കേരള ഓട്ടോമൊബൈല്‍ വര്‍ക്ക്ഷോപ്പ് തൊഴിലാളി ക്ഷേമനിധിയില്‍ അംഗങ്ങളായ തൊഴിലാളികള്‍ക്ക് കുടിശ്ശിക ഒടുക്കാനുള്ള കാലാവധി ജൂലൈ 31 വരെ നീട്ടിയതായി അഡി. ജില്ലാ എക്സിക്യൂട്ടീവ് അറിയിച്ചു. ഫോണ്‍:0497 2705197

ജില്ലാ പട്ടികവര്‍ഗ വികസന വകുപ്പിന് കീഴിലുള്ള മോഡല്‍  റസിഡന്‍ഷ്യല്‍ സ്‌കൂള്‍, പ്രീ മെട്രിക് ഹോസ്റ്റല്‍ എന്നിവിടങ്ങളിലേക്ക് ജൂലൈ ഒന്‍പതിന് നടത്താനിരുന്ന സ്റ്റുഡന്റ് കൗണ്‍സിലര്‍ അഭിമുഖം ജൂലൈ 10 ന് രാവിലെ 11 മണിയിലേക്ക് മാറ്റിയതായി പ്രൊജക്റ്റ് ഓഫീസര്‍ അറിയിച്ചു. ജില്ലാ ഐ ടി ഡി പി ഓഫീസിലാണ് അഭിമുഖം. ഫോണ്‍: 0497 700357

കേരള വനിതാ കമ്മീഷന്‍ സംഘടിപ്പിക്കുന്ന തിരുവനന്തപുരം ജില്ലാതല അദാലത്ത് 2025 ജൂലൈ 7, 8 തീയതികളില്‍ നടക്കും. തൈക്കാട് പിഡബ്ല്യുഡി റസ്റ്റ് ഹൗസ് ഹാളില്‍ രാവിലെ 10ന് ആരംഭിക്കുന്ന അദാലത്തിന് കേരള വനിതാ കമ്മീഷന്‍ ചെയര്‍പേഴ്‌സണും അംഗങ്ങളും നേതൃത്വം നല്‍കും. പുതിയ പരാതികളും അദാലത്തില്‍ സ്വീകരിക്കും.

ആക്കുളം പി.എം ശ്രീ കേന്ദ്രീയ വിദ്യാലയത്തില്‍ പ്ലസ് വണ്‍, പ്ലസ് ടു കോമേഴ്സ് സ്ട്രീമില്‍ ഏതാനും സീറ്റുകള്‍ ഒഴിവുണ്ട്. താത്പര്യമുള്ളവര്‍ ജൂലൈ 8ന് മുമ്പ് സ്‌കൂളുമായി ബന്ധപ്പെടുക. ഫോണ്‍: 0471-2441266, 2551366

കണ്ണൂര്‍ ഗവ. എഞ്ചിനീയറിങ്ങ് കോളജില്‍ പി.ടി.എ ഓഫീസിലേക്ക് ദിവസവേതന അടിസ്ഥാനത്തില്‍ ക്ലറിക്കല്‍ തസ്തികയിലേക്ക് അപേക്ഷ ക്ഷണിച്ചു. ബി.കോമും രണ്ടുവര്‍ഷ പ്രവൃത്തി  പരിചയവുമുള്ള ഉദ്യോഗാര്‍ത്ഥികള്‍ക്ക് അപേക്ഷിക്കാം. അപേക്ഷകര്‍ ജൂലൈ 10 ന് രാവിലെ 10 മണിക്ക് അസ്സല്‍ രേഖകള്‍ സഹിതം പ്രിന്‍സിപ്പല്‍ മുന്‍പാകെ അഭിമുഖത്തിന് എത്തണം. വെബ്സൈറ്റ്: www.gcek.ac.in, ഫോണ്‍: 04972780226 

കുടുംബശ്രീ ജില്ലാ മിഷൻ്റെ നേതൃത്വത്തിൽ ഫാം ലൈവ് ലീ ഹുഡ് മേഖലയിലെ  ജീവനക്കാർക്ക് ഏകദിന ശിൽപശാല നടത്തി. ഐഎഫ്‌സി, സിഡി എസ്, മെമ്പർ സെക്രട്ടറി, ഐഎഫ്സി ആങ്കർ, സീനിയർ സി.ആർ.പി, കൃഷി - മൃഗ സംരക്ഷണ വകുപ്പ് ഉദ്യോഗസ്ഥർ, സി.ഡി.എസ് അക്കൗണ്ടന്റുമാർ, ഡോമെയിൻ സി.ആർ.പിമാർക്കാണ് ശിൽപശാല സംഘടിപ്പിച്ച്ത്. ജില്ലാ മിഷൻ കോ-ഓർഡിനേറ്റർ പി.കെ ബാലസുബ്രഹ്മണ്യൻ ശിൽപശാല ഉദ്ഘാടനം ചെയ്തു. ഐ. എഫ്.സി പ്രവർത്തനങ്ങൾ സംബന്ധിച്ച്  കാഡ്സ്പ്രതിനിധി  മുഹയിമിൻ  ക്ലാസ് എടുത്തു.

