ഇരുപത്തിരണ്ടാമത് അന്താരാഷ്ട്ര ചലച്ചിത്ര മേള  ഡിസംബര്‍ എട്ടു മുതല്‍ 15 വരെ തിരുവനന്തപുരത്ത് നടക്കുമെന്ന് ചലച്ചിത്ര അക്കാദമി ചെയര്‍മാന്‍ കമല്‍ വാര്‍ത്താ സമ്മേളനത്തില്‍ അറിയിച്ചു.  ഡിസംബര്‍ എട്ടിന് വൈകിട്ട് നിശാഗന്ധിയില്‍ സാംസ്‌കാരിക മന്ത്രി എ.കെ. ബാലന്റെ അധ്യക്ഷതയില്‍ നടക്കുന്ന ചടങ്ങില്‍ മുഖ്യമന്ത്രി പിണറായി വിജയന്‍ മേള ഉദ്ഘാടനം ചെയ്യും.  പ്രശസ്ത ബംഗാളി നടി മാധവി മുഖര്‍ജി മുഖ്യാതിഥിയായിരിക്കും.

കൊച്ചി: സമഗ്ര ആരോഗ്യ ഇന്‍ഷുറന്‍സ് പദ്ധതി (ഞടആഥ)-ല്‍ നിലവില്‍             അംഗമല്ലാത്ത മത്സ്യത്തൊഴിലാളികള്‍ക്ക് പദ്ധതിയില്‍ ചേരുന്നതിനായി           എറണാകുളം ഫിഷറീസ്  ഡെപ്യൂട്ടി ഡയറക്ടര്‍ (മേഖല) ഓഫീസില്‍,          മത്സ്യത്തൊഴിലാളി ക്ഷേമനിധി പാസ്ബുക്ക്, റേഷന്‍കാര്‍ഡ്, ആധാര്‍ കാര്‍ഡ് എന്നിവ സഹിതം എത്തിച്ചേരേണ്ടതാണ്.   

വിശദ വിവരങ്ങള്‍ ഓഫീസ് പ്രവര്‍ത്തി സമയങ്ങളില്‍ 0484-2394476 എന്ന ഫോണ്‍ നമ്പറില്‍ ലഭ്യമാകുന്നതാണ്.

കൊച്ചി: ഫിഷറീസ് വകുപ്പിന്റെ   ആഭിമുഖ്യത്തില്‍ മത്സ്യത്തൊഴിലാളികള്‍ക്കുളള ആറ് ദിന പരിശീലന പരിപാടിയിലേക്ക് അപേക്ഷ ക്ഷണിച്ചു. ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുളള 10-ാം ക്ലാസ് പാസായ 20 നും 45 നും മധ്യേ പ്രായമുളള മത്സ്യത്തൊഴിലാളികള്‍ക്ക് വിവിധ മത്സ്യബന്ധന രീതികള്‍, മത്സ്യബന്ധന ഉപകരണങ്ങള്‍, സുരക്ഷാ ഉപകരണങ്ങള്‍, നാവിഗേഷന്‍ ആന്റ് സീമെന്‍ഷിപ്പ് വിഷയങ്ങളില്‍ ഫിഷറീസ് വകുപ്പിന്റെ കീഴിലുളള പരിശീലന കേന്ദ്രത്തിലും കേന്ദ്ര ഗവ: സ്ഥാപനങ്ങളിലുമായി പരിശീലനം നല്‍കുന്നു.

കൊച്ചി: എറണാകുളം ജില്ലയിലെ ഒരു സംസ്ഥാന സര്‍ക്കാര്‍ സ്ഥാപനത്തില്‍ എല്‍.ഡി.ടൈപ്പിസ്റ്റ് തസ്തികയില്‍ കാഴ്ച്ച വൈകല്യമുള്ളവര്‍ക്കായി സംവരണം ചെയ്ത ഒരു താത്കാലിക ഒഴിവ് നിലവിലുണ്ട്.  

യോഗ്യത : എസ്.എസ്.എല്‍.സി., ടൈപ്പ്‌റൈറ്റിംഗ്  ഇംഗ്ലീഷ് (ലോവര്‍), ടൈപ്പ്‌റൈറ്റിംഗ് മലയാളം (ലോവര്‍), കമ്പ്യൂട്ടര്‍ വേര്‍ഡ് പ്രോസസ്സിംഗ് (ലോവര്‍)

കൊച്ചി: സാക്ഷരതാ മിഷന്റെ കീഴില്‍ പഠനം നിലച്ചു പോയ നാലാം ക്ലാസില്‍ താഴെ വിദ്യാഭ്യാസം ഉളളവര്‍ക്കും ഏഴാം ക്ലാസില്‍ താഴെ വിദ്യാഭ്യാസം ഉളളവര്‍ക്കും മലയാളം, ഇംഗ്ലീഷ്, ഹിന്ദി എന്നീ ഭാഷകള്‍ എഴുതാനും വായിക്കാനും അറിയാത്തവര്‍ക്കും തുടര്‍പഠനത്തിന് അപേക്ഷിക്കാം. കൂടുതല്‍ വിവരങ്ങള്‍ക്ക് ഫോണ്‍ 9946820950.

