നിയമസഭാ പൊതുതെരഞ്ഞെടുപ്പിനോടനുബന്ധിച്ച് ജില്ലയില്‍ പോളിംഗ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥര്‍ക്ക് ഏപ്രില്‍ 10 ന് ജില്ലാ കളക്ടര്‍ അവധി പ്രഖ്യാപിച്ചു. വോട്ടെടുപ്പ് ദിവസമായ ഏപ്രില്‍ ഒന്‍പതിന്  ഡ്യൂട്ടി കഴിഞ്ഞ് പോളിംഗ് സാമഗ്രികള്‍ സ്വീകരണ-വിതരണ കേന്ദ്രങ്ങളില്‍ തിരികെ ഏല്‍പ്പിക്കുമ്പോള്‍ രാത്രി വൈകാന്‍ ഇടയുള്ള സാഹചര്യം പരിഗണിച്ചാണ് വോട്ടെടുപ്പിന് തൊട്ടടുത്ത ദിവസമായ ഏപ്രില്‍ 10 (വെള്ളി) ഡ്യൂട്ടിയുള്ള ഉദ്യോഗസ്ഥര്‍ക്ക് ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ. വിനയ് ഗോയല്‍ അവധി അനുവദിച്ചത്. തെരഞ്ഞെടുപ്പ് കമ്മീഷന്‍ നിശ്ചയിച്ച സമയക്രമം അനുസരിച്ചാണ് ഈ ഉത്തരവ്.

എല്ലാ ബൂത്തിലും വോളണ്ടിയര്‍മാര്‍

നിയമസഭാ തെരഞ്ഞെടുപ്പിനോടനുബന്ധിച്ച് മലപ്പുറം ജില്ലയില്‍  കര്‍ശന നിയന്ത്രണങ്ങള്‍ ഏര്‍പ്പെടുത്തി ജില്ലാ മജിസ്‌ട്രേറ്റ് കൂടിയായ ജില്ലാ കളക്ടര്‍ ഡോ. വിനയ് ഗോയല്‍ ഉത്തരവിട്ടു. ഭാരതീയ നാഗരിക സുരക്ഷാ സംഹിത സെക്ഷന്‍ 163 പ്രകാരം ജില്ലയില്‍ നിരോധനാജ്ഞ പ്രഖ്യാപിച്ചിട്ടുണ്ട്.

നിയമസഭ തിരഞ്ഞെടുപ്പിന് മുന്നോടിയായി ജില്ലയിലെ 9 മണ്ഡലങ്ങളിലെയും  വോട്ടിംഗ് യന്ത്രങ്ങള്‍ ഉള്‍പ്പെടെയുള്ള പോളിംഗ് സാമഗ്രികളുടെ വിതരണം നടന്നു. ജില്ലയിലെ എല്ലാ നിയോജക മണ്ഡലങ്ങളിലുമായി മുൻപ് അനുവദിച്ച 2178 കൺട്രോൾ യൂണിറ്റുകൾ, 2178 ബാലറ്റ് യൂണിറ്റുകൾ, 2310 വിവി പാറ്റ് മെഷീനുകൾ അനുവദിച്ചിട്ടുണ്ട്.  കൂടാതെ, ഒൻപത് നിയമസഭാ മണ്ഡലങ്ങളിലേക്കായി 171 ബാലറ്റ് യൂണിറ്റുകളും, കൺട്രോൾ യൂണിറ്റുകളും 228 വിവിപാറ്റ് യന്ത്രങ്ങളും അധികമായി അനുവദിച്ചിട്ടുണ്ട്. ഓരോ മണ്ഡലത്തിലേക്കും ആവശ്യമായതിന്റെ  24 ശതമാനം ബാലറ്റ് യൂണിറ്റുകളും കൺട്രോൾ യൂണിറ്റുകളും 34 ശതമാനം വിവി പാറ്റ് മെഷീനുകളും അധികമായി ഉൾപ്പെടുത്തിയിട്ടുണ്ട്.

