തെക്കുപടിഞ്ഞാറൻ കാലവർഷത്തിന്റെ തുടക്കത്തോടെ പ്രജനനത്തിനായി പുഴകളിൽ നിന്നും തോടുകളിലേക്കും പാടശേഖരങ്ങളിലേക്കും ഒഴുക്കിനെതിരെ സഞ്ചരിക്കുന്ന നാടൻ മത്സ്യങ്ങളെ ലക്ഷ്യമിട്ട് നടക്കുന്ന അനധികൃത മത്സ്യബന്ധനത്തിനെതിരെ ഫിഷറീസ് വകുപ്പ് ശക്തമായ നടപടികളുമായി രംഗത്ത്.          "ഊത്തകയറ്റം" എന്നറിയപ്പെടുന്ന ഈ പ്രജനനകാല സഞ്ചാരത്തിനിടെ വയർ നിറയെ മുട്ടകളുമായി എത്തുന്ന മത്സ്യങ്ങളെയും ചെറുമത്സ്യങ്ങളെയും പിടിക്കുന്നത് മത്സ്യസമ്പത്തിന്റെ നിലനിൽപ്പിന് ഗുരുതര ഭീഷണിയാണെന്ന് ഫിഷറീസ് വകുപ്പ് അറിയിച്ചു.

ഇടുക്കി ജില്ലയിലെ പ്രെം മിനിസ്റ്റേഴ്സ് നാഷണല്‍ അപ്രന്റിസ്ഷിപ്പ് മേള ജൂണ്‍ 11ന്

ഇടുക്കി ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെയും തൊടുപുഴ ന്യൂമാന്‍ കോളേജിന്റെയും ആഭിമുഖ്യത്തില്‍ തൊടുപുഴ ന്യൂമാന്‍ കോളേജില്‍ ജൂണ്‍ 13 ന് രാവിലെ 9 മുതല്‍ സൗജന്യ ജോബ് ഫെയര്‍ നിയുക്തി 2026 സംഘടിപ്പിക്കുന്നു. ലുലു ഗ്രൂപ്പ് ഇന്ത്യയുടെ സെയില്‍സ് അസോസിയേറ്റ്, കാഷ്യര്‍, ഡ്രൈവര്‍ (എല്‍എംവി/എച്ച്എംവി), സൂപ്പര്‍വൈസര്‍ (റീറ്റെയ്ല്‍), ഹെല്‍പ്പര്‍, കമ്മിസ്/ഡിസിഡിപി/സിഡിപി, ഫിഷ് മോംഗര്‍/അസിസ്റ്റന്റ് ഫിഷ് മോംഗര്‍, ബുച്ചര്‍/അസിസ്റ്റന്റ് ബുച്ചര്‍, മെയ്ന്റനന്‍സ് ടെക്‌നീഷ്യന്‍ എന്നീ തസ്തികളി ലേക്കാണ് ജോബ് ഫെയര്‍ നടക്കുന്നത്.

മത്സ്യകൃഷി പ്രോത്സാഹന പദ്ധതിയുടെ ഭാഗമായി സംസ്ഥാനതലത്തില്‍ മികച്ച കര്‍ഷകര്‍ക്ക് മത്സ്യവകുപ്പ് അവാര്‍ഡ് നല്‍കുന്നതിന് അപേക്ഷ ക്ഷണിച്ചു. ശുദ്ധജല മത്സ്യകര്‍ഷകര്‍, നൂതന മത്സ്യകൃഷി നടപ്പാക്കുന്ന കര്‍ഷകര്‍, അലങ്കാര മത്സ്യ റിയറിംഗ് യൂണിറ്റ് നടത്തുന്ന കര്‍ഷകര്‍, പിന്നാമ്പുറങ്ങളിലെ മത്സ്യവിത്ത് ഉത്പാദന യൂണിറ്റ് നടത്തുന്ന കര്‍ഷകര്‍, ഇന്നവേറ്റീവ് അക്വാകള്‍ച്ചര്‍ യൂണിറ്റ്, തദ്ദേശ സ്വയംഭരണ സ്ഥാപനങ്ങള്‍ എന്നീ വിഭാഗങ്ങളില്‍ അപേക്ഷ നല്‍കാം.

