തൃശ്ശൂർ ഗവ. ഡെൻ്റൽ മെഡിക്കൽ കോളേജിൽ റേഡിയോഗ്രാഫർ ട്രെയ്നി നിയമനത്തിന് അപേക്ഷ ക്ഷണിച്ചു. ഡിപ്ലോമ ഇൻ റേഡിയോളജി ടെക്നോളജി അല്ലെങ്കിൽ ഡി.ആർ.ആർ.ടി/ സി.ആർ.എ യോഗ്യതയുള്ളവർക്ക് അപേക്ഷിക്കാം. ജനുവരി 14 ന് രാവിലെ 11 മണിക്ക്
തൃശ്ശൂർ ഗവ. ഡെൻ്റൽ മെഡിക്കൽ കോളേജ് ഓഫീസിൽ  അഭിമുഖം നടക്കും. താത്പര്യമുള്ളവർ എല്ലാ അസൽ സർട്ടിഫിക്കറ്റുകൾ സഹിതം അഭിമുഖത്തിന് ഹാജരാവുക. 5000 രൂപയാണ് പ്രതിമാസ വേതനം. കൂടുതൽ വിവരങ്ങൾക്ക് ഫോൺ: 0487 2206200.

കുഞ്ഞനംപാറ ഹൈസൻ മോട്ടോർസിന് മുന്നിൽ ജനുവരി ആറിന് രാവിലെ 05:30-ന് നടന്ന   വാഹനാപകടത്തിൽ 40 വയസ്സ് പ്രായം(പുരുഷൻ) തോന്നിക്കുന്ന ഒരാൾക്ക് ഗുരുതര പരിക്ക് പറ്റി. ഇയാളെ ചികിത്സക്കായി തൃശ്ശൂർ ജില്ല ജനറൽ ആശുപത്രിയിൽ എത്തിച്ചെങ്കിലും രാവിലെ 05:51 നു മരണം സ്ഥിരീകരിച്ചു.

സംഭവത്തിൽ ഒല്ലൂർ പോലീസ് സ്റ്റേഷനിൽ ക്രൈം നമ്പർ 0035/2026 ആയി കേസ് രജിസ്റ്റർ ചെയ്ത് അന്വേഷണം നടത്തിവരികയാണ്. ഫോട്ടോയിൽ കാണുന്ന വ്യക്തിയെക്കുറിച്ച് എന്തെങ്കിലും വിവരങ്ങൾ ലഭിക്കുന്നവർ അടുത്തുള്ള പോലീസ് സ്റ്റേഷനിലോ കൺട്രോൾ റൂമിലോ അല്ലെങ്കിൽ താഴെ പറയുന്ന ഫോൺ നമ്പറുകളിലോ അറിയിക്കുക.

 സാമൂഹിക നീതി  വകുപ്പ് സംഘടിപ്പിക്കുന്ന സംസ്ഥാനതല ഭിന്നശേഷി സർഗോത്സവമായ 'സവിശേഷ - കാർണിവൽ ഓഫ് ദി ഡിഫറൻ്റ്' ജനുവരി 19 മുതൽ 21 വരെ തിരുവനന്തപുരത്ത് നടക്കും.

കഴിഞ്ഞ 15 വർഷത്തിനിടെ സംസ്ഥാന സർക്കാർ സംഘടിപ്പിച്ച ഭിന്നശേഷി കായിക മേളകളിൽ ജില്ലയിൽ ഒന്ന്, രണ്ട്, മൂന്ന് സ്ഥാനം നേടിയവർ, സംസ്ഥാനതല മത്സരങ്ങളിൽ പങ്കെടുത്തവർ, ദേശീയ-അന്തർദേശീയ തല മത്സരങ്ങളിൽ പങ്കെടുത്തവർ എന്നിവർക്ക് രജിസ്റ്റർ ചെയ്യാം.