ജില്ലയിലെ ഒൻപത് നിയമസഭാ മണ്ഡലങ്ങളിലെയും വോട്ടെടുപ്പ് നടപടികൾ നിരീക്ഷിക്കുന്നതിനായി വെബ്കാസ്റ്റിംഗ് കൺട്രോൾ റൂം സജ്ജമാക്കി. 
ജില്ലയിലെ 1,898 പോളിംഗ് സ്റ്റേഷനുകളിലായി ആകെ 3,796 ക്യാമറകളാണ് ജില്ലാ ഭരണകൂടം സ്ഥാപിച്ചിട്ടുള്ളത്. എല്ലാ ബൂത്തുകളും ഇതിലൂടെ നേരിട്ടുള്ള ഡിജിറ്റൽ നിരീക്ഷണത്തിലായിരിക്കും. ഓരോ മണ്ഡലത്തിനും മൂന്ന് വീതം ടെലിവിഷൻ മോണിറ്ററുകൾ കൺട്രോൾ റൂമിൽ സജ്ജീകരിച്ചിട്ടുണ്ട്. 

ഇന്ന്( ഏപ്രിൽ 9) നടക്കുന്ന നിയമസഭാ തിരഞ്ഞെടുപ്പിൽ ജില്ലയിൽ ഒമ്പത് നിയമസഭാ മണ്ഡലങ്ങളിലായി 19 വനിത സൗഹൃദ ബൂത്തുകൾ തിരഞ്ഞെടുപ്പ് കമ്മീഷൻ തയ്യാറാക്കിയട്ടുണ്ട്. 

ഓരോ ബൂത്തിലുമുള്ള പ്രിസൈഡിംഗ് ഓഫീസർ, പോളിംഗ് ഉദ്യോഗസ്ഥർ, സുരക്ഷാ ജീവനക്കാർ എന്നിവരുള്‍പ്പെടെ മുഴുവൻ ഉദ്യോഗസ്ഥരും സ്ത്രീകളായിരിക്കും. 

ജില്ലയിലെ വനിതാ സൗഹൃദ ബൂത്തുകളുടെ എണ്ണം താഴെ നൽകിയിരിക്കുന്നു

ആരൂർ

എൻ.എസ്.എസ് കോളേജ്, പള്ളിപ്പുറം (സൗത്ത് ബിൽഡിംഗിന്റെ തെക്ക് വശം)

ചേർത്തല

സെന്റ് മൈക്കിൾസ് കോളേജ്, ചേർത്തല

ആലപ്പുഴ

സെൻ്റ് ജോസഫ് ജി എച്ച് എസ് എസ് ഓഡിറ്റോറിയം, വഴിച്ചേരി

വിധിയെഴുത്തിന് 16,82,697 വോട്ടർമാർ: 1898 പോളിങ് ബൂത്തുകൾ സജ്ജം

തിരഞ്ഞെടുപ്പ് മുന്നൊരുക്കങ്ങൾ സുഗമമായി പൂർത്തീകരിച്ച് ജില്ല ഇന്ന് (ഏപ്രിൽ 9) പോളിംഗ് ബൂത്തിലേക്ക്.  പോളിങ് രാവിലെ ഏഴുമണി മുതൽ വൈകിട്ട് ആറ് മണിവരെ നടക്കും.  രാഷ്ട്രീയപാർട്ടി പ്രതിനിധികളുടെ സാന്നിധ്യത്തിൽ പോളിംഗ് ഉദ്യോഗസ്ഥർ രാവിലെ ഏഴുമണിക്ക് മുമ്പ്   മോക്ക് പോളിംഗ് നടത്തും.

