തിരുവനന്തപുരം വികസന അതോറിറ്റിയില്‍ യു.ഡി.സി തസ്തികയില്‍ ഡെപ്യൂട്ടേഷന്‍ വ്യവസ്ഥയില്‍ നിയമിക്കുന്നു. നിലവില്‍ സമാന തസ്തികകളില്‍ ജോലി ചെയ്യുന്നവര്‍ ബയോഡാറ്റയും മാതൃ സ്ഥാപനത്തിന്റെ എന്‍.ഒ.സി.യും സഹിതം കെ.എസ്.ആര്‍ പാര്‍ട്ട് (1) റൂള്‍ നമ്പര്‍ 144 പ്രകാരം നിശ്ചിത ഫോറത്തിലുള്ള അപേക്ഷകള്‍ ആഗസ്റ്റ് 18 ന് വൈകിട്ട് മൂന്നിനകം സെക്രട്ടറി, തിരുവനന്തപുരം വികസന അതോറിറ്റി, ജയ മാന്‍ഷന്‍, വഴുതക്കാട്, ശാസ്തമംഗലം പി.ഒ, തിരുവനന്തപുരം എന്ന വിലാസത്തില്‍ ലഭ്യമാക്കണം. ഒരു ഒഴിവാണുള്ളത്. ഫോണ്‍ : 0471 - 2722748, 2722238. ഇ-മെയില്‍ tridasecretary@gmail.com.

പി.എന്‍.എക്‌സ്.3371/17

വിദ്യാഭ്യാസ വായ്പാ തിരിച്ചടവ് സഹായ പദ്ധതിയുടെ വെബ്‌പോര്‍ട്ടല്‍ ഉദ്ഘാടനവും അപേക്ഷകളുടെ ഓണ്‍ലൈന്‍ സമര്‍പ്പണവും ഇന്ന് (ആഗസ്റ്റ് നാല്) നിര്‍വഹിക്കും. ആരോഗ്യ-സാമൂഹ്യനീതി മന്ത്രി കെ.കെ. ശൈലജ ടീച്ചര്‍, ധനകാര്യമന്ത്രി ഡോ. ടി.എം. തോമസ് ഐസക്, വിദ്യാഭ്യാസമന്ത്രി പ്രൊഫ. സി. രവീന്ദ്രനാഥ് എന്നിവരുടെ സാന്നിധ്യത്തില്‍ നടക്കുന്ന ചടങ്ങില്‍ ഗുണഭോക്താക്കളായ കുട്ടികളാണ് ഉദ്ഘാടനം നിര്‍വഹിക്കുന്നത്. ഉച്ചയ്ക്ക് രണ്ടിന് തൈക്കാട് ഗവ. ഗസ്റ്റ് ഹൗസിലെ ബാങ്ക്വറ്റ് ഹാളിലാണ് ചടങ്ങ്.

ഭരണപരിഷ്‌കാര കമ്മീഷന്റെ വിജിലന്‍സ് പരിഷ്‌കരണത്തെ സംബന്ധിച്ച ആദ്യ റിപ്പോര്‍ട്ട് കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ മുഖ്യമന്ത്രി പിണറായി വിജയന് കൈമാറി. നിയമസഭയിലെ മുഖ്യമന്ത്രിയുടെ ചേംബറില്‍ കമ്മീഷന്‍ അംഗം സി.പി.നായരുടെയും മെമ്പര്‍ സെക്രട്ടറി ശ്രീമതി ഷീല തോമസിന്റെയും സാന്നിദ്ധ്യത്തിലാണ് റിപ്പോര്‍ട്ട് സമര്‍പ്പിച്ചത്.

സ്‌കോള്‍-കേരള മുഖേന നടത്തുന്ന പി.എസ്.സി അംഗീകാരമുള്ള ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സ് (ഡി.സി.എ) പുതുതായി പഠനകേന്ദ്രം ആരംഭിക്കാന്‍ താത്പര്യമുള്ള സംസ്ഥാനത്തെ സര്‍ക്കാര്‍/എയ്ഡഡ് ഹയര്‍സെക്കന്‍ഡറി/വൊക്കേഷന്‍ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍മാരില്‍ നിന്നും അപേക്ഷ ക്ഷണിച്ചു. അപേക്ഷാഫോറവും മാര്‍ഗ നിര്‍ദ്ദേശങ്ങളും www.scolekerala.org -ല്‍ പ്രസിദ്ധീകരിച്ചു. അപേക്ഷകള്‍ ആഗസ്റ്റ് 26 ന് വൈകുന്നേരം അഞ്ച് മണിക്ക് മുമ്പ് സ്‌കോള്‍-കേരള സംസ്ഥാന കാര്യാലയത്തില്‍ ലഭ്യമാകത്തക്ക രീതിയില്‍ നേരിട്ടോ, സ്പീഡ്/രജിസ്റ്റേഡ് തപാല്‍ മാര്‍ഗമോ സമര്‍പ്പിക്കണം.

