വയനാട് ജില്ലയിലെ ഒരു വിദ്യാലയത്തിലെ രണ്ട് കുട്ടികൾക്ക് ഷിഗെല്ല സ്‌ഥിരീകരിച്ചു. നാലര വയസ്സുള്ള ഒരു ആൺകുട്ടിക്കും അഞ്ച് വയസ്സുള്ള പെൺകുട്ടിക്കുമാണ് രോഗം സ്‌ഥിരീകരിച്ചത്. 339 പേർക്ക് രോഗലക്ഷണങ്ങളുണ്ട്. ഇവരിൽ 21 പേർ സുൽത്താൻ ബത്തേരി താലൂക്ക് ആസ്ഥാന ആശുപത്രിയിലും 38 പേർ സ്വകാര്യ ആശുപത്രികളിലും ചികിത്സയിലാണ്. ആരുടെയും നില ഗുരുതരമല്ല. ആകെ 21 സാമ്പിളുകൾ പരിശോധനക്ക് അയച്ചതിൽ രണ്ട് എണ്ണത്തിൻ്റെ ഫലമാണ് പോസിറ്റീവായത്. 19 സാമ്പിളുകളുടെ ഫലം വരാനുണ്ട്.

വെള്ളമുണ്ട ഇലക്ട്രിക്കൽ സെക്ഷനു കീഴിലുള്ള തേറ്റമല ട്രാൻസ്ഫോർമർ പരിധിയിൽ ഇന്ന് (ചൊവ്വാഴ്ച) രാവിലെ 8.30 മുതൽ വൈകുന്നേരം 5.30pm വരെ വൈദ്യുതി വിതരണം ഭാഗികമായി തടസ്സപ്പെടും

മീനങ്ങാടി ഇലക്ട്രിക്കൽ സെക്ഷനിൽ വൈദ്യുത ലൈനിൽ പ്രവൃത്തി നടക്കുന്നതിനാൽ കൃഷ്ണഗിരി, പാതിരിപ്പാലം, കൊളഗപ്പാറ സൗഗന്ധിക, മധുകൊല്ലി, മേന്മ, ജൂബിലി ജംഗ്ഷൻ, പാതിരിക്കവല, റാട്ടക്കുണ്ട്, മലന്തോട്ടം പാപ്ലശ്ശേരി, തൊപ്പിപ്പാറ ഭാഗങ്ങളിൽ ഇന്ന് (ചൊവ്വാഴ്ച) രാവിലെ ഒൻപത് മുതൽ വൈകുന്നേരം അഞ്ച് വരെ  പൂർണമായോ ഭാഗികമായോ വൈദ്യുതി മുടങ്ങും

സെന്‍സസ് പ്രവര്‍ത്തനങ്ങളുടെ ഭാഗമായി ജൂണ്‍ 16 മുതല്‍ 30 വരെ പൊതുജനങ്ങള്‍ക്ക് സ്വന്തമായി വിവരങ്ങള്‍ നല്‍കാനാവുന്ന സെല്‍ഫ് എന്യുമറേഷന്‍ സൗകര്യമുണ്ടാകും. ഈ കാലയളവില്‍ പൊതുജനങ്ങള്‍ക്ക് ഒരു കേന്ദ്രീകൃത വെബ് പോര്‍ട്ടലില്‍ ലോഗിന്‍ ചെയ്ത് അവരുടെ ഭവന, ആസ്തി വിവരങ്ങള്‍ നേരിട്ട് അപ്ലോഡ് ചെയ്യാം. തുടര്‍ന്ന് ജൂലൈ ഒന്ന് മുതല്‍ 30 വരെ ഉദ്യോഗസ്ഥര്‍ വീടുകളിലെത്തി ആദ്യഘട്ട വിവരശേഖരണം നടത്തും. വീടുകളുടെ വിവരങ്ങളും താമസക്കാരുടെ പൊതുവിവരശേഖരണവുമാണ് ഒന്നാം ഘട്ടത്തില്‍ നടക്കുക.

ദേശീയ സെന്‍സസിനായുള്ള ജില്ലയിലെ വിവിധ ചാര്‍ജുകളിലെ എന്യൂമറേറ്റര്‍മാര്‍ക്കായുള്ള പരിശീലന പരിപാടിക്ക് ഇന്ന്( ജൂണ്‍ ഒമ്പത്) തുടക്കമാകും. ജില്ലയിലെ വിവിധ കേന്ദ്രങ്ങളില്‍ വ്യത്യസ്ത ബാച്ചുകളിലായി രാവിലെ 9.30 മുതലാണ് പരിശീലനം നടക്കുന്നത്.

