ആലപ്പുഴ എംപ്ലോയബിലിറ്റി സെന്റർ മുഖേന സ്വകാര്യ സ്ഥാപനങ്ങളിലേക്ക് നിയമനം നടത്തുന്നു. 
അഭിമുഖം ജൂൺ 12 വെള്ളിയാഴ്ച രാവിലെ 9.30-ന് എംപ്ലോയബിലിറ്റി സെന്ററിൽ നടക്കും. ജില്ലയിൽ പ്രവർത്തിക്കുന്ന പ്രമുഖ സ്വകാര്യ സ്ഥാപനങ്ങളിലെ വിവിധ ഒഴിവുകളിലേക്കാണ് അഭിമുഖം.
പ്ലസ് ടു, ഡിഗ്രി, ഐ.ടി.ഐ / ഡിപ്ലോമ (ഓട്ടോമൊബൈൽ/മെക്കാനിക്കൽ/ഇലക്ട്രിക്കൽ/ഇലക്‌ട്രോണിക്സ്) യോഗ്യതയുള്ള, 18-നും 40-നും ഇടയിൽ പ്രായമുള്ള ഉദ്യോഗാർഥികൾക്ക് പങ്കെടുക്കാം. എംപ്ലോയബിലിറ്റി സെന്ററിൽ രജിസ്റ്റർ ചെയ്തവർക്കും അല്ലാത്തവർക്കും അവസരമുണ്ട്. ഉദ്യോഗാർഥികൾക്ക് അന്നേ ദിവസം സ്പോട്ട് രജിസ്ട്രേഷൻ ചെയ്യാം.

മലപ്പുറം ജില്ലാ സാമൂഹ്യ നീതി ഓഫീസിലെ ഔദ്യോഗിക ആവശ്യങ്ങള്‍ക്ക് ടാക്‌സി പെര്‍മിറ്റുള്ള എ.സി. വാഹനം വാടകക്ക് എടുക്കുന്നതിന് താത്പര്യമുള്ള വാഹന ഉടമകളില്‍ നിന്നും ടെന്‍ഡര്‍ ക്ഷണിച്ചു. ജില്ലാ സാമൂഹ്യനീതി ഓഫീസില്‍ ജൂണ്‍ 18 ന് ഉച്ചക്ക് 2.30 വരെ ടെന്‍ഡര്‍ സ്വീകരിക്കും. ഫോണ്‍- 0483- 2735324.

തൃക്കലങ്ങോട് ഗ്രാമപഞ്ചായത്ത് പരിധിയില്‍ സ്വകാര്യ സ്ഥാപനം ആരംഭിക്കുന്ന കരിങ്കല്‍ ക്വാറിയുടെ പാരിസ്ഥിതിക അനുമതിക്കായി നടത്തുന്ന പൊതുജന തെളിവെടുപ്പ് ജൂണ്‍ 30 ന് രാവിലെ 11 ന് മഞ്ചേരി മുന്‍സിപ്പല്‍ ടൗണ്‍ ഹാളില്‍ നടക്കും.

പറപ്പൂര്‍ ഗവ.ആയുര്‍വേദ ഡിസ്‌പെന്‍സറിയില്‍ വനിതകള്‍ക്ക് യോഗ പരിശീലനം നല്‍കുന്നതിന് ദിവസവേതനാടിസ്ഥാനത്തില്‍ യോഗ ഇന്‍സ്ട്രക്ടറെ നിയമിക്കുന്നതിന് അപേക്ഷ ക്ഷണിച്ചു. ബി.എന്‍.വൈ.എസ്.ബിരുദം/എം.എസ്.സി (യോഗ)/ എം.ഫില്‍ യോഗ/ തത്തുല്യ യോഗ്യത-യോഗ അസോസിയോഷന്‍/ സ്‌പോര്‍ട്‌സ് കൗണ്‍സില്‍ അംഗീകാരം അല്ലെങ്കില്‍ അംഗീകൃത സര്‍വകലാശാലയില്‍ നിന്നോ സര്‍ക്കാര്‍ വകുപ്പില്‍ നിന്നോ ഉള്ള ഒരു വര്‍ഷത്തില്‍ കുറയാതെ യോഗ കോഴ്‌സിലുള്ള സര്‍ട്ടിഫിക്കറ്റ്/ പി ജി ഡിപ്ലോമ.

കോട്ടക്കല്‍ ഗവ.വനിതാ പോളിടെക്നിക് കോളേജിലേക്ക് ദിവസ വേതനാടിസ്ഥാനത്തില്‍ ഡ്രൈവറെ നിയമിക്കുന്നതിനുള്ള അഭിമുഖം ജൂണ്‍ 17 ന് രാവിലെ 10 ന് നടക്കും. ഹെവി ഡ്രൈവിംഗ് ലൈസന്‍സും കൃത്യമായ മുന്‍പരിചയവും ഉള്ളവര്‍ക്ക് അപേക്ഷിക്കാം. യോഗ്യരായ ആളുകള്‍ സാധുതയുള്ള ഹെവി ഡ്രൈവിംഗ് ലൈസന്‍സ്, പോലീസ് ക്ലിയറന്‍സ് സര്‍ട്ടിഫിക്കറ്റ് എന്നിവ സഹിതം അഭിമുഖത്തില്‍ പങ്കെടുക്കണം. ഫോണ്‍- 9846422425.

