കെഎസ്ഇബി സബ് സ്‌റ്റേഷന്‍ സമീപം കൊച്ചുകോയിക്കല്‍ തോടിന് കുറുകെയുളള പാലം പുതുക്കി പണിയുന്നതിനാല്‍ ഉറുമ്പിനി -വാലുപാറ റോഡിലൂടെയുളള വാഹന ഗതാഗതം ജനുവരി 16 മുതല്‍ താല്‍കാലികമായി നിരോധിച്ചു. ആങ്ങമൂഴി റോഡിലൂടെ  ഗുരുമന്ദിരം ജംഗ്ഷനില്‍ നിന്ന് ഉറുമ്പിനി-വാലുപാറ റോഡില്‍ പ്രവേശിക്കാം. മരിയ സദനത്തിന് സമീപത്ത് നിന്നും കൊച്ചുകോയിക്കലെത്തി ചേരുന്ന വഴിയിലൂടെയും സഞ്ചരിക്കാം.  

തൊഴില്‍ പരിശീലനത്തിന് പ്രതിമാസം 1000 രൂപ സാമ്പത്തിക സഹായം നല്‍കുന്ന 'മുഖ്യമന്ത്രിയുടെ കണക്ട് ടു വര്‍ക്ക് '' പദ്ധതിയിലേക്ക് www.eemployment.kerala.gov.in അപേക്ഷിക്കാം.  കുടുംബ വാര്‍ഷിക വരുമാനം അഞ്ച് ലക്ഷം രൂപയില്‍ കവിയരുത്.   പ്രായം 18 - 30. നൈപുണ്യ വികസന പരിശീലനത്തില്‍ പങ്കെടുക്കുന്നവരോ യു.പി.എസ്.സി, സംസ്ഥാന പി.എസ്.സി, സര്‍വീസ് സെലക്ഷന്‍ ബോര്‍ഡ്, കര, നാവിക, വ്യോമസേന, ബാങ്ക്, റെയില്‍വെ, മറ്റ് കേന്ദ്ര / സംസ്ഥാന പൊതുമേഖലാ റിക്രൂട്ട്‌മെന്റ് ഏജന്‍സി തുടങ്ങിയവ നടത്തുന്ന മത്സരപരീക്ഷകള്‍ക്ക് തയ്യാറെടുക്കുന്നവര്‍ക്ക് അപേക്ഷിക്കാം.

നിയമസഭാ തിരഞ്ഞെടുപ്പിനു മുന്നോടിയായി ഇലക്ട്രോണിക് വോട്ടിംഗ് മെഷീനുകളുടെ ആദ്യഘട്ട പരിശോധന (എഫ് എല്‍ സി) പ്രവര്‍ത്തനം നിരീക്ഷിക്കുന്നതിന് ഹരിയാന സംസ്ഥാന ജോയിന്റ് സി.ഇ.ഒ രാജ്കുമാര്‍ പത്തനംതിട്ട കലക്ടറേറ്റിലെ എഫ് എല്‍ സി ഹാളിലും ഇലക്ഷന്‍ വെയര്‍ഹൗസിലും പരിശോധന നടത്തി. ജില്ലാ കലക്ടര്‍ എസ് പ്രേം കൃഷ്ണന്‍, തിരഞ്ഞെടുപ്പ് ഡെപ്യൂട്ടി കലക്ടര്‍ ബീന എസ് ഹനീഫ്, എഫ് എല്‍ സി നോഡല്‍ ഓഫീസര്‍ കെ എസ് സിറോഷ് എന്നിവര്‍ പങ്കെടുത്തു.