സുല്‍ത്താന്‍ ബത്തേരി പട്ടികവര്‍ഗ ഓഫീസിന്റെ അധീനതയിലുള്ള കെ.എല്‍ 12 ജി 3556 നമ്പര്‍ ആംബുലന്‍സിന്റെ ടയറുകള്‍ മാറുന്നതിന് ക്വട്ടേഷന്‍ ക്ഷണിച്ചു. 215/75 ആര്‍ 15 എല്‍ ടി 115/1135 വിഭാഗത്തിലുള്ള നാല് ടയറുകളാണ് ആവശ്യം. ക്വട്ടേഷനുകള്‍ ജൂണ്‍ 12ന് വൈകുന്നേരം മൂന്നിനകം സുല്‍ത്താന്‍ ബത്തേരി ട്രൈബല്‍ ഡെവലപ്‌മെന്റ് ഓഫീസില്‍ ലഭിക്കണം. ഫോണ്‍: 04936 221074

കേരള സര്‍ക്കാരിന്റെ ഹിന്ദി അധ്യാപക ട്രെയിനിംഗ് യോഗ്യതയായ രണ്ട് വര്‍ഷത്തെ റഗുലര്‍ ഹിന്ദി ഡിപ്ലോമ ഇന്‍ എലിമെന്ററി എഡ്യൂക്കേഷന്‍ കോഴ്‌സ് 2026-2028 ബാച്ചിലെ മെറിറ്റ്/മാനേജ്മെന്റ് സീറ്റീലേക്ക് അപേക്ഷ ക്ഷണിച്ചു. 50 ശതമാനം മാര്‍ക്കോടെ രണ്ടാം ഭാഷ ഹിന്ദിയിലുള്ള പ്ലസ് ടു യോഗ്യതയും, പ്രചാരസഭകളുടെ അംഗീകൃത ഹിന്ദി കോഴ്‌സുകള്‍, ഡിഗ്രി, എം എ വിജയിച്ചവര്‍ക്ക് അപേക്ഷിക്കാം. 17 നും 35 നും ഇടയിലായിരിക്കണം പ്രായം. പട്ടികജാതി പിന്നോക്ക വിഭാഗത്തിന് പ്രായപരിധിയില്‍ നിയമാനുസൃത ഇളവ് ലഭിക്കും.

എസ്.ആര്‍.സി കമ്മ്യൂണിറ്റി കോളേജ് യോഗ അസോസിയേഷന്‍ ഓഫ് കേരളയുടെ സഹകരണത്തോടെ നടത്തുന്ന ഡിപ്ലോമ ഇന്‍ യോഗ ടീച്ചര്‍ ട്രെയിനിംഗ് പ്രോഗ്രാമിലേക്ക് അപേക്ഷ ക്ഷണിച്ചു. പ്ലസ്ടു/ തത്തുല്യയോഗ്യത ഉണ്ടായിരിക്കണം. വൈത്തിരിയിലാണ് ജില്ലയിലെ പഠന കേന്ദ്രം. https://app.srccc.in/register എന്ന ലിങ്കിലൂടെ ജൂണ്‍ 30 വരെ അപേക്ഷിക്കാം. ഫോണ്‍- 9495249588, 9847450454

മാനന്തവാടി ഗവ പോളിടെക്‌നിക് കോളേജില്‍ മെക്കാനിക്കല്‍ എഞ്ചിനീയറിംഗ്, സിവില്‍ എഞ്ചിനീയറിംഗ്, കംമ്പ്യൂട്ടര്‍ എഞ്ചിനീയറിംഗ് വിഭാഗങ്ങളില്‍ ഡെമോണ്‍സ്‌ട്രേറ്റര്‍, ട്രേഡ് ഇന്‍സ്ട്രക്ടര്‍, ട്രേഡ് ടെക്‌നിഷ്യന്‍ ലാബ് തസ്തികകളിലേക്ക് ദിവസ വേതനാടിസ്ഥാനത്തില്‍ നിയമനം നടത്തുന്നു. ഡെമോണ്‍സ്‌ട്രേറ്റര്‍ തസ്തികയില്‍ ബന്ധപ്പെട്ട വിഷയത്തില്‍ ഡിപ്ലോമയും, ട്രേഡ് ഇന്‍സ്ട്രക്ടര്‍, ട്രേഡ് ടെക്‌നീഷ്യന്‍ തസ്തികകളില്‍ ബന്ധപ്പെട്ട ട്രേഡില്‍ ടി.എച്ച്.എസ്.എല്‍.സി/ഐ.ടി.ഐ, കെ.ജി.സി.ഇ, എന്‍.ടി.സി, വി.എച്ച്.എസ്.ഇ എന്നിവയുമാണ് യോഗ്യതകള്‍.

മാനന്തവാടി പി.കെ കാളന്‍ മെമ്മോറിയല്‍ കോളേജ് ഓഫ് അപ്ലൈഡ് സയന്‍സസില്‍ ബിഎസ്.സി കമ്പ്യൂട്ടര്‍ സയന്‍സ്, ബി.കോം കമ്പ്യൂട്ടര്‍ ആപ്ലിക്കേഷന്‍, ബി.കോം കോ ഓപ്പറേഷന്‍ കോഴ്‌സുകളില്‍ പ്രവേശനം ആരംഭിച്ചു. കണ്ണൂര്‍ യൂണിവേഴ്‌സിറ്റി റെജിസ്‌ട്രേഷന്‍ വെബ്‌സൈറ്റായ https://admissions.kannuruniversity.ac.in/ വഴി അപേക്ഷ സമര്‍പിക്കാം. രജിസ്‌ട്രേഷന് കോളേജില്‍ ഹെല്‍പ് ഡെസ്‌കും ഒരുക്കിയിട്ടുണ്ട്. ഫോണ്‍: 9387288283, 8547005060.