മലപ്പുറം താലൂക്ക് ആസ്ഥാന ആശുപത്രിയിലെ ഉപയോഗയോഗ്യമല്ലാത്ത മൂന്ന് നില കെട്ടിടത്തിന്റെ ഒരു ഭാഗം പൊളിച്ചു മാറ്റി സാമഗ്രികള്‍ കൊണ്ടുപോകുന്നതിന് ചരക്ക് സേവന നികുതി രജിസ്ട്രേഷനുള്ള അംഗീകൃത കരാറുകാരില്‍ നിന്നും ക്വട്ടേഷനുകള്‍ ക്ഷണിച്ചു. താത്പര്യമുള്ളവര്‍ ആഗസ്റ്റ് മൂന്നിന് വൈകുന്നേരം നാലിനകം സൂപ്രണ്ട്, താലൂക്ക് ആസ്ഥാന ആശുപത്രി, മലപ്പുറം എന്ന വിലാസത്തില്‍ നേരിട്ടോ തപാല്‍ മുഖേനയോ അപേക്ഷിക്കണം. ഫോണ്‍- 0483 2734866.

മലപ്പുറം ഗവ. കോളേജില്‍ ഒന്നാം വര്‍ഷ ബിരുദാനന്തര ബിരുദ കോഴ്സുകളില്‍ ഭിന്നശേഷി, ലക്ഷദ്വീപ്, സ്പോര്‍ട്സ് ക്വാട്ട വിഭാഗങ്ങളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. കാലിക്കറ്റ് സര്‍വകലാശാലയില്‍ ഓണ്‍ലൈന്‍ രജിസ്ട്രേഷന്‍ പൂര്‍ത്തിയാക്കി ക്യാപ് ഐ.ഡി. ഉള്ള യോഗ്യരായ വിദ്യാര്‍ത്ഥികള്‍ സ്‌പോട്ട് അഡ്മിഷനായി ജൂലൈ 27-ന് ഉച്ചയ്ക്ക് 12.നകം കോളേജ് ഓഫീസില്‍ ഹാജരാകണം. ഫോണ്‍- 9061734918.
 

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ വിവിധ പ്രമുഖ സ്ഥാപനങ്ങളിലെ ഒഴിവുകളിലേക്ക് ജൂലൈ 28 രാവിലെ 10.00 മുതല്‍ 1.30 വരെ തൊഴില്‍ മേള സംഘടിപ്പിക്കും. ഓട്ടോമോട്ടീവ് ബാറ്ററി ഫിറ്റര്‍, ഇന്‍വെര്‍ട്ടര്‍ ഫിറ്റര്‍, സോളാര്‍ സൂപ്പര്‍വൈസര്‍, മാര്‍ക്കറ്റിംഗ്, അക്കൗണ്ട്‌സ്, അഡ്മിനിസ്‌ട്രേഷന്‍, എന്‍ജിനീയര്‍, ഇലക്ട്രിക്കല്‍ എന്‍ജിനീയര്‍, ഇന്‍ഷുറന്‍സ് ഏജന്റ്, പി.ഒ.എസ്.പി. തുടങ്ങിയ തസ്തികകളിലാണ് ഒഴിവുകള്‍. എസ്.എസ്.എല്‍.സി., പ്ലസ് ടു, ബിരുദം, ബിരുദാനന്തര ബിരുദം, ഡിപ്ലോമ, ബി.ടെക് യോഗ്യതയുള്ളവര്‍ക്ക് പങ്കെടുക്കാം.

പുറക്കാട് ഗവ. ഐടിഐ യിലേക്ക് 2026-27 വർഷത്തെ പ്രവേശനത്തിനുള്ള അപേക്ഷ ക്ഷണിച്ചു.  എൻസിവിടി ട്രേഡുകളായ വെൽഡർ, ഇന്റീരിയർ ഡിസൈൻ ആൻഡ് ഡെക്കറേഷൻ എന്നീ ട്രേഡുകളിലെ ഒഴിവുള്ള സീറ്റുകളിലേക്ക് എസ്.സി, എസ്.ടി., ജനറൽ വിഭാഗങ്ങളിൽ നിന്നും ഓഫ്‌ലൈനായി അപേക്ഷ ക്ഷണിച്ചു.  അപേക്ഷ ഫീസ് ഇനത്തിൽ 100 രൂപ ഒടുക്കി സ്ഥാപനത്തിലെത്തി അപേക്ഷ സമര്‍പ്പിക്കാവുന്നതാണ്.  അപേക്ഷ സ്വീകരിക്കുന്ന അവസാന തീയതി ജൂലൈ 25 വിശദവിവരങ്ങൾക്ക് ഫോണ്‍ : 04772298118, 9895742083, 7907977858

ചെറിയമുണ്ടം ഗവണ്‍മെന്റ് ഐ.ടി.ഐ.യില്‍ വനിതാ വിഭാഗങ്ങളില്‍ ഒഴിവുള്ള സീറ്റുകളിലേക്ക് ഓഫ് ലൈനായി അപേക്ഷ ക്ഷണിച്ചു. ഇലക്ട്രീഷ്യന്‍, മെക്കാനിക് ഡീസല്‍ എന്നീ ട്രേഡുകളിലേക്കാണ് അപേക്ഷിക്കാവുന്നത്. താത്പര്യമുള്ളവര്‍ ജൂലൈ 25-നകം ചെറിയമുണ്ടം ഗവ. ഐ.ടി.ഐ.യില്‍ നേരിട്ട് അപേക്ഷിക്കണം. ഫോണ്‍-0494-2967887.