ജലലഭ്യതയുള്ള സ്ഥലങ്ങളില്‍ നിന്ന് പൈപ്പുകള്‍ ബന്ധിപ്പിച്ച് ജലദൗര്‍ലഭ്യമുള്ളയിടങ്ങളിലേക്ക് വെള്ളം എത്തിക്കുന്ന പദ്ധതികള്‍ പരിഗണിക്കാന്‍ ജലവിഭവ മന്ത്രി മാത്യു ടി. തോമസ് ഉദ്യോഗസ്ഥര്‍ക്ക് നിര്‍ദ്ദേശം നല്‍കി. അതേസമയം ഇത്തരം പദ്ധതികള്‍ നടപ്പാക്കുമ്പോള്‍ ജലമുള്ള സ്ഥലത്ത് ദൗര്‍ലഭ്യം ഉണ്ടാകാതിരിക്കാന്‍ ശ്രദ്ധിക്കുകയും വേണം. കാലവര്‍ഷത്തില്‍ സംസ്ഥാനത്ത് പ്രതീക്ഷിച്ച മഴ ലഭിക്കാത്തതിനാല്‍ സ്ഥിതിഗതികള്‍ വിലയിരുത്തുന്നതിനായി വാട്ടര്‍ അതോറിറ്റി, ജലസേചന വകുപ്പ്, ഭൂജല വകുപ്പ്, ജലനിധി ഉദ്യോഗസ്ഥരുമായി മന്ത്രി വീഡിയോ കോണ്‍ഫറന്‍സിലൂടെ നടത്തിയ ചര്‍ച്ചയിലാണ് നിര്‍ദ്ദേശം.

കേന്ദ്ര അര്‍ദ്ധ സര്‍ക്കാര്‍ സ്ഥാപനത്തില്‍ ലബോറട്ടറി അസിസ്റ്റന്റ് തസ്തികയില്‍ പട്ടിക വര്‍ഗത്തില്‍പ്പെട്ട ഭിന്നശേഷിക്കാരായ ഉദ്യോഗാര്‍ത്ഥികള്‍ക്കു സംവരണം ചെയ്ത സ്ഥിരം ഒഴിവുണ്ട്. പ്ലസ് ടു അല്ലെങ്കില്‍ തത്തുല്യവും രണ്ടു വര്‍ഷത്തെ മെഡിക്കല്‍ ലബോറട്ടറി ടെക്‌നോളജി ഡിപ്ലോമയും മെഡിക്കല്‍ ലബോറട്ടറി ടെക്‌നീഷ്യനായി രണ്ടു വര്‍ഷത്തെ പ്രവൃത്തി പരിചയവും വേണം. പ്രായം 2017 മെയ് ഒന്നിന് 18നും 25നും മദ്ധ്യേ. (നിയമാനുസൃത വയസിളവ് ബാധകം). താത്പര്യമുളള ഉദ്യോഗാര്‍ത്ഥികള്‍ അസല്‍ സര്‍ട്ടിഫിക്കറ്റുകളുമായി 23ന് മുമ്പ് ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചില്‍ ഹാജരാകണം.

