സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിലുള്ള എസ്.ആര്‍.സി കമ്മ്യൂണിറ്റി കോളേജ് 2026 ജൂലൈ സെഷനില്‍ നടത്തുന്ന സര്‍ട്ടിഫിക്കറ്റ് ഇന്‍ മാര്‍ഷ്യല്‍ ആര്‍ട്സ് പ്രോഗ്രാമിന് ഓണ്‍ലൈനായി അപേക്ഷിക്കുന്നതിനുള്ള തീയതി ദീര്‍ഘിപ്പിച്ചു. ആറു മാസം ദൈര്‍ഘ്യമുള്ള പ്രോഗ്രാമിന് പത്താം ക്ലാസ്സാണ് വിദ്യാഭ്യാസ യോഗ്യത. കളരിപ്പയറ്റ്, കുംഫു എന്നിവ പഠനവിഷയങ്ങളാണ്. തിയറി, പ്രാക്ടിക്കല്‍ ക്ലാസ്സുകള്‍ അംഗീകൃത പഠനകേന്ദ്രത്തിന്റെ സഹായത്തോടെയാണ് നടത്തുന്നത്. 15 വയസ്സിനു മേല്‍ പ്രായമുള്ളവര്‍ക്ക് അപേക്ഷിക്കാം. ഉയര്‍ന്ന പ്രായ പരിധി ഇല്ല. അപേക്ഷകള്‍ ജൂലൈ 31 നകം ലഭിക്കണം.

വനിത ശിശുവികസന വകുപ്പിന് കീഴിലുള്ള പുഴക്കല്‍ ഐ.സി.ഡി.എസ് പ്രോജക്ട് ഓഫീസിന്റെ ആവശ്യത്തിനായി വാഹനം ഡ്രൈവര്‍ ഉള്‍പ്പെടെ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ ലഭ്യമാക്കുന്നതിന് താല്‍പര്യമുള്ള വ്യക്തികളില്‍നിന്നോ സ്ഥാപനങ്ങളില്‍ നിന്നോ മത്സരസ്വഭാവമുള്ള മുദ്രവെച്ച ദര്‍ഘാസ് ക്ഷണിച്ചു. ദര്‍ഘാസ് ജൂലൈ 31 ന് ഉച്ചയ്ക്ക് 2.30 വരെ സ്വീകരിക്കും. കൂടുതല്‍ വിവരങ്ങള്‍ക്കായി ഫോണ്‍: 9526924862.  

കേരള സ്റ്റേറ്റ് എയ്ഡ്സ് കണ്ട്രോള്‍ സൊസൈറ്റിയും സംസ്ഥാന ആരോഗ്യ കുടുംബ ക്ഷേമ വകുപ്പും ചേര്‍ന്ന് കോളേജ് വിദ്യാര്‍ത്ഥികള്‍ക്കായി മാരത്തണ്‍ മത്സരം സംഘടിപ്പിക്കുന്നു. അന്താരാഷ്ട്ര യുവജന ദിനത്തിനു മുന്നോടിയായി എച്ച്.ഐ.വി/ എയ്ഡ്സിനെക്കുറിച്ച് കോളേജ് വിദ്യാര്‍ത്ഥികളില്‍ അവബോധം ഉണ്ടാക്കുന്നതിനായായാണ് ജില്ലാ അടിസ്ഥാനത്തില്‍ മത്സരം സംഘടിപ്പിക്കുന്നത്.

കേരള ഖാദി തൊഴിലാളി ക്ഷേമനിധി ബോര്‍ഡില്‍ നിന്നും 2025 ഡിസംബര്‍ 31 വരെ പെന്‍ഷന്‍ അനുവദിക്കപ്പെട്ട ഗുണഭോക്താക്കള്‍ 2026 സെപ്തംബര്‍ 30 വരെയുള്ള കാലയളവില്‍ ബന്ധപ്പെട്ട അക്ഷയകേന്ദ്രങ്ങളില്‍ നിന്നും അംഗീകൃത സര്‍വ്വീസ്ചാര്‍ജ്ജ് നല്‍കി വാര്‍ഷിക മസ്റ്ററിംഗ് നടത്തേണ്ടതാണെന്ന് ചീഫ് എക്‌സിക്യുട്ടീവ് ഓഫീസര്‍ അറിയിച്ചു.
 

ചേലക്കര ഗവ. പോളിടെക്‌നിക് കോളേജിലേക്ക് ഡിപ്ലോമ (റഗുലര്‍) സ്‌പോട്ട് അഡ്മിഷന്‍ ജൂലൈ 30 ന് നടക്കും. രജിസ്‌ട്രേഷന്‍ രാവിലെ 9.30 മുതല്‍ 10.30 വരെ. നിലവില്‍ അപേക്ഷിച്ചിട്ടില്ലാത്തവര്‍ക്ക് ജൂലൈ 28 വരെ ഓണ്‍ലൈനായി https://polyadmission.org എന്ന അഡ്മിഷന്‍ പോര്‍ട്ടല്‍ വഴി അപേക്ഷിക്കാം. ആര്‍ട്ടിഫിഷ്യല്‍ ഇന്റലീജന്‍സ് ആന്‍ഡ് മെഷീന്‍ ലേണിംഗ്, സിവില്‍ എഞ്ചിനീയറിംഗ്, കമ്പ്യൂട്ടര്‍ എഞ്ചിനീയറിംഗ്, ഇക്ട്രോണിക്‌സ് എഞ്ചിനീയറിംഗ്, മെക്കാനിക്കല്‍ എഞ്ചിനീയറിംഗ് എന്നീ ഡിപ്ലോമ കോഴ്‌സുകളുടെ വേക്കന്‍സി അഡ്മിഷന്‍ പോര്‍ട്ടലില്‍ ലഭ്യമാണ്.

