കോഴിക്കോട് സാമൂഹ്യ വനവത്കരണ വിഭാഗം, സോഷ്യല്‍ ഫോറസ്ട്രി ഡിവിഷന്‍, സോഷ്യല്‍ ഫോറസ്ട്രി റേഞ്ച് എന്നിവയുടെ നേതൃത്വത്തില്‍ വനമഹോത്സവത്തിന്റെ ഭാഗമായി കോഴിക്കോട് ഗോകുലം മാളില്‍ വനസംരക്ഷണ ബോധവത്കരണ ദൃശ്യാവിഷ്‌കാരം നടത്തി. പറോപ്പടി സില്‍വര്‍ ഹില്‍സ് സ്‌കൂള്‍ കുട്ടികളുടെ സഹകരണത്തോടെ നടത്തിയ പരിപാടി ഉത്തരമേഖല സാമൂഹ്യ വനവത്കരണ വിഭാഗം കണ്‍സര്‍വേറ്റര്‍ ആര്‍ കീര്‍ത്തി ഉദ്ഘാടനം ചെയ്തു. സോഷ്യല്‍ ഫോറസ്ട്രി എക്സ്റ്റന്‍ഷന്‍ ഡിവിഷന്‍ അസി. കണ്‍സര്‍വേറ്റര്‍ എ പി ഇംതിയാസ്, സാമൂഹ്യ വനവത്കരണ വിഭാഗം ഡിവിഷന്‍ അസി.

പട്ടികവര്‍ഗ്ഗ വികസന വകുപ്പിന് കീഴില്‍ കല്ലൂരില്‍ പ്രവര്‍ത്തിക്കുന്ന രാജീവ്ഗാന്ധി മോഡല്‍ റസിഡന്‍ഷല്‍ സ്‌കൂളിലെ വിദ്യാര്‍ത്ഥികള്‍ക്ക് ചെരുപ്പ് വിതരണം ചെയ്യാന്‍ താത്പര്യമുള്ള വ്യക്തികള്‍, അംഗീകൃത സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ഒന്ന് മുതല്‍ പ്ലസ്ടു വരെ പഠിക്കുന്ന 463 വിദ്യാര്‍ത്ഥികള്‍ക്കാണ് ചെരുപ്പ് വിതരണം ചെയ്യേണ്ടത്. താത്പര്യമുള്ളവര്‍ സീനിയര്‍ സൂപ്രണ്ട്, രാജീവ്ഗാന്ധി മോഡല്‍ റസിഡന്‍ഷല്‍ സ്‌കൂള്‍, നൂല്‍പ്പുഴ, കല്ലൂര്‍ പി.ഒ, വയനാട് 673592 വിലാസത്തില്‍ ജൂലൈ 10 ന് ഉച്ചയ്ക്ക് 12 നകം ടെന്‍ഡര്‍ നല്‍കണം. ഫോണ്‍ - 04936 270139.

പുത്തൂര്‍വയല്‍ എസ്.ബി.ഐയില്‍ ബേക്കറി നിര്‍മ്മാണത്തില്‍ സൗജന്യ തൊഴില്‍ പരിശീലനം നല്‍കുന്നു. ജൂലൈ ഏഴിന് ആരംഭിക്കുന്ന പരിശീലന പരിപാടിയിലേക്ക് 18-45 നുമിടയില്‍ പ്രായമുള്ള യുവതീ -യുവാക്കള്‍ക്ക് അപേക്ഷിക്കാം. ഫോണ്‍- 7012992238, 8078711040.

തലക്കുളത്തൂര്‍ ഗ്രാമപഞ്ചായത്തും കൃഷിഭവനും ചേര്‍ന്ന് സംഘടിപ്പിച്ച ഞാറ്റുവേല ചന്തക്ക് പറമ്പത്ത് ആര്‍എകെഎം സ്‌കൂള്‍ ഗ്രൗണ്ടില്‍ തുടക്കമായി. ജൂലൈ ആറ് വരെയാണ് ചന്ത നടക്കുക. കര്‍ഷക്കാര്‍ക്കായി വിവിധയിനം ഫലവൃക്ഷത്തൈകള്‍, കമുകിന്‍ തൈകള്‍, കുറ്റികുരുമുളക് എന്നിവ വില്‍പനക്കൊരുക്കിയിട്ടുണ്ട്. 

