റിപ്പബ്ലിക് ദിനാഘോഷം വിപുലമായി സംഘടിപ്പിക്കുന്നതിന് ജില്ലാ കളക്ടര്‍ ഡി. ആര്‍ മേഘശ്രീയുടെ അധ്യക്ഷതയില്‍ കളക്ടറേറ്റ് മിനി കോണ്‍ഫറന്‍സ് ഹാളില്‍ അവലോകന യോഗം ചേര്‍ന്നു. കല്‍പ്പറ്റ എസ്.കെ.എം.ജെ സ്‌കൂള്‍ ഗ്രൗണ്ടില്‍ ജനുവരി 26 ന് രാവിലെ 9 നാണ് ആഘോഷ പരിപാടികള്‍ നടക്കുക. ജനുവരി 22, 23, 24 തിയതികളില്‍ രാവിലെ 7.30 മുതല്‍ സ്‌കൂള്‍ മൈതാനത്ത് പരേഡ് പരിശീലനം നടത്തും. റിപ്പബ്ലിക് ദിനാഘോഷ പരിപാടിക്ക് ആവശ്യമായ ക്രമീകരണങ്ങള്‍ ഏകോപിപ്പിക്കാന്‍ പോലീസ്, പൊതുമരാമത്ത്, റവന്യു, ഫയര്‍ ഫോഴ്സ് ഉദ്യോഗസ്ഥരെ ചുമതലപ്പെടുത്തി. യോഗത്തില്‍ എ.ഡി.എം എം.ജെ അഗസ്റ്റിന്‍, വിവിധ വകുപ്പ് ഉദ്യോഗസ്ഥര്‍ എന്നിവര്‍ പങ്കെടുത്തു

കേരളത്തിന്റെ ആവേശോജ്ജ്വലമായ സാമൂഹിക പുരോഗതിയുടെ ചരിത്രം അടിസ്ഥാനപ്പെടുത്തി വിജ്ഞാന യാത്ര-ചീഫ് മിനിസ്റ്റേഴ്സ് മെഗാക്വിസ് മത്സരം സംസ്ഥാന വ്യാപകമായി ജനുവരി 12 ന് രാവിലെ 11 ന് ആരംഭിക്കും. സ്‌കൂള്‍  കോളേജ് വിദ്യാര്‍ഥികള്‍ക്കുള്ള പ്രാഥമികതല മത്സരങ്ങളുടെ ഒരുക്കങ്ങള്‍ പൂര്‍ത്തിയായി. 12000 ത്തോളം സ്‌കൂളുകളിലും 1200 ലധികം കോളേജുകളിലും നടക്കുന്ന ക്വിസ് മല്‍സരത്തില്‍ അഞ്ച് ലക്ഷത്തിലധികം വിദ്യാര്‍ഥികള്‍ പങ്കെടുക്കും. 

വെള്ളമുണ്ട ഇലക്ട്രിക്കല്‍ സെക്ഷന്‍ പരിധിയിലെ എള്ളുമന്ദം, പരിയാരംമുക്ക്, മൊതക്കര, അത്തിക്കൊല്ലി, ആലഞ്ചേരി പ്രദേശങ്ങളില്‍ ഇന്ന് (ജനുവരി 10) രാവിലെ 8.30 മുതല്‍ വൈകിട്ട് അഞ്ച് വരെ വൈദ്യുതി വിതരണം ഭാഗികമായി മുടങ്ങും

ബാണാസുര ജലസേചന പദ്ധതിക്ക് കീഴിലെ വെണ്ണിയോട് ജലവിതരണ കനാല്‍ നിര്‍മ്മാണ പ്രദേശത്തെ മരങ്ങള്‍ ലേലം ചെയുന്നു. താത്പര്യമുള്ളവര്‍ ജനുവരി 20 ന് രാവിലെ 11.30 ന് പടിഞ്ഞാറത്തറ ജലസേചന വകുപ്പ് ഓഫീസ് പരിസരത്ത് നടക്കുന്ന ലേലത്തില്‍ പങ്കെടുക്കണം. ഫോണ്‍ -04936 292205, 9446257110 

തിരുനെല്ലി ഗവ ആശ്രമം സ്‌കൂളിലെ വിദ്യാര്‍ത്ഥികളെ പഠന-വിനോദ യാത്രക്ക് കൊണ്ടു പോകാന്‍  50 സീറ്റുള്ള ബസ് ലഭ്യമാക്കാന്‍ താത്പര്യമുള്ള വ്യക്തികള്‍/ സ്ഥാപനങ്ങളില്‍ നിന്നും ക്വട്ടേഷന്‍ ക്ഷണിച്ചു. 40  വിദ്യാര്‍ത്ഥികളെയും നാല്  ജീവനക്കാരെയുമായി കണ്ണൂര്‍ വിമാനത്താവളം, പറശ്ശിനിക്കടവ്, വിസ്മയ പാര്‍ക്ക്, പയ്യാമ്പലം ബീച്ച് എന്നീ സ്ഥത്തേക്കാണ് യാത്ര പരിഗണിക്കുന്നത്. ക്വട്ടേഷനുകള്‍ ജനുവരി 20 ന് രാവിലെ 11 നകം സീനിയര്‍ സൂപ്രണ്ട്, തിരുനെല്ലി ആശ്രമം സ്‌കൂള്‍, ആറളം ഫാം പി.ഒ, 670673 വിലാസത്തില്‍ ലഭിക്കണം. ഫോണ്‍- 9497424870.

