കേരളത്തിലെ ഭിന്നശേഷി മേഖലയിലെ കലാ, കായിക, സൃഷ്ടിപരമായ കഴിവുകൾ പ്രോത്സാഹിപ്പിക്കുന്നതിനായി സംസ്ഥാന സാമൂഹ്യനീതി വകുപ്പ് സംഘടിപ്പിക്കുന്ന സംസ്ഥാനതല ഭിന്നശേഷി സർഗോത്സവമായ ‘സവിശേഷ – കാർണിവൽ ഓഫ് ഡിഫറന്റ് ജനുവരി 19 മുതൽ 21 വരെ തിരുവനന്തപുരത്ത് നടക്കും.

കായിക രംഗത്ത് മികവ് തെളിയിച്ച പ്രതിഭകളാണ് സവിശേഷ സ്പോർട്സിൽ പങ്കെടുക്കുക. കഴിഞ്ഞ 15 വർഷത്തിനിടെ സംസ്ഥാന സർക്കാർ സംഘടിപ്പിച്ച ഭിന്നശേഷി സ്പോർട്സ് ഇനത്തിൽ ജില്ലയിൽ അദ്യ മൂന്ന് സ്ഥാനങ്ങൾ നേടിയവർ, സംസ്ഥാനതല മത്സരത്തിൽ പങ്കെടുത്തവർ, ദേശീയ അന്തർദേശീയ തലത്തിൽ പങ്കെടുത്തവർ എന്നിവർക്ക് രജിസ്റ്റർ ചെയ്യാവുന്നതാണ്.

കുന്നോത്ത്പറമ്പ്  പഞ്ചായത്തിലെ പുത്തൂർ ചെമ്മരോട്ട് പാലം പുനർ നിർമ്മാണത്തിന്റെ പ്രാരംഭ പ്രവർത്തനങ്ങൾക്ക് തുടക്കം. നിർദ്ദിഷ്ട പദ്ധതി പ്രദേശത്തെ മണ്ണ് പരിശോധനയാണ് ആരംഭിച്ചത്. കണ്ണൂർ എഞ്ചിനിയറിംഗ് കോളേജ് പ്രൊഫ. ഡോ.വന്ദന ശ്രീധരൻ്റെ നേതൃത്വത്തിലാണ്
മണ്ണ് പരിശോധന. കെ.പി മോഹനൻ എം.എൽ.എ സ്ഥലത്തെത്തി ആവശ്യമായ നിർദ്ദേശങ്ങളും നൽകി. 

കണ്ണൂർ മൃഗസംരക്ഷണ പരിശീലന കേന്ദ്രത്തിൽ നിന്നും 32 ലൈവ് സ്റ്റോക്ക് ഇൻസ്‌പെക്ടർമാർ വിജയകരമായി പരിശീലനം പൂർത്തിയാക്കി. പാസ്സിംഗ് ഔട്ട്‌ സെറിമണി രജിസ്ട്രേഷൻ മ്യൂസിയം പുരാവസ്തു പുരാരേഖ  വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്തു. ലൈവ് സ്റ്റോക്ക് ഇൻസ്‌പെക്ടർമാരുടെ  107-ാം ബാച്ചിലെ 32 പേർക്ക് സർട്ടിഫിക്കറ്റും വിതരണം ചെയ്തു. മൃഗസംരക്ഷണ പരിശീലന കേന്ദ്രത്തിൽ നടന്ന പരിപാടിയിൽ പ്രിൻസിപ്പൽ ട്രെയിനിംഗ് ഓഫീസർ ഡോ. ഒ.എ അജിത അധ്യക്ഷയായി. മൃഗ സംരക്ഷണ വകുപ്പ് ഡയറക്ടർ ഡോ. കെ സിന്ധു മുഖ്യപ്രഭാഷണം നടത്തി. 