ജില്ലയിലെ പോസ്റ്റ് മെട്രിക് സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികളില്‍ വിദ്യാഭ്യാസ ആനുകൂല്യത്തിന് അര്‍ഹരായവരുടെ രേഖകള്‍ ഇ- ഗ്രാന്റ്‌സ് 3.0 പേര്‍ട്ടലില്‍ ഒക്ടോബര്‍ 15 നകം അപ് ലോഡ് ചെയ്യണമെന്ന് അസിസ്റ്റന്റ് ജില്ലാ പട്ടികജാതി വികസന ഓഫീസര്‍ അറിയിച്ചു.

കെഎസ്ആർടിസി പയ്യന്നൂർ യൂനിറ്റ് ബജറ്റ് ടൂറിസം സെൽ ജൂലൈ 19, 26 തീയ്യതികളിൽ നാലമ്പല ദർശന തീർഥയാത്ര സംഘടിപ്പിക്കുന്നു. കാടാമ്പുഴ ദേവി ക്ഷേത്രം, ഗുരുവായൂർ, തൃപ്രയാർ ശ്രീരാമസ്വാമി ക്ഷേത്രം, കൂടൽ മാണിക്യം ഭരത ക്ഷേത്രം, പായമ്മൽ ശത്രുഘ്ന സ്വാമി ക്ഷേത്രം, മൂഴിക്കുളം ശ്രീ ലക്ഷ്മണ പെരുമാൾ ക്ഷേത്രം എന്നിവയാണ് യാത്രയിൽ ഉൾപ്പെടുന്നത്. രാവിലെ ആറിന് പയ്യന്നൂരിൽ നിന്നും പുറപ്പെട്ട് അടുത്ത ദിവസം രാത്രി തിരിച്ചെത്തും. ആദ്യം ബുക്ക് ചെയ്യുന്ന 36 പേർക്കാണ് അവസരം. ബുക്കിംഗിന്: 9495403062, 9745534123

മാവൂര്‍ ഗവ. ഹയര്‍ സെക്കന്‍ഡറി സ്‌കൂളിലെ എസ്എസ്എല്‍സി, പ്ലസ്ടു, എന്‍എംഎംഎസ്ഇ, വൈഐപി ഉന്നത വിജയികളെയും യുഎല്‍ സ്‌പെയ്‌സ് മെമ്പറെയും അനുമോദിച്ചു. പിടിഎ റഹീം എംഎല്‍എ ഉപഹാരം കൈമാറി. എഡ്യൂകെയര്‍ പദ്ധതിയുടെ ഉദ്ഘാടനം ജില്ലാ പഞ്ചായത്ത് അംഗം സുധാ കമ്പളത്ത് നിര്‍വഹിച്ചു. പിടിഎ പ്രസിഡന്റ് മന്‍സൂര്‍ മണ്ണില്‍ അധ്യക്ഷത വഹിച്ചു.

