ഗോത്ര സമഗ്ര വികസന പദ്ധതിയുടെ ഭാഗമായി നൂൽപ്പുഴ ഗ്രാമപഞ്ചായത്തിലെ ബാലസഭ അംഗങ്ങൾക്കായി കുടുംബശ്രീ ജില്ലാ മിഷന്റെ നേതൃത്വത്തിൽ സങ്കറ ദ്വിദിന ക്യാമ്പ് സംഘടിപ്പിച്ചു. നൂൽപുഴ ഗ്രാമ പഞ്ചായത്തിലെ 53 ബാലസഭകളിലെ പ്രസിഡന്റ്, സെക്രട്ടറിമാർക്കായി സുൽത്താൻ ബത്തേരി അധ്യാപക ഭവനിൽ സംഘടിപ്പിച്ച ക്യാമ്പ് നൂൽപ്പുഴ ഗ്രാമ പഞ്ചായത്ത് പ്രസിഡന്റ് എം.കെ ജയ ഉദ്ഘാടനം ചെയ്തു. പദ്ധതി കോ-ഓർഡിനേറ്റർ ടി.വി സായി കൃഷ്ണൻ അധ്യക്ഷനായി. ബ്ലോക്ക് കോ-ഓർഡിനേറ്റർ ബബിത, ആനിമേറ്റർ കോ-ഓർഡിനേറ്റർ ബാബു, കെ.പ്രതീഷ്, ആനിമേറ്റർമാർ, ബ്രിഡ്ജ് കോഴ്സ് മെന്റർമാർ എന്നിവർ പങ്കെടുത്തു.

 ഗോത്ര വിഭാഗ സമഗ്ര വികസന പദ്ധതിയുടെ ഭാഗമായി മുട്ടിൽ ഗ്രാമപഞ്ചായത്തിലെ ബാലസഭ അംഗങ്ങൾക്കായി കുടുംബശ്രീ ജില്ലാ മിഷന്റെ നേതൃത്വത്തിൽ ഏങ്കള ആട്ട ഏകദിന പരിശീലന പരിപാടി സംഘടിപ്പിച്ചു. 21 വാർഡുകളിലെ 31 ബാലസഭകളിലെ 120 കുട്ടികൾക്കാണ് ഏകദിന ശില്പശാല നടത്തിയത്. മുട്ടിൽ പഞ്ചായത്ത് പ്രസിഡന്റ്‌ സി.പി രഞ്ജിത്ത് ഉദ്ഘാടനം ചെയ്തു. ബാലസഭ കുട്ടികളിൽ ഉണ്ടാക്കുന്ന മാറ്റങ്ങൾ, കുട്ടികൾ ഒരുമിച്ചുകൂടേണ്ടതിൻ്റെ ആവശ്യകത എന്നിവ അദ്ദേഹം കുട്ടികൾക്ക് മുന്നിൽ അവതരിപ്പിച്ചു.

41-ാമത് സംസ്ഥാന ടെക്‌നിക്കൽ ഹൈസ്‌കൂൾ കായിക മേള സമാപിച്ചു. പാലക്കാട് ഗവ ടെക്‌നിക്കൽ ഹൈസ്‌കൂൾ 79 പോയിന്റുകളോടെ ഓവറോൾ ചാമ്പ്യന്മാരായി. എം.കെ ജിനചന്ദ്രൻ മെമ്മോറിയൽ ജില്ലാ സ്റ്റേഡിയത്തിൽ നടന്ന മേളയുടെ സമാപന പരിപാടി ജില്ലാ പഞ്ചായത്ത്‌ പ്രസിഡന്റ്‌ ചന്ദ്രിക കൃഷ്ണൻ ഉദ്ഘാടനം ചെയ്തു. മാനന്തവാടി ഗവ ടെക്നിക്കൽ ഹൈസ്കൂളാണ് കായിക മേളയ്ക്ക് ആതിഥേയത്വം വഹിച്ചത്.

വെള്ളമുണ്ട ഇലക്ട്രിക്കൽ സെക്ഷൻ പരിധിയിൽ ദ്വാരക പോളിടെക്നിക്, ആലഞ്ചേരി, അത്തിക്കൊല്ലി, മല്ലിശ്ശേരികുന്ന് എന്നി ട്രാൻസ്‌ഫോർമറുകളിൽ ഇന്ന് (ജനുവരി 12) വൈദ്യുതി വിതരണം ഭാഗികമായി തടസപ്പെടും.

ജില്ലാ ഭരണകൂടത്തിന്റെ നേതൃത്വത്തിൽ സാമൂഹ്യനീതി വകുപ്പ്, സാമൂഹ്യസുരക്ഷ മിഷൻ, എഫ്.എ.സി.ടി കമ്പനിയുടെ സി.എസ്.ആർ ഇനിഷ്യേറ്റീവ് പ്രോഗ്രാം എന്നിവയുടെ സഹകരണത്തോടെ ശാരീരിക പരിമിതി മറികടക്കുന്നതിനായി അലിംകോ അധിപ് പദ്ധതി മുഖേനെ ഭിന്നശേഷിക്കാർക്ക് വിവിധ സഹായ ഉപകരണങ്ങൾ ലഭ്യമാക്കുന്നതിന് സ്ക്രീനിങ് ക്യാമ്പ് സംഘടിപ്പിക്കുന്നു.

