കേരള സർക്കാറിന്റെ കൈത്തറി പരിപോഷണ പദ്ധതിയുടെ ഭാഗമായി ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്ലൂം ടെക്നോളജി, കണ്ണൂർ ടെക്സ്‌റ്റൈൽസ് ഡിസൈനർമാർക്ക് തൊഴിലവസരമൊരുക്കുന്നു. നിഫ്റ്റ്/എൻ.ഐ.ഡി കളിൽ നിന്ന് ടെക്സ്‌റ്റൈൽ ഡിസൈനിംഗ് കോഴ്സ് വിജയിച്ചവർക്കും ഹാൻഡ്ലൂം ആന്റ് ടെക്സ്‌റ്റൈൽ ടെക്നോളജി, ഹാൻഡ്ലൂം ടെക്നോളജി എന്നിവയിൽ ഡിഗ്രി/ ഡിപ്ലോമ ലെവൽ കോഴ്സ് വിജയിച്ചവർക്കും അപേക്ഷിക്കാം. മൂന്ന് മുതൽ അഞ്ച് വരെ വർഷം ടെക്സ്‌റ്റൈൽ ഡിസൈനിംഗിൽ പ്രവൃത്തിപരിചയം അഭികാമ്യം. നിയമനം താൽക്കാലികമായി പ്രൊജക്ട് അടിസ്ഥാനത്തിൽ. അപേക്ഷകൾ തപാൽ വഴിയോ, നേരിട്ടോ സമർപ്പിക്കാം. ഇ-മെയിൽ വഴിയുള്ള അപേക്ഷകൾ പരിഗണിക്കുന്നതല്ല.

കേരള റോഡ് ഫണ്ട് ബോർഡ് പി.എം.യു കണ്ണൂർ ഡിവിഷനിലെ കാവിൻമുനമ്പ് പാലം, പഴയങ്ങാടി പാലം, തീരദേശ ഹൈവേയിൽ പാലക്കോട് മുതൽ കുന്നരു വരെയുള്ള റോഡ് നിർമ്മാണപ്രവൃത്തിയുമായി ബന്ധപ്പെട്ട് തീരദേശ പരിപാലനനിയമ പ്രകാരമുള്ള പഠനങ്ങൾ നടത്തുന്നതിനായി അംഗികൃത ഏജൻസികളിൽ നിന്നും സീൽചെയ്ത ക്വട്ടേഷൻ ക്ഷണിച്ചു. ക്വട്ടേഷൻ ജൂലൈ 10 നു വൈകിട്ട് മൂന്നുമണിക്കകം താണ എം.കെ.സൺസ് ബിൽഡിങ്ങിൽ പ്രവർത്തിക്കുന്ന കെ.ആർ.എഫ്.ബി-പി.എം.യു എക്‌സിക്യൂട്ടീവ് എൻജിനീയറുടെ ഓഫീസിൽ ലഭിക്കണം. ഫോൺ: 9447449567, 9947338978

കൊയിലാണ്ടി പഴയ മാര്‍ക്കറ്റ്-ഹാര്‍ബര്‍-വലിയമങ്ങാട് റോഡിലെ വെള്ളക്കെട്ട് പരിഹരിക്കുന്നതിനുള്ള പ്രവൃത്തി രണ്ടാഴ്ചക്കകം തുടങ്ങുമെന്ന് അധികൃതര്‍ അറിയിച്ചു. കാനത്തില്‍ ജമീല എംഎല്‍എയുടെ ഇടപെടലിനെ തുടര്‍ന്ന് എസ്റ്റിമേറ്റില്‍ മാറ്റം വരുത്തി വെള്ളക്കെട്ടുള്ള ഭാഗങ്ങളില്‍ കോണ്‍ക്രീറ്റ് ചെയ്യാനാണ് തീരുമാനം. 

ലിക്വിഡേഷനിലുള്ള കണ്ണൂർ ജില്ല എൻജിനിയറിങ് ആൻഡ് ലേബർ കോൺട്രാക്ട് സഹകരണ സംഘം ലിക്വിഡേറ്ററുടെ  കൈവശമുള്ള മൂന്ന് റോഡ് റോളറുകൾ  ജൂലൈ 19ന് രാവിലെ 11 മണിക്ക് കക്കാട് റോഡിലെ പാലക്കാടൻ സ്വാമി മഠത്തിന് സമീപത്തുള്ള കണ്ണൂർ സഹകരണ സംഘം അസി. റജിസ്ട്രാർ (ജനറൽ) ഓഫീസിൽ വച്ച് പരസ്യമായി ലേലം ചെയ്ത് വിൽക്കുന്നു. ഫോൺ: 9497842110.

മാനന്തവാടി ഐ.സി.ഡി.എസ് പ്രോജക്ട് പരിധിയിലെ മാനന്തവാടി നഗരസഭ, തിരുനെല്ലി, തവിഞ്ഞാല്‍ ഗ്രാമപഞ്ചായത്തുകളിലെ 131 അങ്കണവാടികളില്‍ പാല്‍, കോഴിമുട്ട വിതരണം ചെയ്യാന്‍ താത്പര്യമുള്ള വ്യക്തികള്‍, സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ടെന്‍ഡറുകള്‍ ജൂലൈ 21 ന് ഉച്ചയ്ക്ക് 12 വരെ മാനന്തവാടി തലശ്ശേരി റോഡില്‍ പ്രവര്‍ത്തിക്കുന്ന ഐ.സി.ഡി.എസ് പ്രോജക്ട് ഓഫീസില്‍ സ്വീകരിക്കും. ഫോണ്‍ - 04935 240324.

