പള്ളിക്കുന്ന് കൃഷ്ണമേനോൻ സ്മാരക ഗവ. വനിത കോളേജിൽ പ്രവർത്തിക്കുന്ന   
 പോസ്റ്റൽ ബാലറ്റുകളുടെ ജില്ലാതല ക്ലിയറിങ് കേന്ദ്രം ജില്ലാ കളക്ടർ സന്ദർശിച്ചു പ്രവർത്തനങ്ങൾ വിലയിരുത്തി. പോളിംഗ് ചുമതലയുള്ള ജില്ലയിലെ 11 നിയോജക മണ്ഡലങ്ങളിൽ നിന്നുള്ള ഉദ്യോഗസ്ഥരുടെ പോസ്റ്റൽ ബാലറ്റുകളാണ് ഇവിടെ കൈകാര്യം ചെയ്യുന്നത്. അസിസ്റ്റന്റ് കലക്ടർ എഹ്തെദാ മുഫസ്സിർ, തിരഞ്ഞെടുപ്പ് ഡെപ്യൂട്ടി കലക്ടർ ഡോ. എൻ.സിബി, നോഡൽ ഓഫീസർ വിപിൻ വിജയൻ, മറ്റ് ഉദ്യോഗസ്ഥർ എന്നിവർ സന്നിഹിതരായിരുന്നു. 

ജില്ലയിലെ മുഴുവൻ നിയമസഭ മണ്ഡലങ്ങളിലെയും സ്ഥാനാർഥികളുടെ തിരഞ്ഞെടുപ്പ് അക്കൗണ്ടിന്റെ വരവ് ചിലവ് കണക്കുകളുടെ രണ്ടാം ഘട്ട പരിശോധന ഇന്ന് (ഏപ്രിൽ 4) രാവിലെ 10 മുതൽ  നടക്കും. 

സിവിലിലെ അഞ്ചാം നിലയിലെ പ്ലാനിംഗ് ഓഫീസ് കോൺഫറൻസ് ഹാളിൽ ചിലവ് നിരീക്ഷകരായ ടി സ്വപ്ന, ധീരജ്, വികാസ് സിംഗ് എന്നിവരാണ് പരിശോധന നടത്തുക. 

ഒന്നാംഘട്ട പരിശോധന മാർച്ച്‌ 31 ന് നടന്നിരുന്നു. മൂന്നാം ഘട്ട പരിശോധന ഏപ്രിൽ 7 ന് നടക്കും.

നിയമസഭാ തിരഞ്ഞെടുപ്പിന്റെ ഭാഗമായി ജില്ലയിലെ വിവിധ മണ്ഡലങ്ങളില്‍ സൂക്ഷ്മനിരീക്ഷകരായി നിയമനംലഭിച്ച ഉദ്യോഗസ്ഥര്‍ക്കുള്ള രണ്ടാംഘട്ട പരിശീലന ക്ലാസ് ഇന്ന് (ഏപ്രില്‍ നാല്) രാവിലെ 10 മണിക്ക് ശങ്കേഴ്‌സ് ആശുപത്രിക്ക് സമീപമുള്ള ബിഷപ്പ് കാത്തലാനി സെന്ററില്‍ നടത്തുമെന്ന് തിരഞ്ഞെടുപ്പ് വിഭാഗം ഡെപ്യൂട്ടി കലക്ടര്‍ അറിയിച്ചു.
 

ഏച്ചൂർ വൈദ്യുത സെക്ഷൻ പരിധിയിലെ ഏച്ചുർ കോട്ടം ട്രാൻസ്‌ഫോർമർ പരിധിയിൽ ഏപ്രിൽ മൂന്ന് വെള്ളിയാഴ്ച രാവിലെ ഒൻപത് മുതൽ വൈകുന്നേരം മൂന്നു മണി വരെ ഭാഗികമായി വൈദ്യുതി മുടങ്ങും

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയില്‍ 13 പിങ്ക് പോളിംഗ് സ്റ്റേഷനുകള്‍ ഒരുക്കിയതായി ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍ ദേവിദാസ്. ഇവിടങ്ങളില്‍ പോളിംഗ് ഉദ്യോഗസ്ഥരും സുരക്ഷാ ജീവനക്കാരുമടക്കം എല്ലാവരും സ്ത്രീകളായിരിക്കും. കരുനാഗപ്പള്ളി നിയോജകമണ്ഡലത്തില്‍ മൂന്ന് പിങ്ക് പോളിംഗ് സ്റ്റേഷനുകളും ഇതര മണ്ഡലങ്ങളില്‍ ഓരോന്നുമാണ് ക്രമീകരിച്ചിട്ടുള്ളതെന്നും ജില്ലാ  കലക്ടര്‍ അറിയിച്ചു.
പിങ്ക് പോളിംഗ് സ്റ്റേഷനുകളുടെ വിശദാംശങ്ങള്‍. (നിയോജകമണ്ഡലം, കേന്ദ്രത്തിന്റെ പേര്, പോളിംഗ് സ്റ്റേഷന്‍ നമ്പര്‍ എന്ന ക്രമത്തില്‍)

