്ക് എടുക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകൾ ഓഗസ്റ്റ് എട്ടിന് ഉച്ചയ്ക്ക് 12 നകം സമർപ്പിക്കാം. വിശദവിവരങ്ങൾക്ക് ഫോൺ: 8547509906. വെബ് സൈറ്റ്: www.iccs.res.in

കോട്ടയം: സാമൂഹികനീതി വകുപ്പിന്റെ ജില്ലാ പ്രോബേഷൻ ഓഫീസിലേക്ക് കരാർ അടിസ്ഥാനത്തിൽ ഓഗസ്റ്റ് ഒന്നു മുതൽ ഒരു വർഷത്തേയ്ക്ക് കരാർ വ്യവസ്ഥയിൽ വാഹനം (എ.സി. കാർ/ജീപ്പ്) വാടകയ്ക്ക് എടുക്കുന്നതിന് ടെണ്ടർ ക്ഷണിച്ചു. ടെണ്ടറുകൾ ജൂലൈ 25 ന് ഉച്ചകഴിഞ്ഞ്് രണ്ടുവരെ ഓഫീസിൽ സമർപ്പിക്കാം. വിശദവിവരത്തിന് ഫോൺ: 0481-2300548.

കോട്ടയം: ജില്ലാ സ്‌കിൽ കമ്മിറ്റിയുടെ യോഗം ജൂലൈ 15ന് രാവിലെ 11ന് ജില്ലാ ആസൂത്രണ സമിതി സെക്രട്ടറിയേറ്റ് വീഡിയോ കോൺഫറൻസ് ഹാളിൽ ചേരുമെന്ന് ജില്ലാ കളക്ടർ അറിയിച്ചു.

കോട്ടയം: കോട്ടയം ജനറൽ ആശുപത്രിയിൽ ഇ-ഹെൽത്ത് പദ്ധതി ആരംഭിക്കാനുള്ള അടിസ്ഥാനസൗകര്യങ്ങൾ ഒരുക്കാനായി തിരുവഞ്ചൂർ രാധാകൃഷ്ണൻ എം.എൽ.എ.യുടെ ആസ്തി വികസന ഫണ്ടിൽനിന്ന് 54.30 ലക്ഷം രൂപ ചെലവഴിച്ച് നടപ്പാക്കിയ പദ്ധതികളുടെ പ്രവർത്തന ഉദ്ഘാടനം വെള്ളിയാഴ്ച (ജൂലൈ 12) നടക്കും. രാവിലെ 10.30ന് ഒ.പി. കൗണ്ടറിന് സമീപം നടക്കുന്ന ചടങ്ങിൽ തിരുവഞ്ചൂർ രാധാകൃഷ്ണൻ എം.എൽ.എ പദ്ധതി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് കെ.വി. ബിന്ദു അധ്യക്ഷയാകും.

കോട്ടയം: വിനോദ സഞ്ചാരവകുപ്പിനു കീഴിലുള്ള കോട്ടയം സർക്കാർ അതിഥിമന്ദിരം കോൺഫറൻസ് ഹാളിനോടു ചേർന്ന് നിൽക്കുന്ന പൂവാക, പ്ലാവ്, ചൂള മുതലായ മരങ്ങളും ഇലക്ട്രിക് റൂമിനോടു ചേർന്നുനിൽക്കുന്ന മരങ്ങളും കോമ്പൗണ്ടിനോടു ചേർന്ന് വീടുകൾക്ക് ഭീഷണിയായി നിൽക്കുന്ന മാവിലെ ശിഖരങ്ങളും മുറിച്ചുമാറ്റി അട്ടി ഇടുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ ജൂലൈ 25ന് ഉച്ചകഴിഞ്ഞ് മൂന്നു വരെ ഗസ്റ്റ് ഹൗസിൽ നൽകാം. അന്നേദിവസം 3.30 ന് ക്വട്ടേഷനുകൾ തുറക്കും. വിശദവിവരത്തിന് ഫോൺ: 0481-2340219.