ദേശീയ വായന മാസാചരണത്തിന്റെ ഭാഗമായി വിദ്യാഭ്യാസ വകുപ്പ്, ഇൻഫർമേഷൻ പബ്ലിക് റിലേഷൻ വകുപ്പ് എന്നിവയുടെ സഹകരണത്തോടെ പി എൻ പണിക്കർ ഫൗണ്ടേഷൻ സംഘടിപ്പിക്കുന്ന ജില്ലാതല ക്വിസ് മത്സരം കണ്ണൂർ ജിവിഎച്ച്എസ്എസിൽ ജൂലൈ 12ന് രാവിലെ പത്തിന് നടക്കും. രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. പി എൻ പണിക്കർ ഫൗണ്ടേഷൻ ജനറൽ സെക്രട്ടറി കാരയിൽ സുകുമാരൻ അധ്യക്ഷനാകും. കോർപറേഷൻ വിദ്യാഭ്യാസ സ്ഥിരം സമിതി അധ്യക്ഷൻ സുരേഷ് ബാബു എളയാവൂർ വായന സന്ദേശം നൽകും. മത്സരത്തിൽ പങ്കെടുക്കുന്ന വിദ്യാർഥികൾ രാവിലെ ഒമ്പത് മണിക്കകം ഹെഡ്മാസ്റ്ററുടെ സാക്ഷ്യപത്രത്തോടെ പേര് രജിസ്റ്റർ ചെയ്യണം.

ദേശീയ വായന മാസാചരണത്തിന്റെ ഭാഗമായി വിദ്യാഭ്യാസ വകുപ്പ്, ഇൻഫർമേഷൻ പബ്ലിക് റിലേഷൻ വകുപ്പ് എന്നിവയുടെ സഹകരണത്തോടെ പി എൻ പണിക്കർ ഫൗണ്ടേഷൻ സംഘടിപ്പിക്കുന്ന ജില്ലാതല ക്വിസ് മത്സരം കണ്ണൂർ ജിവിഎച്ച്എസ്എസിൽ ജൂലൈ 12ന് രാവിലെ പത്തിന് നടക്കും. രജിസ്ട്രേഷൻ വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. പി എൻ പണിക്കർ ഫൗണ്ടേഷൻ ജനറൽ സെക്രട്ടറി കാരയിൽ സുകുമാരൻ അധ്യക്ഷനാകും. കോർപറേഷൻ വിദ്യാഭ്യാസ സ്ഥിരം സമിതി അധ്യക്ഷൻ സുരേഷ് ബാബു എളയാവൂർ വായന സന്ദേശം നൽകും. മത്സരത്തിൽ പങ്കെടുക്കുന്ന വിദ്യാർഥികൾ രാവിലെ ഒമ്പത് മണിക്കകം ഹെഡ്മാസ്റ്ററുടെ സാക്ഷ്യപത്രത്തോടെ പേര് രജിസ്റ്റർ ചെയ്യണം.

വിദ്യാർത്ഥികൾ പഠനത്തോടൊപ്പം മികച്ച ശാരീരികക്ഷമതയും കൈവരിക്കണമെന്ന് മന്ത്രി ഒ ആർ കേളു. മാനന്തവാടി ജിവിഎച്ച്എസ്എസിൽ ഉജ്ജ്വലം സമഗ്ര ഗുണമേന്മ വിദ്യാദ്യാസ പദ്ധതിയ്ക്ക് കീഴിൽ എംഎല്‍എ എക്‌സലന്‍സ് അവാര്‍ഡ് വിതരണവും എംഎൽഎ ആസ്തി വികസനത്തിൽ നിന്നും 1.35 കോടി രൂപ ചെലവഴിച്ച് നിര്‍മ്മിച്ച മള്‍ട്ടി പര്‍പസ് ഓഡിറ്റോറിയത്തിന്റെ ഉദ്ഘാടനവും നിർവഹിച്ചു സംസാരിക്കുകയായിരുന്നു മന്ത്രി. വിദ്യാർത്ഥികൾക്ക് വിദ്യാഭ്യാസത്തിനൊപ്പം ലഹരിക്കെതിരെയുള്ള അവബോധം അധ്യാപകരും രക്ഷിതാക്കളും നൽകണം. വിദ്യാർത്ഥികൾക്ക് അവർ ഇഷ്ടപ്പെടുന്ന കായിക ഇനത്തിൽ മെച്ചപ്പെട്ട സംവിധാനം ഒരുക്കാൻ സ്കൂളുകൾ തയാറാവണമെന്ന് മന്ത്രി പറഞ്ഞു.