ഒരു വോട്ടുപോലും പാഴാക്കരുതെന്ന സന്ദേശവുമായി സ്വീപ് നടത്തുന്ന പരിപാടികളില്‍ ‘ജെന്‍ സി വൈബ്’ സെല്‍ഫിയിലുറപ്പാക്കി ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. കൗമാരത്തിന്റെ ജനാധിപത്യബോധം സജീവമാക്കുന്നതിലൂടെ 100 ശതമാനം വോട്ടെന്നലക്ഷ്യത്തിലേക്ക് വേഗത്തിലടുക്കാമെന്ന് ജില്ലാ കലക്ടര്‍ പറഞ്ഞു.

ജില്ലയില്‍ നിയമസഭ തിരഞ്ഞെടുപ്പ് പോളിങ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് പോസ്റ്റല്‍ ബാലറ്റിന് അപേക്ഷിക്കാനുള്ള സമയപരിധി അവസാനിച്ചപ്പോൾ ജില്ലയിൽ ആകെ ലഭിച്ചത് 21,588 അപേക്ഷകൾ. ഇതിൽ 11,921 അപേക്ഷകളാണ് ഇതുവരെ വരണാധികാരികൾ അംഗീകരിച്ചത്. അപേക്ഷകളുടെ പരിശോധന ദ്രുതഗ തിയിൽ പുരോഗമിക്കുന്നു. രണ്ടാംഘട്ട റാൻഡമൈസേഷനിൽ പോളിങ് ഡ്യൂട്ടിയിൽനിന്ന് ഒഴിവാകുകയും എന്നാൽ ഇതിന് മുമ്പ് തപാൽ വോട്ടിന് അപേക്ഷ സമർപ്പിക്കുകയും ചെയ്ത ഉദ്യോഗസ്ഥർക്ക് പോസ്റ്റൽ ബാലറ്റ് അനുവദിക്കില്ല. ഇവർ പോളിങ് ബൂത്തിലെത്തി വോട്ട് ചെയ്യണം.  

പോസ്റ്റൽ വോട്ടിന്‌ രണ്ടുതരം ക്രമീകരണങ്ങൾ

ജില്ലാ കളക്ടർ ജി പ്രിയങ്കയിൽ നിന്ന്  നേരിട്ട് വോട്ടർ ഇൻഫർമേഷൻ സ്ലിപ്പ് വാങ്ങാൻ കഴിഞ്ഞ സന്തോഷത്തിൽ ആയിരുന്നു ചത്തിയാത്ത് വാക്ക് വേക്ക് സമീപത്തുള്ള തച്ചപ്പുഴ ലെയ്ൻ നിവാസികൾ. 
തച്ചപ്പുഴ ലെയ്നിലെ ഇരുപതോളം വീടുകളിലാണ് വോട്ടേഴ്സ് സ്ലിപ്പ് വിതരണം ചെയ്യാൻ ജില്ലാ കളക്ടർ നേരിട്ട് എത്തിയത്. ബൂത്ത് ലെവൽ ഓഫീസർ ആയ പി എ റെനീഷും ഒപ്പം ഉണ്ടായിരുന്നു. 

ജില്ലയിലെ എല്ലാ നിയോജക മണ്ഡലങ്ങളിലും വോട്ടർ ഇൻഫർമേഷൻ സ്ലിപ്പുകൾ വിതരണം ചെയ്യുന്ന പ്രക്രിയ പുരോഗമിക്കുകയാണ്. 

നിയമസഭാ തിരഞ്ഞെടുപ്പിൽ സ്ഥാനാർത്ഥികളുടെ വരവ് ചെലവ് രജിസ്റ്ററിന്റെ ഇന്ന് (3) നടത്താനിരുന്ന രണ്ടാംഘട്ട പരിശോധന നാളേക്ക് (ഏപ്രിൽ 4)  മാറ്റി.

