പോസ്റ്റല്‍ വോട്ട് ചെയ്തത് 18,368 പേര്‍ 

നിയമസഭ തിരഞ്ഞെടുപ്പില്‍ ജില്ലയില്‍ വോട്ട് ചെയ്തത് 81.35 ശതമാനം പേര്‍. എല്ലാ പോളിങ് സ്‌റ്റേഷനിലെയും അന്തിമ വോട്ടുനില ലഭ്യമായപ്പോള്‍ കുന്ദമംഗലം മണ്ഡലത്തിലാണ് ഏറ്റവും കൂടുതല്‍ പോളിങ് രേഖപ്പെടുത്തിയത്. 84.83 ശതമാനം പേര്‍ ഇവിടെ വോട്ട് ചെയ്തു. 83.77 ശതമാനം പേര്‍ വോട്ട് ചെയ്ത ബേപ്പൂരാണ് രണ്ടാമത്. കൊയിലാണ്ടിയിലാണ് ഏറ്റവും കുറവ് പോളിങ് -79.44 ശതമാനം. നാദാപുരം (79.46), വടകര (79.51) എന്നീ മണ്ഡലങ്ങളാണ് 80 ശതമാനത്തില്‍ കുറവ് പോളിങ് രേഖപ്പെടുത്തിയ മറ്റു മണ്ഡലങ്ങള്‍.

1960166 പേര്‍ വോട്ട് രേഖപ്പെടുത്തി
 
നിയമസഭാ തിരഞ്ഞെടുപ്പില്‍ തിരുവനന്തപുരം ജില്ലയില്‍  77.03 ശതമാനം പോളിംഗ്  രേഖപ്പെടുത്തി.   1960166 പേരാണ് വോട്ട് രേഖപ്പെടുത്തിയത്. ജില്ലയിലെ ആകെ വോട്ടര്‍മാരുടെ എണ്ണം 2544574  ആണ്.

ജില്ലയിലാകെയുള്ള 1213858 പുരുഷ വോട്ടര്‍മാരില്‍ 918082 പേരും  1330664 സ്ത്രീ വോട്ടര്‍മാരില്‍  പേരും 1042061 പേരും
 52 ട്രാന്‍സ്‌ജെന്‍ഡര്‍ വോട്ടര്‍മാരില്‍ 23 പേരും  വോട്ട് രേഖപ്പെടുത്തി.

ഏറ്റവും കൂടുതല്‍ വോട്ടുകൾ രേഖപ്പെടുത്തിയത് കാട്ടാക്കട മണ്ഡലത്തിലാണ്. 80.72 ശതമാനം.

ചേര്‍ത്തല - മാരാരിക്കുളം റെയില്‍വേ സ്റ്റേഷനുകള്‍ക്കിടയിലുള്ള ലെവല്‍ ക്രോസ് നമ്പര്‍ 42 (തിരുവിഴ ടെമ്പിള്‍ ഗേറ്റ്) ഏപ്രിൽ 12 വൈകിട്ട് ആറ് മുതൽ 13ന് രാവിലെ ആറ് വരെ  അടിയന്തര അറ്റകുറ്റപ്പണികള്‍ക്കായി  അടച്ചിടും. വാഹനങ്ങള്‍ തൊട്ടടുത്തുള്ള ലെവല്‍ ക്രോസ് നമ്പര്‍ 43 (കണിച്ചുകുളങ്ങര ഗേറ്റ്) വഴി പോകണം.

* ആറ്റിങ്ങലിന് സമീപത്തുനിന്ന് 600 ലധികം സിലിണ്ടറുകൾ പിടിച്ചെടുത്തു

            ഏപ്രിൽ 14 ന് വൈകിട്ട് 4 ന് അംബേദ്കർ ജയന്തി ദിനത്തിൽ ജസ്റ്റിസ് ദേവൻ രാമചന്ദ്രൻ ലോക് ഭവനിൽ ക്ഷണിക്കപ്പെട്ട സദസിനെ അഭിസംബോധന ചെയ്യും. ഗവർണർ രാജേന്ദ്ര വിശ്വനാഥ് ആർലേക്കർ അധ്യക്ഷത വഹിക്കും.

കേരള ഹൈക്കോടതിയുടെ ഉപയോഗത്തിനായി  'പീജിയൻ ഹോൾ റാക്ക്'  വിതരണം ചെയ്യുന്നതിന് താല്പര്യമുള്ള വ്യക്തികളിൽ നിന്നും സ്ഥാപനങ്ങളിൽ നിന്നും മുദ്രവച്ച ക്വട്ടേഷനുകൾ ക്ഷണിച്ചു.
ക്വട്ടേഷനുകൾ ഏപ്രിൽ 17 ഉച്ചക്ക് രണ്ടിനകം ലഭിക്കണം.  ഫോൺ: 04842562436

തൃപ്പൂണിത്തുറ ഗവൺമെന്റ് ആയുർവേദ കോളേജിൽ മെഡിക്കൽ ഓഫീസർ തസ്തികയിലേക്ക് താൽക്കാലിക നിയമനം നടത്തും. ഓണറേറിയം അടിസ്ഥാനത്തിൽ ഒരു വർഷത്തേക്കാണ് നിയമനം. എം.ബി.ബി.എസ് ബിരുദമുള്ള ഉദ്യോഗാർത്ഥികൾക്കായി മെയ് 6 ന് കോളേജ് പ്രിൻസിപ്പാളിന്റെ ഓഫീസിൽ വെച്ച് വാക്ക്-ഇൻ ഇന്റർവ്യൂ നടക്കും.
​താൽപ്പര്യമുള്ളവർ അന്നേ ദിവസം രാവിലെ 11 മണിക്ക് വിദ്യാഭ്യാസ യോഗ്യത, ജനനത്തീയതി, പ്രവൃത്തിപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും അവയുടെ പകർപ്പുകളും സഹിതം ഹാജരാകണം. 
 

തിരഞ്ഞെടുപ്പ് ബോധവൽക്കരണത്തിന്റെ ഭാഗമായി ജില്ലാ ഭരണകൂടവും സ്വീപ് എറണാകുളവും സംഘടിപ്പിച്ച റീൽ മത്സരത്തിലെ വിജയികൾക്കുള്ള സമ്മാനദാനം നിർവഹിച്ചു. 

കെ.വി മുഹമ്മദ് ജെറീസ്, അധീനോ ദ്രാവിഡ് , ഹാരിസ് അഹ്‌മദ് എന്നിവരുടെ ടീം ഒന്നാം സ്ഥാനം കരസ്ഥമാക്കി.  എം സജിതയ്ക്കാണ് രണ്ടാം സ്ഥാനം. 

ഒന്നാം സ്ഥാനക്കാർക്ക് 10000 രൂപയും സർട്ടിഫിക്കറ്റും ആയിരുന്നു സമ്മാനം. രണ്ടാം സ്ഥാനത്തിന് 5000 രൂപയും സർട്ടിഫിക്കറ്റും ലഭിച്ചു. 

ഔദ്യോഗിക വസതിയിൽ നടന്ന ചടങ്ങിൽ ജില്ലാ കളക്ടർ ജി പ്രിയങ്ക സമ്മാനദാനം നിർവഹിച്ചു.  സഹകരണ വകുപ്പ് ഡെപ്യൂട്ടി രജിസ്ട്രാർ  ഇന്ദു എസ് ശങ്കരി പങ്കെടുത്തു.