ഡോ. ബി. ആർ. അംബേദ്കർ ജന്മവാർഷിക ദിനാചരണത്തിന്റെ ഭാഗമായി ഏപ്രിൽ 14 രാവിലെ 9.30ന് നിയമസഭാ സമുച്ചയത്തിൽ സ്ഥാപിച്ചിട്ടുള്ള അംബേദ്കർ പ്രതിമയിൽ ഡെപ്യൂട്ടി സ്പീക്കർ പുഷ്പാർച്ചന നടത്തും.

ജില്ലയുടെ വിവിധ ഭാഗങ്ങളിൽ താമസിക്കുന്ന മുണ്ടക്കെ -ചൂരല്‍മല ദുരന്ത ബാധിതരെ വോട്ട് ചെയ്യാന്‍ പോളിങ് ബൂത്തുകളിലെത്തിക്കുന്നതിന് ജില്ലാ തെരഞ്ഞെടുപ്പ് വിഭാഗം പ്രത്യേക വാഹന സൗകര്യം ഒരുക്കിയിരുന്നു. രാവിലെ 10ന് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടർ കൽപറ്റയിൽ കെ.എസ്.ആർ.ടി.സിയുടെ പ്രത്യേക ബസ് സർവീസ് ഫ്ലാഗ് ഓഫ് ചെയ്തു. എട്ട് ബസുകളാണ് രാവിലെ 10നും ഉച്ചയ്ക്ക് രണ്ടിനും സര്‍വീസ് നടത്തിയത്.

ജില്ലയിലെ മൂന്ന് മണ്ഡലങ്ങളിലും ഓരോന്ന് വീതം പിങ്ക് ബൂത്തും വനിതാ ബൂത്തും ഒരുക്കിയിരുന്നു. കൽപറ്റ മണ്ഡലത്തിലെ ബൂത്ത് നമ്പർ 115 എൻ എസ് എസ് ഹയർ സെക്കൻഡറി സ്കൂൾ (വലത് വിംഗ്),  മാനന്തവാടി മണ്ഡലത്തിലെ ബൂത്ത് 200 സെന്റ് ജോസഫ് സ്കൂൾ, ചെറുകാട്ടൂർ (പുതിയ കെട്ടിടം, മധ്യഭാഗം), സുൽത്താൻ ബത്തേരി മണ്ഡലത്തിലെ ബൂത്ത് 83 ഗവ ഹൈസ്കൂൾ, ഇരുളം (പുതിയ കെട്ടിടം വലത് വിംഗ്) എന്നിവയാണ് ജെൻ സി ബൂത്തുകളായി പ്രവർത്തിച്ചത്.

നിയമസഭാ തെരഞ്ഞെടുപ്പിൽ ജില്ലയിൽ 78.81 ശതമാനം പോളിങ് രേഖപ്പെടുത്തി. കൽപറ്റ നിയോജക മണ്ഡലത്തിൽ 80.35 ശതമാനവും മാനന്തവാടി നിയോജക മണ്ഡലത്തിൽ 78.96 ശതമാനവും സുൽത്താൻ ബത്തേരി നിയോജക മണ്ഡലത്തിൽ 77.21 ശതമാനവുമാണ് പോളിങ്. ജില്ലയിൽ ആകെ 715 പോളിങ് ബൂത്തുകളാണുണ്ടായിരുന്നത്. എല്ലാ ബൂത്തുകളിലും ഇത്തവണ വെബ്‍കാസ്റ്റിങ് സംവിധാനം ഏർപ്പെടുത്തിയിരുന്നു. ബൂത്തുകളിലെ പ്രവർത്തനങ്ങൾ കളക്ടറേറ്റ് എ.പി.ജെ ഹാളിൽ സജ്ജീകരിച്ചിരുന്ന കൺട്രോൾ റൂമിൽ തത്സമയം നിരീക്ഷിച്ചു. സമ്മതിദാനാവകാശം വിനിയോഗിച്ച വോട്ടർമാർക്ക് ജില്ലാ തെരഞ്ഞെടുപ്പ് ഓഫീസറായ ജില്ലാ കളക്ടർ ഡി.ആർ മേഘശ്രീ നന്ദി രേഖപ്പെടുത്തി.