സി-വിജില്‍ ആപ്പ് മുഖേന ജില്ലയില്‍ വെള്ളിയാഴ്ച 311 പരാതികള്‍ ലഭിച്ചു. എല്ലാ പരാതികളും പരിഹരിച്ചു. ജില്ലയില്‍ ഇതുവരെ 3605 പരാതികളാണ് സി-വിജില്‍ ആപ്പ് വഴി ലഭിച്ചത്. നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് സി - വിജില്‍ ആപ് മുഖേന പൊതുജനങ്ങള്‍ക്ക് നേരിട്ട് പരാതി നല്‍കാം.

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയില്‍ നടന്ന രണ്ടാംഘട്ട പരിശീലന ക്ലാസുകളില്‍ പങ്കെടുക്കാന്‍ സാധിക്കാത്ത പോളിംഗ് ഉദ്യോഗസ്ഥര്‍ക്കായി ഇന്ന് (ഏപ്രില്‍ നാല്) പ്രത്യേക പരിശീലനം സംഘടിപ്പിക്കും. രണ്ട് കേന്ദ്രങ്ങളിലായി രാവിലെ 10 മണി മുതലാണ് തുടങ്ങുക. എല്ലാവരും കൃത്യമായി പങ്കെടുക്കണമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ് നിര്‍ദേശിച്ചു.

മാനന്തവാടി മണ്ഡലത്തിലെ സ്വീപ് അംഗങ്ങള്‍ കെ.എസ്.ആര്‍.ടി.സി ബസില്‍ സഞ്ചരിച്ച് നടത്തിയ തെരഞ്ഞെടുപ്പ് ബോധവത്കരണ പ്രവര്‍ത്തനം ശ്രദ്ധേയമായി. ബാവലി -മാനന്തവാടി റൂട്ടില്‍ സര്‍വീസ് നടത്തുന്ന ബസുകളിലാണ് ബോധവത്കരണ പരിപാടി സംഘടിപ്പിച്ചത്. യാത്രയ്ക്കിടെ ബസ്സിലെ ഓരോ യാത്രക്കാരോടും നേരിട്ട് സംവദിച്ച് വോട്ടവകാശത്തിന്റെ പ്രാധാന്യവും പൗരന്റെയും ഉത്തരവാദിത്വവും സ്വീപ് അംഗങ്ങള്‍ വിശദീകരിച്ചു. ഓരോ വോട്ടും വിലപ്പെട്ടതാണെന്ന സന്ദേശം കൈമാറിയതിനൊപ്പം ഏപ്രില്‍ ഒന്‍പതിന് നടക്കുന്ന വോട്ടെടുപ്പില്‍ എല്ലാവരും പങ്കെടുക്കണമെന്നും വോട്ടര്‍മാരോട് അഭ്യര്‍ത്ഥിച്ചു.

സ്വീപിന്റെ ഭാഗമായി ചുള്ളിയോട് ഗവ. വനിത ഐടിഐയില്‍ തെരഞ്ഞെടുപ്പ് ബോധവത്കരണ പരിപാടി സംഘടിപ്പിച്ചു. ചുള്ളിയോട് ടൗണില്‍ വിദ്യാര്‍ത്ഥികള്‍ ഒരുക്കിയ ഫ്‌ലാഷ് മോബും ഇലക്ഷന്‍ പ്രതിജ്ഞയും ശ്രദ്ധേയമായി. നമ്മുടെ വോട്ട്, നമ്മുടെ അവകാശം, നമ്മുടെ ഭാവി എന്ന ആശയം ഉയര്‍ത്തിപ്പിടിച്ച് വനിത ഐടിഐയിലെ വിദ്യാര്‍ത്ഥിനികള്‍ ചുള്ളിയോട് ടൗണില്‍ ബോധവത്കരണ റാലിയും നടത്തി. സ്വീപ് ടീം അംഗങ്ങളും പരിപാടിയില്‍ പങ്കെടുത്തു.