കോട്ടയം: കൊച്ചി സതേൺ നേവൽ കമാൻഡ് ഹെഡ്ക്വാർട്ടേഴ്സിന്റെ ആഭിമുഖ്യത്തിൽ ജില്ലയിലെ നാവികസേന വിമുക്തഭടന്മാർക്കും വിധവകൾക്കുമായി വാർഷിക സമ്പർക്ക പരിപാടി നടത്തുന്നു. മണർകാട് സൈനിക് റെസ്റ്റ് ഹൗസിൽ ജനുവരി 24-ന് രാവിലെ 11 മുതലാണ് പരിപാടി. നേവിയിൽ നിന്നുള്ള പുതിയ ക്ഷേമപദ്ധതികളെക്കുറിച്ചറിയുന്നതിനും പെൻഷൻ സംബന്ധമായ പരാതികളും സംശയങ്ങളും ഉന്നയിക്കാനും അവസരമുണ്ടാകുമെന്ന് ജില്ലാ സൈനിക ക്ഷേമ ഓഫീസർ അറിയിച്ചു.

തൃശ്ശൂർ ഗവ. നഴ്സിംഗ് കോളേജിൽ ബോണ്ടഡ് ലക്‌ചർ തസ്തികയിലേക്ക് കരാറടിസ്ഥാനത്തിൽ ലക്‌ചർമാരെ നിയമിക്കുന്നു. പ്രതിമാസം 32,000 രൂപ സ്റ്റൈപ്പന്റ് ലഭിക്കും. പത്ത് ഒഴിവ് ആണുള്ളത്. ഉദ്യോഗാർത്ഥികൾ ഏതെങ്കിലും അംഗീകൃത സർക്കാർ, സ്വാശ്രയ നഴ്സിംഗ് കോളേജിൽ നിന്ന് എം.എസ്.സി നഴ്‌സിംഗ്‌ പൂർത്തീകരിച്ചിരിക്കണം. കെ.എൻ.എം.സി രജിസ്ട്രേഷൻ ഉണ്ടായിരിക്കണം.

കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രത്തെ അടിസ്ഥാനപ്പെടുത്തിയുള്ള വിജ്ഞാന യാത്ര-ചീഫ് മിനിസ്റ്റേഴ്‌സ് മെഗാക്വിസ് മത്സരം സംസ്ഥാനവ്യാപകമായി ജനുവരി 12 ന് രാവിലെ 11 ന് ആരംഭിക്കും. സ്‌കൂൾ  കോളേജ് വിദ്യാർഥികൾക്കുള്ള പ്രാഥമികതല മത്സരങ്ങളുടെ ഒരുക്കങ്ങൾ പൂർത്തിയായി. 12000 ത്തോളം സ്‌കൂളുകളിലും 1200 ലധികം കോളേജുകളിലും നടക്കുന്ന ക്വിസ് മൽസരത്തിൽ അഞ്ച് ലക്ഷത്തിലധികം വിദ്യാർഥികൾ പങ്കെടുക്കുമെന്നാണ് പ്രതീക്ഷിക്കുന്നത്.

സംസ്ഥാന സ്കൂൾ കലോത്സവത്തോടനുബന്ധിച്ച് ലഹരിക്കെതിരെ പ്രതിരോധക്കോട്ട തീർത്ത് വിദ്യാർഥികൾ. സ്വരാജ് റൗണ്ടിൽ നടന്ന ലഹരിവിരുദ്ധ ചങ്ങലയിൽ ജില്ലയിലെ വിവിധ സ്കൂളുകളിൽ നിന്നായി പതിനായിരത്തോളം വിദ്യാർഥികൾ അണിനിരന്നു. മന്ത്രിമാരായ വി ശിവൻകുട്ടി, കെ രാജൻ, ജില്ലാ കളക്ടർ അർജുൻ പാണ്ഡ്യൻ, പൊതുവിദ്യാഭ്യാസ ഡയറക്ടർ എൻ.എസ്.കെ ഉമേഷ്‌ തുടങ്ങിയവരുടെ സാന്നിധ്യത്തിൽ വിദ്യാർത്ഥികൾ ലഹരി വിമുക്ത പ്രതിജ്ഞ ചൊല്ലി. വിദ്യാഭ്യാസ, തൊഴിൽ വകുപ്പ് മന്ത്രി വി. ശിവൻകുട്ടി ചടങ്ങ് ഉദ്ഘാടനം ചെയ്തു.