സംസ്ഥാനത്തെ ആദ്യത്തെ സിഗ്നേച്ചർ മാർട്ട് തലശ്ശേരിയിൽ ഉദ്ഘാടനം ചെയ്തു

വിമുക്തഭടന്മാര്‍, വീര്‍ നാരികള്‍, അവരുടെ ആശ്രിതര്‍ എന്നിവരുടെ പെന്‍ഷന്‍ സംബന്ധമായതും അല്ലാത്തതുമായ പ്രശ്നപരിഹാരത്തിനായി മെക്കനയിസ്ഡ് ഇന്‍ഫെന്ററി റെജിമെന്റ് നിരന്തര്‍ മിലാപ് 1.0 എന്ന പേരില്‍ ലഫ്റ്റനന്റ് ജനറല്‍ വി എസ് സെഖാവത്തിന്റെ ഗൈഡലന്‍സില്‍ ഔട്ട്റിച്ച് പ്രോഗ്രാം സംഘടിപ്പിക്കുന്നു. ജനുവരി 13 ന് കണ്ണൂര്‍ ഡി.എസ്.സി സെന്ററില്‍ നടക്കുന്ന പരിപാടിയില്‍ ആര്‍മി, എയര്‍ഫോര്‍സ്, നേവിയില്‍ നിന്നുള്ള എല്ലാ വിമുക്തഭടന്മാര്‍ക്കും പങ്കെടുക്കാം. ഫോണ്‍: 0497 2700069

വളപട്ടണം-ചെറുതാഴം റോഡിൻ്റെ ബി.സി. ഓവർലേ പ്രവൃത്തികൾ നടക്കുന്നതിനാൽ ജനുവരി 12 മുതൽ 17 വരെ ഒരാഴ്ചക്കാലം പഴയങ്ങാടിയിൽ നിന്നും വരുന്ന വാഹനങ്ങൾ എരിപുരം-കുപ്പം റോഡ് വഴി പയ്യന്നൂർ ഭാഗത്തേക്കും, പയ്യന്നൂർ ഭാഗത്തുനിന്നും വരുന്ന വാഹനങ്ങൾ തളിപ്പറമ്പ് ഹൈവേ വന്നിട്ട് തളിപ്പറമ്പിൽ പോയി പഴയങ്ങാടി ഭാഗത്തേക്കും പോകണം എന്ന് പൊതുമരാമത്ത് വകുപ്പ് എക്സിക്യൂട്ടീവ് എൻജിനീയർ അറിയിച്ചു.
 

ജില്ലയിലെ മുഴുവൻ പത്താം ക്ലാസ് വിദ്യാർഥികൾക്കുമായി കേരള ഇൻഫ്രാസ്ട്രക്ചർ ആൻഡ് ടെക്നോളജി ഫോർ എഡ്യൂക്കേഷൻ (കൈറ്റ് ) ജനുവരി 15 നകം  റോബോട്ടിക്സ് പരിശീലനം നൽകും. പത്താം ക്ലാസിലെ പുതുക്കിയ ഐ.ടി പാഠപുസ്തകത്തിൽ ഉൾപ്പെടുത്തിയിട്ടുള്ള റോബോട്ടിക്സ് പാഠഭാഗങ്ങൾ പ്രായോഗികമായി പഠിക്കാനും ഈ വർഷത്തെ എസ്എസ്എൽസി പരീക്ഷയ്ക്ക് തയ്യാറെടുക്കാനും  കുട്ടികൾക്ക് അധിക പിന്തുണ എന്ന നിലയിലാണ് ലിറ്റിൽ കൈറ്റ്സ്‌ ഐടി ക്ലബുകളുടെ  നേതൃത്വത്തിൽ പരിശീലനം നടത്തുന്നത്.

ജില്ലാ പഞ്ചായത്തിന്റെയും സംസ്ഥാന യുവജന ക്ഷേമബോർഡിന്റെയും നേതൃത്വത്തിൽ ജനുവരി 25,26 തീയതികളിൽ പെരളശ്ശേരി ഗവ. ഹയർ സെക്കൻഡറി സ്കൂളിൽ നടക്കുന്ന കേരളോത്സവത്തിന്റെ സംഘാടക സമിതി രൂപീകരിച്ചു. പെരളശ്ശേരി ഗവ. ഹയർ സെക്കൻഡറി സ്കൂളിൽ നടന്ന സംഘാടക സമിതി രൂപീകരണ യോഗം ജില്ലാ പഞ്ചായത്ത്‌ പ്രസിഡന്റ്‌ അഡ്വ. ബിനോയ്‌ കുര്യൻ ഉദ്ഘാടനം ചെയ്തു. പെരളശ്ശേരി ഗ്രാമപഞ്ചായത്ത്‌ പ്രസിഡന്റ്‌ ടി സുനീഷ് അധ്യക്ഷനായി. യുവജനക്ഷേമ ബോർഡ് വൈസ് ചെയർമാൻ വി.കെ സനോജ് മുഖ്യാതിഥിയായി. ജില്ലാ പ്രോഗ്രാം ഓഫീസർ കെ പ്രസീത പാനൽ അവതരണവും പദ്ധതി വിശദീകരണവും നടത്തി.

പ്രാഥമിക മത്സരങ്ങൾ രാവിലെ 11ന് ആരംഭിക്കും