നിയമസഭാ തിരഞ്ഞെടുപ്പിനോടനുബന്ധിച്ച് സുരക്ഷാബോധം വര്‍ധിപ്പിക്കുന്നതിന്റെ ഭാഗമായി റൂട്ട് മാര്‍ച്ച് സംഘടിപ്പിച്ചു. ഷൊര്‍ണൂര്‍ പൊലീസ് സ്റ്റേഷന്‍ പരിധിയില്‍ കേരള പൊലീസും, കര്‍ണ്ണാടക റിസര്‍വ് പൊലീസും സംയുക്തമായാണ് റൂട്ട് മാര്‍ച്ച് സംഘടിപ്പിച്ചത്. കുറുവട്ടൂര്‍, കയ്യിലിയാട് സെന്റര്‍, ചളവറ റോഡ്, ഷൊര്‍ണൂര്‍ റോഡ് വരെയുള്ള പ്രദേശത്തെ പ്രധാന വീഥികളിലൂടെ മാര്‍ച്ച് നടന്നത്. വോട്ടര്‍മാര്‍ക്ക് ഭയരഹിതമായി സമ്മതിദാനാവകാശം വിനിയോഗിക്കുന്നതിനുള്ള സാഹചര്യം ഒരുക്കുക, സാമൂഹിക വിരുദ്ധ പ്രവര്‍ത്തനങ്ങള്‍ തടയുക എന്നിവയാണ് റൂട്ട് മാര്‍ച്ചിന്റെ പ്രധാന ലക്ഷ്യം.

നിയമസഭാ തിരഞ്ഞെടുപ്പിന്റെ ഭാഗമായി ജില്ലയിൽ എട്ട് ദിവസമായി നടന്ന ഹോം വോട്ടിംഗ് നടപടികൾ പൂർത്തിയായി. ജില്ലയിൽ ഇതുവരെ 19598 പേർ ഹോം വോട്ടിംഗ് രേഖപ്പെടുത്തി. 

കേരള നിയമസഭയിലേക്കുള്ള പൊതു തിരഞ്ഞെടുപ്പ് പ്രമാണിച്ച് വോട്ടെടുപ്പ് ദിവസമായ ഏപ്രിൽ ഒൻപതിന് തൃശ്ശൂർ സുവോളജിക്കൽ പാർക്കിന് അവധിയായതിനാൽ, അന്നേ ദിവസം സുവോളജിക്കൽ പാർക്കിലേക്ക് പൊതുജനങ്ങൾക്ക് പ്രവേശനം ഉണ്ടായിരിക്കുന്നതല്ല എന്ന് അധികൃതർ അറിയിച്ചു.

 പൊതു തെരഞ്ഞെടുപ്പുമായി ബന്ധപ്പെട്ട് മാർച്ച് 31 മുതൽ ഏപ്രിൽ നാലുവരെ ജില്ലയിൽ വിവിധ പരിശീലന കേന്ദ്രങ്ങളിൽ നടത്തിയ രണ്ടാംഘട്ട തെരഞ്ഞെടുപ്പ് പരിശീലന ക്ലാസിൽ പങ്കെടുക്കാത്ത പ്രിസൈഡിംഗ് ഓഫീസർ, ഫസ്റ്റ് പോളിംഗ് ഓഫീസർ, പോളിംഗ് ഓഫീസർ, എന്നിവർക്കെതിരെ ജില്ലാ തെരഞ്ഞെടുപ്പ് ഓഫീസർ കാരണം കാണിക്കൽ നോട്ടീസ് നൽകി. മതിയായ കാരണമില്ലാതെ ക്ലാസ്സിൽ ഹാജരാകാത്ത ഉദ്യോഗസ്ഥർക്കെതിരെ ജനപ്രാതിനിധ്യനിയമം,1951 ന്റെ അടിസ്ഥാനത്തിൽ അച്ചടക്കനടപടി സ്വീകരിക്കുമെന്ന് ജില്ലാ തെരഞ്ഞെടുപ്പ് ഓഫീസറും ജില്ലാ കളക്ടറുമായ ശിഖ സുരേന്ദ്രൻ അറിയിച്ചു.

 പൊതു തെരഞ്ഞെടുപ്പുമായി ബന്ധപ്പെട്ട് മണലൂർ നിയോജകമണ്ഡലത്തിൽ പെരുമാറ്റ ചട്ടം ലംഘിച്ച് വോട്ടർമാരെ സ്വാധീനിക്കുന്നതിന് പലചരക്ക് സാധനങ്ങൾ കിറ്റുകളിലാക്കി സൂക്ഷിക്കുന്നുവെന്ന ആരോപണത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു. ഇലക്ഷൻ കമ്മീഷൻ ഫ്ലൈയിംഗ് സ്ക്വാഡ് എക്സിക്യൂട്ടീവ് മജിസ്ട്രേറ്റിന്റെ പരാതിയിലാണ് വാടാനപ്പിള്ളി പോലീസ് സ്റ്റേഷനിൽ എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചത്.

 പൊതു തെരഞ്ഞെടുപ്പുമായി ബന്ധപ്പെട്ട് മണലൂർ നിയോജകമണ്ഡലത്തിൽ പെരുമാറ്റ ചട്ടം ലംഘിച്ച് വോട്ടർമാരെ സ്വാധീനിക്കുന്നതിന് പലചരക്ക് സാധനങ്ങൾ കിറ്റുകളിലാക്കി സൂക്ഷിക്കുന്നുവെന്ന ആരോപണത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചു. ഇലക്ഷൻ കമ്മീഷൻ ഫ്ലൈയിംഗ് സ്ക്വാഡ് എക്സിക്യൂട്ടീവ് മജിസ്ട്രേറ്റിന്റെ പരാതിയിലാണ് വാടാനപ്പിള്ളി പോലീസ് സ്റ്റേഷനിൽ എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചത്.

മീനങ്ങാടി ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റ പ്രവൃത്തികള്‍ നടക്കുന്നതിനാല്‍ കീരിപ്പറ്റ, താഴെകരണി, കല്ലഞ്ചിറ പ്രദേശങ്ങളില്‍ ഇന്ന് (ഏപ്രില്‍ 7) രാവിലെ ഒന്‍പത് മുതല്‍ വൈകുന്നേരം അഞ്ച് വരെ വൈദ്യുതി വിതരണം ഭാഗികമായി തടസ്സപ്പെടും.

കാട്ടിക്കുളം ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റ പ്രവൃത്തികള്‍ നടക്കുന്നതിനാല്‍ മൂര്‍ത്തിമൂല, പയ്യമ്പള്ളി, കോശിക്കുന്ന്, തൃശ്ശിലേരി, ആനപ്പാറ, ആലത്തൂര്‍ കാളിക്കൊല്ലി, എടയൂര്‍കുന്ന, പനവല്ലി, തിരുനെല്ലി, ആരാണപ്പാറ, അപ്പപ്പാറ, തോല്‍പ്പെട്ടി പ്രദേശങ്ങളില്‍ ഇന്ന് (ഏപ്രില്‍ 7) രാവിലെ ഒന്‍പത് മുതല്‍ വൈകുന്നേരം അഞ്ച് വരെ വൈദ്യുതി വിതരണം മുടങ്ങും.