കൊച്ചി: തയ്യല്‍തൊഴിലാളി ക്ഷേമനിധിബോര്‍ഡില്‍ നിന്നും പെന്‍ഷന്‍ വാങ്ങുന്നവര്‍ ആധാര്‍ കാര്‍ഡിന്റെയും പെന്‍ഷന്‍ ബുക്കിന്റെയും പകര്‍പ്പുകള്‍ എറണാകുളം ജില്ലാ ഓഫീസില്‍ നവംബര്‍ 15-നുമുമ്പ് ഹാജരാക്കണം. ആധാര്‍ കാര്‍ഡ് ഇതുവരെ ഹാജരാക്കാത്തവര്‍ക്ക് അടുത്ത ക്വാര്‍ട്ടര്‍ പെന്‍ഷന്‍ ലഭിക്കില്ലെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

കൊച്ചി: എറണാകുളം ജനറല്‍ ആശുപത്രിയുടെ നേതൃത്വത്തില്‍ ഈ മാസം അഞ്ച് നേത്ര ചികിത്സാ ക്യാമ്പുകള്‍ സംഘടിപ്പിക്കും. ഇന്ന് (നവംബര്‍ 7)  പുല്ലേപ്പടി ദാറൂല്‍ ഉലുമ ഹൈസ്‌കൂള്‍, 13-ന് മരട് പി.എച്ച്.സി, 14-ന് പറവൂര്‍ എസ്.എന്‍.എച്ച്.എസ്, 18-ന് കൊട്ടുവളളിക്കാട് ഹൈസ്‌കൂള്‍, 20-ന് മുപ്പത്തടം ഹൈസ്‌കൂള്‍ എന്നിവിടങ്ങളിലാണ് ക്യാമ്പുകള്‍.

കാക്കനാട്: മലയാള സാഹിത്യത്തിന്റെ ഇന്നലെകളിലേക്കുള്ള തിരിച്ചു നടത്തമായിരുന്നു ഭരണഭാഷാ വാരാചരണത്തിന്റെ ഭാഗമായി സര്‍ക്കാര്‍ ജീവനക്കാര്‍ക്കായി ആകാശവാണിയും പബ്ലിക് റിലേഷന്‍സ് വകുപ്പും സംയുക്തമായി സംഘടിപ്പിച്ച മലയാള ഭാഷ പ്രശ്‌നോത്തരി. 

കാക്കനാട്: ഫിഫ അണ്ടര്‍ 17 ലോകകപ്പിന്റെ ഭാഗമായി കലൂര്‍ ജവഹര്‍ലാല്‍ നെഹ്‌റു അന്താരാഷ്ട്ര സ്റ്റേഡിയത്തില്‍ നിന്ന് ഒഴിപ്പിച്ച കടമുറികളുടെ താക്കോല്‍ ഇന്ന് വാടകക്കാര്‍ക്ക് കൈമാറുമെന്ന് ജില്ല കളക്ടര്‍ മുഹമ്മദ് വൈ സഫീറുള്ള അറിയിച്ചു.

നിയമപ്രകാരം ജി.സി.ഡി.എയുമായി കരാറിലേര്‍പ്പെട്ടിട്ടുള്ള വാടകക്കാര്‍ തിരിച്ചറിയല്‍ കാര്‍ഡുമായി രാവിലെ 9ന് സ്റ്റേഡിയം ഓഫീസില്‍ ഹാജരാകണം. 

കാക്കനാട്: കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗണ്‍സില്‍, ജനകീയ സമിതികളുടെ സഹകരണത്തോടെ 2017 നവംബര്‍ 07 മുതല്‍ 14 വരെ സംസ്ഥാനത്തുടനീളം ശാസ്ത്രാവബോധ വാരമായി ആചരിക്കുകയാണ്. ഇതിന്റെ ഭാഗമായി കേരളം ശാസ്ത്രത്തിനൊപ്പം എന്ന മുദ്രാവാക്യത്തിലൂന്നി സംസ്ഥാനത്തെ വിദ്യാഭ്യാസ, ശാസ്ത്ര, ഗവേഷണ സ്ഥാപനങ്ങള്‍ ജനകീയ സമിതികളുമായി ചേര്‍ന്ന് സംഘടിപ്പിക്കുന്ന