നീലേശ്വരം ബ്ലോക്ക് പഞ്ചായത്ത് പരിധിയിലെ സിറ്റിസൺ റെസ്പോൺ സ്പ്രോഗ്രാം വളണ്ടിയർമാർക്കുള്ള പരിശീലനം ഇന്ന് (12) രാവിലെ 10 ന്ചെറുവത്തൂർ  ഗ്രാമപഞ്ചായത്ത് ഹാളിൽ നടക്കും

ദേശീയ ദുരന്തനിവാരണ അതോറിറ്റിയുടെ (NDMA) ആഭിമുഖ്യത്തിൽ എൻ.സി.സി കേഡറ്റുകൾക്കായി സംഘടിപ്പിച്ച ‘യുവ ആപ്ദ മിത്ര’ പ്രത്യേക ദുരന്തനിവാരണ പരിശീലന പരിപാടി സമാപിച്ചു. കോഴിക്കോട് 30 (കേരള) എൻ.സി.സി ബറ്റാലിയൻ സംഘടിപ്പിച്ച 10 ദിവസത്തെ വാർഷിക പരിശീലന ക്യാമ്പിന്റെ ഭാഗമായാണ് ഏഴുദിവസത്തെ തീവ്ര പരിശീലനം സംഘടിപ്പിച്ചത്.

ദേശീയ ദുരന്തനിവാരണ അതോറിറ്റിയുടെ 'യുവ ആപ്ദ മിത്ര' പദ്ധതിയുടെ ഭാഗമായി എൻ.എസ്.എസ് വളണ്ടിയർമാർക്കായി സംഘടിപ്പിക്കുന്ന പ്രത്യേക ദുരന്തനിവാരണ പരിശീലന പരിപാടിക്ക് തുടക്കമായി. കോഴിക്കോട് എരഞ്ഞിപ്പാലം നവജ്യോതി റിനീവൽ സെന്ററിൽ ആരംഭിച്ച പരിശീലനം കോഴിക്കോട് കോർപറേഷൻ മേയർ ഒ സദാശിവൻ ഉദ്ഘാടനം ചെയ്തു. ഡിസാസ്റ്റർ മാനേജ്മെന്റ് ഡെപ്യൂട്ടി കലക്ടർ എം രേഖ മുഖ്യപ്രഭാഷണം നടത്തി. ക്യാമ്പ് നോഡൽ ഓഫീസർ ഡോ. സുരേഷ് പുത്തൻപറമ്പിൽ അധ്യക്ഷനായി. 

ഹരിതകേരളം മിഷൻ ഫെബ്രുവരിയിൽ തിരുവനന്തപുരത്ത് സംഘടിപ്പിക്കുന്ന ദേശീയ പരിസ്ഥിതി സമ്മേളനത്തിന്റെ മുന്നോടിയായി ഹൈസ്കൂൾ, ഹയർസെക്കൻഡറി, കോളേജ് വിദ്യാർത്ഥികൾക്കായി ഉപന്യാസ രചന മത്സരം സംഘടിപ്പിച്ചു. ഗവ. പോളിടെക്നിക് കോളേജിൽ നടന്ന മത്സരം ജില്ലാ ഇൻഫർമേഷൻ ഓഫീസർ സി പി അബ്ദുൽ കരീം ഉദ്ഘാടനം ചെയ്തു. ഹരിതകേരളം മിഷൻ ജില്ലാ കോഓഡിനേറ്റർ ഷാജി എം സ്റ്റീഫൻ ആമുഖാവതരണം നടത്തി. പരിസ്ഥിതി സമ്മേളനം സംബന്ധിച്ച് ടെക്നിക്കൽ അസിസ്റ്റന്റ് വിവേക് സംസാരിച്ചു. 

ജില്ലയിലെ അവശേഷിക്കുന്ന നിരക്ഷരരെ കൂടി സാക്ഷരരാക്കി പരിപൂർണ്ണ സാക്ഷരതയിൽ എത്തിക്കുമെന്ന് ജില്ലാ പഞ്ചായത്ത് പ്രസിഡന്റ് മില്ലി മോഹൻ കൊട്ടാരത്തിൽ. സാക്ഷരതാമിഷൻ നടത്തുന്ന കേന്ദ്രാവിഷ്കൃത സാക്ഷരതാ പദ്ധതിയായ ഉല്ലാസ് പദ്ധതിയുടെ പരീക്ഷാ മുന്നൊരുക്ക യോഗം ഉദ്ഘാടനം ചെയ്യുകയായിരുന്നു പ്രസിഡന്റ്. ജില്ലയിൽ 30 തദ്ദേശ സ്ഥാപനങ്ങളിലാണ് ​ഉല്ലാസ് പദ്ധതി നടക്കുന്നത്. പദ്ധതിയുടെ ഭാഗമായി കണ്ടെത്തിയ പഠിതാക്കൾക്കുള്ള മികവുത്സവം സാക്ഷരതാ പരീക്ഷ ജനുവരി 25ന് നടക്കും.