പെരിന്തല്‍മണ്ണ സബ് റീജിയണല്‍ ട്രാന്‍സ്പോര്‍ട്ട് ഓഫീസ് നിലവില്‍ പ്രവര്‍ത്തിക്കുന്ന കെട്ടിടത്തില്‍ നിന്നും സൗകര്യപ്രദമായ മറ്റൊരു കെട്ടിടത്തിലേക്ക് മാറ്റുന്നതിന് ഉത്തരവായിട്ടുണ്ട്. ഇതിന്റെ ഭാഗമായി പെരിന്തല്‍മണ്ണ ടൗണില്‍ നിന്നും അഞ്ചു കിലോമീറ്റര്‍ ചുറ്റളവില്‍ 3500 മുതല്‍ 4000 ചതുരശ്ര അടി വരെ വിസ്തീര്‍ണ്ണമുള്ള കെട്ടിടം വിട്ടുനല്‍കാന്‍ താല്പര്യമുള്ള കെട്ടിട ഉടമകള്‍ പെരിന്തല്‍മണ്ണ ജോയിന്റ് റീജിയണല്‍ ട്രാന്‍സ്പോര്‍ട്ട് ഓഫീസറുമായി ബന്ധപ്പെടണം. ഫോണ്‍- 04933 220856, 8547639053, 9847227904.

ജൂലൈ മാസത്തെ സ്യൂട്ട് കോണ്‍ഫ്രന്‍സ് ജൂലൈ 31 ന് ഉച്ചയ്ക്ക ശേഷം മൂന്നിന് കളക്ടറേറ്റ് കേണ്‍ഫ്രന്‍സ് ഹാളില്‍ ചേരും. ജില്ലാ കളക്ടര്‍ എതിര്‍ കക്ഷിയായിട്ടുള്ള കേസുകള്‍ നിശ്ചിത പ്രഫോര്‍മയില്‍ ഉള്‍പ്പെടുത്തി ജൂലൈ 27 നകം suitcellmalappuram@gmail.com എന്ന വിലാസത്തില്‍ അയക്കണം.

പിന്നാക്ക വിഭാഗ വികസന വകുപ്പ് ഇ-ഗ്രാന്റ്‌സ് പോര്‍ട്ടല്‍ മുഖേന നടപ്പിലാക്കുന്ന ഒ.ഇ.സി, ഒ.ബി.സി (എച്ച്) പ്രീമെട്രിക് വിദ്യാഭ്യാസാനുകൂല്യ പദ്ധതി പ്രകാരം സ്‌കൂളുകളില്‍ നിന്നുള്ള ഡാറ്റാ എന്‍ട്രി തീയതി ജൂലൈ 27 വരെ ദീര്‍ഘിപ്പിച്ചു. ആനുകൂല്യത്തിന് അര്‍ഹരായ വിദ്യാര്‍ത്ഥികളുടെ വിവരങ്ങള്‍ സ്‌കൂള്‍ ലോഗിന്‍ വഴി www.egrantz.kerala.gov.in എന്ന വെബ്സൈറ്റില്‍ നിശ്ചിത തീയതിക്കകം രേഖപ്പെടുത്തണം. ഫോണ്‍- 0492 2222335, ഇമെയില്‍-bcddpkd@gmail.com.

2026-27 അധ്യയന വര്‍ഷത്തില്‍ ഓരോ ഉപജില്ലയിലെയും തെരഞ്ഞെടുത്ത സര്‍ക്കാര്‍ പ്രൈമറി സ്‌കൂളുകളില്‍ ഇംഗ്ലീഷ് എന്റിച്ച്മെന്റ് പ്രോഗ്രാം നടപ്പിലാക്കുന്നതിനായി ദിവസവേതനാടിസ്ഥാനത്തില്‍ റിസോഴ്സ് അധ്യാപകരെ തെരഞ്ഞെടുക്കുന്നു. ഇതിനായുള്ള അഭിമുഖം ജൂലൈ 28-ന് രാവിലെ 10.30-ന് മലപ്പുറം വിദ്യാഭ്യാസ ഉപഡയറക്ടറുടെ കാര്യാലയത്തില്‍ നടക്കും. ഇംഗ്ലീഷ് ഭാഷയില്‍ ബിരുദവും ടി.ടി.സി / ഡി.എഡ് / ഡി.എല്‍.എഡ് / ബി.എഡ് യോഗ്യതയുമുള്ളവര്‍ക്ക് പങ്കെടുക്കാം. കമ്മ്യൂണിക്കേറ്റീവ് ഇംഗ്ലീഷ് കോഴ്സ് പാസായവര്‍ക്കും അസാപ് പരിശീലനം ലഭിച്ചവര്‍ക്കും മുന്‍ഗണന ഉണ്ടായിരിക്കും.