വളപട്ടണം ഗവ. ഹയർ സെക്കണ്ടറി സ്‌കൂളിൽ ഹയർ സെക്കൻഡറി വിഭാഗത്തിൽ എച്ച്എസ്എസ്ടി ജൂനിയർ ബോട്ടണി താൽക്കാലിക അധ്യാപക ഒഴിവിലേക്ക് ജൂലൈ എട്ടിന് രാവിലെ 11 മണിക്ക് അഭിമുഖം നടത്തുന്നു. ഉദ്യോഗാർഥികൾ അസ്സൽ സർട്ടിഫിക്കറ്റുകളുമായി സ്‌കൂളിൽ നേരിട്ട് ഹാജരാവണം. ഫോൺ: 0497 2930088

 കോഴിക്കോട് സാമൂഹ്യ വനവത്കരണ വിഭാഗം, സോഷ്യല്‍ ഫോറസ്ട്രി ഡിവിഷന്‍, സോഷ്യല്‍ ഫോറസ്ട്രി റേഞ്ച് എന്നിവയുടെ നേതൃത്വത്തില്‍ വനമഹോത്സവത്തിന്റെ ഭാഗമായി കോഴിക്കോട് ഗോകുലം മാളില്‍ വനസംരക്ഷണ ബോധവത്കരണ ദൃശ്യാവിഷ്‌കാരം നടത്തി. പറോപ്പടി സില്‍വര്‍ ഹില്‍സ് സ്‌കൂള്‍ കുട്ടികളുടെ സഹകരണത്തോടെ നടത്തിയ പരിപാടി ഉത്തരമേഖല സാമൂഹ്യ വനവത്കരണ വിഭാഗം കണ്‍സര്‍വേറ്റര്‍ ആര്‍ കീര്‍ത്തി ഉദ്ഘാടനം ചെയ്തു. സോഷ്യല്‍ ഫോറസ്ട്രി എക്സ്റ്റന്‍ഷന്‍ ഡിവിഷന്‍ അസി. കണ്‍സര്‍വേറ്റര്‍ എ പി ഇംതിയാസ്, സാമൂഹ്യ വനവത്കരണ വിഭാഗം ഡിവിഷന്‍ അസി.

പട്ടികവര്‍ഗ്ഗ വികസന വകുപ്പിന് കീഴില്‍ കല്ലൂരില്‍ പ്രവര്‍ത്തിക്കുന്ന രാജീവ്ഗാന്ധി മോഡല്‍ റസിഡന്‍ഷല്‍ സ്‌കൂളിലെ വിദ്യാര്‍ത്ഥികള്‍ക്ക് ചെരുപ്പ് വിതരണം ചെയ്യാന്‍ താത്പര്യമുള്ള വ്യക്തികള്‍, അംഗീകൃത സ്ഥാപനങ്ങളില്‍ നിന്നും ടെന്‍ഡര്‍ ക്ഷണിച്ചു. ഒന്ന് മുതല്‍ പ്ലസ്ടു വരെ പഠിക്കുന്ന 463 വിദ്യാര്‍ത്ഥികള്‍ക്കാണ് ചെരുപ്പ് വിതരണം ചെയ്യേണ്ടത്. താത്പര്യമുള്ളവര്‍ സീനിയര്‍ സൂപ്രണ്ട്, രാജീവ്ഗാന്ധി മോഡല്‍ റസിഡന്‍ഷല്‍ സ്‌കൂള്‍, നൂല്‍പ്പുഴ, കല്ലൂര്‍ പി.ഒ, വയനാട് 673592 വിലാസത്തില്‍ ജൂലൈ 10 ന് ഉച്ചയ്ക്ക് 12 നകം ടെന്‍ഡര്‍ നല്‍കണം. ഫോണ്‍ - 04936 270139.

പുത്തൂര്‍വയല്‍ എസ്.ബി.ഐയില്‍ ബേക്കറി നിര്‍മ്മാണത്തില്‍ സൗജന്യ തൊഴില്‍ പരിശീലനം നല്‍കുന്നു. ജൂലൈ ഏഴിന് ആരംഭിക്കുന്ന പരിശീലന പരിപാടിയിലേക്ക് 18-45 നുമിടയില്‍ പ്രായമുള്ള യുവതീ -യുവാക്കള്‍ക്ക് അപേക്ഷിക്കാം. ഫോണ്‍- 7012992238, 8078711040.

തലക്കുളത്തൂര്‍ ഗ്രാമപഞ്ചായത്തും കൃഷിഭവനും ചേര്‍ന്ന് സംഘടിപ്പിച്ച ഞാറ്റുവേല ചന്തക്ക് പറമ്പത്ത് ആര്‍എകെഎം സ്‌കൂള്‍ ഗ്രൗണ്ടില്‍ തുടക്കമായി. ജൂലൈ ആറ് വരെയാണ് ചന്ത നടക്കുക. കര്‍ഷക്കാര്‍ക്കായി വിവിധയിനം ഫലവൃക്ഷത്തൈകള്‍, കമുകിന്‍ തൈകള്‍, കുറ്റികുരുമുളക് എന്നിവ വില്‍പനക്കൊരുക്കിയിട്ടുണ്ട്.