പട്ടികവര്‍ഗ്ഗ വികസന വകുപ്പിന് കീഴില്‍ പ്രവര്‍ത്തിക്കുന്ന കണിയാമ്പറ്റ ഗവ മോഡല്‍ റസിഡന്‍ഷല്‍ സ്‌കൂളിലെ 19 വിദ്യാര്‍ത്ഥികളെയും നാല് ജീവനക്കാരെയും ജനുവരി 16,17 തിയതികളില്‍ തൃശൂരില്‍ നടക്കുന്ന സംസ്ഥാന സ്‌കൂള്‍ കലോത്സവത്തില്‍ പങ്കെടുക്കുന്നതിനും തിരികെ എം.ആര്‍.എസില്‍ എത്തിക്കുന്നതിനും അംഗീകൃത ബസ്/ട്രാവല്‍ ഉടമകളില്‍ നിന്ന് ക്വട്ടേഷന്‍ ക്ഷണിച്ചു.  ക്വട്ടേഷനുകള്‍ ജനുവരി 14 ന് രാവിലെ 11 നകം  സീനിയര്‍ സൂപ്രണ്ട്, കല്‍പ്പറ്റ ഗവ മോഡല്‍ റസിഡന്‍ഷല്‍ സ്‌കൂള്‍,  കണിയാമ്പറ്റ പി.ഒ, 673 124 വിലാസത്തില്‍ ലഭ്യമാക്കണം. ഫോണ്‍- 04936  284818.

തിരുവനന്തപുരത്ത്  ജനുവരി 19 മുതല്‍ 21 വരെ നടക്കുന്ന കാര്‍ണിവല്‍ ഓഫ് ദി ഡിഫന്റ്- ഭിന്നശേഷി സര്‍ഗോത്സവത്തിന്റെ ഭാഗമായുള്ള സവിശേഷ സ്‌പോര്‍ട്‌സില്‍ കായിക രംഗത്ത് മികവ് തെളിയിച്ച പ്രതിഭകള്‍ക്ക് പങ്കെടുക്കാന്‍ അവസരം. കഴിഞ്ഞ 15 വര്‍ഷത്തിനിടെ സംസ്ഥാന സര്‍ക്കാര്‍ സംഘടിപ്പിച്ച  ഭിന്നശേഷി സ്‌പോര്‍ട്‌സ് മത്സരങ്ങളില്‍ ജില്ലയില്‍ ഒന്ന്, രണ്ട്, മൂന്ന് സ്ഥാനം നേടിയവര്‍, സംസ്ഥാനതല മത്സരത്തില്‍ പങ്കെടുത്തവര്‍, ദേശീയ/അന്തര്‍ദേശീയ തലങ്ങളില്‍ പങ്കെടുത്തവര്‍ക്ക് അപേക്ഷിക്കാം. ഒരാള്‍ക്ക് അതലറ്റിക് വിഭാഗത്തില്‍ പരമാവധി രണ്ട്  ഇനത്തില്‍ മാത്രമേ മത്സരിക്കാന്‍ സാധിക്കൂ. 

തൃശ്ശൂരില്‍ ജനുവരി അഞ്ച് മുതല്‍ ഏഴ് വരെ നടന്ന സംസ്ഥാന സിവില്‍ സര്‍വീസ് ടൂര്‍ണമെന്റില്‍ ബെസ്റ്റ് ഫിസിക് 100 കിലോ വിഭാഗത്തില്‍ വയനാട് കളക്ടറേറ്റ് ദുരന്തനിവാരണ വിഭാഗത്തിലെ സീനിയര്‍ ക്ലര്‍ക്ക്  പി. സന്ദീപ് ഒന്നാം സ്ഥാനം നേടി. കല്‍പ്പറ്റ ആരോഗ്യ ജിമ്മിലെ ടി. കെ ഹരിയുടെ കീഴിലാണ് സന്ദീപ് പരിശീലനം നേടിയത്. ചിട്ടയായ പരിശീലനവും മികച്ച ശാരീരികക്ഷമതയുമാണ് സന്ദീപിനെ നേട്ടത്തിലെത്തിച്ചത്. സേവനമേഖലയിലും കായിക രംഗത്തും ഒരുപോലെ മികവ് തെളിയിച്ച സന്ദീപ് കൃത്യമായ പരിശീലനത്തിലൂടെയാണ് വിജയം കരസ്ഥമാക്കിയത്.