സമഗ്ര ശിക്ഷാ കേരള കോഴഞ്ചേരി ബിആര്‍സി ഭിന്നശേഷികുട്ടികള്‍ക്കായി 'സഫലമീയാത്ര'പേരില്‍  വിമാനയാത്ര സംഘടിപ്പിക്കുന്നു. ഭിന്നശേഷി കുട്ടികളും മൂന്ന് രക്ഷിതാക്കളും അധ്യാപകരും അടങ്ങുന്ന  27 അംഗങ്ങളാണ് യാത്ര ചെയ്യുന്നത.് ജനുവരി 12 ന് രാവിലെ 10 ന് കൊച്ചി വിമാനത്താവളത്തില്‍ നിന്നാരംഭിച്ച് 10.50 ന് തിരുവനന്തപുരത്ത് എത്തും. തിരുവനന്തപുരം വിമാനത്താവളത്തില്‍ നടക്കുന്ന സ്വീകരണ ചടങ്ങില്‍ ഉന്നത വിദ്യാഭ്യാസ മന്ത്രി ആര്‍. ബിന്ദു, ആരോഗ്യ വനിതാ ശിശു ക്ഷേമവകുപ്പ് മന്ത്രി വീണാജോര്‍ജ് ,  സമഗ്ര ശിക്ഷാ കേരള പ്രതിനിധികള്‍ തുടങ്ങിയവര്‍ പങ്കെടുക്കും.

ചിറ്റാര്‍  സാമൂഹികാരോഗ്യ കേന്ദ്രത്തിലേക്ക് ആര്‍ദ്രം പദ്ധതിയുടെ ഭാഗമായി നഴ്‌സ് തസ്തികയിലേക്ക് താല്‍കാലിക നിയമനത്തിന് അപേക്ഷ ക്ഷണിച്ചു. സര്‍ക്കാര്‍ അംഗീകൃത ബിഎസ്‌സി നഴ്‌സിംഗ് /ജനറല്‍ നഴ്‌സിംഗ് കോഴ്‌സ്, കേരള നഴ്‌സിംഗ് കൗണ്‍സില്‍ രജിസ്‌ട്രേഷന്‍ യോഗ്യത ഉണ്ടായിരിക്കണം. ചിറ്റാര്‍ പഞ്ചായത്ത് പരിധിയിലുളളവര്‍ക്കും പ്രവൃത്തി പരിചയമുളളവര്‍ക്കും മുന്‍ഗണന. പ്രായപരിധി 45 വയസ്. സര്‍ട്ടിഫിക്കറ്റുകളുടെ പകര്‍പ്പ് സഹിതം  ജനുവരി 17ന് രാവിലെ 11ന് റാന്നി  ബ്ലോക്ക് പഞ്ചായത്ത് ഓഫീസില്‍ ഹാജരാകണം. ഫോണ്‍ : 04735 256577.

ചിറ്റാര്‍  സാമൂഹികാരോഗ്യ കേന്ദ്രത്തിലേക്ക് ആര്‍ദ്രം പദ്ധതിയുടെ ഭാഗമായി ഡോക്ടര്‍ തസ്തികയിലേക്ക് താല്‍കാലിക നിയമനത്തിന് അപേക്ഷ ക്ഷണിച്ചു. എംബിബിഎസ് , ടിസിഎംസി പെര്‍മനന്റ് രജിസ്‌ട്രേഷന്‍ യോഗ്യത ഉണ്ടായിരിക്കണം. ചിറ്റാര്‍ പഞ്ചായത്ത് പരിധിയിലുളളവര്‍ക്കും പ്രവൃത്തി പരിചയമുളളവര്‍ക്കും മുന്‍ഗണന. പ്രായപരിധി 45 വയസ്. സര്‍ട്ടിഫിക്കറ്റുകളുടെ പകര്‍പ്പ് സഹിതം  ജനുവരി 17ന് രാവിലെ 11ന് റാന്നി  ബ്ലോക്ക് പഞ്ചായത്ത് ഓഫീസില്‍ ഹാജരാകണം. ഫോണ്‍ : 04735 256577.
 

