ആരോഗ്യഭീഷണികളെ ഫലപ്രദമായി ചെറുക്കാന്‍ ശാസ്ത്രീയ അറിവ് കൊണ്ടു മാത്രമേ കഴിയൂവെന്ന് ജില്ലാ മെഡിക്കല്‍ ഓഫീസര്‍ ഡോ. ടി.കെ. ജയന്തി. ലോകാരോഗ്യ ദിനത്തിന്റെ ജില്ലാതല ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു ഡി.എം.ഒ. മലപ്പുറം ജില്ലാ മെഡിക്കല്‍ ഓഫീസിലെ ചടങ്ങില്‍ ഡെപ്യൂട്ടി ജില്ലാ മെഡിക്കല്‍ ഓഫീസര്‍ ഡോ. എ. ഷിബുലാല്‍ അധ്യക്ഷത വഹിച്ചു.

നാളെ (ബുധന്‍) ജില്ലയിലെ 16 നിയമസഭാ മണ്ഡലങ്ങളിലേക്കുമുള്ള പോളിംഗ് സാമഗ്രികളുടെ വിതരണം നടക്കും. രാവിലെ എട്ടിന് വിതരണം ആരംഭിക്കും. ഏപ്രില്‍ ഒന്‍പതിന് നടക്കുന്ന വോട്ടെടുപ്പിന് മുന്നോടിയായി വോട്ടിംഗ് മെഷീനുകള്‍, വിവിപാറ്റുകള്‍ എന്നിവയുള്‍പ്പെടെയുള്ള സാമഗ്രികളാണ് പോളിംഗ് ഉദ്യോഗസ്ഥര്‍ക്ക് കൈമാറുന്നത്. ജില്ലയില്‍ 16 മണ്ഡലങ്ങളിലായി 13 വിതരണ-സ്വീകരണ കേന്ദ്രങ്ങളാണ് ക്രമീകരിച്ചിട്ടുള്ളത്. കനത്ത പോലീസ് സുരക്ഷയിലായിരിക്കും സ്‌ട്രോങ്ങ് റൂമുകളില്‍ നിന്ന് മെഷീനുകള്‍ പുറത്തെടുക്കുന്നതും വിതരണം ചെയ്യുന്നതും.

വോട്ടെടുപ്പ് ദിവസം തെരഞ്ഞെടുപ്പ് ചുമതല നിര്‍വഹിക്കേണ്ട പോളിംഗ് ഉദ്യോഗസ്ഥരുടെ മൂന്നാം ഘട്ട റാന്‍ഡമൈസേഷന്‍ ജില്ലയില്‍ പൂര്‍ത്തിയായി. ജില്ലാ കളക്ടറുടെയും തെരഞ്ഞെടുപ്പ് നിരീക്ഷകരുടെയും സാന്നിധ്യത്തില്‍ സോഫ്റ്റ് വെയര്‍ മുഖേനയാണ് പോളിംഗ് ഉദ്യോഗസ്ഥരെ അതത് പോളിംഗ് ബൂത്തുകളിലേക്ക് നിയോഗിച്ചത്. ഇതോടെ ഓരോ ഉദ്യോഗസ്ഥനും ഏത് മണ്ഡലത്തിലെ ബൂത്തിലാണ് സേവനമനുഷ്ഠിക്കേണ്ടതെന്ന കാര്യത്തില്‍ വ്യക്തതയായി.

നിയമസഭാ പൊതുതെരഞ്ഞെടുപ്പിനോടനുബന്ധിച്ച് വോട്ടെടുപ്പ് അവസാനിക്കുന്നതിന്റെ തൊട്ടുമുന്‍പുള്ള 48 മണിക്കൂര്‍ സമയവും വോട്ടെണ്ണല്‍ ദിവസവും സംസ്ഥാനത്ത് മദ്യനിരോധനം (ഡ്രൈഡേ) ഏര്‍പ്പെടുത്തി. കേന്ദ്ര തെരഞ്ഞെടുപ്പ് കമ്മീഷന്റെ നിര്‍ദ്ദേശപ്രകാരമാണ് നടപടി. ഹോട്ടലുകള്‍, റെസ്റ്റോറന്റുകള്‍, ക്ലബ്ബുകള്‍, മദ്യഷാപ്പുകള്‍ തുടങ്ങി മദ്യം വിളമ്പുന്നതോ വില്‍ക്കുന്നതോ ആയ എല്ലാ പൊതു-സ്വകാര്യ ഇടങ്ങളിലും നിയന്ത്രണം ബാധകമായിരിക്കും. സ്റ്റാര്‍ ഹോട്ടലുകള്‍, നോണ്‍-പ്രൊപ്രൈറ്ററി ക്ലബ്ബുകള്‍ എന്നിവയുള്‍പ്പെടെ ഏത് തരത്തിലുള്ള മദ്യ ലൈസന്‍സ് ഉള്ള സ്ഥാപനങ്ങള്‍ക്കും ഈ ദിവസങ്ങളില്‍ മദ്യം വിളമ്പാന്‍ അനുമതി ഉണ്ടായിരിക്കില്ല.

