പുതുക്കോട് ആരോഗ്യ ഉപകേന്ദ്ര കെട്ടിടം പൊളിച്ചുനീക്കുന്നതിനും അവശിഷ്ടങ്ങള്‍ നീക്കം ചെയ്യുന്നതിനും ജൂലൈ 11-ന് രാവിലെ 11 ന് ലേലം ചെയ്യും. 500 രൂപ നിരതദ്രവ്യം കെട്ടിവെക്കണം. ഫോണ്‍: 04922-267243

പുതുക്കോട് കുടുബാരോഗ്യ കേന്ദ്രത്തിന്റെ പരിസരത്ത് നില്‍ക്കുന്ന തേക്ക് മരം ജൂലൈ 11 ന് രാവിലെ 11.30 ന് കുടുംബാരോഗ്യ കേന്ദ്രത്തില്‍ ലേലം ചെയ്യുമെന്ന് മെഡിക്കല്‍ ഓഫീസര്‍ അറിയിച്ചു. നിരതദ്രവ്യം 1000 രൂപ. ഫോണ്‍: 04922- 267243
 

തച്ചമ്പാറ ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തില്‍ കര്‍ഷകസഭയും ബ്ലോക്ക്തല ഞാറ്റുവേല ചന്തയും നടത്തി. ഗ്രാമപഞ്ചായത്ത് കമ്മ്യൂണിറ്റി ഹാളില്‍ നടന്ന പരിപാടി മണ്ണാര്‍ക്കാട് ബ്ലോക്ക് പഞ്ചായത്ത് പ്രസിഡന്റ് വി പ്രീത ഉദ്ഘാടനം ചെയ്തു. കൃഷിവകുപ്പിന്റെ പദ്ധതികള്‍ കര്‍ഷകരില്‍ അവബോധം ഉണ്ടാക്കുക, ഗുണമേന്മയുള്ള നടീല്‍ വസ്തുക്കള്‍ കര്‍ഷകര്‍ക്ക് ലഭ്യമാക്കുക എന്നിവയാണ് കര്‍ഷകസഭയുടെ ലക്ഷ്യം.

വിമുക്തഭടന്മാരുടെ മക്കളില്‍ എസ്.എസ്.എല്‍.സി, പ്ലസ്ടു പരീക്ഷയില്‍ എല്ലാ വിഷയത്തിലും എ വണ്‍, എ പ്ലസ് (സി.ബി.എസ്.സി, ഐസിഎസ്ഇ)ലഭിച്ചവര്‍ക്കും 90 ശതമാനം മാര്‍ക്ക് നേടിയവര്‍ക്കും ക്യാഷ് അവാര്‍ഡിന് അപേക്ഷിക്കാം. അപേക്ഷകള്‍ സര്‍വീസ് പ്ലസ് പ്ലാറ്റ്ഫോറം മുഖേന ജില്ലാ സൈനികക്ഷേമ ഓഫീസില്‍ ജൂലൈ 30ന് മുന്‍പ് നല്‍കണം.

കെ യു ജനീഷ് കുമാര്‍ എംഎല്‍എയും ജില്ലാ കലക്ടര്‍ എസ് പ്രേം കൃഷ്ണനും കോന്നി മെഡിക്കല്‍ കോളജ് സന്ദര്‍ശിച്ച്  നിര്‍മാണപ്രവര്‍ത്തനം വിലയിരുത്തി. അനുദിനം തിരക്കേറുന്ന മെഡിക്കല്‍ കോളജില്‍  രോഗികള്‍ക്ക് സുഗമമായ ചികിത്സയ്ക്ക് കൂടുതല്‍ ക്രമീകരണം ഏര്‍പ്പെടുത്താന്‍ എംഎല്‍എ നിര്‍ദേശിച്ചു.
ഒ.പി കൗണ്ടര്‍ തിരക്കു നിയന്ത്രിക്കാന്‍ ഇ-ഹെല്‍ത്ത് മുഖേനെ ടോക്കണ്‍ സംവിധാനം ആരംഭിക്കും. രോഗികള്‍ക്കായി കൂടുതല്‍ ഇരിപ്പിടം ക്രമീകരിക്കും.

സുസ്ഥിര തൃത്താലയുടെ ഭാഗമായി മണ്ഡലത്തില്‍ 21 വിദ്യാവനം ഉള്‍പ്പെടെ 38 പച്ചത്തുരുത്തുകള്‍ സജ്ജമാക്കിയതായി എം.ജി.എന്‍.ആര്‍.ജി.എ മിഷന്‍ ഡയറക്ടര്‍  എ. നിസാമുദ്ദീന്‍ പറഞ്ഞു. കളക്ടറേറ്റ് കോണ്‍ഫറന്‍സ് ഹാളില്‍ നടന്ന സുസ്ഥിര തൃത്താല പദ്ധതിയുടെ അവലോകന യോഗത്തില്‍ സംസാരിക്കുകയായിരുന്നു അദ്ദേഹം.