പൊതുമരാമത്ത് വകുപ്പില്‍ നേരിട്ടുളള നിയമനത്തിലൂടെയും സ്ഥാനക്കയറ്റത്തിലൂടെയും നിയമിതരായ അസിസ്റ്റന്റ് എന്‍ജിനീയര്‍മാരുടെ 2012 ജനുവരി ഒന്ന് മുതല്‍ 2016 ഡിസംബര്‍ 31 വരെയുളള താത്കാലിക സീനിയോറിറ്റി ലിസ്റ്റ് www.keralapwd.gov.in ല്‍ പ്രസിദ്ധീകരിച്ചു. പരാതികള്‍ ഉണ്ടെങ്കില്‍ ആവശ്യമായ രേഖകള്‍ സഹിതം ലിസ്റ്റ് പ്രസിദ്ധീകരിച്ച തീയതി മുതല്‍ ഒരു മാസത്തിനുളളില്‍ നിര്‍ദ്ദിഷ്ട അപ്പീല്‍ ഫോറത്തില്‍ ഭരണവിഭാഗം ചീഫ് എന്‍ജിനീയറുടെ കാര്യാലയത്തില്‍ സമര്‍പ്പിക്കണമെന്ന് ചീഫ് എന്‍ജിനീയര്‍ അറിയിച്ചു.

പി.എന്‍.എക്‌സ്.3636/17

സിഡാക്കിന്റെ കീഴിലുളള ഇ.ആര്‍. ആന്റ് ഡി.സി ഐ ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ എം.ടെക് വാക് ഇന്‍ അഡ്മിഷന്‍ ആരംഭിച്ചു. ഇലക്‌ട്രോണിക്‌സില്‍ വി.എല്‍.എസ്. ഐ ആന്റ് എംബഡഡ് സിസ്റ്റംസ്, കമ്പ്യൂട്ടര്‍ സയന്‍സില്‍ സൈബര്‍ ഫോറന്‍സിക്‌സ് ആന്റ് ഇന്‍ഫര്‍മേഷന്‍ സെക്യൂരിറ്റി എന്നീ വിഷയങ്ങളിലാണ് എം.ടെക് കോഴ്‌സുകള്‍. വിദ്യാര്‍ത്ഥികളില്‍ മികച്ച നിലവാരം പുലര്‍ത്തുന്നവര്‍ക്ക് സിഡാക്കിലെ പ്രോജെക്ടുകളില്‍ പ്രവര്‍ത്തിക്കാനും പഠന ശേഷം രണ്ടു വര്‍ഷം വരെ സ്റ്റൈപ്പന്റോടെ ഇന്‍ന്റേണ്‍ഷിപ്പിനും അവസരം ലഭിക്കും. കൂടുതല്‍ വിവരങ്ങള്‍ക്ക് erdciit.ac.in. ഫോണ്‍: 0471 2723333, 250, 295.

പ്രാഥമികാരോഗ്യ കേന്ദ്രങ്ങള്‍ കുടുംബാരോഗ്യ കേന്ദ്രങ്ങളാക്കുന്ന പദ്ധതിയുടെ സംസ്ഥാനതല ഉദ്ഘാടനം മുഖ്യമന്ത്രി നിര്‍വഹിച്ചു

കര്‍ഷകനൊപ്പം പാടത്തേക്കിറങ്ങുന്ന കാര്‍ഷിക സര്‍വകലാശാലകളാണ് കേരളത്തില്‍ വളര്‍ന്നു വരേണ്ടതെന്ന് സ്പീക്കര്‍ പി. ശ്രീരാമകൃഷ്ണന്‍ പറഞ്ഞു. നിയമസഭാ മെമ്പേഴ്‌സ് ലോഞ്ചില്‍ കാര്‍ഷിക വികസന കര്‍ഷക ക്ഷേമ വകുപ്പും തിരുവനന്തപുരം നഗരസഭയും സംയുക്തമായി സംഘടിപ്പിച്ച കര്‍ഷക ദിനാചരണം ഉദ്ഘാടനം ചെയ്യുകയായിരുന്നു അദ്ദേഹം. നമ്മുടെ കാര്‍ഷിക സംസ്‌കാരം തിരികെ കൊണ്ടുവരാനുള്ള യജ്ഞത്തിലാണ് സംസ്ഥാന സര്‍ക്കാരും കൃഷി വകുപ്പും. കാര്‍ഷിക സംസ്‌കാരത്തിനുപരിയായി ഒരു ജീവനോപാധിയായി മാറിയെങ്കില്‍ മാത്രമേ കൃഷി നിലനില്‍ക്കുകയുള്ളൂ. നമ്മുടെ വിളകള്‍ക്ക് അനുസരിച്ച് മൂല്യവര്‍ദ്ധിത വ്യവസായങ്ങള്‍ക്കുള്ള പദ്ധതികള്‍ ഉണ്ടാവേണ്ടതുണ്ട്.