​ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തിലേക്ക് ആവശ്യമായ പ്രിന്റഡ് സാമഗ്രികൾ വിതരണം ചെയ്യുന്നതിന് ടെൻഡർ ക്ഷണിച്ചു. താൽപര്യമുള്ളവർ   ജൂൺ 19 ഉച്ചയ്ക്ക് 12 മണിക്ക് മുൻപായി ടെൻഡറുകൾ സമർപ്പിക്കണം. ഫോൺ: 0479-2999167.

(പി ആർ/ എ എൽ പി/ 1077).

ചെങ്ങന്നൂർ ജില്ലാ ആശുപത്രിയിൽ 2026-27 സാമ്പത്തിക വർഷത്തേക്ക് ഫയർ എക്സ്റ്റിംഗ്യൂഷർ സിലിണ്ടറുകൾ നിറയ്ക്കുന്നതിന് ക്വട്ടേഷൻ ക്ഷണിച്ചു. താൽപര്യമുള്ളവർ
ജൂൺ 20 ഉച്ചയ്ക്ക് മൂന്ന് മണിക്ക് മുമ്പായി ക്വട്ടേഷനുകൾ സമർപ്പിക്കേണ്ടതാണ്.
 ഫോൺ: 0479-2999167.

(പി ആർ/ എ എൽ പി/ 1076).

സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിൽ നന്ദാവനത്തുള്ള എസ്.ആർ.സി കമ്മ്യൂണിറ്റി കോളേജ് ജൂലൈ സെഷനിൽ നടത്തുന്ന സർട്ടിഫിക്കറ്റ് ഇൻ റിഥമിക് ഫിറ്റ്നസ് ട്രെയിനിംഗ് പ്രോഗ്രാമിന് ഇപ്പോൾ അപേക്ഷിക്കാം. ആറുമാസമാണ് കോഴ്‌സ് കാലാവധി. ഉയർന്ന പ്രായപരിധി ഇല്ല. വിദ്യാഭ്യാസ യോഗ്യത പത്താം ക്ലാസ്സ് പാസ് അഥവാ തത്തുല്യം.

https://app.srccc.in/register എന്ന ലിങ്കിലൂടെ അപേക്ഷ സമർപ്പിക്കാം. കോഴ്സ് സംബന്ധിച്ച വിശദാംശങ്ങൾ www.srccc.in ൽ ലഭ്യമാണ്. അപേക്ഷ സ്വീകരിക്കുന്ന അവസാന തീയതി ജൂൺ 30. ഫോൺ: 9846594508

2026-27 അധ്യയനവർഷം ഒന്നുമുതൽ പത്തുവരെ ക്‌ളാസുകളിൽ പഠിക്കുന്ന കേരള മത്സ്യത്തൊഴിലാളി ക്ഷേമനിധി ബോർഡിൽ  അംഗത്വമുള്ളവരുടെ മക്കൾക്ക്  വിദ്യാഭ്യാസ ആനുകൂല്യങ്ങൾക്കായി അപേക്ഷിക്കാം. ക്ഷേമനിധി ഓഫീസറുടെ സാക്ഷ്യപത്രം, വിദ്യാർഥികളുടെ ബാങ്ക്അക്കൗണ്ട് പാസ് ബുക്കിന്റെ പകർപ്പ്, അനുബന്ധരേഖകൾ സഹിതം വിദ്യാഭ്യാസ സ്ഥാപനങ്ങൾ മുഖാന്തിരം അപേക്ഷിക്കണം. വിദ്യാഭ്യാസ സ്ഥാപനങ്ങൾ അപേക്ഷകൾ ജൂലൈ 30ന് മുമ്പായി കോട്ടയം കാരാപ്പുഴയിലുള്ള ഫിഷറീസ് വകുപ്പിന്റെ ജില്ലാ ഓഫീസിൽ നൽകണം. ഐ.ടി.ഐ. കോഴ്‌സിന് പഠിക്കുന്ന വിദ്യാർഥികൾ പ്രവേശനനടപടി പൂർത്തിയാക്കി ബന്ധപ്പെട്ട സ്ഥാപനങ്ങൾ മുഖാന്തിരം ആനുകൂല്യത്തിന് അപേക്ഷിക്കണം.

കേന്ദ്രാവിഷ്‌കൃത പദ്ധതികൾ നടപ്പാക്കുന്നതിനുള്ള ജില്ലാ ഡവലപ്‌മെന്റ് കോ-ഓർഡിനേഷൻ ആൻഡ്  മോണിറ്ററിംഗ് കമ്മിറ്റി (ദിശ) യുടെ 2025-26 സാമ്പത്തിക വർഷത്തെ രണ്ടാം അവലോകനയോഗം കളക്‌ട്രേറ്റ് കോൺഫറൻസ് ഹാളിൽ കെ. ഫ്രാൻസിസ് ജോർജ്ജ് എം.പിയുടെ അധ്യക്ഷതയിൽ ചേർന്നു.  ജനങ്ങൾക്കുള്ള ധനസഹായങ്ങൾ,കാർഷിക മേഖല പദ്ധതികൾ, റോഡുകൾ എന്നിവ കൃത്യമായ കാലയളവിനുള്ളിൽ പൂർത്തിയാക്കണമെന്ന് ഫ്രാൻസിസ് ജോർജ് എം.പി.