നിയമസഭാ തെരഞ്ഞെടുപ്പിനോടനുബന്ധിച്ച് ജില്ലയില്‍ മുഴുവന്‍ പോളിംഗ് ബൂത്തുകളും ഹരിത ചട്ടങ്ങള്‍ പാലിച്ച് പ്രവര്‍ത്തിക്കുന്നതിനുള്ള സമഗ്ര തയ്യാറെടുപ്പുകള്‍ പൂര്‍ത്തിയായി. ഓരോ ബൂത്തും നൂറ് ശതമാനം ഗ്രീന്‍ പ്രോട്ടോകോള്‍ പാലിച്ച് കൊണ്ട് ഹരിത ബൂത്തുകളായി പ്രവര്‍ത്തിക്കും.

*വോട്ടെടുപ്പ് രാവിലെ ഏഴു മുതല്‍ വൈകീട്ട് ആറു വരെ

*ക്രമസമാധാന പാലത്തിനായി 4729 സേനാംഗങ്ങള്‍

*3689 പോളിങ് ബൂത്തുകളിലായി 17708 പോളിങ് ഉദ്യോഗസ്ഥര്‍

*പോളിങ് സാമഗ്രികളുടെ വിതരണം നാളെ (ബുധന്‍) വിതരണ-സ്വീകരണ കേന്ദ്രങ്ങളില്‍

നിയമസഭാ തെരഞ്ഞെടുപ്പിന്റെ സുഗമമായ നടത്തിപ്പിനായി ജില്ലയില്‍ എല്ലാ ഒരുക്കങ്ങളും പൂര്‍ത്തിയായതായി ജില്ലാ തെരഞ്ഞെടുപ്പ് ഓഫീസര്‍ കൂടിയായ ജില്ലാ കളക്ടര്‍ ഡോ. വിനയ് ഗോയല്‍ അറിയിച്ചു. കളക്ടറേറ്റ് കോണ്‍ഫറന്‍സ് ഹാളില്‍ ജില്ലാ പോലീസ് മേധാവി ചൈത്ര തെരേസ ജോണിനൊപ്പം നടത്തിയ വാര്‍ത്താ സമ്മേളനത്തിലാണ് അദ്ദേഹം അവസാനഘട്ട തയ്യാറെടുപ്പുകള്‍ വിശദീകരിച്ചത്.

നിയമസഭാ തിരഞ്ഞെടുപ്പില്‍ മലപ്പുറം ജില്ലയിലെ  പ്രശ്‌ന സാധ്യതാ ബൂത്തുകളില്‍ നിരീക്ഷണം നടത്തുന്നതിന് തിരഞ്ഞെടുത്ത മൈക്രോ ഒബ്‌സര്‍വര്‍മാര്‍ക്ക് പരിശീലനം സംഘടിപ്പിച്ചു. പ്രാഥമിക പരിശീലനത്തില്‍ പങ്കെടുക്കുവാന്‍ കഴിയാതിരുന്നവര്‍ക്കും പുതുതായി നിയമിച്ച മൈക്രോ ഒബ്‌സര്‍വര്‍മാര്‍ക്കും ഉള്ള പരിശീലനം കുടുംബശ്രീ മിഷന്‍ ജില്ലാ ഓഫീസ് കോണ്‍ഫറന്‍സ് ഹാളില്‍ നടന്നു. പുതുതായി നിയമിതരായ 19 എസ്.എ.പി.എസ് മൈക്രോ ഒബ്‌സര്‍വര്‍മാര്‍, രണ്ട് വി.സി.പി.എസ് മൈക്രോ ഒബ്‌സര്‍വര്‍മാര്‍, മുന്‍പ് നടന്ന രണ്ട് പരിശീലനങ്ങളില്‍ പങ്കെടുക്കാത്ത  ഒബ്‌സര്‍വര്‍മാര്‍ എന്നിവരാണ് പരിശീലനത്തില്‍ പങ്കെടുത്തത്.