കോട്ടയം: കോട്ടയം ഗവൺമെന്റ് പോളിടെക്നിക് കോളജിൽ മെയിൻ എൻട്രൻസ് ഗേറ്റ്, സ്റ്റെപ് സ്‌കൂട്ടർ-കാർ പാർക്കിംഗ് ഷെഡ് നിർമാണപ്രവർത്തികളുടെ പൊളിച്ചുമാറ്റപ്പെട്ട സാധനങ്ങൾ ജൂലൈ 19ന് രാവിലെ 11 ന് ലേലം ചെയ്യും. ലേലത്തിനു പുറമെ മുദ്രവച്ച ക്വട്ടേഷനുകളും സ്വീകരിക്കും. ക്വട്ടേഷനുകൾ ജൂലൈ 18ന് ഉച്ചകഴിഞ്ഞ് ഒന്നിനകം പ്രിൻസിപ്പലിന് സമർപ്പിക്കാം. വിശദവിവരത്തിന് ഫോൺ: 0481-2361884.

കോട്ടയം: കോട്ടയം ഗവൺമെന്റ് പോളിടെക്നിക് കോളജിലെ പഴയ ക്യാന്റീൻ കെട്ടിടം, സ്റ്റോർ റൂം എന്നിവ പൊളിച്ചുമാറ്റി തറ നിരപ്പാക്കുന്നതിനായി ജൂലൈ 23 ന് രാവിലെ 11 ന് ലേലം നടത്തും. ലേലത്തിനു പുറമെ മുദ്രവച്ച ക്വട്ടേഷനുകളും സ്വീകരിക്കും. ക്വട്ടേഷനുകൾ ജൂലൈ 22ന് ഉച്ചകഴിഞ്ഞ് ഒന്നിനകം പ്രിൻസിപ്പലിന് നലകണം. വിശദവിവരത്തിന് ഫോൺ: 0481-2361884.

കോട്ടയം: കോട്ടയം ഗവൺമെന്റ് മെഡിക്കൽ കോളജിലെ സർജിക്കൽ ഗ്യാസ്ട്രോഎന്ററോളജി വിഭാഗത്തിലേക്ക് മിനി റഫ്രിജറേറ്റർ രണ്ടെണ്ണം വിതരണം ചെയ്യുന്നതിന് ക്വട്ടേഷൻ ക്ഷണിച്ചു. താല്പര്യമുള്ളവർ ജൂലൈ 22 ന് ഉച്ചയ്ക്ക് 12 നകം പ്രിൻസിപ്പൽ, ഗവൺമെന്റ് മെഡിക്കൽ കോളജ്, കോട്ടയം -8 എന്ന വിലാസത്തിൽ ക്വട്ടേഷൻ നൽകണം. അന്നേദിവസം ഉച്ചകഴിഞ്ഞ് രണ്ടിന് ക്വട്ടേഷൻ തുറക്കും. ഫോൺ: 0481-2597279,2597284.

കോട്ടയം: ജില്ലയിലെ തെരഞ്ഞെടുത്ത സർക്കാർ പ്രൈമറി സ്‌കൂൾ വിദ്യാർഥികളുടെ ഇംഗ്ലീഷ് പരിജ്ഞാനം വർധിപ്പിക്കാനായി നടപ്പാക്കുന്ന ഇംഗ്ലീഷ് എൻറിച്ച്‌മെന്റ് പ്രോഗ്രാം പദ്ധതിയിലേക്ക് റിസോഴ്സ് അധ്യാപകരെ തെരഞ്ഞെടുക്കുന്നതിന് ജൂലൈ 17ന് രാവിലെ 10.30 ന് നടത്താൻ നിശ്ചയിച്ചിരുന്ന വോക്-ഇൻ-ഇന്റർവ്യൂ സാങ്കേതിക കാരണങ്ങളാൽ ജൂലൈ 22 ന് രാവിലെ 10.30 ലേക്ക ്മാറ്റിവച്ചു.

കോട്ടയം: നാഷണൽ ആയുഷ് മിഷന്റെ കീഴിൽ കോട്ടയം ജില്ലയിലെ വിവിധ ആയുഷ് സ്ഥാപനങ്ങളിൽ കരാർ അടിസ്ഥാനത്തിൽ യോഗ ഡെമോൺസ്ട്രേറ്റർ, യോഗ ഇൻസ്ട്രക്ടർ, ലാബ് ടെക്നീഷ്യൻ, മൾട്ടിപർപ്പസ് വർക്കർ കം ക്ലീനർ തസ്തികകളിൽ നിയമനം നടത്തുന്നതിന് അപേക്ഷ ക്ഷണിച്ചു. ജൂലൈ 20 ന് വൈകിട്ട് അഞ്ചിനകം അപേക്ഷ നൽകണം. വിശദവിവരത്തിന് ഫോൺ: 0481-2991918.