സര്‍ക്കാര്‍ പ്രൈമറി സ്‌കൂള്‍ വിദ്യാര്‍ത്ഥികളുടെ ഇംഗ്ലീഷ് സംവേദനാത്മക കഴിവ് മെച്ചപ്പെടുത്തുന്നതിനായി ദിവസവേതനാടിസ്ഥാനത്തില്‍ റിസോഴ്സ് ടീച്ചര്‍മാരെ നിയമിക്കുന്നു. ജില്ലയിലെ ഓരോ ഉപജില്ലയിലെയും ഒന്ന് വീതം സര്‍ക്കാര്‍ യു.പി സ്‌കൂളിലെ അഞ്ച്, ആറ് ക്ലാസിലേക്കാണ് നിയമനം നടത്തുക. അടിസ്ഥാന യോഗ്യത ബി.എ ഇംഗ്ലീഷ് (കമ്മ്യൂണിക്കേറ്റീവ്, ലിറ്ററേച്ചര്‍, ഫങ്ഷണല്‍) ടി.ടി.സി/ ഡി.എഡ്/ ഡി.എല്‍.എഡ്/ ബി.എഡ് ഇംഗ്ലീഷ്. ഉദ്യോഗാര്‍ത്ഥികള്‍ ജൂലൈ 27ന് രാവിലെ 11 ന് അസ്സല്‍ സര്‍ട്ടിഫിക്കറ്റുകള്‍ സഹിതം അയ്യന്തോള്‍ സിവില്‍ സ്റ്റേഷനിലെ വിദ്യാഭ്യാസ ഉപ ഡയറക്ടറുടെ കാര്യാലയത്തില്‍ അഭിമുഖത്തിനായി നേരിട്ട് ഹാജരാകേണ്ടതാണ്.

കട്ടപ്പന അഡീഷണല്‍ ഐ.സി.ഡി.എസ് പ്രോജക്ട് പരിധിയിലുള്ള ചക്കുപള്ളം പഞ്ചായത്തിലെ  28 അങ്കണവാടികളിലെ  കുട്ടികള്‍ക്ക് ചൊവ്വ, വ്യാഴം, ശനി ദിവസങ്ങളില്‍ കോഴിമുട്ട   വിതരണം ചെയ്യുന്നതിന് താല്‍പര്യമുള്ള വ്യക്തികള്‍/സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു. ആഗസ്റ്റ് 6ന്  ഉച്ചയ്ക്ക് ഒരു മണിവരെ ടെന്‍ഡറുകള്‍ സ്വീകരിക്കും.  ഉച്ചയ്ക്ക് 2.30 ന് ടെന്‍ഡര്‍ തുറക്കും.    
കൂടുതല്‍ വിവരങ്ങള്‍ക്ക്: 9745506022,8089456022

 കട്ടപ്പന അഡീഷണല്‍ ഐ.സി.ഡി.എസ് പ്രോജ്ക്ട് പരിധിയിലുള്ള വണ്ടന്‍മേട് പഞ്ചായത്തിലെ  39  അങ്കണവാടികളിലെ  കുട്ടികള്‍ക്ക് ചൊവ്വ, വ്യാഴം, ശനി ദിവസങ്ങളില്‍ കോഴിമുട്ട   വിതരണം ചെയ്യുന്നതിന് താല്‍പര്യമുള്ള വ്യക്തികള്‍/സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു. ആഗസ്റ്റ് 6 ന് ഉച്ചയ്ക്ക് ഒരു മണിവരെ ടെന്‍ഡറുകള്‍ സ്വീകരിക്കും.  ഉച്ചയ്ക്ക് 2.30 ന് ടെന്‍ഡര്‍ തുറക്കും.    
കൂടുതല്‍ വിവരങ്ങള്‍ക്ക്: 9745506022,8089456022

 ഭാരത് ഗ്യാസിന്റെ എല്‍.പി.ജി ഉപഭോക്താക്കള്‍ നേരിടുന്ന കടുത്ത വിതരണ പ്രതിസന്ധി അടിയന്തരമായി പരിഹരിക്കണമെന്നാവശ്യപ്പെട്ട് കേന്ദ്ര പെട്രോളിയം-പ്രകൃതിവാതക മന്ത്രി ഹര്‍ദീപ് സിംഗ് പുരിക്ക് അഡ്വ. ഡീന്‍ കുര്യാക്കോസ് എം.പി കത്തയച്ചു.