തൃശൂർ ജില്ല ആതിഥ്യം വഹിക്കുന്ന 64-മത് സംസ്ഥാന സ്കൂൾ കലോത്സവത്തിന് നാലുനാൾ മാത്രം ശേഷിക്കെ  ഒരുക്കങ്ങൾ വിലയിരുത്തി ജില്ലാ ഭരണകൂടവും മന്ത്രിമാരും. കലോത്സവ നടത്തിപ്പുമായി ബന്ധപ്പെട്ട് രൂപീകരിച്ച വിവിധ കമ്മിറ്റികളുടെ പ്രവർത്തനങ്ങൾ വിദ്യാഭ്യാസ മന്ത്രി വി. ശിവൻകുട്ടി, റവന്യു മന്ത്രി കെ. രാജൻ, ഉന്നതവിദ്യാഭ്യാസവകുപ്പ് മന്ത്രി ഡോ. ആർ. ബിന്ദു, ജില്ലാകളക്ടർ അർജുൻ പാണ്ഡ്യൻ എന്നിവരുടെ നേതൃത്വത്തിൽ വിലയിരുത്തി.  
മന്ത്രിമാരുടെ നേതൃത്വത്തിൽ  കലോത്സവം അവലോകനയോഗം, വ്യാപാരി വ്യവസായികളുടെ യോഗം, ഗ്രീൻ പ്രോട്ടോകോൾ യോഗം എന്നിവ ഇന്നലെ നടന്നു.

കോട്ടയം: കൃഷിവകുപ്പ് നടപ്പിലാക്കുന്ന കേരപദ്ധതിയുടെ ഭാഗമായി അഗ്രി സ്റ്റാർട്ടപ്പ് പ്രശ്ന നിർണയ ശിൽപശാല നടത്തി. കർഷകർ നേരിടുന്ന പ്രശ്നങ്ങൾക്ക് സാങ്കേതികവിദ്യയുടെ സഹായത്തോടെ ശാശ്വത പരിഹാരം കണ്ടെത്തുകയെന്ന ലക്ഷ്യത്തോടെയാണ് പരിപാടി സംഘടിപ്പിച്ചിരിക്കുന്നത്.

കോട്ടയം ജോയീസ് ആർക്കേഡിൽ നടന്ന പരിപാടിയിൽ കർഷകർ, ഫാർമർ പ്രൊഡ്യൂസർ കമ്പനി പ്രതിനിധികൾ, ഗവേഷകർ, സംരംഭകർ, സ്റ്റാർട്ട് അപ്പ് ഉടമകൾ, ഉദ്യോഗസ്ഥർ തുടങ്ങിയവർ പങ്കെടുത്തു. കർഷകരുടെ പ്രശ്നങ്ങൾ തിരിച്ചറിഞ്ഞ് ഏകീകൃത ഡിജിറ്റൽ ശേഖരത്തിൽ സൂക്ഷിക്കുകയും പരിഹരിക്കാനുതകുന്ന സാങ്കേതികവിദ്യ  വികസിപ്പിച്ചെടുക്കുകയും ചെയ്യും.

ഏഴംകുളം ഗ്രാമപഞ്ചായത്ത് ഓഫീസില്‍ താല്‍കാലിക ഡ്രൈവറെ നിയമിക്കുന്നു. അപേക്ഷിക്കേണ്ട അവസാന തീയതി ജനുവരി 16. ഫോണ്‍ : 04734 240637.