എല്‍.ബി.എസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജിയുടെ പരപ്പനങ്ങാടി ഉപകേന്ദ്രത്തില്‍ എസ്. എസ്. എല്‍. സി യോഗ്യതയുള്ളവര്‍ക്ക് ഡാറ്റാ എന്‍ട്രി ആന്‍ഡ് ഓഫീസ് ഓട്ടോമേഷന്‍ (ഇംഗ്ലീഷ്-മലയാളം), സര്‍ട്ടിഫിക്കറ്റ് കോഴ്‌സ് ഇന്‍ പൈത്തണ്‍, സി++, കംപ്യൂട്ടര്‍ ഹാര്‍ഡ് വേയര്‍ ആന്‍ഡ് നെറ്റ് വര്‍ക്കിങ്ങ്,   ഹൈസ്‌കൂള്‍ വിദ്യാര്‍ത്ഥികള്‍ക്കായി വെബ് ഡിസൈന്‍, ആര്‍ട്ടിഫിഷ്യല്‍ എന്‍ജിനിയറിങ് വിത്ത് പൈത്തണ്‍ ഫോര്‍ ജൂനിയേര്‍സ്, ഡിജിറ്റല്‍ ലിറ്ററസി സര്‍ട്ടിഫിക്കേഷന്‍, പ്ലസ്-ടു (കൊമേഴ്‌സ്)  എന്നീ യോഗ്യതയുള്ളവര്‍ക്ക്  കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിങ് യൂസിങ്ങ് ടാലി എന്നീ കോഴ്‌സുകളിലേയ്ക്ക് അപേക്ഷ ക്ഷണിച്ചു.

മലപ്പുറം ജില്ലാ പോലീസ് പരിധിയിലെ കോട്ടക്കല്‍ പോലീസ് സ്റ്റേഷന് പുതിയ കെട്ടിടം നിര്‍മ്മിക്കുന്നതിനായി രണ്ട് മരങ്ങള്‍ (പ്ലാവ്, ചീനി) മുറിച്ചുമാറ്റി ഏപ്രില്‍ 13 ന് രാവിലെ 11 ന്  ലേലം ചെയ്യും. താത്പര്യമുള്ളവര്‍ക്ക്  പ്രവൃത്തി ദിവസങ്ങളില്‍ രാവിലെ 11 മുതല്‍ വൈകിട്ട് നാലുവരെ എസ്.എച്ച്.ഒയുടെ അനുമതിയോടെ മരങ്ങള്‍ പരിശോധിക്കാം (തിരിച്ചറിയല്‍ രേഖ നിര്‍ബന്ധം). സീല്‍ ചെയ്ത ദര്‍ഘാസ് നേരിട്ടോ തപാല്‍ മാര്‍ഗ്ഗമോ ഡിമാന്‍ഡ് ഡ്രാഫ്റ്റ് സഹിതം ഏപ്രില്‍ 12 ന് വൈകിട്ട് അഞ്ചിനകം എസ്.എച്ച്.ഒ ഓഫീസില്‍ ലഭ്യമാക്കണം. ഫോണ്‍:0483 2734983.

സംസ്ഥാന നിയമസഭയിലേക്കുള്ള വോട്ടെടുപ്പ് തീയതി പ്രഖ്യാപിച്ച സാഹചര്യത്തില്‍ ജനാധിപത്യ പ്രക്രിയയില്‍ പങ്കാളികളാകാന്‍ വോട്ടര്‍മാര്‍ പൂര്‍ണ്ണ സജ്ജരാകണമെന്ന് തെരഞ്ഞെടുപ്പ് കമ്മീഷന്‍ അറിയിച്ചു. വോട്ടെടുപ്പ് ദിവസം ബുദ്ധിമുട്ടുകള്‍ ഒഴിവാക്കാന്‍ താഴെ പറയുന്ന കാര്യങ്ങള്‍ വോട്ടര്‍മാര്‍ പ്രത്യേകം ശ്രദ്ധിക്കേണ്ടതാണ്.

1.വോട്ടര്‍ പട്ടികയില്‍ പേരുണ്ടെന്ന് ഉറപ്പുവരുത്തുക