കളമശ്ശേരി, പറവൂർ, വൈപ്പിൻ നിയോജകമണ്ഡലത്തിലെ സ്ഥാനാർത്ഥികളുടെ പരിശോധന നാളെ (ഏപ്രിൽ 4ന്) കളക്ടറേറ്റ് സ്പാർക്ക് ഹാളിലും തൃക്കാക്കര , മൂവാറ്റുപുഴ, പിറവം, കോതമംഗലം നിയോജകമണ്ഡലത്തിലെ സ്ഥാനാർഥികൾക്ക് മൂവാറ്റുപുഴ ബ്ലോക്ക് പഞ്ചായത്ത് കൗൺസിൽ ഹാളിലും നടക്കും. ഏപ്രിൽ 6, 7 തീയതികളിലെ  പരിശോധന മുൻനിശ്ചയിച്ച പ്രകാരവും നടക്കും.

ജില്ലയിലെ വിവിധ നിയോജകമണ്ഡലങ്ങളിൽ ഇലക്ട്രോണിക് വോട്ടിങ് യന്ത്രങ്ങളുടെ ( ഈ വി എം)  കമ്മീഷനിങ് പുരോഗമിക്കുന്നു.

എറണാകുളം നിയോജകമണ്ഡലത്തിലെ എസ് ആർ വി ഗവൺമെൻ്റ് വൊക്കേഷണൽ ഹയർ സെക്കൻഡറി സ്കൂളിലെ  വോട്ടിങ് യന്ത്രങ്ങളുടെ കമ്മീഷനിങ് കേന്ദ്രം ജില്ലാ കളക്ടർ ജി പ്രിയങ്ക സന്ദർശിച്ചു. 

വരണാധികാരികളുടെ മേല്‍നോട്ടത്തില്‍ സ്ഥാനാര്‍ഥികളുടെ പേര്, ചിഹ്നം, ഫോട്ടോ എന്നിവ ഇലക്ട്രോണിക് വോട്ടിങ് യന്ത്രങ്ങളില്‍ രേഖപ്പെടുത്തുന്ന ജോലികളാണ് വോട്ടിങ് യന്ത്രങ്ങളുടെ കമ്മീഷനിങ് പ്രക്രിയയിൽ നടക്കുന്നത്.

വോട്ടര്‍ ബോധവത്കരണ പരിപാടിയുടെ ഭാഗമായി സ്വീപ് അംഗങ്ങള്‍ മാനന്തവാടി സെന്റ് ജോസഫ് മിഷന്‍ ആശുപത്രി സന്ദര്‍ശിച്ചു. ജനാധിപത്യത്തിന്റെ ശക്തി വര്‍ധിപ്പിക്കുന്നതിനും ഓരോ വോട്ടിന്റെയും മൂല്യം സംബന്ധിച്ച അവബോധം സമൂഹത്തില്‍ എത്തിക്കാനും ലക്ഷ്യമിട്ടായിരുന്നു സന്ദര്‍ശനം. സ്വീപ് അംഗങ്ങള്‍ ആശുപത്രിയിലെ ഡയാലിസിസ് യൂണിറ്റ്, ലബോറട്ടറികള്‍, ഫാര്‍മസി, വാര്‍ഡുകള്‍ എന്നിവിടങ്ങള്‍ സന്ദര്‍ശിച്ച് രോഗികള്‍ക്കും ബന്ധുക്കള്‍ക്കും എന്റെ വോട്ട്, എന്റെ ശബ്ദം എന്ന സന്ദേശം കൈമാറി.