മലപ്പുറം ജില്ലാ വികസന സമിതി യോഗം ജൂണ്‍ 27 ന് രാവിലെ 10.30 ന് ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ ചേരും.

തൃത്താല സര്‍ക്കാര്‍ ആര്‍ട്സ് ആന്‍ഡ് സയന്‍സ് കോളേജില്‍ 2024-25 അധ്യയന വര്‍ഷത്തില്‍ പഠനം പൂര്‍ത്തിയാക്കിയ ബിരുദ/ ബിരുദാനന്തര ബിരുദ വിദ്യാര്‍ഥികളില്‍ കോഷന്‍ ഡെപ്പോസിറ്റ് കൈപറ്റാത്തവര്‍ ജൂണ്‍ 15 നുള്ളില്‍ കോളെജ് ഓഫീസിലെത്തി തുക കൈപ്പറ്റണം. വിവരങ്ങള്‍ മെയിലിലും ഫോണിലും ലഭ്യമാണ്. ഫോണ്‍- 0466- 2270335.

മഞ്ചേരി പോസ്റ്റല്‍ ഡിവിഷന്റെ ആഭിമുഖ്യത്തില്‍ നടത്തുന്ന ഡിവിഷണല്‍ ഡാക് അദാലത്ത്  ജൂണ്‍ 16 ന് വൈകുന്നേരം മൂന്നിന് മഞ്ചേരി സൂപ്രണ്ട് ഓഫ് പോസ്റ്റ് ഓഫീസില്‍ നടക്കും. മഞ്ചേരി പോസ്റ്റല്‍ ഡിവിഷന് കീഴിലുള്ള വിവിധ സേവനങ്ങളുമായി ബന്ധപ്പെട്ട പൊതുജനങ്ങളുടെ പരാതികള്‍ അദാലത്തില്‍ ഉന്നയിക്കാം. പരാതികള്‍ സൂപ്രണ്ട് ഓഫ് പോസ്റ്റ് ഓഫീസസ്, മഞ്ചേരി ഡിവിഷന്‍, മഞ്ചേരി-676121 എന്ന വിലാസത്തില്‍ ജൂണ്‍ 15 നകം ലഭിക്കണം. കവറിന് മുകളില്‍ ഡിവിഷണല്‍ ഡാക് അദാലത്ത്-ജൂണ്‍ 2026 എന്ന് രേഖപ്പെടുത്തണം.

മലപ്പുറം നഗരസഭയില്‍ വാര്‍ഡ് 1, 7, 30, 38, 41 എന്നിവയില്‍ ആശാപ്രവര്‍ത്തകരെ നിയമിക്കുന്നതിനുള്ള അഭിമുഖം  ജൂണ്‍ 22 ന് രാവിലെ 10 ന് മലപ്പുറം മുന്‍സിപ്പല്‍ ഓഫീസില്‍  നടക്കും. പത്താം ക്ലാസ് പാസായ 25 നും  45 നുമിടയില്‍ പ്രായമുള്ള സ്ത്രീകള്‍ക്ക് അപേക്ഷിക്കാം. മുന്‍ ആശാപ്രവര്‍ത്തകര്‍, ആരോഗ്യമേഖലയില്‍ സന്നദ്ധ സേവനം നടത്തിയവര്‍ എന്നിവര്‍ക്ക് മുന്‍ഗണന. അതാത് വാര്‍ഡില്‍ സ്ഥിര താമസക്കാര്‍ ആയിരിക്കണം. സ്ഥിരതാമസക്കാര്‍ അപേക്ഷകരായി ഇല്ലെങ്കില്‍ മറ്റ് വാര്‍ഡുകളില്‍ നിന്നുള്ള അപേക്ഷകരെയും  പരിഗണിക്കും.

മലപ്പുറം ഗവ.ഗസ്റ്റ് ഹൗസ് കോംപൗണ്ടില്‍ മുറിച്ചു മാറ്റിയതും കടപുഴകി വീണതുമായ തേക്കുതടികള്‍ വില്പന നടത്തുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി ജൂണ്‍ 26 ഉച്ചക്ക് രണ്ടു വരെ. വിശദ വിവരങ്ങളും അപേക്ഷാ ഫോമും www.keralatourism.gov.in എന്ന വെബ്‌സൈറ്റില്‍ ലഭ്യമാണ്. ഫോണ്‍- 0483 2733504.