നിയമസഭാ തിരഞ്ഞെടുപ്പ് പൂർണ്ണമായും പരിസ്ഥിതി സൗഹൃദമാക്കാനൊരുങ്ങി ജില്ലാ ഭരണകൂടം. ജില്ലയിലെ ആകെയുള്ള 1898 പോളിംഗ് സ്റ്റേഷനുകളിലും ഹരിതചട്ടം കർശനമായി പാലിക്കും.  എല്ലാ തദ്ദേശ സ്വയംഭരണ സ്ഥാപന പരിധിയിലും ഓരോ 'മാതൃകാ ഹരിത ബൂത്ത്' സജ്ജീകരിച്ചിട്ടുണ്ട്. പൊതുജനങ്ങൾക്കിടയിൽ പരിസ്ഥിതി സംരക്ഷണ സന്ദേശം എത്തിക്കുകയെന്നതാണ് ഇതിലൂടെ ലക്ഷ്യമിടുന്നത്. കുടിവെള്ളം  സ്റ്റീൽ കുപ്പികളിൽ ഇവിടെ ലഭ്യമാക്കും. ജൈവ-അജൈവ മാലിന്യങ്ങൾ തരംതിരിക്കാൻ പ്രത്യേകം ബിന്നുകളും ഒരുക്കിയിട്ടുണ്ട്. ചില്ല് ഗ്ലാസ്സുകൾ, സ്റ്റീൽ, സെറാമിക് പ്ലേറ്റുകൾ എന്നിവ മാത്രമേ ഭക്ഷണത്തിനായി ഉപയോഗിക്കൂ.

 
കണ്ണൂർ ജില്ലയിലെ 21,76,984 വോട്ടർമാർ ഇന്ന് (ഏപ്രിൽ 9) 11 നിയമസഭ മണ്ഡലങ്ങളിലെ  പോളിംഗ് ബൂത്തുകളിലേക്ക്‌. രാവിലെ ഏഴ് മുതൽ വൈകീട്ട് ആറ് വരെയാണ് വോട്ടെടുപ്പ്. 

ബൂത്തുകളിലേക്കുള്ള വോട്ടിംഗ് സാധന സാമഗ്രികൾ 11  മണ്ഡലങ്ങളിലെയും അതാത് വിതരണ കേന്ദ്രങ്ങളിൽ ബുധനാഴ്ച്ച രാവിലെ 8 മുതൽ വിതരണം ചെയ്തു. ഉച്ച 12 ന് മുമ്പ് തന്നെ എല്ലായിടത്തും വിതരണം പൂർത്തിയാക്കി ഉദ്യോഗസ്ഥർ ബസുകളിൽ ബൂത്തിലേക്ക് യാത്രയായി. 

കുഞ്ഞുങ്ങളെയും എടുത്തു വോട്ടിടാൻ എത്തുന്നവർക്ക് ആശ്വാസമായി ജില്ലയിലെ 70 പോളിംഗ് ബൂത്തുകളിൽ കുട്ടികൾക്കായി ക്രഷ് സൗകര്യം ഒരുക്കും. ഇതിൽ എല്ലാ നിയമസഭ മണ്ഡലങ്ങളിലെയും മാതൃക പോളിങ് സ്റ്റേഷനുകളും 15 പിങ്ക് പോളിങ് സ്റ്റേഷനുകളും ഉൾപ്പെടും. വനിത-ശിശു വികസന വകുപ്പാണ് സൗകര്യമൊരുക്കുന്നത് . 

അമ്മമാർക്ക് കുഞ്ഞുങ്ങളെ സുരക്ഷിതമായി മുലയൂട്ടുന്നതിനുള്ള ഫീഡിങ് സൗകര്യവുമുണ്ടാകും. കുട്ടികൾക്ക് കളിക്കാനുള്ള കളിപ്പാട്ടങ്ങൾ, ഊഞ്ഞാൽ, കിടക്ക എന്നിവ ക്രഷ് സൗകര്യമുള്ള പോളിംഗ് ബൂത്തിൽ ഉണ്ടാകും.
ഓരോ ബൂത്തിലും രണ്ട് വീതം അംഗൻവാടി പ്രവർത്തകരാണ് ഇതിന്റെ മേൽനോട്ടം വഹിക്കുക.