-തിരഞ്ഞെടുപ്പ് ഉദ്യോഗസ്ഥർക്ക് പോസ്റ്റൽ ബാലറ്റ് സംവിധാനം സജ്ജം

-എന്തെങ്കിലും കാരണത്താൽ ഉദ്യോഗസ്ഥർക്ക് ഏഴിനകം വി.എഫ്.സിയിൽ എത്തി വോട്ടു ചെയ്യാൻ സാധിച്ചില്ലെങ്കിൽ പ്രത്യേക സൗകര്യം ഒരുക്കും

ജില്ലയിൽ അവശ്യ സർവീസ് വിഭാഗത്തിലുൾപ്പെട്ട വോട്ടുകളിൽ വോട്ട‍ർ ഫെസിലിറ്റേഷൻ സെന്ററിലും (വി.എഫ്.സി) പോസ്റ്റൽ വോട്ടിംഗ് സെന്ററിലുമായി (പി.വി.സി) 3405 പേ‍ർ‍ വോട്ടു രേഖപ്പെടുത്തിയതായി ജില്ലാ നോഡൽ ഓഫീസർ അറിയിച്ചു. മറ്റ് ജില്ലകളിൽ നിന്നുകൂടി പോസ്റ്റൽ ബാലറ്റുകൾ എത്തുന്നതോടെ വരും ദിവസങ്ങളിൽ ജില്ലയിൽ വോട്ടിംഗ് ശതമാനം ഉയരും.

ഹോം വോട്ടിംഗിൽ ജില്ലയിൽ ഇതുവരെ  15707 വോട്ടുകൾ രേഖപ്പെടുത്തി. വെള്ളിയാഴ്ച്ച 2914 പേരാണ് വീട്ടിൽ വോട്ട് ചെയ്തത്.

85 ന് മുകളിൽ പ്രായമുള്ളവരുടെ വിഭാഗത്തിൽ 2127 പേരും ഭിന്നശേഷി വിഭാഗത്തിൽ 787 പേരും വെള്ളിയാഴ്ച്ച വോട്ട് രേഖപ്പെടുത്തി. മാർച്ച്‌ 31 നാണ് ഹോം വോട്ടിംഗ് തുടങ്ങിയത്.

വൈദ്യുതി മുടങ്ങും 

കാടാച്ചിറ വൈദ്യുതി സെക്ഷൻ പരിധിയിൽ എച്ച് ടി ലൈനിൽ അറ്റകുറ്റപ്പണി നടക്കുന്നതിനാൽ  കോവിലകം, ആഡൂർ കനാൽ ട്രാൻസ്ഫോർമർ പരിധിയിൽ ഏപ്രിൽ നാലിന് രാവിലെ 9:30 മുതൽ വൈകിട്ട് അഞ്ച് വരെയും എൽ.ടി ലൈനിൽ അറ്റകുറ്റപ്പണി നടക്കുന്നതിനാൽ കിഴക്കുംഭാഗം വലിയമുറ്റം ക്ഷേത്രം ഭാഗം ട്രാൻസ്ഫോർമർ പരിധിയിൽ രാവിലെ ഒൻപത് മുതൽ വൈകിട്ട് മൂന്ന് വരെയും വൈദ്യുതി മുടങ്ങും.

പള്ളിക്കുന്ന് കൃഷ്ണമേനോൻ സ്മാരക ഗവ. വനിത കോളേജിൽ പ്രവർത്തിക്കുന്ന   
 പോസ്റ്റൽ ബാലറ്റുകളുടെ ജില്ലാതല ക്ലിയറിങ് കേന്ദ്രം ജില്ലാ കളക്ടർ സന്ദർശിച്ചു പ്രവർത്തനങ്ങൾ വിലയിരുത്തി. പോളിംഗ് ചുമതലയുള്ള ജില്ലയിലെ 11 നിയോജക മണ്ഡലങ്ങളിൽ നിന്നുള്ള ഉദ്യോഗസ്ഥരുടെ പോസ്റ്റൽ ബാലറ്റുകളാണ് ഇവിടെ കൈകാര്യം ചെയ്യുന്നത്. അസിസ്റ്റന്റ് കലക്ടർ എഹ്തെദാ മുഫസ്സിർ, തിരഞ്ഞെടുപ്പ് ഡെപ്യൂട്ടി കലക്ടർ ഡോ. എൻ.സിബി, നോഡൽ ഓഫീസർ വിപിൻ വിജയൻ, മറ്റ് ഉദ്യോഗസ്ഥർ എന്നിവർ സന്നിഹിതരായിരുന്നു.