അടൂര്‍ ജനറല്‍ ആശുപത്രിയിലെ ഈവനിംഗ് ഒപി യിലേക്ക് താല്‍കാലിക വനിത ഡോക്ടറെ നിയമിക്കുന്നു. എം ബി ബി എസ്, ടിസിഎംസി  രജിസ്‌ട്രേഷന്‍ യോഗ്യതയുളള എസ് സി വിഭാഗക്കാര്‍ അസല്‍ സര്‍ട്ടിഫിക്കറ്റുകളും  സാക്ഷ്യപ്പെടുത്തിയ പകര്‍പ്പുകളും സഹിതം  ജനുവരി 15 ന് രാവിലെ 10.30ന് ആശുപത്രി സൂപ്രണ്ട് ഓഫീസില്‍ നടക്കുന്ന  അഭിമുഖത്തിന് ഹാജരാകണം. നഗരസഭ പരിധിയിലുളളവര്‍ക്ക് മുന്‍ഗണന. പ്രായപരിധി 40 വയസ്.  ഫോണ്‍ : 04734 223236.

നൈപുണ്യ വികസന പരിശീലനത്തില്‍ പങ്കെടുക്കുന്നവര്‍ക്കും വിവിധ മത്സര പരീക്ഷകള്‍ക്ക് തയ്യാറെടുക്കുന്നവര്‍ക്കുമായി തൊഴില്‍പരിശീലനത്തിന് പ്രതിമാസം 1000 രൂപ സാമ്പത്തിക സഹായം നല്‍കുന്ന മുഖ്യമന്ത്രിയുടെ കണക്ട് ടു വര്‍ക്ക് പദ്ധതിയിലേക്ക് അപേക്ഷിക്കാം. കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയാത്ത 18 - 30 പ്രായപരിധിയിലുളളവരായിരിക്കണം.  വെബ്സൈറ്റ്: www.eemployment.kerala.gov.in  ഫോണ്‍ :04734 224810

കോട്ടയം: നവകേരളം സിറ്റിസൺ റെസ്‌പോൺസ് പ്രോഗ്രാമിന്റെ കോട്ടയം ജില്ലയിലെ പ്രവർത്തനങ്ങൾ കൂടുതൽ ഊർജ്ജിതമാക്കാൻ ജില്ലാ കളക്ടർ ചേതൻകുമാർ മീണയുടെ അധ്യക്ഷതയിൽ ചേർന്ന അവലോകന യോഗം തീരുമാനിച്ചു. പൊതുജനങ്ങളെ  സന്ദർശിച്ച്  സംസ്ഥാനത്തിന്റെ വികസനത്തിനായി അവരിൽനിന്ന് ആശയങ്ങളും അഭിപ്രായങ്ങളും സ്വീകരിക്കുന്ന പരിപാടിയുടെ ജില്ലയിലെ ഇതുവരെയുള്ള പുരോഗതി യോഗം വിലയിരുത്തി.

സർക്കാർ നിർദേശപ്രകാരം ഭവന സന്ദർശന പ്രവർത്തനങ്ങൾ സമയബന്ധിതമായി പൂർത്തീകരിക്കുന്നു എന്ന് ഉറപ്പാക്കാൻ നിയമസഭാ മണ്ഡലങ്ങളുടെയും തദ്ദേശ സ്ഥാപനങ്ങളുടെയും ചുമതലയുള്ളവർ നടപടി സ്വീകരിക്കണമെന്ന് കളക്ടർ നിർദേശിച്ചു.

കുഷ്ഠരോഗ നിര്‍മാര്‍ജന യജ്ഞത്തിന്റെ ഭാഗമായി ആരോഗ്യ വകുപ്പ് നടത്തുന്ന അശ്വമേധം 7.0 ഭവന സന്ദര്‍ശനത്തിന് ജില്ലയില്‍ തുടക്കം. ജില്ലാതല ഉദ്ഘാടനം കുളനട വ്യാപാര ഭവനില്‍ ഗ്രാമപഞ്ചായത്ത് പ്രസിഡന്റ് പോള്‍ രാജന്‍ നിര്‍വഹിച്ചു. പന്തളം ബ്ലോക്ക് പഞ്ചായത്ത് പ്രസിഡന്റ് വിനീത അനില്‍  അധ്യക്ഷയായി. സിഗ്‌നേച്ചര്‍ കാമ്പയിന്‍ കലാകാരന്‍ സുനില്‍ വിശ്വം ഉദ്ഘാടനം ചെയ്ത് പോസ്റ്റര്‍ പ്രകാശനം നടത്തി.