മാലിന്യ മുക്തം രോഗ മുക്തം 2025 ക്യാമ്പയിന്റെ ജില്ലാതല ഉദ്ഘാടനം ജില്ലാ ആസൂത്രണ സമിതി യോഗത്തില്‍ ഡി പി സി ചെയര്‍പേഴ്‌സണ്‍ അഡ്വ കെ.കെ രത്‌നകുമാരി നിര്‍വഹിച്ചു. മാലിന്യ മുക്തം രോഗമുക്തം 2025 ശുചിത്വ ക്യാമ്പയിന്റെ പോസ്റ്റര്‍ പ്രകാശനവും ജില്ലാ പഞ്ചായത്ത് പ്രസിഡന്റ് നിര്‍വഹിച്ചു. ജില്ലാ പ്ലാനിംഗ് ഓഫീസര്‍ നെനോജ് മേപ്പടിയത് അധ്യക്ഷനായി. ജില്ലാ ശുചിത്വമിഷന്‍ കോ ഓര്‍ഡിനേറ്റര്‍ കെ.എം സുനില്‍ കുമാര്‍ പദ്ധതി അവതരണം നടത്തി. ജലജന്യ പകര്‍ച്ചവ്യാധികള്‍ തടയുന്നതിനായി തദ്ദേശസ്വയംഭരണ സ്ഥാപനങ്ങളുമായി സഹകരിച്ചാണ് സംസ്ഥാന ശുചിത്വമിഷന്‍ മാലിന്യമുക്തം രോഗമുക്തം 2025 ക്യാമ്പയിന്‍ സംഘടിപ്പിക്കുന്നത്.

ലോജിസ്റ്റിക്സ്, സപ്ലൈ ചെയിന്‍ മാനേജ്‌മെന്റ്, എക്‌സ്‌പോര്‍ട്ട് ആന്‍ഡ് ഇംപോര്‍ട്ട്,വെയര്‍ഹൗസ് മാനേജുമെന്റ്, ഡിസ്ട്രിബ്യൂഷന്‍ മാനേജ്മെന്റ്, ആര്‍ക്കിടെക്ചറല്‍ ഡിസൈന്‍, ഇന്റീരിയര്‍ ഡിസൈന്‍, മെക്കാനിക്കല്‍/ഇലക്ട്രിക്കല്‍/സിവില്‍ സിഎഡി( CAD),  ഇക്കണോമിക്‌സ്, ഹിസ്റ്ററി, പൊളിറ്റിക്‌സ്, ആര്‍ട്‌സ് ,മാത്ത്സ്, ഫിസിക്‌സ്, കെമിസ്ട്രി, ബോട്ടണി, സൂവോളജി, ഹോം സയന്‍സ്, യോഗ, കമ്പ്യൂട്ടര്‍, സൈക്കോളജി, ജര്‍മ്മന്‍ ,കൊമേഴ്സ്, എം.ബി.എ. വിഷയങ്ങളിലാണ് അധ്യാപക ഒഴിവ്.

തരൂര്‍ ഗ്രാമപഞ്ചായത്ത്, നാഷണല്‍ ആയുഷ് മിഷന്‍, ഭാരതീയ ചികിത്സാ വകുപ്പ് എന്നിവയുടെ സംയുക്താഭിമുഖ്യത്തില്‍ പകര്‍ച്ചവ്യാധി പ്രതിരോധ ബോധവല്‍ക്കരണ ക്ലാസും ആയുര്‍വേദ മെഡിക്കല്‍ ക്യാമ്പും ഇന്ന് (ജൂലൈ 4). വടക്കുമുറി വ്യാപാര ഭവനില്‍ രാവിലെ 10നാണ് ക്യാമ്പ്. പരിപാടിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ഇ. രമണി ടീച്ചര്‍ നിര്‍വഹിക്കും. വൈസ് പ്രസിഡന്റ്് ഐ. ഷക്കീര്‍ അധ്യക്ഷനാകും.

 ഒരുകാലത്ത് തീരദേശത്തിന്റെ പട്ടിണി മാറ്റിയിരുന്നതും സ്ത്രീകൾക്ക് സാമ്പത്തികഭദ്രത ഉറപ്പുവരുത്തിയിരുന്നതുമായ തഴപ്പായ നെയ്ത്ത് വ്യവസായത്തിന് കരുത്തേകാൻ നടപടി സ്വീകരിക്കുമെന്ന് ഇ ടി ടൈസൺ എം എൽ എ. തഴപ്പായ ഉപയോഗിച്ച് മറ്റു കരകൗശല വസ്തുക്കൾ ഉണ്ടാക്കുന്നതിനും കേരളത്തിലെ തന്നെ ഏറ്റവും വലിയ തഴപ്പായ വ്യവസായ മാർക്കറ്റ് കൂടുതൽ ജനകീയമാക്കുന്നതിനുമായി പദ്ധതികൾ രൂപീകരിക്കും. ഇതിന്റെ ഭാഗമായി ഈ മേഖലയിൽ പ്രവർത്തിക്കുന്ന വ്യവസായ വകുപ്പിന്റെ കീഴിലെ ട്രെയിനിങ് സെന്ററുകളുടെയും

കിഡ്സ് കോട്ടപ്പുറം ട്രെയിനിങ് സെന്ററിന്റെയും