തവനൂര്‍ അസാപ് കേരളയുടെ ആഭിമുഖ്യത്തില്‍ ജൂലൈ 25 ന് സൗജന്യ തൊഴില്‍ മേള സംഘടിപ്പിക്കും. രാവിലെ 10 മുതല്‍ തവനൂര്‍ കമ്മ്യൂണിറ്റി സ്‌കില്‍ പാര്‍ക്ക് ക്യാംപസിലാണ് മേള നടക്കുന്നത്. താല്പര്യമുള്ളവര്‍ ബയോഡാറ്റയും സര്‍ട്ടിഫിക്കറ്റുകളുമായി രാവിലെ 10 ന് എത്തണം. മുന്‍കൂട്ടി ഓണ്‍ലൈനായി രജിസ്റ്റര്‍ ചെയ്യാനും മേള നടക്കുന്ന ദിവസം നേരിട്ട് രജിസ്റ്റര്‍ ചെയ്യാനുമുള്ള സൗകര്യം ലഭ്യമാണ്. ഫോണ്‍- 9495999658, 9400454788.

വയലാർ ഗവ. ഐടിഐ യിൽ ഡ്രാഫ്റ്റ്സ്മാൻ സിവിൽ ട്രേഡിൽ പട്ടികജാതി വനിതാ വിഭാഗത്തിൽ ഒരു ഒഴിവ് നിലവിലുണ്ട്. ഇത് വരെ ഐടിഐ പ്രവേ ശനത്തിന് അപേക്ഷിച്ചിട്ടില്ലാത്തവർ ജൂലൈ 25 വൈകിട്ട് അഞ്ച് മണിയ്ക്കുള്ളിൽ സ്ഥാപനത്തിൽ നേരിട്ട് ഹാജരായി അപേക്ഷ നൽകണം. ഫോൺ : 0478 2813035.

മഞ്ചേരി മുന്‍സിപ്പാലിറ്റി പരിധിയിലെ അങ്കണവാടികളില്‍ പോഷകബാല്യം പദ്ധതി വഴി പാല്‍, മുട്ട എന്നിവ വിതരണം ചെയ്യുന്നതിന് താത്പര്യമുള്ള വ്യക്തികളില്‍ നിന്നും ക്വട്ടേഷന്‍ ക്ഷണിച്ചു. ആഗസ്റ്റ് 11 ന് രണ്ടിനകം ക്വട്ടേഷന്‍ ലഭ്യമാക്കണം. ടെണ്ടര്‍ ഫോമും കൂടുതല്‍ വിവരങ്ങളും ഐ.സി.ഡി.എസ്.മലപ്പുറം അര്‍ബന്‍ ഓഫീസില്‍ ലഭ്യമാണ്. ഫോണ്‍- 9526954451.

ആലപ്പുഴ സ്ത്രീകളുടേയും കുട്ടികളുടെയും ആശുപത്രിയിൽ 24 മണിക്കൂറും പ്രവർത്തിക്കുന്ന ക്ലിനിക്കൽ ലാബ്, ബ്ലഡ് ബാങ്ക് എന്നീ വിഭാഗങ്ങളിലേക്ക് താൽകാലിക ടെക്നീഷ്യന്മാരെ നിയമിക്കുന്നു.  ആഗസ്റ്റ് 10 രാവിലെ 11 മണിക്ക് ആശുപത്രിയിൽ അഭിമുഖം നടത്തും.  അന്നേദിവസം രവിലെ  10 മണിക്ക് യോഗ്യത തെളിയിക്കുന്ന അസ്സൽ സർട്ടിഫിക്കറ്റുകളും അനുബന്ധ സർട്ടിഫിക്കറ്റുകളും ആധാർ കാർഡും സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകളും സഹിതം  ആശുപത്രി കോൺഫറൻസ് ഹാളിൽ  എത്തണം.

സ്റ്റേറ്റ് റിസോഴ്‌സ് സെന്ററിന്റെ കീഴിലുള്ള എസ്.ആര്‍.സി കമ്മ്യൂണിറ്റി കോളേജ് ജൂലൈ സെഷനില്‍ നടത്തുന്ന 'സര്‍ട്ടിഫിക്കറ്റ് ഇന്‍ മാനേജ്മെന്റ് ഓഫ് സ്‌പെസിഫിക് ലേണിംഗ് ഡിസോഡേഴ്‌സ്' കോഴ്സിന് അപേക്ഷിക്കാനുള്ള അവസാന തീയതി ജൂലൈ 31 വരെ ദീര്‍ഘിപ്പിച്ചു. വിദൂര വിദ്യാഭ്യാസ രീതിയില്‍ നടത്തുന്ന ഈ ആറുമാസത്തെ പഠന പ്രോഗ്രാമിലേക്ക് പന്ത്രണ്ടാം ക്ലാസ് യോഗ്യതയുള്ളവര്‍ക്ക് പ്രായപരിധിയില്ലാതെ www.srccc.in എന്ന വെബ്സൈറ്റ് വഴി അപേക്ഷിക്കാം.