കൃഷിവകുപ്പിന്റെ ആഭിമുഖ്യത്തിൽ തൃശ്ശൂർ ഗവൺമെന്റ് മോഡൽ ഗേൾസ് സ്കൂളിൽ നടന്ന ജില്ലാതല പരിസ്ഥിതി ദിനാചരണം സിറ്റി പോലീസ് കമ്മീഷണർ നകുൽ രാജേന്ദ്ര ദേശ്മുഖ് വൃക്ഷത്തൈ നട്ട് ഉദ്ഘാടനം ചെയ്തു. ചടങ്ങിൽ കോർപ്പറേഷൻ ഡിവിഷൻ കൗൺസിലർ പൂർണിമ സുരേഷ് അധ്യക്ഷത വഹിച്ചു.

ലോക പരിസ്ഥിതി ദിനത്തോടനുബന്ധിച്ച് എക്സൈസ് വകുപ്പ് വിമുക്തി മിഷന്റെ നേതൃത്വത്തിൽ കണിമംഗലം എസ്.എൻ.ബി ഹൈസ്കൂളിൽ “ഹരിതം ലഹരി രഹിതം” പദ്ധതി ആരംഭിച്ചു. വിദ്യാർത്ഥികളിൽ കൃഷിയിലും പരിസ്ഥിതി സംരക്ഷണത്തിലും താല്പര്യം വളർത്തി ലഹരിയിൽ നിന്ന് മാറ്റിനിർത്തുക എന്നതാണ് ലക്ഷ്യം. അസി. എക്സൈസ് കമ്മീഷണർ വിനീത് രവി സ്കൂൾ അങ്കണത്തിൽ മരതൈ നാട്ടുകൊണ്ട് പദ്ധതിയുടെ ഉദ്ഘാടനം നിർവഹിച്ചു. പദ്ധതിയുടെ ഭാഗമായി നടന്ന മത്സരങ്ങളുടെ സമ്മാന വിതരണവും അദ്ദേഹം നിർവഹിച്ചു. സ്കൂൾ പ്രധാനാധ്യപിക കെ.കെ സിന്ധു മോൾ അധ്യക്ഷയായി. വിമുക്തി ജില്ലാ കോർഡിനേറ്റർ ഷഫീഖ് യൂസഫ് പദ്ധതി വിശദീകരണം നടത്തി.

 ലോക പരിസ്ഥിതി ദിനത്തോടനുബന്ധിച്ച്  ജില്ലാ സാക്ഷരതാ മിഷന്റെ നേതൃത്വത്തിൽ ജില്ലാ പ‌ഞ്ചായത്ത് ഓഫീസ് അങ്കണത്തിൽ വൃക്ഷത്തൈകൾ വച്ചുപിടിപ്പിച്ചു.  ജില്ലാ പഞ്ചായത്ത് വികസന സ്റ്റാൻഡിം​ഗ് കമ്മിറ്റി ചെയർപേഴ്സൺ  പി.ഐ. സജിത (കുർണി) ഉദ്ഘാടനം ചെയ്തു. ജില്ലാ സാക്ഷരതാ മിഷൻ കോർഡിനേറ്റർ വി.വി. ശ്യാംലാൽ, അസിസ്റ്റന്റ് കോർഡിനേറ്റർ കെ.എം. സുബൈദ, യുവജന ക്ഷേമ ബോർഡ് ജില്ലാ പ്രോഗ്രാം ഓഫീസർ സി.ടി. സബിത തുടങ്ങിയവർ സംസാരിച്ചു.

പരിസ്ഥിതിക്കുവേണ്ടി വാദിക്കുന്നവർ സമൂഹത്തിനുവേണ്ടിയാണ് നിലകൊള്ളുന്നതെന്ന് നിയമസഭാ സ്പീക്കർ തിരുവഞ്ചൂർ രാധാകൃഷ്ണൻ പറഞ്ഞു. ഇല്ലിക്കൽ ചിന്മയാ വിദ്യാലയത്തിൽ  ലോക പരിസ്ഥിതി ദിനാചരണത്തിന്റെ ജില്ലാതല ഉദ്ഘാടനം നിർവഹിക്കുകയായിരുന്നു അദ്ദേഹം.സമൂഹത്തിന്റെ സുഗമമായ വളർച്ചയക്ക് പരിസ്ഥിതി സംരക്ഷിക്കേണ്ടത് അനിവാര്യമാണ്. വികസന പ്രവർത്തനങ്ങൾ നടപ്പാക്കുമ്പോൾ പരിസ്ഥിതി ആഘാതം പഠിക്കേണ്ടതുണ്ടെന്നും സ്പീക്കർ പറഞ്ഞു.  ചടങ്ങിൽ ഫ്രാൻസീസ് ജോർജ് എം.പി. അധ്യക്ഷനായിരുന്നു. ജില്ലാ പഞ്ചായത്ത് പ്രസിഡൻറ് ജോഷി ഫിലിപ്പ്, നഗരസഭാ ചെയർമാൻ എം.പി. സന്തോഷ് കുമാർ, സ്ഥിരം സമിതി അധ്യക്ഷരായ എസ്.