ഐ.എച്ച്.ആര്‍.ഡി യുടെ എടപ്പാള്‍ നെല്ലിശ്ശേരിയില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ ഒഴിവുള്ള അസി.പ്രൊഫസര്‍ കംപ്യൂട്ടര്‍ സയന്‍സ്, അസി.പ്രൊഫസര്‍ ഹിന്ദി (പാര്‍ട്ട്-ടൈം) തസ്തികകളിലേക്ക് താത്ക്കാലിക നിയമനം നടത്തുന്നതിനുള്ള അഭിമുഖം ജൂണ്‍ 11 ന് രാവിലെ 10ന് നടക്കും. ഉദ്യോഗാര്‍ത്ഥികള്‍ വയസ്സ്, യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും ഒരു സെറ്റ് ഫോട്ടോകോപ്പിയും സഹിതം അഭിമുഖത്തില്‍ പങ്കെടുക്കണം. ഫോണ്‍- 8547006802, 0494 2689655.

കേരള സര്‍ക്കാരിന്റെ ഹിന്ദി അധ്യാപക ട്രെയിനിങ് യോഗ്യതയായ രണ്ട് വര്‍ഷത്തെ റഗുലര്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സിന്റെ 2026-2028 ബാച്ചിലെ മെറിറ്റ്/മാനേജ്മെന്റ് സീറ്റീലേക്ക് അപേക്ഷ ക്ഷണിച്ചു. 50 ശതമാനം മാര്‍ക്കോടെ രണ്ടാം ഭാഷ ഹിന്ദിയിലുള്ള പ്ലസ് ടു യോഗ്യതയും പ്രചാരസഭകളുടെ അംഗീകൃത ഹിന്ദി കോഴ്‌സുകള്‍, ഡിഗ്രി, എം.എ എന്നിവ വിജയിച്ചവര്‍ക്കും അപേക്ഷിക്കാം. പ്രായപരിധി- 17-35. പട്ടികജാതി പിന്നോക്ക വിഭാഗത്തിന് പ്രായപരിധിയില്‍ നിയമാനുസൃത ഇളവ് ലഭിക്കും.

കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡി.യുടെ വളാഞ്ചേരി (ഫോണ്‍: 0494 2646303), തിരൂര്‍ (ഫോണ്‍: 0494 2423599) സെന്ററുകളില്‍ ജൂണില്‍ തുടങ്ങുന്ന പി.ജി.ഡി.സി.എ (യോഗ്യത-ബിരുദം), ഡി.സി.എ (യോഗ്യത-പ്ലസ് ടു), ഡാറ്റാ എന്‍ട്രി ആന്റഡ് ഓഫീസ് ഓട്ടോമേഷന്‍ (യോഗ്യത-എസ്.എസ്.എല്‍.സി) കോഴ്‌സുകളില്‍ പ്രവേശനത്തിന് അപേക്ഷ ക്ഷണിച്ചു. പട്ടിക വിഭാഗം/ഒ.ഇ.സി. വിദ്യാര്‍ഥികള്‍ക്ക് ആനുകൂല്യങ്ങളും സ്‌റ്റൈപ്പന്റും ലഭിക്കും. ഫോണ്‍ : 8547005088.

നിലമ്പൂര്‍ ഐ.ടി.ഡി.പി. ഓഫീസ് പരിധിയിലെ എം.ആര്‍.എസ്./പ്രീമെട്രിക് ഹോസ്റ്റലുകള്‍ എന്നിവിടങ്ങളിലേക്ക് കുക്ക്/വാച്ച്മാന്‍/ആയ/എഫ്.ടി.എസ് തസ്തികകളിലെ പ്രതീക്ഷിത ഒഴിവുകളിലേക്ക് താത്ക്കാലികമായി ദിവസവേതനാടിസ്ഥാനത്തില്‍ ജീവനക്കാരെ നിയമിക്കുന്നതിനുള്ള അഭിമുഖം നിലമ്പൂര്‍ മിനിസിവില്‍ സ്റ്റേഷനില്‍ പ്രവര്‍ത്തിക്കുന്ന ഐ.ടി.ഡി.പി. ഓഫീസില്‍ ജൂണ്‍ 12 ന് രാവിലെ 10.30 മുതല്‍ 4.30 വരെ നടക്കും.

തൃശ്ശൂർ ജില്ലയിൽ ചാലക്കുടി താലൂക്കിൽ മഴക്കെടുതി മൂലം മലയോര മേഖലയിൽ മണ്ണിടിച്ചിലിന് സാധ്യതയുള്ളതിനാൽ രണ്ട് ക്യാമ്പുകൾ തുറന്നു. കാവനാട് ഗ്രാമ മന്ദിരം, അവിട്ടപ്പിള്ളി എന്നീ രണ്ട് ക്യാമ്പുകളിലായി ഏഴ് കുടുംബങ്ങൾ കഴിയുന്നുണ്ട്. ക്യാമ്പുകളിൽ അടിസ്ഥാന സൗകര്യങ്ങൾ ഉറപ്പുവരുത്തുന്നതിന് തഹസിൽദാർക്കും ബന്ധപ്പെട്ട തദ്ദേശ സ്വയംഭരണ സെക്രട്ടറിമാർക്കും ജില്ലാ കളക്ടർ നിർദ്ദേശം നൽകിയിട്ടുണ്ട്.

ഗവ. മെഡിക്കല്‍ കോളേജ് നെഞ്ചുരോഗാശുപത്രിയോടനുബന്ധിച്ചുള്ള സ്റ്റാഫ് ആന്റ് സ്റ്റുഡന്റ്‌സ് മെസ്സ് ഒരു വര്‍ഷത്തേക്ക് എച്ച്.ഡി.എസ് കമ്മിറ്റിയുടെ നിബന്ധനകള്‍ക്ക് വിധേയമായി ഏറ്റെടുത്ത് നടത്താന്‍ താത്പര്യമുള്ള വ്യക്തികള്‍/ സ്ഥാപനങ്ങള്‍/ സൊസൈറ്റികള്‍/ ജില്ലാ കുടുംബശ്രീ മിഷന്റെ അംഗീകാരമുള്ള കുടുംബശ്രീകള്‍ എന്നിവരില്‍ നിന്നും ടെണ്ടര്‍ ക്ഷണിച്ചു. ജൂലൈ എട്ടിന് വൈകിട്ട് മൂന്ന് വരെ ടെണ്ടറുകള്‍ സമര്‍പ്പിക്കാം. കൂടുതല്‍ വിവരങ്ങള്‍ക്കായി ഇ മെയില്‍: suptmcch@gmail.com ഫോണ്‍: 0487 2200610.

 ബിസില്‍ ട്രെയിനിംഗ് ഡിവിഷന്‍ നടത്തുന്ന ഒരു വര്‍ഷത്തെ പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത- ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത- പ്ലസ് ടു), ആറ് മാസത്തെ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത- എസ്.എസ്.എല്‍.സി) തുടങ്ങിയ കോഴ്‌സുകളിലേക്ക് അപേക്ഷ ക്ഷണിച്ചു. ഓണ്‍ലൈന്‍, റെഗുലര്‍, പാര്‍ട്ട്‌ടൈം ബാച്ചുകളായാണ് ക്ലാസ്. ഫോണ്‍: 7994449314.