നിലമ്പൂര്‍ ഗവണ്‍മെന്റ് ഐ.ടി.ഐയില്‍ വിവിധ ട്രേഡുകളില്‍ പട്ടികവര്‍ഗ വിഭാഗത്തിനായി സംവരണം ചെയ്തിട്ടുള്ള സീറ്റുകള്‍ ഒഴിവുണ്ട്. പ്രവേശനം നേടാന്‍ താത്പര്യമുള്ളവര്‍ 100 രൂപ അപേക്ഷാ ഫീസ് സഹിതം ജൂലൈ 25-നകം ഐ.ടി.ഐയില്‍ നേരിട്ടെത്തി അപേക്ഷിക്കണം. ഫോണ്‍- 04931 222932, 9846838621, 9745004852.

എല്‍. ബി. എസ്. സെന്ററിന്റെ പരപ്പനങ്ങാടി ഉപ കേന്ദ്രത്തില്‍ ബിരുദധാരികള്‍ക്കായി പോസ്റ്റ് ഗ്രാജ്വേറ്റ് ഡിപ്ലോമ ഇന്‍  കമ്പ്യൂട്ടര്‍ അപ്ലിക്കേഷന്‍, പ്ലസ്ടു യോഗ്യതയുള്ളവര്‍ക്കായി  ഡിപ്ലോമ ഇന്‍ കംപ്യൂട്ടര്‍ അപ്ലിക്കേഷന്‍(സോഫ്റ്റ് വെയര്‍), എസ്.എസ്.എല്‍.സി യുള്ളവര്‍ക്കായി ഡിപ്ലോമ ഇന്‍ കംപ്യൂട്ടര്‍ അപ്ലിക്കേഷന്‍, ഇന്റഗ്രേറ്റഡ് ഡിപ്ലോമ ഇന്‍ കംപ്യൂട്ടര്‍ ഹാര്‍ഡ് വെയര്‍ മെയിന്റനന്‍സ് ആന്റ് നെറ്റ് വര്‍ക്കിങ്ങ്, ഡാറ്റാ എന്‍ട്രി ആന്റ് ഓഫീസ് ഓട്ടോമേഷന്‍ എന്നീ കോഴ്‌സുകള്‍ക്ക് lbscentre.kerala.gov.in/services/courses എന്ന ലിങ്കിലൂടെ അപേക്ഷിക്കാം.

സ്വാതന്ത്ര്യദിനാഘോഷങ്ങളുടെ ഭാഗമായി ജില്ലയിൽ ഗ്രീൻ പ്രോട്ടോകോൾ കർശനമായി പാലിക്കണമെന്ന് ജില്ലാ കളക്ടർ ഷാജി വി. നായർ അറിയിച്ചു. ആഘോഷ പരിപാടികളുടെ മുന്നൊരുക്കങ്ങൾ വിലയിരുത്തുന്നതിനായി കളക്ടറുടെ അധ്യക്ഷതയിൽ  കളക്ട്രേറ്റിൽ ചേർന്ന യോഗത്തിലാണ് തീരുമാനം.പ്ലാസ്റ്റിക് ഉപയോഗിച്ച് നിർമിച്ച കൊടിതോരണങ്ങൾ വാങ്ങുന്നതിനും വിൽക്കുന്നതിനും പൂർണ്ണ നിരോധനം ഏർപ്പെടുത്തി. ആഘോഷങ്ങളുടെ ഭാഗമായി തുണി, കടലാസ്, പ്രകൃതിദത്ത വസ്തുക്കൾ എന്നിവ ഉപയോഗിച്ചുള്ള പരിസ്ഥിതി സൗഹൃദ അലങ്കാരങ്ങൾ മാത്രമേ ഉപയോഗിക്കാവൂ.

