കേരള സ്റ്റേറ്റ് ഇലക്ട്രിസിറ്റി ലൈസൻസിംഗ് ബോർഡ് നടത്തുന്ന ഇലക്ട്രിക്കൽ വയർമാൻ എഴുത്തു പരീക്ഷ  ജൂൺ 13ന് നടക്കും. ആലപ്പുഴ ഗവ. മുഹമ്മദൻസ് ഗേൾസ് ഹൈസ്കൂളിലാണ് പരീക്ഷ.പരീക്ഷയുടെ ഹാൾ ടിക്കറ്റ് samraksha.ceikerala.gov.in എന്ന വെബ്‌സൈറ്റിൽ നിന്നും ഡൗൺലോഡ് ചെയ്ത് പ്രിന്റ് എടുക്കേണ്ടതാണ്. പരീക്ഷാ സമയത്ത് ഹാൾ ടിക്കറ്റും, അതോടൊപ്പം അപേക്ഷയോടൊപ്പം സമർപ്പിച്ചിരുന്ന തിരിച്ചറിയൽ രേഖയുടെ അസ്സലും  നിർബന്ധമായും ഹാജരാക്കണം.ഫോൺ : 0477-2962229.

(പി ആർ/ എ എൽ പി/ 1109)

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി, പ്രധാനമന്ത്രി ആവാസ് യോജന (ഗ്രാമീൺ) ഭവനപദ്ധതി എന്നിവ സംബന്ധിച്ച പരാതികൾ പരിഹരിക്കുന്നതിനായി മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഒംബുഡ്സ്പേഴ്‌സൺ  എം.എസ്   അബ്ദുൾ കലാം ആസാദ് സിറ്റിംഗ് നടത്തും.

ജൂൺ 11 ന് വ്യാഴാഴ്ച രാവിലെ 11 മണി മുതൽ മാവേലിക്കര ബ്ലോക്ക് ഓഫീസിലാണ് സിറ്റിംഗ്.
ഈ ബ്ലോക്ക് പരിധിയിൽ ഉൾപ്പെട്ട ഗ്രാമപഞ്ചായത്തുകളിലെ തൊഴിലുറപ്പ് പദ്ധതി, പി.എം.എ.വൈ(ജി) പദ്ധതി എന്നിവയുമായി ബന്ധപ്പെട്ട പരാതികൾ പൊതുജനങ്ങൾക്ക് നേരിട്ടോ രേഖാമൂലമോ സമർപ്പിക്കാം. 

(പി ആർ/ എ എൽ പി/ 1108

ആദ്യപാഠം ആരോഗ്യപാഠം ക്യാമ്പയിന്റെ ഭാഗമായി ആരോഗ്യവകുപ്പ് ജില്ലയിലെ സ്കൂളുകളിൽ നടപ്പിലാക്കുന്ന കരശുചിത്വ കരുതൽ വിദ്യാലയങ്ങൾ പരിപാടിയുടെ ലോഗോ പ്രകാശനം ജില്ലാ കളക്ടർ ഷാജി വി നായർ നിർവഹിച്ചു. 

പ്ലസ് ടു വരെ പഠിക്കുന്ന വിദ്യാർഥികൾക്ക് സ്കൂൾ യൂണിഫോമിന്റെ അടിസ്ഥാനത്തിൽ കൺസഷൻ അനുവദിക്കാൻ തീരുമാനം. 

ചൊവ്വാഴ്ച കളക്ടറേറ്റ് കോൺഫറൻസ് ഹാളിൽ ചേർന്ന 2026 ലെ ജില്ലാതല സ്റ്റുഡന്റ്സ് ട്രാവൽ ഫെസിലിറ്റി കമ്മിറ്റി യോഗത്തിലാണ് തീരുമാനം.

​പ്രൈവറ്റ് ബസുകളിൽ വിദ്യാർഥികൾക്ക് ഞായറാഴ്‌ച ഒഴികെ ആഴ്‌ചയിൽ ആറ് ദിവസവും (തിങ്കളാഴ്ച മുതൽ ശനിയാഴ്‌ച വരെ) കൺസഷൻ അനുവദിക്കണമെന്നും കൺസഷൻ നൽകാത്ത ബസുകൾക്കെതിരെ നടപടിയെടുക്കുമെന്നും യോഗം അറിയിച്ചു.

 
ആലപ്പുഴ കെ എസ് ഇ ബി  ലിമിറ്റഡ്  ഇലക്ട്രിക്കൽ സർക്കിൾ പരിധിയിലെ ആലപ്പുഴ, ചേർത്തല ഡിവിഷനുകളിലെ മഴക്കാലത്തെ വൈദ്യുതിയുമായി ബന്ധപ്പെട്ട  പ്രശ്നങ്ങൾ പരിഹരിക്കുന്നതിനായി 
കൺട്രോൾ റൂംപ്രവർത്തനം ആരംഭിച്ചു. 

പ്രതികൂല കാലാവസ്ഥയെ തുടർന്നുണ്ടാകുന്ന വൈദ്യുതി തടസ്സവും  അപകടങ്ങളും തുടർച്ചയായി നിരീക്ഷിക്കുന്നതിനും അടിയന്തരമായി പരിഹരിക്കുന്നതിനുമായിട്ടാണ് ഈ സംവിധാനം ആരംഭിച്ചത്. 