വാഴവര നഗര പ്രാഥമികാരോഗ്യ കേന്ദ്രത്തിലേക്ക് ആവശ്യമായ ലബോറട്ടറി റീഏജന്റുകള്‍ വിതരണം ചെയ്യുന്നതിനായി ടെണ്ടറുകള്‍ ക്ഷണിച്ചു. പൂരിപ്പിച്ച ടെണ്ടര്‍ ഫോമുകള്‍ ജൂണ്‍ 24ന് ഉച്ചയ്ക്ക് 12 മണിക്ക് മുമ്പായി സമര്‍പ്പിക്കണം. ലഭിച്ച ടെണ്ടറുകള്‍ അന്നേ ദിവസം ഉച്ചയ്ക്ക് 2 മണിക്ക് തുറക്കും. കൂടുതല്‍ വിവരങ്ങള്‍ വാഴവര നഗര പ്രാഥമികാരോഗ്യ കേന്ദ്രം,  ഓഫീസില്‍ നിന്നും പ്രവൃത്തി ദിവസങ്ങളില്‍ ലഭിക്കും.

സംസ്ഥാന ന്യൂനപക്ഷ കമ്മീഷന്‍ ഇടുക്കി സിറ്റിംഗ് ജൂണ്‍ 11 വ്യാഴാഴ്ച രാവിലെ 10.30 മുതല്‍ തൊടുപുഴ പിഡബ്ല്യുഡി റസ്റ്റ് ഹൗസ് കോണ്‍ഫറന്‍സ് ഹാളില്‍ നടക്കും. കമ്മീഷന്‍ അംഗം പി. റോസ ഹര്‍ജികള്‍ പരിഗണിക്കും. സിറ്റിംഗില്‍ നിലവിലുള്ള പരാതികള്‍ പരിഗണിക്കുന്നതോടൊപ്പം പുതിയ പരാതികളും സ്വീകരിക്കും. സംസ്ഥാനത്തെ ന്യൂനപക്ഷ വിഭാഗങ്ങളായ മുസ്ലിം, ക്രിസ്ത്യന്‍, ബുദ്ധ, സിഖ്, ജൈന, പാഴ്‌സി വിഭാഗങ്ങളില്‍പ്പെട്ടവര്‍ക്ക് പരാതികള്‍ക്ക് പരിഹാരം കാണാന്‍ കമ്മീഷനെ സമീപിക്കാം.

കൊല്ലം ഇന്‍ഡസ്ട്രിയല്‍ ട്രൈബ്യൂണല്‍ സുനിത വിമല്‍ ജൂണ്‍ 20, 27 തീയതികളില്‍ പീരുമേട് ഇന്‍ഡസ്ട്രിയല്‍ ട്രൈബ്യൂണല്‍ ഓഫീസിലും 30ന് തൊടുപുഴ കോടതി കോംപ്ലക്‌സിലും മറ്റ് പ്രവൃത്തിദിനങ്ങളില്‍ ആസ്ഥാനത്തും തൊഴില്‍തര്‍ക്ക കേസുകളും എംപ്ലോയീസ് കോമ്പന്‍സേഷന്‍ കേസുകളും വിചാരണ നടത്തും. കൂടുതല്‍ വിവരങ്ങള്‍ക്ക് ഫോണ്‍: 0474 2792892
 

ചിന്നക്കനാലിൽ കാട്ടാന ആക്രമണത്തിൽ മരണപ്പെട്ട മാരിയുടെ മക്കളുടെ സംരക്ഷണം വനം വകുപ്പ് ഏറ്റെടുക്കുമെന്ന് വനം- വന്യജീവി വകുപ്പ് മന്ത്രി ഷിബു ബേബി ജോൺ.

ഫെബ്രുവരി 2026 വിജ്ഞാപന പ്രകാരം ജൂൺ 27, 28 തീയതികളിലായി നടത്തുവാൻ നിശ്ചയിച്ചിരുന്ന സ്പെഷ്യൽ കെ-ടെറ്റ് പരീക്ഷ ജൂലൈ 11, 12 തീയതികളിലേക്ക് മാറ്റി വച്ചു.

വട്ടിയൂർക്കാവ് സെൻട്രൽ പോളിടെക്‌നിക് കോളേജിന് കീഴിൽ പ്രവർത്തിക്കുന്ന വൊക്കേഷണൽ ട്രെയിനിംഗ് സെൻററിൽ ഒരു വർഷം ദൈർഘ്യമുള്ള കെ.ജി.റ്റി.ഇ പ്രിൻറിംഗ് ടെക്‌നോളജി (പാർട്ട് ടൈം) പ്രസ്സ് വർക്ക്, പോസ്റ്റ് പ്രസ്സ് ഓപ്പറേഷൻ ആൻഡ് ഫിനിഷിംഗ് എന്നീ കോഴ്‌സുകളിലേയ്ക്ക് അപേക്ഷ ക്ഷണിച്ചു.