മലപ്പുറം താലൂക്ക് ആസ്ഥാന ആശുപത്രിയിലെ ഉപയോഗയോഗ്യമല്ലാത്ത മൂന്ന് നില കെട്ടിടത്തിന്റെ ഒരു ഭാഗം പൊളിച്ചു മാറ്റി സാമഗ്രികള്‍ കൊണ്ടുപോകുന്നതിന് ചരക്ക് സേവന നികുതി രജിസ്ട്രേഷനുള്ള അംഗീകൃത കരാറുകാരില്‍ നിന്നും ക്വട്ടേഷനുകള്‍ ക്ഷണിച്ചു. താത്പര്യമുള്ളവര്‍ ആഗസ്റ്റ് മൂന്നിന് വൈകുന്നേരം നാലിനകം സൂപ്രണ്ട്, താലൂക്ക് ആസ്ഥാന ആശുപത്രി, മലപ്പുറം എന്ന വിലാസത്തില്‍ നേരിട്ടോ തപാല്‍ മുഖേനയോ അപേക്ഷിക്കണം. ഫോണ്‍- 0483 2734866.

മലപ്പുറം ഗവ. കോളേജില്‍ ഒന്നാം വര്‍ഷ ബിരുദാനന്തര ബിരുദ കോഴ്സുകളില്‍ ഭിന്നശേഷി, ലക്ഷദ്വീപ്, സ്പോര്‍ട്സ് ക്വാട്ട വിഭാഗങ്ങളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. കാലിക്കറ്റ് സര്‍വകലാശാലയില്‍ ഓണ്‍ലൈന്‍ രജിസ്ട്രേഷന്‍ പൂര്‍ത്തിയാക്കി ക്യാപ് ഐ.ഡി. ഉള്ള യോഗ്യരായ വിദ്യാര്‍ത്ഥികള്‍ സ്‌പോട്ട് അഡ്മിഷനായി ജൂലൈ 27-ന് ഉച്ചയ്ക്ക് 12.നകം കോളേജ് ഓഫീസില്‍ ഹാജരാകണം. ഫോണ്‍- 9061734918.
 

മലപ്പുറം ജില്ലാ എംപ്ലോയ്‌മെന്റ് എക്‌സ്‌ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ വിവിധ പ്രമുഖ സ്ഥാപനങ്ങളിലെ ഒഴിവുകളിലേക്ക് ജൂലൈ 28 രാവിലെ 10.00 മുതല്‍ 1.30 വരെ തൊഴില്‍ മേള സംഘടിപ്പിക്കും. ഓട്ടോമോട്ടീവ് ബാറ്ററി ഫിറ്റര്‍, ഇന്‍വെര്‍ട്ടര്‍ ഫിറ്റര്‍, സോളാര്‍ സൂപ്പര്‍വൈസര്‍, മാര്‍ക്കറ്റിംഗ്, അക്കൗണ്ട്‌സ്, അഡ്മിനിസ്‌ട്രേഷന്‍, എന്‍ജിനീയര്‍, ഇലക്ട്രിക്കല്‍ എന്‍ജിനീയര്‍, ഇന്‍ഷുറന്‍സ് ഏജന്റ്, പി.ഒ.എസ്.പി. തുടങ്ങിയ തസ്തികകളിലാണ് ഒഴിവുകള്‍. എസ്.എസ്.എല്‍.സി., പ്ലസ് ടു, ബിരുദം, ബിരുദാനന്തര ബിരുദം, ഡിപ്ലോമ, ബി.ടെക് യോഗ്യതയുള്ളവര്‍ക്ക് പങ്കെടുക്കാം.