ആലപ്പുഴ ജില്ലാതല ഐ.സി.ഡി.എസ്. സെല്ലിലെ ഔദ്യോഗിക ആവശ്യങ്ങൾക്ക് ജൂലൈ ഒന്ന് മുതൽ 2027 ജൂൺ 30 വരെ ഉപയോഗിക്കുന്നതിനായി പ്രതിമാസം പരമാവധി 1500 കിലോമീറ്റർ ദൂരത്തേക്ക് 28,000 രൂപ നിരക്കിൽ വാഹനം വാടകയ്ക്ക് (ഡ്രൈവറില്ലാതെ വാഹനം മാത്രം) നൽകുന്നതിനായി ടെൻഡറുകൾ ക്ഷണിച്ചു. ടെൻഡറുകൾ സമർപ്പിക്കുന്നതിനുള്ള അവസാന തീയതി ജൂൺ 19 ഉച്ചയ്ക്ക് രണ്ട് മണി. ഫോൺ: 0477-2251200. വിലാസം- ജില്ലാതല ഐ.സി.ഡി.എസ്. സെൽ, തോട്ടുങ്കൽ പ്ലാസ, കിടങ്ങാംപറമ്പ്, ആലപ്പുഴ-688013

(പി ആർ/ എ എൽ പി/ 1106)

ഒ.ഇ.സി. പ്രീമെട്രിക്  വിദ്യാഭ്യാസ ആനുകൂല്യ പദ്ധതിക്ക്  പിന്നാക്ക വിഭാഗ വികസന വകുപ്പ് അപേക്ഷ ക്ഷണിച്ചു. സംസ്ഥാനത്തെ സർക്കാർ/എയ്‌ഡഡ്‌/അംഗീകൃത അൺ എയ്‌ഡഡ്‌/ സി.ബി.എസ്.ഇ.- ഐ.സി.എസ്.ഇ. അഫിലിയേറ്റഡ് സ്‌കൂളുകളിൽ ഒന്ന്   മുതൽ 10  വരെയുള്ള ക്ലാസുകളിൽ പഠിക്കുന്ന ഒ.ഇ.സി./ഒ.ബി.സി. (എച്ച്) വിദ്യാഭ്യാസാനുകൂല്യത്തിന് അർഹരായ  വിദ്യാർഥികൾക്ക്  ഇ-ഗ്രാന്റ്സ് മുഖേന വിദ്യാഭ്യാസാനുകൂല്യം അനുവദിക്കുന്നതാണ് പദ്ധതി.

  മലയോര മേഖലകളില്‍ കുത്തനെയുള്ള ചരിവുകളില്‍ കെട്ടിടങ്ങള്‍ നിര്‍മിക്കുമ്പോള്‍ ആവശ്യമായ സ്ലോപ്പ് സ്റ്റെബിലിറ്റി പഠനങ്ങള്‍, എഞ്ചിനീയറിംഗ് സേവനങ്ങള്‍ എന്നിവ നല്‍കുന്നതിനായി യോഗ്യരായ വിദ്യാഭ്യാസ ഗവേഷണ സ്ഥാപനങ്ങളില്‍ നിന്നും മൈനിങ് ആന്‍ഡ് ജിയോളജി വകുപ്പ് താത്പര്യപത്രം   ക്ഷണിച്ചു.  പങ്കെടുക്കുന്ന സ്ഥാപനങ്ങള്‍ മലയോര മേഖലകളിലെ വികസനം, അത്യാധുനിക സ്ലോപ്പ് സ്റ്റെബിലൈസേഷന്‍ (ചരിവ് സംരക്ഷണ) സാങ്കേതികവിദ്യകള്‍, പ്രതികൂല സാഹചര്യങ്ങളെ പ്രതിരോധിക്കാന്‍ ശേഷിയുള്ള കെട്ടിട രൂപകല്‍പ്പന എന്നിവയില്‍  വൈദഗ്ധ്യം ഉള്ളതായിരിക്കണം.

ഭാരതീയ ചികിത്സാവകുപ്പ്/ ഇന്‍ഷുറന്‍സ് മെഡിക്കല്‍ സര്‍വീസസ് /ആയുര്‍വേദ കോളജുകളില്‍ ഫാര്‍മസിസ്റ്റ് ഗ്രേഡ് രണ്ട് (ആയുര്‍വേദ, ഒന്നാം എന്‍.സി.എ വിജ്ഞാപനം- മുസ്ലിം, കാറ്റഗറി നം.042/2021) തസ്തികയുടെ റാങ്ക് പട്ടിക റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.
 

ജില്ലാ എംപ്ലോയ്മെന്റ് എക്സ്ചേഞ്ച് എംപ്ലോയബിലിറ്റി സെന്ററിന്റെ ആഭിമുഖ്യത്തില്‍   സ്വകാര്യ സ്ഥാപനങ്ങളിലെ ഒഴിവുകളിലേക്ക് ജൂണ്‍ 12   രാവിലെ 10.30 മുതല്‍   അഭിമുഖം നടത്തും. പ്ലസ്ടു മുതല്‍ ഉയര്‍ന്ന യോഗ്യതയുള്ളവര്‍ക്ക് പങ്കെടുക്കാം.  പ്രായപരിധി: 18 - 35 വയസ്.     ബയോഡേറ്റയുടെ മൂന്ന് പകര്‍പ്പുകള്‍, ആധാര്‍ കാര്‍ഡ്   സഹിതം ജില്ലാ എംപ്ലോയ്മെന്റ് എക്സ്ചേഞ്ചില്‍ ഹാജരാകണം.