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലാ സോഷ്യൽ മീഡിയ സെല്ലിന്റെ ആഭിമുഖ്യത്തിൽ സംഘടിപ്പിച്ച വോട്ട് ചിലപ്പ് ഓൺലൈൻ ക്വിസ് മത്സരത്തിലെ വിജയികളെ പ്രഖ്യാപിച്ചു. 823 പേർ പങ്കെടുത്ത മത്സരത്തിൽ സനു ജോസ് ഒന്നാം സ്ഥാനവും അഖില്‍ കൃഷ്ണന്‍ രണ്ടാം സ്ഥാനവും ഖുറൈസിമോള്‍ മൂന്നാം സ്ഥാനവും നേടി. ഗൂഗിൾ ഫോമിലൂടെ നടത്തിയ ക്വിസ് മത്സരത്തിൽ എല്ലാ ചോദ്യങ്ങൾക്കും ശരിയുത്തരം നൽകിയ 88 പേരിൽ നിന്ന് നറുക്കെടുപ്പിലൂടെയാണ് ആദ്യ മൂന്ന് സ്ഥാനക്കാരെ തെരഞ്ഞെടുത്തത്.

സി-വിജില്‍ ആപ്പ് മുഖേന ജില്ലയില്‍ ബുധനാഴ്ച 105 പരാതികള്‍ ലഭിച്ചു. എല്ലാ പരാതികളും പരിഹരിച്ചു. ജില്ലയില്‍ ഇതുവരെ 5001 പരാതികളാണ് സി-വിജില്‍ ആപ്പ് വഴി ലഭിച്ചത്. നിയമസഭാ തെരഞ്ഞെടുപ്പിന്റെ മാതൃകാ പെരുമാറ്റ ചട്ടലംഘനവുമായി ബന്ധപ്പെട്ട് സി - വിജില്‍ ആപ് മുഖേന പൊതുജനങ്ങള്‍ക്ക് നേരിട്ട് പരാതി നല്‍കാം.

സ്വീപിന്റെ ഭാഗമായി ജില്ലയിലെ വിവിധയിടങ്ങളില്‍ വോട്ടര്‍ ബാധവത്കരണ പരിപാടികള്‍ സംഘടിപ്പിച്ചു. വൈത്തിരി പാര്‍ക്കില്‍ നടന്ന പരിപാടിയില്‍ കെ. ദിലീപ് കുമാര്‍ വോട്ടര്‍ അവബോധ ക്ലാസ് നയിച്ചു. സ്വീപിന്റെ നേതൃത്വത്തില്‍ പീച്ചംകോട് കാപ്പില ഫ്രൂട്ട് ഗോഡൗണില്‍ വളണ്ടിയര്‍മാര്‍ സന്ദര്‍ശനം നടത്തി. ഗോഡൗണിലെ തൊഴിലാളികള്‍ക്കും സമീപവാസികള്‍ക്കും വോട്ടവകാശത്തിന്റെ പ്രാധാന്യത്തെക്കുറിച്ച് ബോധവത്കരണം നല്‍കി. കല്‍പറ്റ ഓട്ടോ സ്റ്റാന്‍ഡില്‍ വിപുലമായ വോട്ടര്‍ ബോധവത്ക്കരണ പരിപാടി സംഘടിപ്പിച്ചു. ഓട്ടോ തൊഴിലാളികളും പൊതുജനങ്ങളും സജീവമായി പങ്കെടുത്ത പരിപാടി ശ്രദ്ധേയമായി. വൈത്തിരി നോഡല്‍ ഓഫീസര്‍ കെ.

വോട്ടു ചെയ്യണം മാലിന്യമില്ലാതെ എന്ന സന്ദേശവുമായിജില്ലാ ശുചിത്വ മിഷന്‍ സംഘടിപ്പിച്ചമാരത്തോണ്‍ ശ്രദ്ധേയമായി.പൂര്‍ണ്ണമായും ഹരിത ചട്ടങ്ങള്‍പാലിച്ചു നടത്തുന്ന പൊതുതെരഞ്ഞെടുപ്പിന്റെ ഭാഗമായി പൊതുജനങ്ങള്‍ക്ക് കൂടുതല്‍ അവബോധം പകരുകയാണ് പരിപാടിയുടെ ലക്ഷ്യം. പുതിയ ബസ് സ്റ്റാന്റ് പരിസരത്ത് നിന്ന് ആരംഭിച്ച പത്ത് കിലോമീറ്റര്‍ മാരത്തോണ്‍ ബൈപ്പാസ് ചുറ്റി കൈനാട്ടി വഴി പുതിയ ബസ് സ്റ്റാന്റില്‍ സമാപിച്ചു. ജില്ലാ ശുചിത്വ മിഷന്‍ കോഓര്‍ഡിനേറ്റര്‍ എസ്. ഹര്‍ഷന്‍ മാരത്തോണ്‍ ഉദ്ഘാടനം ചെയ്തു.