 തരിയോട് ഗ്രാമ പഞ്ചായത്തിൽ വിദ്യാഭ്യാസ രംഗത്ത് നേട്ടങ്ങൾ കൈവരിച്ച  *വിദ്യാർത്ഥികളെ എം.എൽ.എ ടി സിദ്ദിഖ് അനുമോദിച്ചു. എസ്.എസ്.എൽ.സി, പ്ലസ് ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ വിദ്യാർത്ഥികൾ, എൽ.എസ്.എസ്, യു. എസ്.എസ്, എൻ.എം.എം.എസ് സ്കോളർഷിപ്പുകൾ കരസ്ഥമാക്കിയ വിദ്യാർത്ഥികൾ, എൻട്രൻസ് പരീക്ഷാ ജേതാക്കൾ, ഇൻസ്പെയർ അവാർഡ് ജേതാക്കൾ എന്നിവർക്ക് എം.എൽ.എ മൊമ്മൻ്റോ നൽകി. എസ്.എസ്.എൽ.സി പരീക്ഷയിൽ 100 ശതമാനം വിജയം നേടിയ ജി.എച്ച്. എസ്.എസ് തരിയോട്, തരിയോട് നിർമ്മല ഹൈസ്കൂൾ അധികൃതരെയും യോഗത്തിൽ അനുമോദിച്ചു.

സുഭിക്ഷ കഫെ സംസ്ഥാന സര്‍ക്കാർ നൽകുന്ന ഭക്ഷ്യ സുരക്ഷയുടെ മികച്ച മാതൃകയാണെന്ന് ഭക്ഷ്യ വകുപ്പ് മന്ത്രി ജി.ആര്‍ അനില്‍. തലശ്ശേരി സുഭിക്ഷ കഫെ സന്ദര്‍ശിച്ച ശേഷം  സംസാരിക്കുകയായിരുന്നു അദ്ദേഹം. സാധാരണക്കാരായ 250 പേര്‍ക്ക് ഉപയോഗിക്കാന്‍ പാകത്തിലാണ് സുഭിക്ഷ കഫെ ആരംഭിച്ചത്. എന്നാല്‍ ഇപ്പോള്‍  600 ഓളം പേരാണ് പ്രതിദിനം കഫെയില്‍ നിന്നും ഭക്ഷണം കഴിക്കുന്നത്. 

ഐ എച്ച് ആര്‍ ഡി കല്ല്യാശ്ശേരി ഇ.കെ നായനാര്‍ മെമ്മോറിയല്‍ മോഡല്‍ പോളിടെക്നിക്ക് കോളേജില്‍ ഇലക്ട്രോണിക്സ് ആന്‍ഡ് കമ്മ്യൂണിക്കേഷന്‍ എഞ്ചിനീയറിംഗ് കോഴ്സിലേക്ക് ജോലിക്കാരായ പ്രൊഫഷണലുകള്‍ക്ക് ലാറ്ററല്‍ എന്‍ട്രി വഴി മൂന്നാം സെമസ്റ്ററിലേക്ക് അപേക്ഷിക്കാം.എസ്എസ്എല്‍സി / പ്ലസ് ടു സയന്‍സ് (മാത്‌സ്, ഫിസിക്സ്, കെമിസ്ട്രി), വിഎച്ച്എസ്ഇ (മാത്‌സ്, ഫിസിക്സ്, കെമിസ്ട്രി), ഐ.ടി.ഐ എന്നിവയാണ് അടിസ്ഥാന യോഗ്യത. പങ്കെടുക്കാന്‍ താല്‍പര്യമുള്ളവര്‍ക്ക് ജൂലൈ ഒന്‍പത് വരെ അപേക്ഷിക്കാം. വെബ്‌സൈറ്റ്: www.polyadmission.org/wp. ഫോണ്‍: 8547005082, 8129642905

പട്ടികജാതി -പട്ടികവർഗ്ഗ - പിന്നാക്കക്ഷേമ വകുപ്പ് മന്ത്രി ഒ. ആർ കേളു ഇന്ന് (ജൂലൈ 7) ജില്ലയിലെ വിവിധ പരിപാടികൾ ഉദ്ഘാടനം ചെയ്യും. രാവിലെ 10 ന് കാട്ടിക്കുളം ഗവ ഹയർ സെക്കൻഡറി സ്കൂളിൽ നടക്കുന്ന വിജയോത്സവം, 11.30 ന്  പനമരം ഗ്രാമപഞ്ചായത്തിലെ  കുടിയോംവയൽ ജലസേചന പദ്ധതി ഉദ്ഘാടനം, ഉച്ചയ്ക്ക്

രണ്ടിന് പനമരം ഗ്രാമപഞ്ചായത്തിലെ  ചുണ്ടകുന്ന് എസ്.സി അംബേദ്ക്കർ ഗ്രാമം  പ്രവർത്തനോദ്ഘാടനം, വൈകിട്ട് മൂന്നിന്  എം.എൽ.എ ഫണ്ട് വിനിയോഗിച്ച് പനമരം ഗവ ഹയർസെക്കൻഡറി സ്കൂൾ നിർമ്മിച്ച സ്റ്റേജ് ഉദ്ഘാടനം എന്നിവ മന്ത്രി ഉദ്ഘാടനം ചെയ്യും.